المقالات
السياسة
ارشيف مقالات سياسية

03-29-2013 09:10 AM


جاء في مقابلة مع حاجة هدية ام الرئيس البشير المكتفي رئاسياً بـأن ولدها وهو صغير ضربها في عضم الشيطان بسبب قنقر ولما كبر ودخل الكلية الحربية وبعدين جابوا ناس الإنقاذ بدل فاقد للرئيس الفعلي المرحوم مختار محمدين الذي مات في حادث طائرة قبل مواعيد انقلاب يونيو لم يكن غريبا علي البشير حكاية الضرب هذه
أول بالتبادي ضرب شيخه ذاته في قفاه زي ما بقولوا المصريين وضرب القفا عندهم عيب كبير .. في رمضان 2000 في ما سمي بالمفاصلة ضربه مع شيخ علي عثمان ضرب غرائب الأبل وخلوا ريحته طير طير.. وده بسبب أنه شيخه لمح بأنه حياخد قنقر الرئاسة من البشير وزملائه التانيين.
تاني بالزبادي ضرب ضربته الكبري بازاحة قرنق صاحب مشروع السودان الجديد وأدت هذه الضربة لإنفصال الجنوب وبدء تقسيم السودان لأنه قرنق لو عاش كان اخد قنقر المشروع الحضاري واداهم مشروع السودان الجديد.
وهو رئيس وافق علي ضرب ضباط حركة رمضان 90 موقعاً علي مرسوم اعدامهم الذي احضره المرحوم ابراهيم شمس الدين بما معناه وقع يا ريس الجماعة ديل خلاص انتهوا كانوا عاوزين ياخدوا قنقر الحكم مننا.
ضرب الشعب السوداني كله في عموده الفقري:
اصبح افقر شعب في العالم العربي ويكاد في الإفريقي رغم ما يذخر به السودان من ثروات وموارد.
حرب إبادة في دارفور .. ولما سئل بان القتلي عددهم تجاوز المئة ألف قال: بأنه لا يتعدي ال 10 ألف جاي يكحلها عماها وده كله بسبب قنقر السلطة
حرب مستعرة في ج كردفان والنيل الأزرق يموت فيها المواطن دوساً تحت أرجل المتصارعين جريا وراء قنقر الثروة والسلطة
موت فجائي وبطيء بسبب امراض فتاكة من سرطانات وفشل كلوي وحمي تايفود وصفراء وأنيميا وايدز وزهايمر اصاب معظم ايناء الوطن بسبب هم المعيشة وده كله بسبب قنقر الرئيس.
وضرب الشباب في اعز ما يملك نخوته وشهامته ورفضه لواقع مرير وحوله لشباب مغيب مخدر لا بورك فيه حتي لا يثور ضد قنقره العجيب.
ضرب النساء بسوط الشريعة بسبب البنطلون والجزمة اللون وشرايط انحلال الرقيص الماجن تأتي من قلب سجنه في حفل سجاني راقص خلاف حفلات اخري مانعاني اكل فيها البعض مع الريس قنقر الانبساط والانشراح.
ضربك يا حاجة هدبة بحديدة في عضم الشيطان وضرب الشعب السوداني كله بمرزبة في عموده الفقري؟




[email protected]


تعليقات 5 | إهداء 0 | زيارات 1566

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#623632 [ibrahimiyat al-garn]
0.00/5 (0 صوت)

03-30-2013 11:45 AM
لا حول ولا قوة الا بالله العلي العظيم .. عاق لوالدته سبحان الله بمهله ليزداد ذنوب علي حتي لايكون لديه حجة يوم العرض حيث لا ينفع جاه ولا مال ..


#623587 [برعي حسن برعي]
0.00/5 (0 صوت)

03-30-2013 10:56 AM
بس ما تنسى انو انضرب من اسرائيل وكان ردو بالمقابل مواصلتو لي ضرب الشعب والنساء والابرياء في دارفور وفي .....


#623256 [ترس]
5.00/5 (1 صوت)

03-29-2013 11:09 PM
عقوقه لامه في الصغر اودي به كبيرآ بان يتغمصه الشيطان و يعمي بصيرته لحمل اوزار 40 مليون نسمة .. و هو يغض الطرف عن فساد التمكين الذي اقر به وفساد وزرائه المكنكشين .. ودمار اخلاق و اقتصاد البلد الذي سمي زورآ و بهتانآ انقاذ تحت ستار الدين المفتري عليه .. ولا حول ولا قوة الا بالله .


#623242 [عصمتووف]
0.00/5 (0 صوت)

03-29-2013 10:47 PM
كان علي حق متربي علي عيشة القنقر والحاجة بتكون نست الهالوك والقورو والقدوقدو طلع متخلف بشكل فظيع الرؤساء بحكون عن الشكولاتة والمعجنات وغيره من الاطائب ومولدون علي اسرة من ديباج وريش وحبوا علي النجيلة يا كافي البلي زولا فقري زي ده يجي يكمنا وكمان نسلة مقطوع ما ضاق طعم الابوة راجين منوا شنو


#622874 [lwlawa]
0.00/5 (0 صوت)

03-29-2013 11:38 AM
طوال زمن معاناة هذا الشعب، وانا اسال نفسي، ما الذي جناه هذا الشعب ليسوموه سوء العذاب..؟؟.. يذبحون ابناءه ويغتصبون نساءه ..؟؟!!..
وظهر موضوع القنقر وبطل العجب .
بلد اصبح فيه قصر الرئاسة، مكان المصحة النفسية..؟؟


عمر الفاروق عبد الله
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة