أخبار النفايات شنو؟
03-10-2013 03:54 PM




.تساءل العديد من المتداخلين عن موضوع النفايات وحصل فيهو شنو ؟ والإحابه هي كالتالي :
الجميع يعلم أن جلسة يوم 5 مارس لم تتم بسبب إعتقالنا من داخل المحكمة قبل أن نقوم بمقابلة القاضي وبالتالي يفترض أن يكون القاضي قد أصدر (أمر قبض) للمتهم لتغيبه ...عن الجلسة لذلك مكثت يومين تلاته منتظرا .. لكن الظاهر إنو الجماعة لقوها فرصة لقتل الموضوع وخلاس يا الفاتح جبرا إنتا ما تجينا ونحنا ما بنجيك .. طبعاً ده فهم قاصر فالقضية ليست قضية الفاتح جبرا كما إنها ليست قضية جنيهين زيادة .. القضية أكبر من ذلك بكثير لذلك فسوف يحدث الآتي بإذن الله تعالي:
- غداً الإثنين سوف أقوم بالذهاب إلى المحكمة واطلب من القاضي تحديد جلسة قادمة .
- كما سوف أقوم بفتح بلاغ لدي نيابة القسم الأوسط بأم درمان ضد هيئة نظافة ولاية الخرطوم لمخالفتها مواد قانون الآجراءآت المالية والمحاسبية لعام 2007م وعدم إلتزامها بالتحصيل من خلال أورنيك 15
- سوف نسير في هذه القضية إلى آخر المشوار بإذن الله

كسرة:
كنت عاوز أقول ليكم بعد الحاجات دي ما تحصل لكن إنتو ما بتدو الزول فرصة وكده !!

كسرة ثابتة (قديمة) :
أخبار خط هيثرو العند النائب العام شنو(وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو؟


[email protected]




تعليقات 33 | إهداء 0 | زيارات 7256


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#609035 [كراكة]
0.00/5 (0 صوت)

03-12-2013 11:08 PM
الحكومة ده شيخة كبيييييييييييييييير انا جاني الشمار قالو كل يوم بيمشو لي الشيخ ابو طاقية البحل القضية .....انتو ماشايفين كل ماتجي مشكله بتحلو منها كيف حسي مشكله الدولار طوالي الجنوبييين وافقوا يصدروا عن طريقنا ومشكله جنوب كردفان والنيل الازرق الناس نسته وبت عاين في سوريا والبيحصل في مصر واكامبو الفكي ابوطاقية طلعو معاش وكوندليزا رايس طلعه معاشودارفور الناس نسته ياجبرا انت حتجيب الهوا لي ناس جبرة .....والشعب السوداني كله بيحب الحكومة لانها امو وكل ماتعصرو بيجي عليها ......


#608798 [علي عثمان]
0.00/5 (0 صوت)

03-12-2013 03:50 PM
لمفروض الناس ماتدفع


#608043 [معز مختار]
0.00/5 (0 صوت)

03-11-2013 08:47 PM
خليك ماسك فى شنوووو دى قوى .. ماتديهم فرصة ، عشان ما ح نديك فرصة وكده


#607995 [السمان]
0.00/5 (0 صوت)

03-11-2013 06:59 PM
عشان نطلغ بي فايدة ، اي زول يجيهوا بتاع النفايات بدون لورنيك 15 ما يدفع كدا نجبر الحكومة على تنفيذ قراراتها . دا مش قرار وزير المالية؟ موقفكم بكون سليم وما تخافوا من البوليس القانون معاكم.


ردود على السمان
United States [ودامدرمان] 03-12-2013 11:41 AM
لك التحية اخوي السمان
والله نفس الكلام الداير اقولو
بدل ما نقول لي جبرى واصل سيرك ونحن معاك ومن خلفك وماعارف شنو
مفروض الكل مايدفع نفايات او اى جبايات بدون اورنيك 15
كدا بنكون اتفقنا وبقينا يد واحده مش جبرا يسوقوهوا ويحققوا معاهو
ونحن راجين نعرف الشمار شنو ونختار في اجمل عبارات التشجيع


#607989 [3Atel]
0.00/5 (0 صوت)

03-11-2013 06:50 PM
النفايات وناس الموية والكهرباء والضرايب والمصايب وايجار البيت والعتب والعوايد والمرور ورسوم التعليم والعلاج والمواصلات والمواد الغذائية , أوووك وررروك جوك جوك ..يا حاجة ناس الموية جوك ...حاجة آمنة اصبرى اصلو الصبر فى الجوف صعيب ...

بعد دة يا جبرة حتبقا "كبسور" عديل كدة من كترة البلاغات...


#607877 [عبد الواحد المستغرب أيما إستغراب!!]
0.00/5 (0 صوت)

03-11-2013 04:25 PM
يا جبررررررررا..خلاص ياأخى ارجوك سد الفراغ بموضوع جديد وشيل الكسره من هامش مقالاتك وإعتبر إن الموضوع ((فى أيدى آميييينه)) وخاصة بعد أن ولج القصر الجمهورى !! والنتيجه حنشوفا كده إنشاء الله بعد عمر طوووويل !! وبالمناسبه ارجو أن تكون الكسره القادمه هى :أخبار ابو قنايه شنوووو؟!! والله يدينا طولة العمر ونقرا ليك الكسره الجزء الاول ثم الجزء الثانى على قرار المسلسلات التركيه..قولواآمين إنت وجمهور القراء الذين شقفوا بحكاية الكسره الثابته التى ذكرتنا نحن العجائز بكسرات الراحل المقيم (أبو على الف رحمه ونور عليه)!!والعجيب أن الرئاسه إستجابة آخيرا!! طيب ما كان من الاول او ربما ملفات الفساد قاعده متلتله على منضدة الرئيس وملف هيثروا وجد طريقه للرئيس مؤخرا والله يكون فى عونو..!!.


#607801 [صلاح مصطفي أحمد]
0.00/5 (0 صوت)

03-11-2013 02:47 PM
الأخ الفاتح جبرا وصية اخو صادق اولا آخوي العفو والعافية لانو شكلك كدة بعد ده ماحتشوفك بعد ما العملية تمت بخصوص خط هثيرو والجماعة طلعوا كبار ( تماسيح عشارية ) وديل ما بيرحموك بدليل باعو خط أمة كامل لم ترمش لهم عين فما بالك بواحد فرد مثلك واحسن حاجة تجي عندي في بانت / رفاعة وليك علي أوفر ليك السكن انت واولادك حتي يقضي الله امرا كان مفعولا . وصراحة كدة انا خايف ان تستهدف بالرصاص لانو ماعندكم ترع واوعي تفتح الباب وتكتر المرقة والدخلة وربك يكضب الشينة اخوك صلاح مصطفي ود البطانة .


#607711 [ام حقين]
5.00/5 (1 صوت)

03-11-2013 01:06 PM
ما هو المصيبة يا الفاتح لو انت عاوز تفتح بلاغ فى الحكومة لازم تدفع دم قلبك وهل عندك دم فضل بعد دا يا خوى كل تحويشتك وتبيع البيت ودهب المراة ما بيفتح ليك بلاغ قال بلاغ قال
ديل عارفين انه فى واحد متلقى حجج زيك كدا لازم يظهر ليهم فى يوم من الايام علشان كدا قالو لازم نادبه بالمال والادب بالدفع نوع من ادب المدائح ..
قال بلاغ قال ...على مين على ابليس يا حسرة


#607641 [المندهش]
0.00/5 (0 صوت)

03-11-2013 12:01 PM
يا جبرا سلام نسيت حاجة مهمة شديد ليه في قائمة الشكاوي دي ما ختيت جهاز الامن والجماعة الجو رفعوكم كالانعام في البوكس دي اهم من موضوع اورنيك 15 ولو اتحلت صدقني السرقة في السودان بتقيف


#607536 [الندور ابو عوه]
5.00/5 (1 صوت)

03-11-2013 10:24 AM
دنيا آخر زمن يحاكم المظلوم والظالم متمادي في سرقته وصدق قول النابغه الزبياني :-
(( كذو العر يكوي السليم وهو راتع)) كيف تحاكم وتعتقل بينما الحراميه اصحاب لحي الضلال متمادين في غيهم ومواصلين لسرقاتهم دون إنقطاع هذا زمان المشروع الحضاري وفقه الستره
تتسترون به علي الزاني منهم والمغتصب للقصر منهم والمتعاطي الغلمان منهم يعني بالواضح كدا تكون كوز ومتلوث بكل الكبائر فلا تخشي شيء طالما لك لحية ضلال وعضو في المؤتمر العفني إفعل ما تشاء فذنبك مغفور وفقه السترة موفور فبهذا الفقه ارتكبت جرائم وانتهكت محارم وحور شرعه الله وكرس لحماية المجرمين من سراق وزناه وقتله فالشروع الحضاري تمخض عن فيتو يحمي المجرمين أصحاب اللحي والفضل يرجع لفقه الستره وفقه الضروره وسياسة التمكين ولا نقول إلا حسبي الله فيكم يا فجره.


#607530 [سودااااني]
5.00/5 (2 صوت)

03-11-2013 10:20 AM
معاك يا جبرا وراك يا جبرا ياخ لي بتين نحن نكون بي الكلام بس سير سير يا البتاع نحن وراك غللللللط ياخ الناس مفروض تتحرك ياخ والله مافي زول يدفع نفايات تاني اساسا دافع ما دافع البلد وسخانه لازم نصحي يا اخواااانا


#607494 [مظلومة]
5.00/5 (4 صوت)

03-11-2013 09:48 AM
يا استاذ الفاتح جبرا
تحياتى ياراجل و لا كل الرجالة فى بلد ما فيه من يقول كلمة حق
هناك قضايا اخرى داخل سودانير
1- ملف تعويضات حرب الخليج 28 مليون دولار استلمها د. الفاتح محمد على بن الدكتور النطاس محمد على اخصائى الامراض الجلدية وين وداها.
2- 6 مليون دولار ثمن طائرتى الفوكر 50
3- تصور دة حتى حاجات رمضان رسله برهان ابو شعر وكيل سودانير بسوريا رسله هدية للعاملين فى رمضان باعة لبقالات شارع 15
4- تم فصلنا بدون حقوق و بدون الرجوع لملفاتنا فى عهد السيد/ نصر الدين و سعادة السيد/ الوزير الرجل الاسلامى الزبير احمد الحسن تصور فينا الارملة و المسكينه و المسكين و لا يملكون غير مرتباتهم وين حقنا عندما ذهبت لجنة لمقابلة السيد/ الوزير رفض منحنا حقوقنا و قال اذا اديتكم ليها بسميها حسنة بعد ثلاثين عام من الجد و الاجتهاد خرجنا بالغاء الوظيفة بدون حقوق و كمان اليوم الثانى تم توظيف اخرين فى وظائف اساسا تم الغائها
5- تم بيع بيت السودان بلندن و شقة بروما و منزل يكينيا كل دة قروشو وين ويييييييييييييييييييييييييييييييييييييييييييييييييييييييييييييييييييييييييييييين
الله المستعان و عليه التكلان و لا حول و لا قوة الا بالله .


#607463 [ابو زول]
0.00/5 (0 صوت)

03-11-2013 09:20 AM
الرجاء ادخال كسرة ثانية(مادا تم في موضوع الحاجة الزينة)


#607404 [مفجوع قوي]
0.00/5 (0 صوت)

03-11-2013 08:14 AM
استاذ جبر لك الود و الاحترام فقط نريد ان نعرف ماذا فعلوا ناس الامن معاك لاننا خائفين عليك خالص لكن ربنا معاك


#607370 [ابو عبد الله]
4.50/5 (4 صوت)

03-11-2013 07:34 AM
استشارة محامي في المرحلة الانت فيها دي واجبة ياجبرة .. وبما اني من المتخصصين والمتعاطفين مع قضيتك حا اتبرع واديك استشارة مجانية.. بالنسبة لي مقاضاة الحكومة دي ما ساهله (عاملين ليها متاريس) شان ما كل يوم واحديشتكي وانت عارف شكاوي الناس كتيره،، لازم ليها اذن من النائب العام بتقدم طلب المقاضاة مع العريضة وبتمهل النائب العام مدة شهرين اذا ما ردوا عليك بعد داك من حقك تشتكي (طالما انو هيئة نظافة ولاية الخرطوم دي هيئة حكومة) أما اذا داير تتابع القضية في المحكمة الادارية (يعني مدني) فلازم تستوفي طريق تقديم كل التظلمات الادارية وبعد داك تلجأ للمحكمة

واسمح لي اقترح اقتراح افضل ندعو الناس انها ما تدفع الرسوم الزيادة وكمان ماتدفع بدون اورنيك 15 ونخلي الهيئة هي التقاضي!! وذي ما قلت ليك قاضي النظام العام ده ما بوقع اي عقوبه على الناس الما بتدفع (بجيبوهم المحكمة وبهرشوهم ساااااي) وبي كدة نكون انتصرنا لي قضصيتنا والزمنا الهيئة انها ما تحصل رسوم بدون قانون ،، وبدون اورنيك 15


#607322 [faisal]
0.00/5 (0 صوت)

03-11-2013 05:04 AM
يا جبرا ربنا يحفظك من الكيزان المجرمين اولاد الكلب ديل ...لكن بينى وبينك انا شايف انو حتى لو كان بيجمعوا القروش بي اورنيك ١٥ ولا بي غيرو اها شنو يعنى؟ في النهايه القروش برضو حتمشي ليهم عشان يسرقوها وياكلوها الحراميه الكلاب


#607317 [ربش]
5.00/5 (1 صوت)

03-11-2013 04:30 AM
بي وشك و لي قدام وربنا ينصرك علي دجالين القرن ال 21 .


#607274 [سودانى طلعتو دينو]
5.00/5 (1 صوت)

03-11-2013 12:26 AM
الله يعينك على الحق استاذنا القدير لكن السؤال كيف تاخذ الحق من الباطل؟


#607265 [ود الرواس]
5.00/5 (1 صوت)

03-11-2013 12:03 AM
الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك الله ينصرك ويسدد مشاويرك



ويجب أن يقف معك كل الناس مادياً ومعنوياً
ويجب أن يقف معك كل الناس مادياً ومعنوياً
ويجب أن يقف معك كل الناس مادياً ومعنوياً
ويجب أن يقف معك كل الناس مادياً ومعنوياً
ويجب أن يقف معك كل الناس مادياً ومعنوياً


#607147 [الكردفاني]
5.00/5 (1 صوت)

03-10-2013 09:12 PM
بالتوفيق يا بطل


#607135 [الفاتح]
5.00/5 (1 صوت)

03-10-2013 08:50 PM
الأستاذ / الفاتح جبرا .... أســمع ده هتاف كبير من مجموعة كبيره من المواطنين
نحـن معاك يا جبرا
الشعب معاك في كل كسره
نجن معاك يا جبرا
خط هبثرو
نحن معاك يا جبرا
نفايات
نحن معاك يا جبرا


#607118 [د.عبداللطيف محمد سعيد]
3.00/5 (2 صوت)

03-10-2013 08:18 PM
انا استلمت طلباً بالحضور للنيابة ولم اذهب لان الطلب كان بلا تاريخ وكتبت عن ذلك بالصحيفة عبر عمودي مقام ومقال... ولم يحدث شيئاً


ردود على د.عبداللطيف محمد سعيد
United States [لتسألن] 03-11-2013 03:47 AM
(ولم اذهب)
* و لم تذهب إلي أين، يا دكتور؟
(ولم يحدث شيئاً)
* لا بل قد أحدثت شيئا حين نصبت (شيئا).


#607078 [الرشيد فضل]
5.00/5 (4 صوت)

03-10-2013 07:15 PM
يا جماعه والله انا بشوف جبره بينقع يترشح لرئاسة الجمهورية


ردود على الرشيد فضل
United States [اب كرش] 03-12-2013 02:30 PM
ياخوى الرشيد ,,ود جبرة رقيصو بيكون كشف يا فندكة ماذى ريئسا ده..قالو المرشح الجاى منو ؟؟

United States [الممغوس] 03-11-2013 06:59 AM
يازول انت دايرو يسقط .البشير البشير وبس

United States [هندسه] 03-11-2013 12:04 AM
لكن ما بعرف ارقص لينا... تاني البرقص لينا منو؟


#607062 [رقم صفر]
5.00/5 (8 صوت)

03-10-2013 06:59 PM
امران احلاهما مر، فجمع الاموال عن طريق اورنيك (ساكت) يعني اطعام الاف الافواه بأموال الحرام بينما استخدام اورنيك 15 في جمع المال يعني توفير المزيد من الاموال في خزينة الحكومة والتي ستستخدم بلا شك في شراء مزيد من السلاح وتمويل الحرب على بعض السودانيين ولن يذهب ولا مليم واحد لدعم التعليم او الصحة للمواطن الغلبان.

غايتو يا جبرة لو قصتك دي نجحت وتم استخدام اورنيك 15 وجماعتك ديل اشتروا بالقروش دي سلاح وقتلو بيو مواطن، شيل شيلتك لأنك حتكون مشارك بطريقة غير مباشرة.


#607058 [ود أمريوم]
5.00/5 (6 صوت)

03-10-2013 06:54 PM
عفيت منك يا ود جبره. دى كسره ولا "كتله".

سمعنا ان واحد من الجماعه بتاعين خط هيثرو "بنى هثر" لمن سمع بتوجيهات الرئيس
بطنه كركبت ,أصحابه قالو ليه "ما قلنا ليك النشره ولا كسرة جبره" (قاصدين نشرة الأخبار).

أما التانى من "بنى هثر" قالو رحّل مكتبه من جنب المواصلات ,قال ما قادر يركز
فى الشغل , ولمن يمشى البيت ما بيقدر ينوم , الليل كله بيسمع أصوات الكمسنجيه
وهو نائم "الصحافه...الصحافه...جبره...جبره...جبره...الصحافه...الصحافه...الخ".

أما حكية النفايات دى خليها ساى , يعنى يرسلو ليك منو؟ بتاع الطيران المدنى!
كل إناء بما فيه ينضح!


#607025 [ود البلد]
5.00/5 (3 صوت)

03-10-2013 06:06 PM
عفيت منك يا ود جبرة الله يعينك ويوفقك ان شاء الله


#607018 [hafiz]
5.00/5 (2 صوت)

03-10-2013 05:54 PM
إنت عارف أخى الفاتح .. لو طلبت من أحد التجار أن يخصم لك الجنية او الجنيهين االفوق قيمة السلعة لو سلمنا أن سعر السلعة 202 جنيه مثلا ، يرد عليك التاجر مباشرة يقول ليك : والله الجنيهينالفوق أهم من ال 200 جنيه إنت تعرف أخى الفاتح الجنيهين الزيادة أنظر إلى عدد سكان الخرطوم كم عددهم تقريبا 7مليون مواطن ، يعنى الزيادة 14 مليون فى الشهر على سكان الخرطوم ، شفت الجنيهين كم هى مهمة ، ولماذا التجار مابتلاعبوا بالجنيه الفوق ..
الشىء المهم الثالث فى الموضوع :
الكسرة الثابتة (الجديدة) :
أخبار تنفيذ توجيهات السيد الرئيس بخصوص ملف خط هيثرو شنو؟


لك التحية أخى الفاتح ..


#607009 [المغربي]
5.00/5 (5 صوت)

03-10-2013 05:35 PM
الاخ جبرا اكيد حتواجه مصاعب وابتلاءت كثيره في هذه القضيه نتمنى ان تصمد حتى النهايه والتاريخ لن ينسى لك هذا الموقف والاهم من ذلك ان الله يجذيك عن عباده الضعفاء اكثر مما اعطيت . لك تحياتي ودعواتي بالتوفيق في هذا الامر والله من ورا القصد .


#607002 [عبد العزيز الزهجان]
5.00/5 (3 صوت)

03-10-2013 05:26 PM
الله يوفقك


#606980 [jaaah]
5.00/5 (4 صوت)

03-10-2013 04:56 PM
نديك فرصه كيف دايرنا نسكت ولا شنو
بالمناسبه الموضوع دا طلع من ايدنا
و بقي في رقبتك
كان اتراخيت حا نفتح فيك بلاغ
ازعاج قراء
دي عقوبتها
البتكتبو تاني الا تقراهو براك


#606956 [Fato]
4.63/5 (4 صوت)

03-10-2013 04:35 PM
طبعا يا/ جبرة ما علمتنا أنت العكلتة وزى ما قالوا نحكها لحدى ماتجيب الدم فواصل مسيرك لأنه القضية دى قضية شعب بأكمله ضد مأخذوه ناس النفايات والضرائب والعوائد وحتى حق دخول المستشفيات,عمنا جبرة تأكد أن الشعب معك وأمكن تكون مواضيعك ومواضيعنا دى بداية الشرارة التى تكنس هذا السرطان الذى أنتشر فى جسد الأمة السودانية طيلة24عاما حسوماوالتى ذقنا فيها الويل,تقدم نحن معك والله يوفقك.


#606946 [يسقط البشير!]
4.91/5 (6 صوت)

03-10-2013 04:18 PM
الله معاك ياجبرا ونحن وراك وربنا ينصرك ويوقيك مع علمنا التام بان قضاة السلطان هولاء لاخير فيهم لكن استمر فى كشف فساد هذه الطغمة الحاكمة الناهبة والسارقة


الفاتح جبرا
الفاتح جبرا

مساحة اعلانية

تقييم
10.00/10 (9 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة