03-16-2013 12:33 PM


لم اصدق اذني وأنا أستمع لمسئول قناة الشروق وهو يطلب مني أن أتداخل في برنامج المحطة الوسطى مع ضيف البرنامج الشريف عمر بدر الرئيس السابق لمجلس إدارة سودانير والذي تم بيع خط هيثرو أثناء توليه هذا المنصب !
عدم التصديق يأتي بأن الرجل متورط في كل الأحوال فهو المسئول الأول بالشركة فإن كان يعلم ببيع الخط وهو يكتم الشهادة فهذه مصيبة وإن كان لا يعلم فالمصيبة أكبر !
وجاءت الحلقة والتي كان من الواضح فيها أن (أخانا) الشريف يعتريه بعض الإضطراب وعدم التماسك وقد أشرت إلى ذلك في بداية مداخلتي
ورغما من أن الحلقة قد كانت مخصصة لمناقشة (حال) سودانير وخصخصتها وخط هيثرو .. إلا أن (الشريف) قد طاف بنا في فاصل من النكات والحديث عن (سلخ النمل) وسرقة راديو حارس كبري حنتوب .. وطفق يسأل مقدم البرنامج إسئلة (لا في السما وللا في الواطة) من شاكلة (عارف ده هو راجل وللا مرا؟) وقضى معظم زمن البرنامج يتحدث عن حب الإخوة الكوايته لنا وعن (صناديق دعمهم) للشعب السوداني وعن الثروة الحيوانية والسمكية والسكة حديد والمواني البحرية والطرق البرية وإتفاقية إعمار الشرق وقرب يتكلم عن (هلال مريخ) !
في إفادات (الشريف) حول لماذا بيعت الأسهم لشركة عارف وعلاقته بالشركة أفاد (الشريف) بإنو ما عندو علاقة بالشركة وإنو جات براها !! (بالله ده إسمو كلام) .. وفي مكان آخر يفيد بانها قد دخلت منافسة وكان أكبر عطاء هو 40 مليون بينما قدمت هي 115 مليون دولار !
وعندما تم سؤاله عن (هل لشركة عارف تجربه في حقل الطيران) هذا السؤال الذي إجابته هي (يا عندها يا ما عندها) زاغ أخونا (الشريف) من السؤال بان قال انها تمتلك 60 شركة لكن (الشريف) لم يذكر أن كل هذه الشركات ليس بينهما جميعا شركة تعمل في مجال الطيران لا من قريب ولا من بعيد ! )ياخ لو عاوز تشغل ليا سواق في حافلة ح تسألو : إنتا سوقتا ليك حافلة قبل كده (!!
وكلما جات سيرة عارف أخذ (الشريف) في كيل المدح والتناء للشعب الكويتي والحكومة الكويتية ظانا ومتوهماً أن مثل هذا (الكلام المقدد) يصلح أن يكون إجابة للسؤال (على أي اساس جئت بعارف لتكون شريكا للناقل الوطني )؟!
من هنا عزيزي القارئ بدأت الدغمسة (التي إنتهت ببيع الخط) إذ لا يمكن بتاتاً أن يتم عقد شراكة وبيع أسهم ناقل وطني لشركة معرفتها بالطيران كمعرفة العبدلله باللغة التركمانستانية !! ولأن (عارف) لم تكن (تعرف) أي شئ عن صناعة الطيران فقد كان ذلك التخبط الذي دفع ثمنه أبرياء ماتوا في تلك الطائرة (الهكر) التي خدمت عشرين عاماً حسوما و التي إستقدمتها عارف والتي جثت على ركبتيها وهي تهبط من رحلتها القادمة من سوريا في مطار الخرطوم ..
(عارف) لم تكن (تعرف) أى شئ عن صناعة الطيران فقد بلغت خسائر (سودانير) في آخر اعوام (عارف) 56 مليون دولار !! بينما كانت خسائر سودانير قبل قدوم عارف تتراوح بين 10 و 15 مليون في العام !
ونتجاوز (عارف قيت) لنلج إلى دهاليز (الفيحاء قيت) والتي جاءت مشاركة بنسبة 31% باعها لها مجلس الإدارة الذي يترأسه (الشريف) إذ قام مقدم البرنامج بسؤاله : هل انت والعبيد فضل المولي أعضاء في مجلس إدارة الفيحاء؟ (وطوالي قام الشريف شتت الكورة) ولم يجب على هذا السؤال حتى نهاية الحلقة !!
بعد كل الكلام الفوق ده فإن (الشريف) ظل طوال الحلقة يردد (ويضرب على التربيزه) بأنه لا يعلم عن بيع الخط شيئاً وأنه يتحدي وزير النقل الذي صرح بتورط مجلسه في مسالة البيع كما ظل طوال الحلقة يطالب بسرعة تقديم الجناة إلى المحاكمة ..
وبعد الكلام الفوق التاني ده (التحدي وضرب التربيزة والأستعداد للمحاكمة) إذا بأخينا (الشريف) في نهايات الحلقة يخرج من جيبه ورقة وهو يقول (المخارجة أهى) ثم يقرأ بصوت (مترنح) ما معناهو أن عارف مستعدة للتعويض ودفع قروش الخط ( القال إنو لا علم له بإنو إتسرق) ...!

كسرة :
ناولني الحبوب بسرعة يا ولد !!!
كسرة ثابتة (قديمة) :
أخبار خط هيثرو العند النائب العام شنو(وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو؟

[email protected]


تعليقات 61 | إهداء 0 | زيارات 9813

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




صفحة 1 من 212>
التعليقات
#614669 [ود الجزيرة]
0.00/5 (0 صوت)

03-20-2013 02:55 PM
الاستاذ ما هو الأفيد للسودان ؟ مشروع الجزيرة أم سودانير وما المشؤوع الأكثر نفعا لاقلصاد البلد وزيادة الناتج القومى ؟ لماذا الاهتمام بسودانير وفسادها ومشروع الجزيرة الكل يعلم ما حدث له من فساد وتدمير مدبر ومخطط له .


#612456 [عكليت]
0.00/5 (0 صوت)

03-18-2013 08:27 AM
سبحان الله فهؤلاء القوم يحملون اضداد اسمائهم !! بدءآ بالمؤتمر اللاوطني .. وذاك الغير نافع و شبلهم الغير مصطفي و هذا الغير شريف وطبيبهم غير المتعافي .


#612246 [a.nasir]
0.00/5 (0 صوت)

03-17-2013 09:52 PM
انا اقترح عليك يا استاذ جبرة تخلي الناس ديل لانك ما حا تلقي منو عديل ولا اعوج الى ان تقوم الساعة وتمشي تسأل الخواجات الاشترو الخط وتأتينا بالخبر اليقين
رقم انهم حا ينكرو ويكذبو الخبر.


#612082 [سادا]
0.00/5 (0 صوت)

03-17-2013 05:44 PM
الشركة الكويتية دخلت كمستثمر بعد دراسة موضوع الشراكة مع هؤلاء اللصوص من حيث الربح والخسارة وليس لها علاقة كما يقول هذا اللص الحقير بالحب وغيره , والشركة عباره عن شركة مساهمه كويتيه ولو افترضنا جدلا انها تحب الشعب السوداني لماذا لم تستثمر في التعليم او في الزراعة او في الصحة ؟ وهذا اللص الغبي يعلم تماما ان رئيسه الراقص العالمي كان ضد الكويت في حرب الخليج فمن اين ياتي الحب؟, حسبنا الله ونعم الوكيل


#612052 [صلاح الباشا]
0.00/5 (0 صوت)

03-17-2013 04:44 PM
انا لا اقدح في صحة معلومات الزميل جبرة مطلقا - بس عايز اقول ان ذات المعلومات وبذات التفاصيل حتة حتة حتة - تم نشرها هنا في الراكوبة في العام الماضي ودخلوا ناس بمداخلات كتيرة جدا اكثر من المداخلات الحالية - لذلك وجهت سؤالي للفاتح - طيب ابحثوا في محرك البحث قوووقل واكتبوا بقلم حازم علي حازم وشوفوا النتائج - او كي ؟ يعني الموضوع ليسس بجديد - بس انتم غير متابعين الا عندما استنطقت الشروق ود بدر كضيف وجبرا كمتداخل


#612038 [koko]
0.00/5 (0 صوت)

03-17-2013 03:41 PM
شكرا


#612016 [jac]
0.00/5 (0 صوت)

03-17-2013 02:13 PM
ياشيخ الفاتح هنالك معلومة يجب تصحيها وهي انو ليس نصف الشعب بل جميع الشعب مرارتو اتفقعت ده غير الاتفقعت مصارينهم من تعليقات مسؤولين سابقين زي الطيارة جات بالليل وطافيه انوارها والناس في صلاة العشاء وطبعا اخرها هاجمونا ومعاهم ناس لونهم ابيض وحاولنا طردهم خارج الكرمك لكن ذخيرتنا خلصت (القول ماشين رحلة صيد)


#611968 [nasereddin]
1.00/5 (1 صوت)

03-17-2013 11:56 AM
1- بكل صراحة مقدم البرنامج لولا مداخلتك كان يصبح أطرش في الزفة...
2- صدقني مجموعة مقدرة من ناس عارف -ويعمل معهم سودانيون- أصبحوا يتهكمون عن اوضاع البلد ،،،ذكرتني أقوالهم قول شرطي ، حضر لفك اشتباك بين مجموعتين من أهل قرية بعد معركة بينهم -ولعبت الخمور برؤوسهم، فقال الشرطي : البلد دي ما فيها شيخ حلة ؟،، وكان شيخ الحلة أول المخمورين المرفوعين في عربة الشرطة... فقال ناس عارف الكويتية : (البلد دي ما فيها شيخ خطوط طيران!!!؟؟)


#611885 [ايوب شرفي]
0.00/5 (0 صوت)

03-17-2013 10:28 AM
حلوة يتكلم عن هلال مريخ


#611856 [ود البلد]
5.00/5 (2 صوت)

03-17-2013 10:06 AM
سأل رجلاً رسول الله صل الله عليه وسلم عن الساعة فقال صل الله عليه وسلم: (إذا ضيعت الأمانة فانتظر الساعة) قال: كيف إضاعتها يا رسول الله؟ قال: (إذا أسند الأمر إلى غير أهله فانتظر الساعة)..
كل ما يحدث لنا من نكبات سببه الرئيسي أن حكومتنا تسند الأمر لغير أهله وأنها تعمل بشعار (الولاء قبل الأداء) .. ويتناسون يوم الحشر العظيم وأن الله لا يفلت الظالمين .. وهاهو الشريف أحمد عمر بدر تسند له إدارة سودانير -وهو ليس أهلاً لها- ليعوث فيها فساداً كما فعل في مشروع الجزيرة ومؤسسة الأقطان .. ومع كل ذلك لا يقر بأخطائه بل يكابر ويحاول أن يبرر موقفه بحجج وهمية و يدافع عن شركة عارف المتورطة في قضية بيع خط هيثرو ..
السيد الشريف بدر يمكنك أن تجادلنا ولكن هل تستطيع أن تجادل الله يوم القيامة .. أولم تقرا قوله تعالى :(هَا أَنْتُمْ هَؤُلَاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَنْ يُجَادِلُ اللَّهَ عَنْهُمْ يَوْمَ الْقِيَامَةِ أَمْ مَنْ يَكُونُ عَلَيْهِمْ وَكِيلًا)..
*أسال الله أن يصلح ولاة أمورنا*


#611758 [كاره الكيزان]
4.00/5 (3 صوت)

03-17-2013 08:52 AM
يا جبرا انت طلعت زول لايووووووووووووووووووووووووق زي البامية (السارا) ,,, ونتمنى كل صحفي من صحفيينا ان يكون لايوقا ويمسك لينا قضية واحدة فقط ويظهر فيها ابداعاته ويدعمها بالمستندات القانونية ويواصل في (الحك) الى ان تجيب الدم ,,,بعد داك الحرج بيحصل والرئيس بقوم اطالب بتكوين لجنة ,,,,, في عالم السياسة قال ليك اي قضية عايز تضيعها تقوم تكون ليها (لجنة) ,,,, بعدين الناس امثال الشريف دا بقوا ما عندهم احساس وما بخجلواوما عندهم دم لانهم فقدوا الحياة ,,, بالله عليك الشريف جاء للبرنامج دا عشان احرج نفسو كدا ,,,,, لكن المسألة يا جبرا بقت (كيدهم في نحرهم) يعني هذا المذيع الذي استضاف الشريف بدر سيكون ذلك بايحاء وتوصية من مسئول كبير له خلافات مع الشريف لذلك اراد احراجه فأمر هذا المذيع ان يستضيفه وكمان يسلط عليه (جبرا) عشان امرمق انفه في التراب ,,, على كل حال الف مبروك على نجاحك وقد اثبت انك لايوووووووووووووووووووق من الدرجة الاولى ونسال الله ان يدينا الف لايوق من امثالك لكي يعملوا على فضح عمايل هؤلاء المرتزقة ,,, ونتمنى منك انت تقوم بفتح ملف جديد بكسرة جديدة


#611717 [أبو أمين]
5.00/5 (1 صوت)

03-17-2013 08:15 AM
التحية والتقدير لحضرة الإعلامي المحترف الأستاذ جبرة.

أولاً: أود أؤكد على أن الإعلام الهادف والطرج ح الصحفي الذي يستند على رؤية واضحة وصادقة له
أثره في متابعة القضايا وخاصة قضايا الفساد وطرح الاستاذ حبرة لقضية خط خط هيثرو مثال
واضح وبين

ثانياً: أعتبر أن ماطرحه الاستاذ جبرة في المداخلة يمكن أن يكون داعم حقيقي لهذه القضية إذا ما تم تبنيه بصورة ممنهجة وذات إستمرارية موضوعية من خلال الشبكة العنكبوتية وإبراز ها الأمر للرأي العالمي ، حيث تتمثل جزئية المداخلة بالآتي:

"هذه القضية يجي أن تتدرس في كليات القانون على مستوي العالم ليطلع
الجميع على الكيفية التي يتعامل بها العالم الثالث مع قضايا تتعلق
بالفساد في المال العام"

عليه أقترح تبني هذه الرؤية من خلال الوسائط الإعلامية جميعها بشجاعة وهي كافية لتعرية هذه العصبة التي تفسد وتصر على الفساد وإخفاء معالمه وحتماً ستؤدي إلى إسقاطهم.

مع الشكر والتقدير


#611631 [يوسف عيد]
1.00/5 (1 صوت)

03-17-2013 03:22 AM
عمنا الفاتح جبرا
الله يطول عمرك
والله العظيم الناس ديل حتت رامية الغير يرتقوا لدرجة من درجات المافيا المنظمة الغير


#611629 [ود أبوالمدير]
5.00/5 (1 صوت)

03-17-2013 02:48 AM
كسره ثابته ياستاذ


#611600 [نزار مهدي]
1.00/5 (1 صوت)

03-17-2013 12:42 AM
اولا لك التحية يا استاذنا العظيم على كل شئ فعلته وستفعله صراحة لولا كسرتك الثابتة والمشهورة لضاع خط هيثرو للابد وطواه النسيان وطووه هولاء وتندروا عليه ولكن ظلت كسرتك شوكة فى حلوقهم ارقتهم وعذبتهم فالشكر لك ، اما هذا (الماشريف) طبعا فده حرامي من قوله تيت ولو كان نزيه فعلا كان جاوب بصراحة بدون لف او دوران فهوه واحد من اثنين يا اما مهمل فى اداء عملو وما فاهم حاجة فى اى حاجة يا اما حرامي ونصاب وياكل مال النبي فهو فى الحالتين مجرم واطمن يا عم جبرة والله والله العظيم ما مرارتك براها الدايرة تنفقع انا مرارتي التهبت من ...... الناس ديل وربنا بس يلهمنا الصبر لحده ما تجيهم مصيبة تاخدهم


#611586 [الهبار]
2.50/5 (2 صوت)

03-17-2013 12:05 AM
صدقونى ياجماعه الشريف ده ( حقو يغير اسمو)ح يطلع منها زى ما طلعت الفنانه من نيجيريابى كم سيارة وكم مليون دولار فى الحساب وح يغنو ليهو الشريف مبسوط منى. الزول ده وراهو هوامير كبااااااااااار فى الحكومه ح يطلع بالواحد وينزل بالصفر كما فى الرياضيات ويضيع ليكم الموضوع شمار فى مرقه. وانت ياجبرة ما ينالك غير كترة الحبوب البتاخدها دى!!!!!!!!!!!!!!!!!!!!!!!!!!!
والظاهر ياجماعه فى السودان انتهت حكاية حلال وحرام


#611581 [الهبار]
1.00/5 (1 صوت)

03-16-2013 11:55 PM
ياربى الشريف ده يكون شريف نيجيريا
وبدون خجل الفنانه تغنيليهو


#611554 [ود البلد]
5.00/5 (2 صوت)

03-16-2013 11:05 PM
الاستاذ الفاتح جبره لك التحية وانت وحدك من يقاتل بقلم جرئ وكلام بسيط ولكنه معبر عن كل استفذاذت منسبى الحكومه لامه كادت ان تكون من افضل الامم . ولكن (الانقاذ) قاتلها الله قطعت الطريق امام هذا الحلم بجهل منسوبيها وحبهم لممارسة التسلط وتعذيب الشعب بشهية اشبه بشهية (جهنم ) والعياذ بالله كما جاء فى تصوير سور القران العظيم لها .


#611539 [عمر عثمان]
3.00/5 (2 صوت)

03-16-2013 10:45 PM
والله يا الشريف بدر لم تكمل جمله مفيده والله ذكرتنا الممثل يونس شلبى فى مسرحية مدرسة المشاغبين


#611537 [هندسه]
3.00/5 (2 صوت)

03-16-2013 10:42 PM
للمعلوميه ادراة شركات الطيران ما زي ادارة الشركات الاخرى يعني الشريف بدر ينفع والي او الشنو الاستثمار او يدير مصنع طحنيه بس شركات الطيران بديروها المتخصصين في ادارة شركات الطيران ودا سبب الفشل انو قطاع الطيران اعتبروهو زي باقي القطاعات طاقية دا في راس دا يعني الليلة وزارة الاستثمار بكرة مدير الادارة لسودانير شي غريب

الشريف مسؤل من بيع الحط وتدهور سودانير بس هو مطمئن لانو كل ردوا انو الناس الفوق ليهو هم الجاطوا الشغلة يعني ما تسألوني والسبب انو كل الناس بختوهم في الادارات بس القرار ما عندهم القرارات بتجي نازله من فوق ليهم وعليهم بالتنفيذ

ايربص تابعه للسودان ومسجلة بدولة جزر القمر... وعندنا اتنين مخزننهم في البحرين !!! الله يسألكم في مسؤل على الهوا مباشرة بعترف بمثل هكذا معلومات ممكن تضر مصلحة البلدين؟؟


#611515 [Abdelkerim]
5.00/5 (1 صوت)

03-16-2013 10:25 PM
the big problem is his name is al sharif????


#611512 [صفوجي]
0.00/5 (0 صوت)

03-16-2013 10:18 PM
احب كسراتك كسره ياابوعلي


#611478 [lamare]
5.00/5 (2 صوت)

03-16-2013 09:41 PM
ya jabra we are all with you keep going an never forgive


#611451 [اعكرمة]
4.00/5 (4 صوت)

03-16-2013 09:11 PM
إنت بتنفخ فى قربة مقدودة يا أخ الفاتح , هؤلاء الناس فقدو أى إحساس بالمسئولية والوطنية و إحترام عقول الناس هى آخر شئ يجيئ بذهنهم .. أنظر إليه وهو يكذب فى وجه شعب السودان من دون أن يرمش له جُفن .. عملها لف ودوران وإستنكاح وكضب والسؤال واضح وصريح من الذى باع خط هثرو و أين ذهبت أموال ابيع ؟؟ و المعروف انه كان أعلى موظف بالشركة حينما حدث أمر البيع وبالتالى فهو يعرف الإجابة عن السؤال أعلاه , بل انه يكذب من دون حياء او إختشاء ومن دون أى وازع دينى أو أخلاقى يمنعه من الكذب ..

هذه العصابة الحاكمة ومن حولها شرازم الإفك والضلال ظلو يبيعون الوهم والخيال لشعب السودان فى 24 عاماً عجافاً فهل يغلبهم الضحك عليه ؟؟

مقدم البرنامج كان سلبياً لحدًٍ كبير و أفشل الحوار وغير نشط فى الموضوع وكأنه مجبور .. لو كان فعلاً مهتم كان أجبر الشريف على الإجابة المباشرة وليس اللف والدوران والكلام فى أشياء خارم بارم لا صلة لها بالموضوع .

عموماً الشئ العارفنو إنو قروشنا كلها النهبوها حترجع غصباَ عنهم حتى ولو دسوها فى الواق واق حينما يأتى وقت المسائلة و المحاسبة والقصاص , وان غداً لناظره قريب ..


#611383 [aaa]
1.00/5 (1 صوت)

03-16-2013 08:02 PM
ناولنى الحبوب بسرعه ياولد...ياتو حبوب ياابوى حبوبك ماكتيرة؟؟؟


#611369 [موتو بيه]
5.00/5 (2 صوت)

03-16-2013 07:46 PM
جبرة
يأخوي الخط دة باعوه نافع وعلي عثمان
حق الخط استخدموه في تنفيذ اساليبهم الارهابية القذرة
القضية ستنتهي بلا شي في لفة من اللفات


#611356 [محمد سكر]
5.00/5 (3 صوت)

03-16-2013 07:24 PM
القصة ومافيها
اتصال هاتفي من نافع الي الشريف - بالاسم فقط
نافع - الو كيفك يالاسمك ما بشبهك
الشريف - يعني انتا الاسمك بشبهك
نافع - خليك من الحنك المابجيب حقو دا انا عندي ليك برنامج ظابط
الشريف - قول ياريس
نافع - دايرك تمشي برنامج في قناة الشروق يقولو ليك فيهو انتا حرامي
الشريف - مستحـــــــــــــــيل
نافع - يا عوير انحنا ح نديك مليار ,,,, وناس القناة ح يدوك قروش ,,, دا غير كلام الناس والقيل والقال البيخفف من ذنوبك ان شاء الله
الشريف - 100% ح اشتري حبوب منع الخجل وابقا مارق عليهم


ردود على محمد سكر
Sudan [fattah] 03-18-2013 10:20 AM
والله قمة الماساه ان نرى تلاعب هؤلاء الكويتيين ببلادنا متمثلا فى رمز عزتنا سودانير والتى كانت لها سته رحلات مجدوله اسبوعيا الى هيثرو مع الحق فى طلب رحلة اضافيه كان هذا فى السبعينيات والثمانيات عندما كان هؤلاء الانجاس لايفقهون شيئا عن الطيران وكان كل همهم تجارة الصدف ورعى الاغنام .اما هذا الشريف فلااعتقد وبهذا الاسلوب من المحاكمه يمكن ان يفيد بشى رغم انه كان المسئول الاول عند البيع ولهذا اقترح على الاستاذ جبره السعى ومواصلة المشوار بالاتصال بقدامة مسئولى سودانير خارج السودان وهم كثر والعمل على توكيل محامى دولى لمحاكمة الشركة التى اشترت هذا الخط وباى اسلوب تم ذلك وعندها يتم معرفة البائع وكم قبض


#611324 [Nader]
3.00/5 (2 صوت)

03-16-2013 06:11 PM
يا جبرا عندى ليك ملف حار تانى لللص ده،، لما كان والى الجزيره صادر كل الاراضى التجاريه على زلط مدنى من اصحابها رغم انها ملك حر والانقذنا منه سليل الانقاذ اخو اليشكير اتضح انه عنده قطعه من المصادره وبى سسببها هرشوه وكرشوه من الولايه المضحك انه قال فى مستثمرين من الامارات حا اشتروا الاراضى دى واتضح فيما بعد انهم اقربائه متجنسين اماراتيين يلا افتح ليه الملف ده


ردود على Nader
United States [malik mohd amin] 03-17-2013 09:21 AM
و أزيدك بيت .. قام باستلاب قطعة أرض مدرسة في إحدى القرى و باعها لسودانل لإنشاء برج


#611322 [ابوعلامة]
4.91/5 (8 صوت)

03-16-2013 06:08 PM
تعرف يا أستاذ جبرا أن اي مسئول إنقاذي لو سألته عن مشكلةما و محددة

يستطيع ان يتكلم ساعة كاملة عن اي شي إلا المشكلة !!!!! .


الكلام ده بزكرني بحالة (ود طهور ) عندما فك البنج وصار يصرخ متألما

فقامت والدته بقراءة القران له مرة على جبهته!! ومرةصدره!!! ومرة على

راسه !!!! فماكان منه إلا ان صرخ فيها (يمه الوجع هنا هنا هنا) مشيرا

لها بيده لمكان الألم !!!!! .


ردود على ابوعلامة
United States [north kodofan] 03-17-2013 09:52 AM
يا هندسة مالك نفسك قايم.. هسى وين الاستهزاء والكفر بعد الايمان فى تعليق الزول الظريف ده؟..

United States [malik mohd amin] 03-17-2013 09:27 AM
هههههه أيام زول الكريمت ( الكريمت تش ) طبعاً كان الكيْ قد أسفل السّاق .. واحد عندو أختو عاقر مهتم لأمرها شديد قال ليها آفلانة كان مشيتي الكريمت يمكن الله يقسم ليك .. قالت ليهو : هاخوي هو المرض في القضارف يكووهو في ودمدني ؟؟

Serbia [هندسه] 03-16-2013 10:25 PM


وانت يا المعلق العامل ظريف اقرا قوله عز وجل:

وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ (65) لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ (66) سورة التوبة


#611316 [عوض محمد احمد]
1.00/5 (1 صوت)

03-16-2013 05:49 PM
اعتقد ان المسال اتحلت ، بعد ان عرف المسئول الاول وهورئيس مجلس الاداره في ذلك العهد فيجب على النائب العام فتح بلاغ في هذا الشريف فان كان شريفا حقا فليثبت براتهامام المحكمه وان كان غير ذلك فليحاكم وليكون عبره له ولغيره وياريت القاضى يكون منتدب من الصين لمحامكة هولاء تاذين لهفوا خط هيثرو والاقطان والحج والعمره وياريت يكون التنفيذ في استاد الخرطوم كما تفعل الصين - وانا متاكد لو ده حصل ممكن تخلى عربيتك فاتحه في السوق العربى او في السجانه


#611302 [نور منور]
1.00/5 (1 صوت)

03-16-2013 05:28 PM
أنا غاتو طلعت من الحلقة بمعلومة واحدة هي ( سلخ جلد النمل ) وده موضوع جديد ورينا حرفنتك فيه يا جبرا هل الجلود للاستهلاك المحلي ولا للصادر ؟؟؟ وكم نملة انسلج جلدها ووين مشت الدورلات .


#611283 [ما مهم شديد]
5.00/5 (3 صوت)

03-16-2013 05:10 PM
أخونا جبرا,,

متعك الله بالصحة والعافية وحماك من "الحبوب".
أهلنا قالوا "جغجيغ السنون بجيب دم" انت "عارف" السودانيين لما يشوفو الدم,, عشان كدة نحنا ما عندنا استعداد عشان نخسر امثالك في حادث انتونوف أو حادث مرور,, لأن حواء السودانية لن تجود بمثلك في القريب العاجل’,,


#611276 [حلفانكو]
5.00/5 (1 صوت)

03-16-2013 05:03 PM
السؤال المحيرني شبكت الراجل (صيوان لي عرس بتك) هو عندكم في عرس الولد مافي صيوان ولاشنووووووووو؟


#611272 [المكشن بلا بصل]
0.00/5 (0 صوت)

03-16-2013 04:58 PM
إتو بتقولوا بهضرب طيب لو ما كلموا قبل البرنامج كان حيعمل شنو . دا حرامي من زمن النميري أكل مشروع الجزيرة وأكل مرتبات المعلمين لمن كان والي الجزيرة وأكل موقع تولاه .


#611271 [زول ساكت]
0.00/5 (0 صوت)

03-16-2013 04:57 PM
الشريف حرامى واضح عليه من اللف والدوران وعدم الثقة التى لا يختلف فيها اثنان - عيب عليك يا ودبدر تسرق ( افو ودبدر ذاتو لص ) خسارة كبيرة وعيب كبير عليى الطلاق ان يقال ان فلان حرامى ؟؟؟؟؟؟؟؟؟؟؟؟ ولا ادرى هل هو يستمتع الان بهذه الاموال ام لا - فان كان نعم يستمتع حليل اطفاله واهله البياكلوا فى الحرام - وتكون دى مصيبة عظيمة لا تضاهيها الا اهوال القيامة - خسااااااااااااااااااااااااااااااااااااااااااااااارة .


#611249 [صلاح الباشا]
1.50/5 (2 صوت)

03-16-2013 04:22 PM
سلاااااام مربع للجميع
من أين للأخ الزميل الأستاذ الفاتح جبرة بكل هذه المعلومات عن صفقة بيع سودانير لعارف والفيحاء بمثل هذه الدقة وبالأرقام وايضا عن خط هيثرو المباع ؟
سؤال مطروح - والرد مفتوح - والمفاتيح الأساسية متوافرة ونشرت في الأسافير قبل مدة
تحياتي


ردود على صلاح الباشا
United States [بت ام الحسن] 03-17-2013 11:28 AM
افتح افتح ياوانكل جبرا --------قشة ماتعتر ليك

United States [ام الحسن] 03-17-2013 11:23 AM
مافى داعى للدهشة ياصلاح ياباشا00اذا عرف السبب بطل العجب000الزول ده اول شى عندو راكوبة فى بيتهم بكتب فيها مقالاتو وبعدين بدنكل الجبنه بتاعتو براهو 000بعدين اسمو الفاتح يعنى تفتيحة000وفهامتو جنها كلكى بتفهما قبل ماتطير000والله حقو الواحد يقيف ويقول ليك السلام الجمهورى يااستاذ

Canada [انا ضد الانقاذ] 03-16-2013 06:28 PM
اخونا الباشا : جبرا صحفي وكل صحفي لديه مصادره الخاصة للمعلومات والادله . المهم في الامر ان هذه المعلومات صحيحه بغض النظر من اين اتى بها.

United States [مفوت] 03-16-2013 05:29 PM
يعني تقصد أنو الفاتح جبرا في جهة تمده بالتفاصيل دي ... طيب الجهة دي ما براها ممكن تعمل العملوا الفاتح جبرا ... ولا الخوف من ود بدر ولا عشان الفاتح جبرا ما عندوا قلب يخاف أصلوا قلبو مرضان وما فارقة معاهو ... تقصد شنو بكلامك ده ...الشك في كل شيء إلا الفاتج جبرا .. ده آخر المحترمين ...

United States [الغريب عن وطنو] 03-16-2013 05:27 PM
انت ما سألت عن موضوع السرقة تجي تسأل من وين جاب استاذ جبرة المعلومات؟
هو قالو ليك استاذ جبرة ده ميكانيكي ولا بيبيع برد في شارع المطار؟ مع احترامي للي بيكسبو رزقهم من عرق جبينهم .. مش من التملق والكذب وستر الحق ..
عايز تصرف الناس عن الموضوع الاساسي؟ جيد لي امك .. دي الراكوبة يا اخوي ..
.
.
.
ويا جدادتكي كاك كاك كاك
الاكلك يضوق الهلاك ..


#611247 [حسين]
4.50/5 (2 صوت)

03-16-2013 04:18 PM
طيب ........ ما علاقة كل هذا ب ( بدر للطيران ) من هو بدر للطيران هذا ؟ وصلت السعودية بتذكرة على الخطوط السودانية أما الطائرة ف ( بدر للطيران ) / ربما السودانية أصبحت بدر للطيران أو مستأجرين من بدر للطيران وهنا المأساة السودانية تستأجر من فرد / ولبدر للطيران عدة طائات بمطار الخرطوم وقتها كانت 3 طائرات يعنى شغلها مضمون / المهم عايزين نفهم حاجة . حيرتونا !!!!


ردود على حسين
Saudi Arabia [ود الجبل] 03-17-2013 12:16 AM
والله بالغت في دي يا زول انت جادي ركبت خط الموت بإرادتك


#611245 [ايما القديمة]
0.00/5 (0 صوت)

03-16-2013 04:16 PM
الله يجبر خاطرك يا جبرة اماااااانة ما كيفتنا وبردت بطنا..تسلم البطن الجابتك يا اخ.


#611240 [عبدالماجد قنديل]
4.00/5 (3 صوت)

03-16-2013 04:09 PM
عزيزي الأستاذ الجليل ، الفاتح جبرا يا صوت الأغلبية الصامتة ، لقـد كنت موضوعيا ، في منازلة
ود بدر ، دعمت حجتك بالأرقام والأمثلة والأدلة ، والمنطق ،،، جزاك الله خير الجزاء فقـــد
( فشيت غبينتنا ) متعك الله بالصحة والعافية وحفظك من كل مكروه ياصوت أصحاب الوجعة ، والى
الأمام سير وعين الله ترعاك والأغلبية الصامته من ورائك ....


#611236 [mohamed bashri]
5.00/5 (3 صوت)

03-16-2013 04:01 PM
الأستاذ الفاتح لك التحيه سابقاً وحاضراً على هذه الغيره الوطنيه الحماسيه والأكيده هو بالله السودان محتاج للكويت كان ماساي بلد خيرو جوه وبره بالله شوف لي جنس الرخصه دي ألأكلونا ليه يأكلو السم والله ماغسننا الله يفشفش كبدهم


#611235 [الغريب عن وطنو]
3.00/5 (2 صوت)

03-16-2013 04:00 PM
والله يا استاذ عفيت منك عفواً يقسمو منو .. الله يديك العافية ويطول لينا في عمرك باقي اللي زيك في الزمن الغابر ده قليل ..
اعجبني جداً شجاعتك في كلامك مع الحرامي ده واستغربت جداً لإصراره على النفي بانو ليه علاقة بالموضوع ..
مع اني ما فاهم كيف رئيس مجلس ادارة يكون ما ليه علاقة بشئ من صميم مسؤولياته .. لكن الشينة منكورة ..
ورسالتك وصصصصصصصلت يا استاذ ولو انها واصلانا من زمان لكن المرة دي بالصوت .. وياريتها لو كانت بالصورة برضو ..
ربنا يحفظك من كل شر يا استاذ وجزاك الله عنا وعن كل المقهورين المغبونين المسروقة اموالهم المشردين كل خير ...


#611233 [سم زعاف]
1.00/5 (1 صوت)

03-16-2013 03:59 PM
والله اضطرابه وذهللته كانت ظاهرة حتى للعميان وكان أحسن ليهو يقعد مرطب في بيته مستمتعابملايين الدولارات التي نهبهابدل الفضيحة الداوية. أها يا أخونا جبرا التطورات في موضوع النفايات شنو؟ طولنا ما سمعنا عنها أي شي والآن بعد أن انكشف المستور بخصوص خط هيثرو خلينا نرجع لمهزلة النفايات وأورنيك 15 عشان الجداد ما ينوم مطمئن.


#611230 [rashid]
5.00/5 (1 صوت)

03-16-2013 03:57 PM
وطن للبيع .......ولو بالدين.


#611225 [ربش]
5.00/5 (1 صوت)

03-16-2013 03:51 PM
خربانه من كبارا يا أستاذ بدليل إنو ريسنا الأهطل بقول يجب المحاسبة و إرجاع القيمه ..يعني مافي محاكمه ولا سجن و لايحزنون و الشعب الفضل يلس فكس وبس .


#611216 [عبداللطيف]
1.00/5 (1 صوت)

03-16-2013 03:36 PM
أنت يا جبرا مستعجل علي الحبوب مالك الناس ديل باعوا تلت السودان وانت لسه ما متا داير تموت في خط انت نفسك قلت كان بخسر يا راجل وفر الحبوب لسه التقيل وراء.والبلد فيها ازمة دوا.


#611211 [ود عويضة]
1.50/5 (2 صوت)

03-16-2013 03:30 PM
اولا مشكور الاخ الفاتح في طرحه الموضوعي للموضوع وفي مداخلته الموفقة التي افحمت الراجل - وحسب ما جاء في مرافعة المدعو الشريف (اسم على غير مسمى) بانه عاتب على حزبه حزب المؤتمر الوطني بانه لم يلملم الحكاية طبعا بقصد (ملفات الفساد ، مثل فضائح سودانير ، ومؤسسة الاقطان ، والتقاوي الفاسدة ، والانقاذ الغربي وغيرها من ملفات الفساد المنظم الذي يرعاه المشائخ المتأسلمين) وهذه الملفات بالرغم من انها لن تهز شعرة في برنامجهم المسمى بالتمكين ...الا انه قد اضر بحزب الشجرة (الملعونة) وبسمعتهم كمواطنين وليس وطنيين يحملون مشروع حضاري اسلامي - ولذلك طالب بتكوين لجنة حزبية برئاسة نافع - المهم في الامر قال ليس له في القضية ناقة ولا بعير وهو شاهد وليس متهم (وعليه تسجل القضية ضد مجهول)
الشريف وامثاله من المتنفذين جاء وصفهم في هذه الايات ...( وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ (12) وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَـكِن لاَّ يَعْلَمُونَ (13)) البقرة
( كَيْفَ وَإِن يَظْهَرُوا عَلَيْكُمْ لاَ يَرْقُبُوا فِيكُمْ إِلاًّ وَلاَ ذِمَّةً يُرْضُونَكُم بِأَفْوَاهِهِمْ وَتَأْبَى قُلُوبُهُمْ وَأَكْثَرُهُمْ فَاسِقُونَ (8 ) التوبة


#611204 [ام احمد]
0.00/5 (0 صوت)

03-16-2013 03:22 PM
حسبنا اللة ونعم الوكيل


#611202 [طاقوري]
1.00/5 (1 صوت)

03-16-2013 03:16 PM
شركة عارف تتبع لحكومة ا االكويت التي تدفع لصندوق إعمار الشرق ضمن إتفاق الحكومة مع تنظيم مؤتمر البجة .هذا هو الحبل الذي يراهن الشريف واللصوص وشركة عارف لمساومة الحكومة أو يتمرد البجة مرة أخري.


#611193 [محمد الريّح محمد]
3.50/5 (2 صوت)

03-16-2013 03:05 PM
هذا يسمى في فقههم تأصيل السرقة ....

نحن شعب الله المسروق نهاراً جهارا ....

لكن طالما لدينا من الشرفاء أمثال الأستاذ الفاتح جبرة .... فسوف يفتضحون .... والحق أبلج ... والباطل لجلج


ردود على محمد الريّح محمد
Saudi Arabia [نوبى] 03-17-2013 11:39 PM
حلوووة شعب الله المسروق


#611188 [مهاجر رغم انفي]
4.88/5 (4 صوت)

03-16-2013 02:57 PM
لك التحيه والتجله استاذ الفاتح فرغم انك لم تكن ضيف بالاستديو بل كنت مشاركا من علي البعد الا انك قد عرفت المشاهد بخط هيثرو ونسي مقدم البرنامج وضيفه بالاستديو التعريف بالخط وهم الاولي بذلك وكانت اجابات ودبدراجابات ضلاليهوغير شافيه ويبدو من اجاباته ان هناك اشخاص ذوو نفوذ مشتركين في الجريمه00000عموما ارجو منك استاذ الفاتح ممثلا للصحافه الحره ان تكشف كل مواطن الفساد اينما كانت حتي ياذن الله بزوال هذه العصابه الحاكمه ولك منا الثناء والتقدير ومن الله الثواب{من راي منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان}صدق الرسول الكريم


#611187 [ابوعلى]
4.82/5 (5 صوت)

03-16-2013 02:55 PM
أنا أقترح أن نكون عمليين شوية ونتحرك بعمل قانونى يتخطى الحكومة السودانية وذلك بعمل الاتى :
تكليف شخص قانونى من المقيمين بانجلترا للحصول على المعلومات المتعلقة ببيع الخط - وانا متأكد من وجود قانونى سودانى فى انجلترا - ثم بعد الحصول على المعلومات يتم نشرها فى الراكوبة واعطاء نسخة منها للجنة التحقيق لكى تسرع فى تحقيقها . واذا كان ممكن فتح بلاغ فى المتورطين داخل السودان . انا لست قانونيا وأترك للاخوة القانونيين مناقشة هذا الاقتراح .


ردود على ابوعلى
United States [لولاو] 03-16-2013 05:23 PM
طيب ليه ما يتم تكليف واحد من مكاتب المحاماة البريطانية ذات الخبرة في امور الدغمسة و (اللولوة ) عشان يجيبوا راس خيط الخط دا طلع كيف و مين المتورطين ؛ و كلام الرئيس اللصوص ضربوا بيه عرض الحايط


#611186 [عبد الواحد المستغرب أيما إستغراب!!]
3.00/5 (2 صوت)

03-16-2013 02:54 PM
ياجبرا وحياة الغاليه عندك ...(قرط) فى الحته بتاعت الورقه الخرجت من جيب (الشريف إبن الشرفاء ده!!) وأعمل بنصيحة كبارنا الخايبين الوصونا وقالوا لينا (ان تلت المال أبقى من كتلتو!!) وكانهم كانوا يعلمون أن سمة يوم أسود من قرن الخروب سيمر على نسلهم...طبعا القناة عندما طلبتك بالاسم لكى تتداخل مع هذا اللص قطع شك كان يهدف الى تمييع القضيه وإجبارك على رفع الرايه البيضاء أمام جمهور قناتهم المتهالكه، وأنا متصور أن الحرامى (الشريف إبن الشرفاء) جاء الى الاستديوهات بعد أن رسم لنفسه سيناريو بعد أن جرى الحوار التالى بينه وبين القصر!!
اللص الشريف:إنت بجدك يابشه عاوز تنشىء مفوضيه لموضوع مطار هيثرو؟
بشه:هو..الكلام وصلك؟





اللص الشريف:إنت ياريس إنت بى جدك الكلام ده وصلنى شنو؟.. الجرائد والبلد مليانين بالخبرده!!
بشه:وإنت صدقت كده طوالى؟..الكلام ده أنا ما عارفو من زمان!!
اللص الشريف:طيب وقت ما إنت عارف كان لزومو شنو؟ وموقع قلبى ليه؟!!
بشه:(فى سره متمتما)إنتو عندكم قلوب أصلا كمان عشان تقع؟..(ياسيدى نفر مايند)أنسى الموضوع وكده حاول شوف ليك مخارجه تبيض بيها وشنا!!
اللص الشريف: مش الجلبه العاملا لينا (المدعوك) ألاسمو الفاتح جبرا ده .. ده خليهو عليا كان ما مسحت بيهو الواطه ونسيُتو إسمه!!
يخرج اللص الشريف من القصر ويتصل بقناة الشروق ويطلب تجهيز إستديو (كارب) ومقدم برامج (هفتان) القناة تبلغه بأن الاستديو جاهز وخاصة (الكلبظات!!).
يدخل اللص الشريف الى الاستديو وهو يخبط (بالكلبظين لزوم الاحماء!!) ويهمس فى أذن المذيع الهفتان ويسأل إن كان الخصم جاهز للمنازله ويطمئنه المذيع بأنه سيكون جاهزا بمجرد إكماله للاحماء!!
ويواصل اللص الشريف إحمائه تارتا بضرب الهواء يمنه ويسرى بالكلبظات وتارة آخرى يقدم قدمه اليسرى ثم اليمنى كما يفعل الملاكمون (المحترفون!!) ومن على البعد يظهر المنازل فتنطلق الشماريخ وإضاءات الليزر وترتفع أصوات الجماهير المسانده (لجبرا)وهى تساند قائله...جبرا..جبرا..جبرا ومن وسط الدخان يبرز جبرا بهيئته المتوسطة الطول وجسمه النحيل بفعل الزمن وبسبب ما فعلته به طغمة الانقاذ بعكس اللص الشريف والذى كان مكتنز الجسم من آكل السحت وقامته الطويله..بس خلقه !! ولما كانت المباراة منقوله على الهواء مباشرة فقد حرص (بشه)على متابعتها وضرب (الكونق) الجرس وبداءة المباراة!!وإنتقلت الكاميرات للقصر لتنقل لنا ردود فعل (الريس) وخاصة بعد الوعد الذى قطعه له اللص الشريف وأنه سيمسح بجبرا أرض الحلبه ويقول لجمهور المتابعين عبر الشاشه البلوريه (المايشترى يتفرج!!)وحتى يكون عبره لكل من يسأل عن أشياء أن تبدو لهم فتسؤهم أما رد فعل الريس فكان كالحصان الاجرب الذى يعانى من الانيميا وكان يجر ما يعادل حمولة بوكس خمس شنكل وصاحبه يلهب ظهره بالكرباج الامدرمانى المأصل وكان متعيننا على الحصان الاجرب الذى يعانى من الانيميا الصعود بالكارو الذى يجره الصعود على أعلى قمة فى جبل!!طبعا نتيجة المباراة واضحه والذى لم يسعده حظه بمتابعة المباراة قطع شك وقف على نتيجتها من خلال المقالات وتعليقات القراء الاكارم!!.


#611184 [وطني غيور]
5.00/5 (2 صوت)

03-16-2013 02:52 PM
عفارم عليك استاذ الفاتح
وهذا الوزير المدعو بالشريف ما هو الا واحد باع نفسه و ضميره وظل ينهش في جسد هذا الوطن المغلوب على امره.


#611182 [الكاهلية]
4.50/5 (7 صوت)

03-16-2013 02:51 PM
الفاتح من زمن ما زغردت ابدا حتى في بيوت الفرح
مداخلتك خلتني ازغرد
معقول ده مسئول
والله انت اشجع من سمعت
تتحدث بالارقام وهو يداري في خيبته
تتحدث برجولة وهو يتحدث عن حب الكوايتة
تتحدث بعمق وهو سطحي
تتحدث ولا تخاف الا الله وهو خائف من ظله
يا لعجبي هو من سرق الخط في عهده ويسأل عنه معك
وانا بسأل
مداخلة الفاتح في البرنامج بخصوص خط هيثرو حصل فيها شنو


ردود على الكاهلية
United States [هيكل] 03-16-2013 11:02 PM
حبايب وكده

جبره جبره جيت ناطي للحراميه من وين انتا ياجبره فهمك تقيل الشريف قال ليك الكوايته حباييبنا والخط دا مكتير عليهم والمصرين حبايبنا وشالو حلايب والحبشه برضو حبايبنا وشالوا اراضي ماحبايب وكده بعد ده يوزعوا باقي السودان للحبايب كسلا للحبايب في ارتريا والجنينه لتشاد ولبيا دارفور
انحنا مئه المئه وزعونا للحبايب يا جبره شوف الناس وزعوك لي منو من الحبايب.
والله ودبدر مسئول في نادي مشاهده ماينفع


#611180 [صديق الشيخ حمد النيل]
5.00/5 (1 صوت)

03-16-2013 02:44 PM
السؤال الذى يطرح نفسه بشدة ....لو لم تكن كسرة أخونا جبرا أكان الموضوع راح ساكت؟


#611171 [باش تمرجي]
5.00/5 (1 صوت)

03-16-2013 02:30 PM
يا استاذ بكل صراحة ووضوح هذه القضية التي ترعاها وتزرف الدمع لسقايتها فإن نبتت لن تحصد ثمارها لان سمادها فاسد وثمرها مضر فلا تستجدي صاحب الكسرة الثانية وفاقد الشئ لا يعطي ...


#611163 [????]
0.00/5 (0 صوت)

03-16-2013 02:20 PM
و الله يا جبرة انت زول كارب, و الله تنزل انتخابات الا ارشحك


#611152 [بعشوم]
0.00/5 (0 صوت)

03-16-2013 02:09 PM
ظاهر في الحلقة آخر جلابية ومكوية وعمة كيف كيف ويوزع البسمات والضحكات وهو أكبر حرامي ومنافق وكذاب لعنة الله عليك يا الشريف وعلي أسيادك أخوان البشير وكل الكيزان الدجالين الوسخين.


#611139 [كردفان الغرّاء ام خيراَ جوّة و برّة]
4.50/5 (2 صوت)

03-16-2013 01:43 PM
اقتباس:(عدم التصديق يأتي بأن الرجل متورط في كل الأحوال فهو المسئول الأول بالشركة فإن كان يعلم ببيع الخط وهو يكتم الشهادة فهذه مصيبة وإن كان لا يعلم فالمصيبة أكبر !)

يا اخوى جبرا الموضوع كلو مدغمس.. فى ناس نافذين داخلين فى الحكاية دى عشان كده بيغطوا لبعض.. فى ظل وجود المجرمين ديل ما فى أمل فى استرجاع الخط او قيمته لانو الجماعة زمان اكلوا القروش والمسألة بقت بس ضياع زمن فى لجان التحقيق وتوجيهات الفاسد الاكبر لإشغال الرأى العام.. خط هيثرو وكل ممتلكات الشعب ما بترجع الا بعد انتفاضة وطنية وتقديم العصابة الحاكمة للقضاء..


#611118 [NASRELDEEN ALI]
0.00/5 (0 صوت)

03-16-2013 01:19 PM
التور ان وقع كتر البتابت عيب

يا شريف عيب كده
بطل البتبته والبنتبه والسكلبه والكواريك الفارغة
المذيع رغم ضعفه الاّ انو بشوية الأسئلة الطرحها على الشريف ( هو موش نفسه الشريف بتاع أم بارونه ؟! ) الا أن الشريف لم يجب على أى سؤال وكل الكلام القالو ما حد سألو عنو

لقد كان القاء عبارة عن تمليس من جانب المذيع وجقلبة من جانب الضيف

والقضية قائمة ولابد من الحكم فيها بالحق


صفحة 1 من 212>
الفاتح جبرا
الفاتح جبرا

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة