المقالات
السياسية
خط هيثرو بدون لف و دوران
خط هيثرو بدون لف و دوران
03-10-2013 01:27 PM



قرأت بمزيد من الدهشه مداخلات اولي امر سودانير بصحيفة الصحافه عن خط هيثرو و محاولاتهم البائسه تغبيش الحقائق تمهيدا لمخارجة المتهمين وهاكم الحقائق :-
اولا كابتن شيخ الدين دا عايز يداري سوءة جماعتو وكلامو دا مقصود منه التبخيس لان الخط البيتكلم عننه هو (مسار رحله) بينما خط هيثرو المقصود هو حق سودانير في الهبوط بمطار هيثرو الذي هو خط تأريخي يرجع الي ايام شركة ايرويرك مع سودانير بطائرة الفيسكاونت و الكوميت وتقلص حق الهبوط من 7 رحلات اي 7 حقوق هبوط الي 3 ثم الي 1 رغم توقف طيران سودانير لاسباب سياسيه بأعتبارها من حرس هيثو القديم ( اولد قارد كريار)مثلها مثل اير انديا وساوث افريكا ايرلاينز و بريتش اوفر سيز وبريتش ايرويز و بريتش كالدونيان.

افرزت الزياده الكبيره في عدد رحلات خطوط الطيران والتي زادت بنسبة %245 بواقع 4 طائرات في الدقيقه بين هابطه و مقلعه ادي الي تقلص ذلك الي نشوء سوق مهنيه متعارف عليها باسم الاسلوط تايم بروسيس وتم تقسيم ال 24 ساعه خلال اليوم علي عدد الطائرات بالثانيه و الدقيقه وعلي كافة الخطوط الاتزام بمواعيد الاقلاع و الهبوط مما ادي الي نشوء سوق تأجير و بيع حقوق الهبوط بملايين الدولارات

اها ناس سودانير ديل ادوهم مواعيد هبوط يوم الثلاثاء من كل اسبوع في تمام الساعهالساعه 2 و 33 دقيقه للوصول و الساعه 6 و 33 للقيام

الخط دا هو الذي تم بيعه لشركة بي ام آي البريطانيه وتم البيع يوم 30 مارس 2008 ووقع علي عقد البيع مايكل بيشوب مدير ال بي ام آي و من سودانير الشريف عمر بدر بشهادة العبيد فضل المولي و عبدالله محمد ادريس و بمباركة الوزير كمال عبداللطيف و ياسن الحاج عابدين من مجلس الاداره

كل هذه الاسماء و الوثائق المتعلقه بالصفقه يمكن الحصول عليها من وكيل البيع بواسطة استصدار امر قضائي من اي موظف قضائي بمبني الاولد بيلي في لندن مقابل دفع رسوم قدرها 30 جنيه استرليني
واسم وكيل البيع هو شركة ايبورت كواورينيشن ليمتد ومقرها مطار هيثرو


[email protected]


تعليقات 14 | إهداء 0 | زيارات 1846



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#608657 [قفة]
0.00/5 (0 صوت)

03-12-2013 02:14 PM
بعد كدة واوات جبرة حتقيف


#607971 [Amin]
5.00/5 (1 صوت)

03-11-2013 07:14 PM
لصوص



حرامية عديل كده ( البقطعوا فيها في الشرائع ألما مدغمسة)


#607651 [الدكتور المهاجر]
5.00/5 (3 صوت)

03-11-2013 01:12 PM
لله درك يا فتى وهكذا تكون الصحافة ودورها. . مش صحافة الترف الفكري المعتاد. . . ولكن ما اعتقد بعد هذه التوضيحات حيكون (الشريف مبسوط منك)


#607563 [عثمان الصالح]
5.00/5 (1 صوت)

03-11-2013 11:47 AM
أها يا جماعة بذمتكم فى أوضح من كدة ؟هسه الحكاية دى دايرة ليها لجان بالسنين وتوجيه رئاسى ثم متابعة تنفيذ التوجيه الرئاسى ثم لجنة متابعة توجيهات الرئيس.........ألخ أم أنه قتل للوقت ليس إلا؟


#607363 [سم سار]
5.00/5 (1 صوت)

03-11-2013 08:24 AM
خروج الشريف عن صمته بعد تدخل البشير واقراره بتحمل المسئولية الكاملة( كمجلس )تهرب جبان من المسئولية الفردية وعمل فاضح لتوريط من شاركوا معه( علي و علي اعدائي) .. وهو المشارك من قبل قي صفقة عارف لتشليح سودانير ( 47 % عارف + 23 % الفيحاء/ود بدر ) .


#607303 [الحقيقة]
3.00/5 (2 صوت)

03-11-2013 04:03 AM
عودة الخط فيها استحالة .. فقط اذا وافقت شركة ام بي آي علي ابتزازنا بارجاع الخط كما فعلت شركة عارف من قبل و ارجعت سودانير .. ولكن يظل المطلب باعادة كل اموال البيع مضافآ اليها كل الخسائر الناتجة عن بيع الخط باثر رجعي مع تقليظ الحكم علي كل من شارك في هذه المهزلة وزيرآ كان ام خفير حتي يصبح عظة و عبرة لكل من تسول له نفسه التلاعب في اصول الدولة .


#607193 [الفاتح]
1.00/5 (1 صوت)

03-10-2013 10:59 PM
خط هيثرو بدون لف أو دوران
خليكم متابعين يا جماعة
القضية ما تموت
ولازم تقديم المتورطين للقضاء
والله ينصرك الأستاذ الفاتح جبرا


#607100 [فيصل محمدخير]
1.00/5 (1 صوت)

03-10-2013 08:50 PM
سيدى الرئيس ثم ماذا بعد هذا التوضيح ؟؟
السيد رئيس لجنة النقل والمواصلات بالمجلس الوطنى إستنكر اليوم أن التحقيق لم ينتهى وزعلان لانو الوزير رفع التقرير للسيد الرئيس قبل اكتماله ياخى ما اكتمل وراه السطر الاول فقط فيها شنو عجزتم عن اكمال التقرير والتحقيق المفتوح الى مالا نهايه عايز تفتش ليك امور جانبيه وإستدعاء الوزير إختشى ؟؟


#607091 [قوقور بي روابة]
4.00/5 (3 صوت)

03-10-2013 08:36 PM
اها يا ريس الكلام وقع ليك و لا لسع الراجل وراكم الناس الوقعوا و كذلك الشهود و من بارك العملية و موش كدة و بس كمان وراكم كيفين تتحصلوا علي هذه الوثائق من وكيل البيع و الموجود في مطار هيثرو و بمقابل 30 جنيه إسترليني لأستصدار أمر قضائي ؟؟ دي صعبة دي يا يا أخوان؟؟ و لا عايزة درس عصر ؟؟ أظنه الفاتح جبرا عندو حق و مستين حق لما يسأل عن خط هيثرو؟؟ دا خط مكتسب منذ العام 1947 كهدية من ملكة بريطانيا للخدمات المميزة التي تتمنع بها الخطوط الجوية السودانية آنذاك ؟؟؟؟
كدة يكون الحبل إلتف حول الأعناق ، كيفين بحلحلوهادي عايزة محامي مدغمس علشان يخرجهم منها و المسألة لا ينفع فيها فقه سترة و لا يحزنون ؟؟ المسروق موجود و السارق أيضا موجود و الشهود كمان حاضرين و المستندان برضك موجودة و في الحفظ و الصون و الباقي أستصدار الحكم القضائي أنا شخصيا لا أقبل بغير أسترجاع الخط إن شاء الله أشغل فيه (( ركشة))) المهم الخد لازم يرجع ؟؟؟ و [ارباحه و بأثر رجعي كمان و لا أنا ما عندي حق؟؟؟؟


#606941 [زووووووووووووول]
4.00/5 (3 صوت)

03-10-2013 05:06 PM
لن يحاسب احد ولن يسترد مسروق في وجود الإنقاذ ولولا صراع اللصوص بعدجفاف الضرع لما سمع احد بما حدث من سرقات


#606831 [ali saleh]
5.00/5 (6 صوت)

03-10-2013 02:54 PM
والله يا عثمان حطيت النقط على الحروف. وجيت عديل زي عنوان مقالك. والداير يفتش !!!


#606807 [omer]
5.00/5 (3 صوت)

03-10-2013 02:16 PM
بعد كدا الكلام دخل الحوش ومافي تغبيش للرؤيا وبقت واضحة. نشوف كلام الريس شنو بعد ولا الكلام كله غش في دعمسة.


#606804 [Baboy]
5.00/5 (2 صوت)

03-10-2013 02:13 PM
very simple. now catch the theives


#606798 [الصاحب]
5.00/5 (4 صوت)

03-10-2013 02:05 PM
يا استاذ شيخ الدين بفتكر انو سودان اير حقتو. فى احدى الرحلات من الرياض من كذا سنة وكان مدير المحطة اسمه عزالدين اوقفوا الناس فى الترانسيت صف ولسه الطائرة لم تهبط وبدو فى وزن العفش الشايلنو الناس فى ايديهم كدة باليد واقدرو الوزن وشايلين ايصال ايى كلام والله العظيم دفعو الناس انا شخصياً رفضت حتى الوقوف فى الصف وبدأت فى تحريض الناس بعدم الوقوف فى الصف .المصيبةالكبرى عندما دخلنا الطيارة مضيفتين وقفات فى الممرات وخلفهن شبكة لفص المقاعد الخلفية اذيد من 5 صفوف ملانة شنط واكياس كبيرة من التيل الابيض بالعربى شاحنين معانا عفش داخل الطايرة. المهم بعد رجوعى من الاجازة حكيت القصة لاحد موظفى الخطوط بالسعودية قال لى ده كان عفش كابتن شيخ الدين والله على ما اقول شهيد.
.


ردود على الصاحب
United States [ابو الكجص] 03-10-2013 04:04 PM
الصاحب كلامك دا صحيح وقد كانت الطائرة التي تأتي إلى مطار نيروبي كان يطلق عليها عاملوا سودانير في تلك المحطة طيارة كابتن شيخ الدين لأنو كان بستغلها لمصالحه الذاتية. هؤلاء الكيزان إستباحوا مؤسسات الدولة وبالذات الريعية منها منذ وقت مبكر ولم ولن يشبعوا.


عثمان عبد الحميد
مساحة اعلانية

تقييم
10.00/10 (5 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة