المقالات
السياسية
من وحي قاموس الانقاذ
من وحي قاموس الانقاذ
03-10-2013 02:43 PM

ماهٌنت يا سوداننا يوماً علينا
تعقيبات : من قاموس المؤتمر الوطني ( من وحي قاموس الانقاذ )
وزير المالية ( من المريخ ) يصرح على الملأ و أمام المجلس الوطني ، أنا بقول ليكم يا جماعة أنو البلد دي ما في أي غلاء خالص ، مقارنة مع الدول الحولنــــا ، بفم مليان بقدر أقول ليكم البلد دي أبو الرخاء عديل كدا
وزير الدفاع (من شين كاف) بعد ضرب مصنع اليرموك والبحر الأحمر... وكل النكات التي مرت بالجيش السوداني ، في تصريح بقول اطمئنوا ، أي شي تحت السيطرة وشايفنوا ما تقلقلوا
وزير الداخلية ( من السواري للسٌراي بس بدون قيام الليل ، متين أكون في البوادي درع) – بعد مقتل الشهيدة عوضية عجبنا وتقديم تقرير الداخلية لرئيس الجمهورية ، أطمئن سعادتك يا رئيس المعتقلين كلهم مبسوطين والمساجين العاديين برسلوا ليك أصدق التهاني
وزراء الصحة ومؤسساتها وفروعها ( ديل مرضونا وأذونا وقطعوا كلانا – علي لسان الوزير التاجر : المسكين والغلبان نعمل ليه شنو الله يرحمه ، خلاص يوموا تما ...اااااااه يا من شجعو ...وااااااااااااه يا من رخص النفس البشرية عندو ، وإذا ربنا ابتلاك تكون تحت يدو ورحمتوا
وزير الخارجية ( من الهملوا ملوا والحاشية كلها حبايبوا و أهلوا ) كم سفير وكم ممثل بالخارجية من أهلوا آخرها زوجتوا سفيرة السودان في ايطاليا .. يا بختنا .. وأول مرة نسمع بسفراء السودان حرامية وبتاعين رشاوي ، سفير سابق نائم ليهوا بمليون دولار وقاعد لجوء سياسي في بريطانيا
وزير الزراعة : من بلاد التمطوٌر وزاريا والمتعفن ترابيا ... حتى الزراعة حل بها البوار ونشفت وما الجراد إلا وسيلة لأخطاءهم.. الله ينشف ريقكم
أما وزراء البترول ، الاستثمار ، التعدين ، الصناعة ، الخ : لسان حالهم يقول البلد ملكنا وحقتنا ، وعشان كلهم أهل وأولاد حفرة ما عايزين اسرار هذه الوزارات امشي لشخص قريب ، وتكون محتكره ومنها وفيهم
مدير الامن: من بلاد الهاف هاف والدمع سال وطاف ، لأنو كابس جوا الأنفاس ، حتى الجرائد عاملين فيها حراس ، تاركين الهم القومي ، مخترقين امنيا من كل العالم ، بس شطارتهم عاملين رقابة وحراسة في لأي كلام و القيل والقال عشان ما في زول أقول بغم
الولاة – ديل ولاؤهم وانتماؤهم ما ليك يا وطني.. مصالحهم الشخصية فل الفل، وفوق الكل
استثمارات وقصور ودور وفلل خاصة بهم ، والشيء البحدث في مناسباتهم و أعراسهم يشيب له الرأس ،مع انو البلد في جوع وعوذ ،وهذا يا شعبي المسكين الضائقة المعيشية ليك ، أما هم عايشين ولا احلي ليالي من ليالي النيل الأزرق والسفر والاستجمام على ضفاف البحر المتوسط ، وأخر مفارقة زواج ود نافع الما نافع و بت الزبير بشير مدني ،ومصاريف هذا الزواج ممكن تكفي والله مدني وضواحيها لغاية البطانة لمدة ستة شهور بس ناقصوا أجي العريس سائر لعروسوا ست الحسن والجمال بطائرة خاصة أو أكون العرس في الجو مثلا ، أما الشعب المغلوب علي أمره تحرق ممتلكات بقشة كبيرته وبنزين وتضيع كل محلية مدني في شربة مية بحجة إن الذي حدث هو من جراء ماس كهربائي وتضيع حقوق المساءلة القانونية أمام المراجع القانوني ( الحادث الأخير) الذي حصل بمدينة ود مدني. هذا فقط ليس علي سبيل الحصر ، هناك مباني مستشفي الذرة وغيرها
الله يكون في عون شعبي المغلوب على أمره والمكتول كمد ، والله المستعان
مع تقديري واحترامي لشعبي الجسور،،،،،،،



[email protected]


تعليقات 3 | إهداء 0 | زيارات 586



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#608590 [عصلم الجزولى]
0.00/5 (0 صوت)

03-12-2013 12:03 PM
عندما صرح محى الدين تيتاوى بأن الجراد الذى ضرب البلد مرسل من اسرائيل استنكرنا كلامه وسخرنا منه ولكن رئيس حملة مكافحة الجراد قال ان أول مزرعة هاجمها الجراد هى مزرعة المتعافى بدانا نراجع موقفنا من تصريح تيتاوى


#607767 [جاويش]
0.00/5 (0 صوت)

03-11-2013 02:07 PM
فساد هذا النظام في كل موقع من مواقع العمل - حاليا ظهرت بقعة فساد جديدة كرت في ولاية نهر النيل - في حين المواطن البسيط يعاني الويل من غلاء المعيشة والعلاج - والانسان بفطرته وسجيته بعرف فساد هذا النظام وليس الفساد فقط مقصورا على مدني وانما عم السودان كله - فضيحة شركة الاقطان - والفساد الموجود في الوزارات ومن ضمنها الدينية مثل الاوقاف وغيرها
ونطلب بفتح باب لكل اشكال الفساد ليتم حصره لكي يحاصر النظام من كل جانب ، هو في الاصل محاصر


#606913 [سونو]
0.00/5 (0 صوت)

03-10-2013 03:29 PM
والله شعبنا مظلوم وجاري في جلدو الشوك
والغريبة قاعد وملتهي بالانترنت والخدمات
المقدمة ليه بالمجان والفيس بوك
وكل الاشياء السالبة في الشعب السوداني
مقصودة من الحكومة عشان اشغلوهم بقنيات الحديثة
وحديث الشاب مع الشابة وتبادل الصور
والمنتديات ع قفا من يشيل والليالي الملاح
وسهرات شارع النيل ومافي شي غيرها
يا اعمل كدا يا اشرب من موية النيل
المخدرات ع قفا من يشيل والفساد ع قفا من يشيل
والشعب مشغول بحاجات هامشية
وهذه الاشياء كلها محركة بعصاية الانقاذ
الله يعينا ويصحي شعبي من اعمالوا ويغلب الطاولة
فوق دماغم


محمد العمدة
مساحة اعلانية

تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة