المقالات
السياسة
ارشيف مقالات سياسية
في الجزيرة نزرع (لجاناً) نقعد( ندردش) نبدد (آمالنا) يا د . البوني !!!
في الجزيرة نزرع (لجاناً) نقعد( ندردش) نبدد (آمالنا) يا د . البوني !!!
03-20-2013 04:52 PM

بسم الله الرحمن الرحيم




صٌدمنا والله عندما أتانا خبر تكوين لجنة برئاسة تاج السر لمشروع الجزيرة .
ذلك لأن هذا التاج هو أول من بدأ تدمير القطاع العام في السودان وذلك عندما قررت الحكومة التخلص من المصالح الحكومية الخاسرة حسب
تسميتهم تلك وذلك لخداع الشعب السوداني لأنها ليست خاسرة.
عرض هذا الأمر على المرحوم محمد أحمد عمر وكان آنذاك وزيرا
للصناعة ورفض الأمر جملة وتفصيلا لكيلا يبيع القطاع العام ويشرد
العاملين وقال لنا هذا الكلام فيما كان يسمى يوم الخدمة آنذاك .
سرعان ما تم إعفاء الرجل وجئ بهذا التاج وزيرا للخراب .
بدأ التاج بالبيع السريع بدون عطااءات وبدون منافسة وبتراب القروش
وبمؤسسات ليست خاسرة وللمثال وليس الحصر باع كناف أبو نعامة
بل قل باع أبو نعامة كلها وباع المدابغ الحكومية التي كان ربحها بالعملة
الصعبة والمستندات موجودة بوزارة المالية والصناعة .
حطّم هذا التاج مصانع النسيج (الحصاحيصا) مثلا وحطم مصانع الغذائية
(بابنوسة-كريمة - كسلا ) وباع وباع وحطم وحطم ولا أريد أن أطيل عليكم فالمآسي كتيرة حاصلة والمكضب يرجع للمستندات .
كنت أظن وبعض الظن أثم أن تكوّن لجنة لمحاسبة تاج السر لا أن يكون
تاج السر رئيسا للجنة تنقذ مشروع الجزيرة ففاقد الشئ لا يعطيه.
أما عن مشروع الجزيرة فأرى أن يقوم أبناء الجزيرة بإنقاذه وذلك بتكوين
لجنة من حملة المؤهلات العلمية العالية في الزراعة والإدارة والاقتصاد
من أبناء الجزيرة وهم كثر .
ومع ذلك هم أبناء مزارعين أصلا ويعرفون الحاصل وقيل أهل مكة أدرى
بشعابها والجمرة بتحرق الواطيها .
مشروع الجزيرة يمكن أن ينقذ السودان من الجوع والفقر والمرض
فهلّا تحرك د. البوني مع إخوانه لإنقاذ المشروع ومن ثم إنقاذ السودان
وأنا واثق من نجاحهم .
عثمان محمد سليمان أرباب
المملكة العربية السعودية
ضابط شرطة معاش (غصب) الصالح العام

[email protected]


تعليقات 3 | إهداء 0 | زيارات 1392

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#615023 [عمر عثمان]
0.00/5 (0 صوت)

03-21-2013 01:21 AM
يا اخ عثمان الظاهر انك طولت من السودان لانو مافى فرق بين دكتور تاج السر مصطفى ودكتور البونى
بعدين دكتور تاج السر مصطفى نحنا عارفنو شنو وهو ماداسيها لكن دكتور البونى كراع بره وكراع جوه


#614815 [hajabbakar]
0.00/5 (0 صوت)

03-20-2013 06:46 PM
تاج السر دا والله اكبر مستهبل وكوز سمج لن يقدم او يؤخر شيئا
وهل مشكلة المشروع فى اللجان او ننتظر شيئا من لجنة تاج السر
المشروع ببساطة كالبفرة ادا اطعمتها ستدر اللبن الوفير
المشكلة فى التمويل والادارة وقنوات الرى والانقاد بلصوصها
في الجزيرة نزرع قطنّا
نزرع نتيرب نحقق أملنا
يا الشيخ أخوي يلاك للزراعة
أصلو العمل واجبو السراعة
أبذل جهودك جِد في الزراعة
دا قطن بلادنا أجمل بضاعة
حان الخريف واتراكم سحابو
وكت المسور مرحب حبابو
كل مزارع شايل تيرابو
يخدم بهمّة وينضّف سرابو
ورحم الله المشروع التى تكسح بهدا النظام التعيس


ردود على hajabbakar
Qatar [amin] 03-20-2013 09:07 PM
رحمك الله انت اخي واعادك سالمأ لارض الوطن عشان نزرع سوا ونغني سوا يا الحاج اخوي يلا الزراعه اصلو العمل واجبو السراعه ابذل جهودك جد في الزراعه دا قطن بلادنا اجمل بضاعه ما اروعها من اهزوجه تغني بها شعب الجزيره ردحأ من الزمن فغابت وغاب النشاط وغاب الانتاج بل غاب المشروع..........نسأل الله ان يعيد تلكم الايام.........رائع انت ايها الانسان.


#614770 [ابو محمد]
0.00/5 (0 صوت)

03-20-2013 06:00 PM
تاج السر باع كناف ابو انعامه لصاحبه التوم هجو


ردود على ابو محمد
Oman [ود المدير] 03-21-2013 12:12 PM
يا أبو محمد ما تشخصن الموضوع. النظام هو الباع المشاريع ومستعد يبيع كل شي. وكلو برجع انشاء الله للشعب بعد ما الكيزان يدقو الدلجة

Qatar [amin] 03-20-2013 09:08 PM
والتوم هجو باع الجمل بما حمل وقال يا فكييييييييييييييك


عثمان محمد سليمان
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة