المقالات
السياسة
ارشيف مقالات سياسية
العفو عند المقدرة..!! "منع من النشر"
العفو عند المقدرة..!! "منع من النشر"
04-09-2013 11:06 PM

امس الأول ولجت كريمة الرائد فاروق حمدنا الله الى ردهات القصر الجمهوري..اماني فاروق كانت تبحث عن ثأر والدها الذى اعدمه جعفر نميري في اعقاب فشل انقلاب يوليو 1971..مكتب الرئيس استقبل (بنت ابيها) بحفاوة واعتذر لها مدير المكتب الفريق طه عثمان عن ذاك الحادث المأساوي..اماني حمدنا الله تبحث الان عن عنوان السفارة الليبية بالخرطوم لتحتج على الدور الليبي في اختطاف والدها من طائرة الخطوط البريطانية وتسليمه للجنرال جعفر نميري.
أمس صدرت احكام مختلفة على العسكريين المشاركيين في المحاولة الانقلابية..الاحكام العسكرية تراوحت بين السجن والطرد من الخدمة ووصلت لتبرئة بعض المتهمين..من قبل طلبنا أن يأخذ القانون مجراه دون استخدام فقه (هؤلاء اولادنا)..ولكن بعد قال القانون كلمته نتمني من رئيس الجمهورية التعامل بفقه العفو عند المقدرة عبر اسقاط العقوبات الذي يتيحه له الدستور والاعراف المستقرة في السوابق القضائية.
الان السودان في مرحلة جديدة شهدت انفراجا في اكثر من صعيد..العلاقات الدولية تثمر عن مؤتمر للمانحين في قطر تعهد فيه العالم بتقديم مليارات الدولارات لاعادة تنمية دارفور الجريحة..ذات الدوحة القطرية استضافت جولة من المفاوضات جمعت الحكومة السودانية واطراف مؤثرة من حركة العدل والمساواة انتهت بالتوقيع على اتفاق سلام يرجى ان يؤثر ايجابا في اطفاء حرائق دارفور..في الاسبوع القادم تستضيف المملكة السعودية مؤتمرا لجذب الاستثمارات العربية لمقرن النيلين..على صعيد اخر شهدت العلاقة بين جوبا والخرطوم تطورا ادى للسماح بتدفق النفط الجنوبي شمالا..في مثل هذه الاجواء التفائلية لا يستحسن الحديث عن انقلابات ومحاكمات توحي بعدم الاستقرار..مثل هذه الايحاءات طاردة للاستثمار الاجنبي الذي يبحث عن الأمن والسلام.
توطين قاعدة التعامل بالمثل في هذه المنعطفات مهم للغاية..قبل ايام اصدر الرئيس البشير قرارا بالافراج عن جميع المعتقلين السياسيين..استفاد من العفو مجموعة من السياسيين المتهمين بالتواصل مع الحركات العسكرية المتمردة..ومن قبل صدر عفوا رئاسيا استفاد منه السيد مبارك الفاضل المهدي وبعض من اعضاء حزبه اثر اتهامهم بالتدبير لانقلاب عسكري..التسامح وصل حد الافراج عن بعض الذين هاجموا امدرمان في مايو 2008..العفو شملهم رغم ان حركة العدل والمساواة لا زالت تحمل السلاح في وجه الدولة.
في تقديري ان هنالك عاملا يجب ان يؤخذ في الحسبان عندما نقدم هذا الالتماس للسيد رئيس الجمهورية..هؤلاء الذين شاركوا في المحاولة الانقلابية لديهم سجل طيب في الخدمة العسكرية الممتازة..منهم من قضي وقتا طويلا وهو يحارب في الادغال والاحراش والصحاري من اجل الحفاظ على وحدة السودان..بل بعضهم قدمت اسرهم شهداء في سبيل السلام.
الرئيس جورج بوش الصغير اسقط عقوبات بحق مائة وتسعة وثمانين مدانا خلال رئاسته للولايات المتحدة..رغم ذلك لامه الاعلام الامريكي لأنه لم يكن عفوا متسامحا مقارنة باسلافه من الرؤساءالامريكان.
سيدي الرئيس افعلها وتوكل فستزداد مقاما عند شعبك.


تراسيم
عبدالباقي الظافر
[email protected]


تعليقات 30 | إهداء 0 | زيارات 5627

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#634674 [مكنة قندران جارى كارو]
0.00/5 (0 صوت)

04-11-2013 03:18 AM
ي تقديري ان هنالك عاملا يجب ان يؤخذ في الحسبان عندما نقدم هذا الالتماس للسيد رئيس الجمهورية..هؤلاء الذين شاركوا في المحاولة الانقلابية لديهم سجل طيب في الخدمة العسكرية الممتازة..منهم من قضي وقتا طويلا وهو يحارب في الادغال والاحراش والصحاري من اجل الحفاظ على وحدة السودان..بل بعضهم قدمت اسرهم شهداء في سبيل السلام.

سلام ايه دبل امضو خدمة طويلة فى تقتيل شركاء وطنهم وممتازة كمان


#634656 [سمر]
0.00/5 (0 صوت)

04-11-2013 02:11 AM
ياخوانا كان في عفو اطلبو العفو لكل الناس حتي ناس 2004 الباعهم الحاج ابو ساطور .


#634623 [hamid]
0.00/5 (0 صوت)

04-11-2013 12:56 AM
المقام لا يسمح لي بمناداتك بما تستحق(منهم من قضي وقتا طويلا وهو يحارب في الادغال والاحراش والصحاري من اجل الحفاظ على وحدة السودان..بل بعضهم قدمت اسرهم شهداء في سبيل السلام.)إية وحدة و أي سلام يا.................


#634466 [MUSTAF]
5.00/5 (2 صوت)

04-10-2013 07:45 PM
ايه رأيك فى فقه حلو عن سمانا ....؟؟؟؟


#634461 [واحد تفتيحة]
5.00/5 (2 صوت)

04-10-2013 07:31 PM
يا عبد الباقي الظافر العفو عند المقدرة مع جماعتك بس وضباط 28 رمضان مافي ليهم العفو عند المقدرة والمارضين النظام في الزنازين مافي ليهم العفو عند المقدرة .
كسرة : هل تعلم يا ظافر ان من ضمن المعتقليين السياسيين مجموعة مقدرة من حملة درجة البروف دون زكر الاسماء ( يا امة ضحكت من جهلها الامم ) .


#634234 [زول]
0.00/5 (0 صوت)

04-10-2013 03:12 PM
ده مقال تضيع به زمنا ياخ عنوان ذي الفسيخ


#634137 [Hanbeero]
5.00/5 (2 صوت)

04-10-2013 01:38 PM
العفو عند المقدرة وفقه عفا الله عما سلف لماذا غاب أمام من تم إعدامهم في رمضان وقبايل العيد!!!أليست تلك محاولة إنقلابية أيضاَ مثلها مثل هذه الآخيرة؟ ولا ديك كانوا كفار وديل مسلمين؟ ثم إن العفو الذي تتحدث عنه يالظافر عبارة عن عفو انتقائي وليس عفواً شاملاً فالسجون مليئة بالسياسيين!!!!!! وقد تم في شكل SHOW تحت ضغوط خارجية وبعض داخلية، وهو مقدمة لعفو يشمل هؤلاء المحكومين والمسرحية كلها يجري الآن إخراجها وأنت أحد أولئك المخرجين إن كنت على علم أم على جهل بأبطال المسرحية. واللى ما عندو ضهر بنجلد على بطنه أو كما قيل. وحتى منع هذا المقال من النشر جزء من المسرحية..........


#634111 [ود الجنيد]
4.00/5 (4 صوت)

04-10-2013 01:13 PM
كلام غريب والله مافى اى سبب عشسان اتمنع من النشر لكن انتو عارفيين تكون الوردية بتاعت ناس الامن ماسكها واحد ما بفك الخط تربالى من ناس حجرال عسل ولا الضب وكدا عامل فيها ظابط كبير فى اللمن


#634058 [بلاك بلوك فرع السودان]
5.00/5 (2 صوت)

04-10-2013 12:31 PM
هؤلاء الذين شاركوا في المحاولة الانقلابية لديهم سجل طيب في الخدمة العسكرية الممتازة..منهم من قضي وقتا طويلا وهو يحارب في الادغال والاحراش والصحاري من اجل الحفاظ على وحدة السودان..بل بعضهم قدمت اسرهم شهداء في سبيل السلام. اقتباس .

طيب يا الظافر وجماعة ال 28 رمضان ديل كانوا في الجيش الاثيوبي ولا كيف .. سبحان الله قمة النفاق ان تكيل بمكيال مختلف لجميع القضايا .. منتهي الارتزاق يا الظافر احترم نفسك اولا لكي تحترم يا رجل استحي شوية طيب واجعل اطفالك تفتخر بك يوما ما .


#633992 [دينق]
5.00/5 (1 صوت)

04-10-2013 11:43 AM
واللذين ذبحو في رمضان الم يحاربو من اجل السودان ام لم يكن لهم سجل طيب ..
الاختشو ماتو ...


#633975 [اللورد]
5.00/5 (2 صوت)

04-10-2013 11:32 AM
يا الظافر (بشنو ما عارف) قوم ب... بعدين يا ادمن فكنا من حكاية منع من النشر دي .. الإتمنعت الأهرام اليوم ... لو ناس الأمن شافو مقال الطبال ده كان وزعوها مجانا مع صحيفة انتشار


#633958 [saria]
5.00/5 (1 صوت)

04-10-2013 11:17 AM
اهسه المقال ده فهيو شنو يمنع من النشر
طيب ما ده الحصل فعلا
هذا يدل ان المنع من النشر يتم بدون منهج ووفق
اجتهادات اشخاص / كان الله في عون الصحفيين


#633930 [ABU SHAWARIB]
5.00/5 (1 صوت)

04-10-2013 10:55 AM
منع من النشر.....!!
ليه؟
انت موش معاهم وكتابتك دى ما فيها اى شئ ضدهم
ولا كاتب عليه منع من النشر عشان نقراهو .......


#633909 [محمد أحمد]
0.00/5 (0 صوت)

04-10-2013 10:41 AM
اقراء هذا الموضوع بعناية مقارنة بما صرح بها الناطق الرسمي للقوات المسلحة ( الصوارمي ) واستنــتج اخي قارئ الراكوبة.


ردود على محمد أحمد
Qatar [محمد أحمد] 04-10-2013 11:44 AM
يقول الصوارمي في الراكوبة اليوم:-

الصوارمي: الضباط المدانون تقدموا بطلب استرحام ليشملهم عفو البشير.

ويقول الظافر

العفو عند المقدرة..!!

لماذا تطلب العفو لمتهميين بعينهم ولا تطلبه للاخرين يا السيد / الظافر

أكشف با بنفس ، فحبل الكذب قصير


#633896 [Dr. Faisal]
5.00/5 (1 صوت)

04-10-2013 10:34 AM
يااااااااااااااااااااااااااااه!!!!!! اخس عليك!!


#633891 [sul.dafa]
5.00/5 (2 صوت)

04-10-2013 10:31 AM
انا عبد الباقى الظافر دا ما قاعد اقرا ليه لكن لمن قريت منع بواسطة الرقابة قلت امك الزول دا اليوم جايب قنبلة ولكن للاسف دا مقال مفروض ينشروه فى كل الصحف لانو ما به من تتطبيل كفيل بالعفو عن اى كوز اكل قروشنا او عمل اى حاجة فى حق السودان الغلبان و الشعب السودانى المسكين الله يكون فى عونه.


#633843 [عصمتووف]
4.75/5 (3 صوت)

04-10-2013 09:58 AM
الرئيس جورج بوش الصغير اسقط عقوبات بحق مائة وتسعة وثمانين مدانا خلال رئاسته للولايات المتحدة..رغم ذلك لامه الاعلام الامريكي لأنه لم يكن عفوا متسامحا مقارنة باسلافه من الرؤساءالامريكان.
سيدي الرئيس افعلها وتوكل فستزداد مقاما عند شعبك.


دائما امثالك تدعوا للرثاء تقارن السودان بامريكا وتقارن بغلنا باسدهم ما لقيت الا ابناء اليانكي ماعندك الصومال افغانستان لا تعتقد باننا نحن افضل منهم حالا بل الاسوء


#633796 [hassan alamin]
5.00/5 (1 صوت)

04-10-2013 09:22 AM
الاخ عبد الباقي الظافر - انا ما كنت قايلك وصلت لهذه الدرجة من الولاء للمؤتمر الوطني بالله اسالك قبضت كم مقابل ذلك ؟


#633752 [زول مشتاق لسودان زمان]
5.00/5 (1 صوت)

04-10-2013 08:43 AM
الأخ الظافر ..الانقاذ استخدمت فقه هوءلاء أبنائنا والدليل الأحكام الصدرت دي .. حسا ديل فرقهم شنو من ال 28 الآعدموهم في رمضان من المفترض كان معاملتهم على أن كلهم أبناء القوات المسلحه .. كان يحكموا بالاعدام وبعد داك ينظر في الاسترحام ... لكن القوات المسلحه لم تعد قوميه بل أصبحت جهويه بغيضه والدليل أن الأخطاء التي يرتكبها منسوبو الكيزان فيها وتمر مرور الكرام ... احتلال هجليج لم تتم محاسبة وزير الدفاع ولا أي مسئول ضرب بورسودان لم يتم محاسبة وزير الدفاع ولا أي مسئول .. وفوق دا كله اعدام فئه وسجن فئه في نفس الجرم مع اختلاف الزمان ... عيب على أفراد القوات المسلحه أن كان فيهم وطني غيور القبول بهذا الوضع ولكن هي الدنيا... الله يرحم أيام كانت القوات المسلحه قوات سودانيه قوميه كان قلبوهم زمان لكن هيهات خربوها البشير وكيزان السوء وقعدوا على تلها.


ردود على زول مشتاق لسودان زمان
United Arab Emirates [نصرالله] 04-10-2013 03:38 PM
قوات مسلحة كل ضباطها اكلوا مال السحت -- واصبحوا كما يقول المثل الدارفورى كالثعبان الذي بفمه جراده هل يستطيع ان يلدغ ؟ والبركة في القوات المسلحة وفيكم وفي البلد-- ويا قلبي على وطنى 28


#633684 [الخمجان]
5.00/5 (1 صوت)

04-10-2013 07:11 AM
بس انا داير اعرف كيف منع من النشر وهو تطبيل فى تطبيل


#633663 [الدنقلاوي]
0.00/5 (0 صوت)

04-10-2013 04:35 AM
عبدالظافر ..خلي بالك أنت رجعت التنظيم تاني ومراهن على السائحون ... لكن زس ما قالوا الأخوان أظرف حاجة في مقالك أنه منع من النشر ..على مين يا عبدالظافر


#633662 [المــــــــــــــــــــــــــــــــدير]
5.00/5 (2 صوت)

04-10-2013 04:30 AM
سيدي الرئيس افعلها وتوكل فستزداد مقاما عند شعبك. على الطلاق رئيسك ده لو رجع كيلو اللحمه
لى خمسه جنيه والسكر واحد جنيه والعلاج والتعليم مجان فلن يزداد مقاما .. اكتب لينا عن صاحبك
والى الجزيرة بتاع الزبادى والعدس الذى يغسل ملابسه بالملايين ..


#633638 [الكوشى]
3.00/5 (2 صوت)

04-10-2013 02:30 AM
حسه الفرق بينك و بين الهندى عزالطين شنو؟؟؟؟؟؟؟


#633626 [ibrahim ismail]
5.00/5 (1 صوت)

04-10-2013 02:00 AM
الاخ الكريم
بعد كسير التلج ده كلووو وبرضو منع من النشر ولله تستاهل


#633611 [الشاذ على المحورين]
2.75/5 (3 صوت)

04-10-2013 01:18 AM
"منع من النشر" !!!!!!!!!!!!!!!!!!!!!!!!


هههههههههههههههههههههههههههههههههههههههههههههههههههههههههههههههههههههههههههههههههههه


الفـــــــــــــــــــــــــاضى يعمل قاضى


#633606 [صادميم]
4.00/5 (2 صوت)

04-10-2013 01:07 AM
ما ذا يوجد في هذا المقال حتى يمنع من النشر


#633574 [د.سيد عبد القادر قنات]
4.00/5 (2 صوت)

04-09-2013 11:48 PM
بتاريخ 9-3-2013 تم اعتقال الاستاذالنور وداعة الله محمد سعيد وهو يعمل معلم بالمرحلة الثانوية محلية ودبندة شمال كردفان وهو عضو حزب المؤتمر السوداني وقد تم ترحيله لجهاز الامن ولاية الخرطوم ومازال رهين معتقله حتى الان 9-4-2013
نرجو التكرم بنشر الخبر وسوف نوافيكم بتصريح صحفي وبيان مفصل من الحزب
مالك ابوالحسن
نائب الامين العام
حزب المؤتمر السوداني

هذا الإعلان نحوله للأستاذ عبد الباقي الظافر،،
تاني شي مقالك هذا مافيهو أي حاجة تمنع نشره!!!

ونقول لك إن كان قد تم منع هذا المقال وهذا يعتبر حجرا علي الحريات وضد ما قاله السيد الرئيس والنائب الأول ودعوتهملفتح باب الحوار مع كل الفعاليات السياسية ،،، الحوار بطريقة غير مباشرة ربما كان مرفوضا من بعض فادة السلطة الحاكمة أليس كذلك ؟
يديكم دوام الصحة وتمام العافية والشكر علي العافية


#633571 [المستغرق]
4.50/5 (2 صوت)

04-09-2013 11:45 PM
ولماذا مُنع هذا المقال من النشر ؟؟
طيب الاحكام (المخّففه) دي ظاااااته ما زي (عفو) ..


#633570 [ود بري]
0.00/5 (0 صوت)

04-09-2013 11:43 PM
اسم المرحوم فاروق (حمد الله)، ليس حمدنا الله.


#633568 [عميد (م)د.سيد عبد القادر قنات]
5.00/5 (2 صوت)

04-09-2013 11:38 PM
سلام أستاذ عبد الباقي

منذ فجر إنقلاب 30 يونيو 1989 تمت محاكمات كثر شملت حتي الإبن مجدي محجوب محمد أحمد والذي تم إعدامه لأن في خزنة أسرته دولارات، فأي جرم أرتكب في حق هذه الأسرة المكلومة إلي يومنا هذا؟؟ الطيار جرجس أيضا أعدم، مجزرة العيلفون ، شهداء رمضان ، الدكتور الشهيد علي فضل والدكتور الشهيدإيهاب طه؟وشهداء كجبار ، ونحاكمات أنا السودان وغيرها كثر ،،، بل حتي علي مستوي العمل الصحفي والرقابة القبلية والبعدية والمصادرة والمنع والإقفال بل حتي منع بعض الصحفيين من الكتابة أو رئاسة تحرير الصحف مثل عووضة وبالأمس النور أحمد النور وقبل فترة منع حتي إسحق أحمد فضل الله وما زالت التيار موقوفة وصحفيي جريدة الحرية وجريدة رأي الشعب،،، كل هذا هو ما كان يجب أن يكون دعوتنا كلنا جميعا من مبدأ كفالة الحرية للجميع حرية رأي ورأي آخر دون مصادرة لحق إلهي بواسطة بشر مهما كانت درجات مسئولياتهم الدنيوية،،، هنالك أكثر من 30 إمرأة في سجون كردفان لأنهن من بنات النوبة وبالأمس تم إعتقال محمد البوشي ، إذذا إن كان هنالك عفو فيجب أن يكون عفوا شاملا لا إنتقائيا، عفوا يشمل جميع السودانيين داخل وخارج أسوار المعتقلات والسجون محكومين أو منتظرين بغض النظر عن لونهم السياسي والجهوي والعرقي، أـليس كل السودانيين سواسية أمام القانون؟؟؟ أم أن هنالك خيار وفقوس وديل أولادنا؟؟؟؟ يديكم دوام الصحة وتمام العافية والشكر علي العافية


عبدالباقي الظافر
عبدالباقي الظافر

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة