عرفت اخيراً ما هي الاشياء التى تبسط الشريف. وحكايات الشريف السوداني لا تخلتف عن شريف نيجيريا الذى بسط المغنية السودانية (لمن غنت الشريف مبسوط منى).. كمان برضو مجموعة عارف الكويتية يبسطو الشريف السوداني لمن بقى يتكلم عنهم بصورة ادهشت المشاهدين والمتابعين للبرنامج فى ذلك اليوم . حقيقة حقق البرنامج اعلى نسبة من المشاهدين وذلك بفضل مداخلة صاحب الكسرات العجيبة الاستاذ / الفاتح جبرا . عبر مساهمتة فى الاعلان عن الحلقة لأتباعه ومعجبيه عبر الوسائط الاجتماعية (الفيسبوك). اغلب السودانيين تابعو تلك الحلقة وقيمو ردود الشريف الذى مبسوط من عارف الكويتية . وعلمو من خلال ارتباكة فى الاجابات والزوغان المتعمد للاجابة على بعض الاسئلة ان الشريف السودانى مبسوط من عارف . وكمان قابض وامورو ماشة هنا تكمن المشكلة سر (البسطة للشريفين) .الاول لانه نال قرب وزيارة الفنانة له فى عقر دارة وحقق مرادة منها واغدق لها الهدايا وشتت لها صفق الدولارات فى اماكن العقد الفريد وصدرها مكشوف (راجع الفيديو فى الانترنت) .. اما شريفنا السودانى سر بسطتة حتى الان فهو يتولى مشاريع فى الشرق وناس عارف بدفعو للشرق (وبحبونا) كما قال . حزنت كثيراً وانا استمتع الى رد الشريف وسر العلاقة بينه مجموعة عارف ، لكنى سررت ان الاستاذ جبرا بالمرصاد للمفسدين والفاسدين ويمتلك الحقائق اكثر من الشريف زاتو ... يقولون ان كثرة التكرار علمت الحمار (بأعتبار الحمار مخلوق غبى لايتفهم الامر بسرعة). اما تكرار الكسرة قصد منه احراج القانون السودانى والعدالة فى فن التماطل والتعامل مع قضايا الفساد والمفسدين .ويبدأ باللجان (و فى اللجان واللجان المنبثقة ) وعووووك تضيع القضية بفقه السترة. لكن الاستاذ جبرا شدد على الامر وتابعة من حلال كتاباته وفى كل مقال يكتبة يشير الى ان عين الله لم تنم.. وان من السودانيين الحادبين على اعلا قيم الحق والعدل اعينهم مفتحة وعارفين ان الامور قد تسير من تحت الجسر، فكانت الكسره لزوم المتابعة والتنبيه (اخبار خط هيثرو شنو) . وتدرجت الكسرة التى ان وصلت (اخبار خط هيثرو العند النائب العام شنو )...وتطورت الكسرة الى ان وصلت الواووووات الكثيرة بعدد الشهور وكذلك تم الاحتفال بالكسرة الشهيرة فى عامها الاول ، وبديمقراطية تامة من رواد الكسرة تم اختيار شكل الكسرة . الان يمكننا التأكدت من ان الكسرة هى الحركة الوحيدة التى تنفع مع الناس الجلدهم تخين والدمهم دلمى والعاملين اضان الحامل طرشا . فرصة ودعوة لأحباب ومريدى واتباع كسرة الفاتح جبرا لاحياء ليلة الانتصار الحقيقة للكسره الشهيرة (كسرة اخبار خط هيثرو شنو ) لانها بحق وحقيقة جابت حقها وكفاية .. فرصة للصحفيين متابعة قضية خط هيثرو بالتحقيقات والقضايا والتقارير نصراً للحق . دمتم .. يوسف الناعم البزعي [email protected]

Tweet

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

كلام جميل.
بس ألصحفيين بدل متابعة خط هيثرو وموضوعوا المكشوف.. أحسن يتابعوا ليهم قضايا تانيه وبشجاعة جبرا نكون في ألطريق الصحيح... يعني خط قطر.. خط مويه... خط مواصلات ... أي حاجه ياعم لانوا ده فساد جد.

وأخبار الشريف (بتاعنا) رئيس مجلس إدارة سودانير لما إتباع الخط شنو القال أني ماكنت عارف بيع الخط وياريتني كنت عارف ونسألو ونقول ليه بعد ماعرفت عملت شنو؟

الاكثر مشاهدةً/ش

محتويات مشابهة/ق

الاكثر تفاعلاً/ق/ش

الافضل تقييماً/ق/ش

الاكثر تفاعلاً

الاكثر تفاعلاً/ق

الاكثر اهداءً/ق

الافضل تقييماً/ق

الاكثر مشاهدةً/ق

الاكثر ترشيحاً/ق