المقالات
السياسة
ارشيف مقالات سياسية
مابين الطيب مصطفى وربيع عبد العاطي وصراع السلطة
مابين الطيب مصطفى وربيع عبد العاطي وصراع السلطة
03-25-2013 08:41 AM

بسم الله الرحمن الرحيم

بقدر ما فكرنا ان الكتابة لاتجدي وان نستمر في العمل الجاد ضد هذا النظام الاليم بقدر ما تجرنا افعالهم الى ان نسحب الورق ونكتب.
فربيع عبد العاطي الذي لايعرف مدى ما يعانيه الانسان السوداني في ظل حكومته يريد من الناس ان يتوبوا توبة نصوحا وذلك في البرنامج الصباحي للصحفي دياب والذي كرر ربيع .... الوا... انه يريد من الحركات المسلحة في جبال النوبة ودارفور ان تدخل معهم في اتفاق بشرط ان يتوبوا توبة نصوحا ...والله عجائب يا ربيع يتوب منو ؟؟ هم ولا انت .... الناس ديل قايلهم شايلين السلاح فسحة ولا قايلهم عملاء زي ما بتقول... ديل عندهم قضية دونهم الموت او تحقيقها. وهم ليسوا اهل مناصب ولا منافع شخصية وهم لهم دين وانتم تتغطون بغطاء الدين ولاتحبون الا الحياة الناعمة ... هم يعيشون في الفيافي والهضاب من اجل ان تكون لهم كرامة ولابنائهم من بعدهم ارادوا ان ينعم ابنائهم بالعلم وكانوا صبرا يأملون ذلك فحصدتموهم حصد المنجل قتلتم الام والابن والاخ والوالد والاخ والصغير والكبيرواليتيم والفقير وحرقتم الزرع وقتلتم البهم واسكتم ذوي الفهم كل هذا يا ربيع عبد العاطي راح في متاهات النسيان والفلل والعربات وتريدون ان يتوب الناس الذين ظلموا وهم الشهداء الحقيقيون وهم الذين عندهم كل صفات الشهيد فمن مات مظلوما فهو شهيد ومن مات دون ماله فهو شهيد ومن مات دفاعا عن عرضه فهو شهيد ... او تريدهم ان يتوبوا وهم الذين عندما يستيقظون صباحا يبداأون يومهم ب (استغفر الله) ويصلون صبحهم حاضرا ويدعون عليكم دعاء المظلوم وهم الذين يرتلون المصحف ويكملونه في يومهم وهم الذين تصلي منهم جماعة واضعة سلاحها وتحرسها جماعة اخرى ثم تؤدي الجماعة الاخرى صلاتها بالشكل الذي امرنا به الله سبحانه وتعالى .... تنادونهم بالعمالة وانتم عمالتكم ورائحة شحدتكم وبيعكم لاخوانكم المسلمين فاحت رائحتها رائحة دبركم الذي ما فتئ يعمل بجد لازالة عفن السحت الذي اكلتموه .
تتقاتلون من اجل السلطة كقتال التماسيح منه ما هو ظاهر وما هو تحت الماء وتتوالى روائح الفساد الكريهة في مجالس السودان والمادة الدسمة التي تملآ بيوت العزاء وبيوت الافراح وانتم تأتون اليها فتدخلون الصالون تاركين البشر على الصيوان وتنهلون مالذ وطاب من موائد الفي اي بي وتأتون لابسين ضافي الدمقس ورائحة الجرم والفساد تقطر من جلابيبكم تزكم انوف الشرفاء ويلفظ رائحتها الاسود الشم الرابضين في الصحاري الغابات والجبال ... رائحة كرائحة قنابلكم ذات المسامير التي تضرب الشهيد تلو الشهيد والامهات يبكبن ابطالا ويلدن ابطالا... ياربيع هل تعلم ان الشرك بالله وقتل النفس التي حرم الله الا بالحق .... ليس فيه غفران وانت شريك مثل رئيسك عمر البشير وبقية بطانته في كل نفس ازهقت .
اما الطيب مصطفى فهو مشغول بابقاء ابن اخيه على السلطة وعندما جاءت اشاعات بدنو ذهابه واحلال علي عثمان وسعى اخر الى ايقاف جريدته الانتباهة فما كان منه الا وان روج لصعوبة وضع البلاد اذا ما ذهب البشير كأنما البلاد ترفل في النعيم ثم دبرمكيدة الاعلان باسم وكالة جمال وليس بصعب عليه الحصول على الورق المروس وهو ينعم بأنصار مثله في التطرف ....... احسن تتوبوا انتوا
والحق ابلج والباطل لجلج
هاشم ابورنات
[email protected]
24 مارس2013


تعليقات 8 | إهداء 0 | زيارات 2041

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#620545 [سليمان حنين]
0.00/5 (0 صوت)

03-26-2013 08:58 PM
حكومتنا دي بس محظوظة والقصة انو الحكومة ممثلة دور الشيوخ والمؤتمر الوطني ممثل دور المداح والشعب ممثل دور الدراويش واساسا ما في الحكومة زول فاهم شغلو بس الظروف خادماهم وحتجي لحظة حصان الحظ الراكبنوا دا حايحرن ويقعوا كاسرين رقابم باذن الله


#620162 [الفحل]
0.00/5 (0 صوت)

03-26-2013 02:09 PM
انت رجعت تانى يا بتاع الرنات والموبايلات؟؟


#619209 [الجعفرى]
0.00/5 (0 صوت)

03-25-2013 04:33 PM
انت يا زول المجاهدين الشرفاء البتتكلم عنهم ديل ياتم وهل هم زاتم الحايمين فى دارفور يروعو فى الناس وينهبوا فيهم ويستضعفوهم ويفقدوهم للمن هؤلاء شركاء مع الحكومة فى ازمة دارفور وبعدين كلامك ده غش بيو زول جاهل ما عارف الوضع الحاصل فى غرب السودان شنو يا صاحب الاجندة الخفية مافى داعى للنفاق واستغلال هموم ناس دارفور لتمرير اجندة حقدك وحنقك على الحكومة


ردود على الجعفرى
Sudan [isic] 03-26-2013 02:14 AM
في شرفاء غير الثوار وساكني معسكرات اللجوء؟ بالله إنت تفهم متين؟ وﻷ إنت مطبلاتي مع الحرامية مروجي الدعارة ديل؟


#619138 [Mohd]
5.00/5 (1 صوت)

03-25-2013 03:26 PM
كلامك في الصميم

ما بنزاد


#618962 [TIGERSHARK]
0.00/5 (0 صوت)

03-25-2013 01:35 PM
يا جنابك سيبك من الكرور ديل وماتفور دمك في الفارغه والمقدوده...ليهم يوم اسود, بما انك راجل عسكري وصاحب خبره كبيره, ركز في مساعده اهلنا الثوار في الجبهه الثوريه, ...ربيع بتاع شنو! هنا في لندن السنه دي مافي ربيع ولا شئ...برد يقطع النخره..LOL


#618955 [توفيق الصديق عمر]
0.00/5 (0 صوت)

03-25-2013 01:29 PM
يا ابو رنات
يااخي كلك حق قيما ذهب اليه
فالناس ديل كل ما يكتب شريف عن عما تكسب ايديهم من باطل
الضحك يشرطهم
فهم ( ما عاوز اقول عليهم كفار)
لكنهم لا يؤمنون لا بالله ولا برسوله ولا بكل انبياء ورسا الله
ولا باي دين ولا باليوم اخر ولا بالقدر لا خيره ولا شره فمثلهم ليس صعبا عليه ان يخدع ويخادع بالدين وباي فيم اخري وباي شئ و
في كل شئ لكي يصل الي ما هدفه
ما خلاص خوص وزي ما بقولوا اهلنا في السودان ( الحته دي) بقت ظاهرة انكشفت
اهو عندك مثلا نافع علي نافع قرب يبقي واعظ فجاة جدا وبي قدرة قادر


#618848 [القول الفصل]
4.00/5 (1 صوت)

03-25-2013 12:27 PM
سلمت ياداك يا جنرال ،إنتو بتعرفوهم و بتعرفوا ألاعيبهم كويس الكيزان ديل ،،


#618815 [مصطفى دلوكة]
0.00/5 (0 صوت)

03-25-2013 12:06 PM
ياناس الزعل لى شنو؟ الطيب مصطفى حن ورجع لمهنة ابوه (معرص قواد بانديات كوبر وداقى دلوكة بارع حتى سموه الطيب دلوكة)ما زمان قلنا ليكم العرق دساس


هاشم أبورنات
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة