المقالات
السياسة
ارشيف مقالات سياسية

11-16-2010 01:15 AM

بسم الله وبسم الوطن

لعنة الله عليهم

اْ/ضحية سرير توتو /القاهرة
dahiatoto@yahoo.com

اْذا قدر لي ان انسي كل شيء فلا انسي ابدا ذالك الشاب (الشمالي ) الذي تعدي سن الثلاثين وشوية , الذي قابلني في مطعم (السودان ) بالقاهرة قرب ميدان تمثال ابراهيم باشا , وانا جالس علي مائدة المطعم (بضرب ) في واحد كسرة مدنكلة بالتقلية .من عمك سليمان دوري صاحب المطعم , كان هذا الشاب قد نسف لتو صحنه المدنكل ايضاْ , وعندما لمحني جالس علي المائدة اْغاز ل في الكسرة في شوق احر من الجمر الي الكسرة السودانية في الغربة , اتجه نحوي بخطي ثابتة وقال لي بدون اي مقدمات او سلام , ويبدو عليه انه افتكر انني من جنوب السودان نسبة لشبهي الشديد مع اخواني الجنوبين الذ ين احبهم بشدة مثل حب الغزالة لوليدة , طو ل القامة مع لون البشرة الداكنة جعله يعتقد انني جنوبي , قال لي ,(شوف انا داير اقول ليكم حاجة انتوا يالجنوبين ولا زم تعرفوها كويس قبل ان تنفصلوا وتمشوا وتخلونا للكيزان ديل (المانافعين )..ممكن تجي نقعد بره ونشرب شاي سوي , بعد ماتنتهي من اكلك ؟؟ ) قلت له اكيد طبعاْ ! .اطلب انت الشاي وانا جايك , بعد ما انتهيت من الكسرة ذهبت اليه , قال ( لازم تعرف وتقول لكل الجنوبين , اهلك , ومعارفك واصدقائك وصديقاتك وماتخلي فيهم زول الا ويكون قد عرف هذا الكلام !! (ان المؤتمر الوطني لعنة الله عليهم جميعا هم السبب الاول والاخير في جعل خيار الانفصال هو الاحسن للجنوبين وليس الشماليين وان المؤتمر الوطني لا يمثل الا ناس معينة مريضة بحمي المال والسلطة ونحن نتبريء منهم , وقال شتيمة بذيئة للمؤتمر الوطني وقياداتها لا استطيع كتابتها احتراما ْ للسادة القراء . ثم نظر الي واعتذر وقال (معليش ) علي هذه الشتيمة ..بس مالقيت كلمة تانية تنفع معاهم . خربوا البلد وقسموها كيمان ده جنوبي وده شمالي وده نوباوي وده فوراوي وده شنو ماعارف .وقال بالمناسبة النوبة ممكن يمشو لو الجماعة ديل قاعدين في السلطة ..والزول بتاعهم ( المانافع داك) العامل فيها ببكي عشان الجنوب حينفصل , قال شتيمة اكثر وقاحة وبذاءة اليه !! انه هوالسبب والمحرض الاكبر في عملية تقسيم السودان هو وخال البشير , لكن نحن الشماليين الاغالبية الساحقة ماعندنا اي يد في ( القاعدين يعملوا فيه ناس الجبهجية ديل , الله يلعنهم ويسلط عليهم غضبه زي ماغضبونا وقسمونا .) وقطع كلامه واحد شمالي اخر يبدو عليه انه كان رامي اذنه الشمالي تجاهنا وسمع كل حاجة قال ( تقدر تعمل شنوا في ال... قال شتيمة ايضا بنوع من الغضب والزعل الممزوج بالكره تجاه المؤتمر الوطني .) عاد صاحبنا الشمالي الاول قال (شوف ده واحد شمالي اخر زي باكد كلامي البقولوا ليك واكيد في ملايين امثاله .
حقيقة والحق يقال كان كلامه صادق وطالع من صميم قلبه . قلت له فعلاْ هؤلاء, بس بدون شتيمة , خططوا علي اقامة دولة عربية اسلامية في السودان اجمع وقاموا بذالك , وضع خطتين لا ثالثة لهم .خطة (اْ) وخطة (ب) خطة (اْ) وضها الترابي سنة 1986م عندما كانوا يخططون لمشروعهم الجائر تقول الخطة .الاْستيلاء علي السلطة باْي وسيلة كانت مشروعة او غير مشروعة , ومن ثم القضاء علي العنصر الزنجي الاْفريقي الذي يمثل التحديد الاْكبر في قيام الدولة العربية الاْسلامية في السودان (الجنوب يمثل النسبة الاْكبر من الزنوج الافارقة (صيرف) .) , فكانت حرب الجهاد لاْبادتهم . ولكن فشلت الخطة نسبة لقوة النضال والكفاح الذي بذلوه الجنوبين في ارضهم .ثم لجؤ ا الي الخطة (ب) الذي وضعها بعناية فائقة يحسد عليها مهندس مشروع الدولة العربية الاْسلامية الذي يلبس ثوب حمامة السلام الاْن .علي عثمان محمد طه , هذه الخطة تقول لابد من توقيع اتفاق يضع فيها خيارين لا ثالثة لهم انفصال او وحدة وان يكون هذه الوحدة بشرط جزائي ( وحدة جازبة )في هذه الفترة نستطيع ان نجعل الجنوبين يكرهون حاجة اسمها وحدة حتي لو كانت جازبة , في الفترة الانتقالية بشتي السبل والطرق , فكانت جريدة الانتباهة الذي اسس مخصوص ليقوم بهذه المهمة ووكلت الي (خال) الهارب من العدالة الدولية (البشير) , وعلي فكرة خال البشير ده مابجيب كلام من راسه ساكت ولا بنطق عن الهوي, زي الكلام الخطير الذي يقوله (كلام عنصري يحدد امن افريقية كلها وليس السودان فقط , لو اي واحد تاني قال الكلام ده لكان مصيرو الاعدام في ميدان عام تحت مسمي تحديد امن البلاد ! وقلت له اعتقد ان الخطة (ب) قد نجحت بنسبة 99% , فضل ايام والجنوبيين يمشوا الي جنتهم الموعودة .وارض الحريات والديمقراطية والرفاهية , قلت له الكلام بقي فيكم انتم لو ما (عايزين ) ناس الجبهجية ديل ماتعملوا حاجة تشيلوهم بيها من الحكم قبل ما باقي السودان يتمزق , والاْرضية صالحة علي ذالك علي ما اْعتقد , نظر الي وقال ( انت عارف انا مش ها اْسكت .. لكن ماعارف اعمل شنوا بس مش ها سكت .. وحلف بدينه انه مش ساكت ثم استئذن (ومشي)
جلست في مكاني ساعات وانا افكر في كلامه الاخير المثير للدهشة ( انا مش ها سكت ولكن ماعارف اعمل شنوا بس مش ها سكت , ثم سالت نفسي عن الذي ينبغي ان نفعله جميعا لاْزالة هذا النظام الجائر ونرميه في مزبلة التاريخ غير نادمين عليه , حتي لا يتمزق الجزء الذي فضل من السودان وبالتالي نكون قد حفظنا ماء وجهنا امام العالم الذي ينادي بقوة الا تحاد , وماذا في ايدينا ان نفعله كمواطنيين غيورين علي وطننا لا يملكون سوي السنتهم واحيانا اقلامهم ؟ وبعد تفكير قلت لنفسي واتمني ان نعمله فورا لاسقاط هؤلاء هو ( انتفاضة شعبية قوية) ثالثة مثل انتفاضة اكتوبر او انتفاضة (نميري ) لماذا لا يكون هناك انتفاضة (البشير واعوانه ) .حقيقة السنا بحاجة الي هذه الانتفاضة الشعبية ؟ لحفظ البلاد من التطرف الفكري والدعارة الساسية لهؤلاء المرضي ؟ لماذا لا يتجمع الشمالين ويعلنوا عصيانهم علي هؤلاء الذين يتكلمون باسمهم دائما حتي اصبحت المشكلة تقال بين الجنوبين والشماليين مع انه الاْصح .. الجنوبيين والقلة الموجودة في( المركز ) , واكدها باقان اموم اكثر من مرة في للقاءته , لماذا لا يلجاْ الشماليين الابرار الي الضغط المتكرر علي هذا النظام الظالم بكل مافي ايديهم من وسائل شرعية وغير شرعية , وهذه دعوة لاْنتفاضة ثالثة لاْسقاط هؤلاء , الا هل دعوت واللهم فاْشهد !


تعليقات 2 | إهداء 0 | زيارات 2399

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#47660 [zoal]
0.00/5 (0 صوت)

11-19-2010 10:32 PM
تاااااااني انتفاضة ياانتو؟؟؟ غيرك كان اشطر واسأل الحاج وراق عن الجماهير وعن الانتفاضة (21 سنة بقول في نفس الكلام , وكانو ما كان في شي) الناس وعت بقت عارفة مصالحها وين ...بالمناسبة وين الحاج وارق والقراي لاحس لاخبر ؟؟؟؟!!!! هع هع هع هااااع قال انتفاضة قال


#47078 [عصام على دبلوك]
0.00/5 (0 صوت)

11-16-2010 04:36 PM
تسلم ياغالى هذا ما ظللنا نرددة ان تعميم وتليق الأخطاء على كل الشماليين ليس من المصلحه فى شيء وليس صحيحا والدليل ان لغلب المهاجرين من ايام الطاغيه نميرى وحتى تاريخه من اهل الشمال الذين ضاقت عليهم الارض بمارحبت وان ذلك التعميم سيدفع الشماليين لأحضان الاسلامويون


ضحية سرير توتو
مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة