أين عقول الباقين ..؟!! - منع من النشر
04-11-2013 08:37 AM

بالمنطق


* عضو المجلس العسكري الانتقالي الفريق أول تاج الدين قال في حوار صحفي ما معناه: (والله النميري كان رئيس كويس إلا الأمريكان خدروه عشان يتخذ قرارات هو ما واعي بيها)..
* وباللهجة السودانية ذاتها نصيغ ما قاله البعض دفاعاً عن صدام حسين: (والله صدام كان رئيس كويس عِلاَّ الأمريكان أوعزولو بغزو الكويت عشان يتخلصوا من نظامه)..
* وكذلك ما كان يُقال عن القذافي: (والله معمر كان زعيم كويس بالحيل لكن الأمريكان جهجهوه)..
* ومثل الذي يُقال دفاعاً عن (الدكتاتوريين) هذا هو ما نقوله نحن رفضاً للأنظمة الأحادية..
* (يعني) لا يمكن لمصير بلد أن يكون معلقاً بعقل رجل واحد متى ما (أكل) الأمريكان- أو سواهم- به (حلاوة) ضاعت البلاد هذه (بحالها)..
* ثم لماذا لم يمارس النميري أو صدام أو القذافي الشيء نفسه تجاه رؤساء أمريكا- ودول الغرب- كيما يوجهوهم الوجهة التي يريدون؟!..
* لا يستطيعوا أن يفعلوا ذلك- بالتأكيد- لأن الدول هذه تحكمها (المؤسسية) ولا يحكمها (أفراد) لا يبارحون كراسي السلطة أبداً بـ(أخوي واخوك)..
* إنهم (الذين يقعدون ولا يقومون) كما وصفهم كاتب عربي (ممغوص) من قبل..
* وبعد سنوات من (القعود) هذا يضحى الحاكم (متسلطاً) لا يرى في بلاده كلها من هو أحق بإدارة شؤونها منه..
* ومن أجل (تأمين) ديمومة البقاء في السلطة لا يتوانى (الزعيم) عن البطش بكل من تسول له نفسه انتقاد حكمه فيُكتب عند الله والناس والتاريخ (سفاحاً)..
* ثم لا يستكثر الصرف على معينات التأمين هذا ولو بلغ ما يعادل ثلثي ميزانية دولته..
* وأمثال (القاعدين) هؤلاء لا (يقومون) إلا بوسائل معلومة ليس من بينها وسيلة (أخوي واخوك) التي ذكرنا..
* فإما أن يُطاح بالواحد منهم عبر انقلاب عسكري (مضاد)..
* وإما عبر انقلاب (أبيض) داخلي يحل فيه (أحمد) مكان (حاج أحمد)..
* وإما عبر ثورة شعبية كانتفاضتَّي أبريل واكتوبر عندنا، وثورات الربيع العربي من حولنا..
* وإما عبر ملك الموت الذي لا يتذكره (القاعدون) إلا حين يأتيهم (بغتةً)..
* والذي يهمنا من بين ذلك كله- في كلمتنا اليوم- هو حكاية (التأثير الخارجي) على (عقل) الرئيس الأوحد..
* فلو كان هنالك برلمان حقيقي لا تقتصر مهمته على (البصم)...
* ولو كان هنالك وزراء حقيقيون لا تقتصر مهامهم على محاولة (إرضاء) الزعيم.....
* ولو كانت هنالك مؤسسات (تأمينية) لا تقتصر مهامها على عبارة (كلو تمام يا فندم)....
* ولو كانت هنالك صحافة حقيقية لا تقتصر مهامها على (المشي جنب الحيط)...
* لو كان ذلكم كله متوافراً لما احتجنا إلى من يلتمس العذر للحكام بمثل عبارة (والله نميري كان كويس إلا الأمريكان لعبوا بعقله)..
* (طيب)؛ أين عقول الباقين ؟!!!!!


آخر لحظة


[email protected]


تعليقات 12 | إهداء 0 | زيارات 4910

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#665458 [زكي مسكين]
0.00/5 (0 صوت)

05-15-2013 04:47 AM
والله الساكت عن الحق شيطان اخرس والسودانيين عايزين ليهم علي الاقل عشره سنه عشان يصحو ولما نصحا المفروض حنبدا من الصفر وحكايه ميؤس منها وبعدين انتو معجبين بوضعكم دا ليه درسونا في الكتب انو السودان سلة غذا العالم وبنستورد القمح وقالو لينا السودان فيهو الذهب ونحنا فقراء وقالو لينا السودان فيهو اسمنت وكروم ونحاس وحديد وبترول ونحنا الي الان بيوتنا من طين واهلنا في غرب السودان جيعانين والنحاس ماعملنا بيهو مواسير للمويه عشان نشرب مويه نظيفه وين التعليم وين الصحه وين البترول معقوله للان في اماكن مافيها سفلته والفيها سفلته بيموتو فيها كل يوم 25 واحد عشان الطريق سيئ انا ما عارف نحنا الي الان التقدم الحققناه غير اننا عايشين وبالمناسبه عشان الطلبه مايجنو اما تغيرو المنهج او تغيرو البلد لانو الحكايه دي بتشوش علي كل عاقل


#635298 [حسبو ودبدر]
5.00/5 (1 صوت)

04-11-2013 06:44 PM
ولماذا منع هذا المقال من النشر؟! يكاد المريب يقول خذوني


ردود على حسبو ودبدر
Sudan [tahir] 04-12-2013 02:35 AM
هههههههههههه والله صدقت


#635129 [قهران من أمثالك]
5.00/5 (1 صوت)

04-11-2013 02:43 PM
والله عووضة دا من موقفو من الدعوة لفضائية للمعارضة بقيت أشوف حروفو عشرة عشرة ، كلكم زي بعضكم يا ....
انفضحت بالموضوع داك وبنت على حقيقتك .. ان


#635113 [قاعد برة زيك]
3.50/5 (2 صوت)

04-11-2013 02:25 PM
مالكم ايها السادة لا تعقلون؟
والله يا اخوانا السودانيين وصلو الدرك الاسفل و كلو بسبب الحكومة. انحنا برة بقي الناس ما بتحترمنا و بقولو علينا جعانيين حتي الهنود و البنغالة و الفلبينين بقو يعاينو لينا بحقارة و دة كلو عشان الحكومة. لو شفتو الاحترام و الدهنسة للناس العندها قروش ديل لمن تخجل من روحك مع انو الناس العندها الفروش ديل العلمهم السودانيون و الصلحو ليهم بلدم السودانيونز احححححححححححححححح نحن انتهينا يا هلنا والله انتهينا و المشكلة انو مافي طريقة نرجع تاني لمكانا الزمان No any way to recover again NO WAY beleive me


#635097 [ود الجنيد]
3.50/5 (2 صوت)

04-11-2013 02:10 PM
اذاء حضر الماكول ذهبت العقول
وامتلاءت البطون
وثارت الشجون تبحث عن المجون
وقيل ماهو المجون فى عهد تفلحون
ضبطهم يلعبون فى شقة تحرسها الدقون
وتحت بصر من لا يبصرون ويدعون
يدعون ماذاء انهم على الجق ثابتون
الا على من حدثتة نفسة يوما بان يثور على المختارون
انهم فتية اكلهم تمرتين وكوب ماء من حفير حميرون
وفجاة اخذتهم بغطتة سحر سلطة من حيث لا يحسبون
فمن انتم ايها السفلتة المخنثون
يا من على خطى القذافى وحسنى مبارك تتخبطون
فمتى تستفيقون هل بعد ان كل هذاء انتم تشعروون حتى وان ولج شيئا فى مكان معللووووم كما القذافى ضوت كوومممم


#634887 [حاتم أب تفة]
5.00/5 (3 صوت)

04-11-2013 11:06 AM
فعلاً، بالمنطق..!
ولكن "الرقاص" لا يفهم..!
وهو أساساً في عسكري بفهم..؟!!


#634882 [Dr. Faisal]
5.00/5 (3 صوت)

04-11-2013 11:02 AM
يقول تعالى (ها أنتم جادلتم عنهم في الحياة فمن يجادل الله عنهم يوم القيامة أمن يكون عليهم وكيلاً) ويقول (يوم يعض الظالم على يديه يقول يا ليتني اتخذت مع الرسول سبيلا* يا ويلتاه ليتني لم اتخذ فلاناً خليلاً) ويقول (الأخلاء يومئذ بعضهم لبعض عدو إلا المتقين) ويقول (يوم تجد كل نفس ما عملت من خيرٍ مُحضراً وما عملت من سوء تود لو أن بينها وبينه أمداً بعيداً)


إيييييييييييييييييييييييه ياعووضة.. كلنا عارفين إنهم قرأوا هذه الآيات (وكمان بيفسروها) لكن ياريت - مش عشانا إحنا عشان أنفسهم - يتبصروها يعني (يعاينوا ليها بقلوبهم)..
تصدق ياعووضة والله أنا أشفق عليهم أحياناً كثيرة العالم دي شايلة في كتوفا بلاوي رغم آيات الله الكثيرة - ليس فقط في القرآن - ولكن فيمن كان من بينهم وأصبح اليوم تحت التراب أو في رفوف الكتب أو يافطة في شارع أو قاعة مؤتمرات أو مجرد أقاويل نتداولها في مجالس الأنس ومع ذلك لا يتعظون ولا يعلمون..

دنيا


#634878 [atifer]
2.75/5 (3 صوت)

04-11-2013 11:00 AM
we love u toooooooooooo much ,mr. awooda tslm


#634860 [ابوزول]
4.50/5 (2 صوت)

04-11-2013 10:45 AM
لو كان افق الحكام واسع مثل افقك.....وتفكيرهم مثل تفكيرك لما صرنا الي ما صرنا....لك التحية والتقدير....حفظك الله


#634855 [Shah]
3.50/5 (2 صوت)

04-11-2013 10:40 AM
واهم من ده كله ... لنظام الدولة الاسلامية لو كان فى رابطه علماء دين حقيقية لكاننت وفرت النصح و الفتاوى .


#634810 [واحد]
2.25/5 (3 صوت)

04-11-2013 10:04 AM
المقال خير مثال على (المشي جنب الحيط)...


#634744 [lwlawa]
5.00/5 (2 صوت)

04-11-2013 09:01 AM
يا استاذ عووضة، دستور الشمولية واحد : لهم الكرسي.. من دون العالمين او القبر ..؟؟
بعدين.. البشير، كان كويس تب، ما عندو ايّ عوجة، عِلَّ الامريكان شالو قنقرو..؟!.. ومن اليوم داك، ايِّ زول كويس مه الامريكان، معناتو. ما هاميه رجوع القنقر لي سيدو..؟؟


ردود على lwlawa
Sudan [عبدالله] 04-11-2013 01:50 PM
الى دكتور فيصل وكل المتصفحين


ارجو مراجعة آيات القرأن الكريم قبل كتابتها الآية الصحيحة هى اعوذ بالله من الشيطان الرجيم ( ها انتم هؤلاء جادلتم عنهم فى الحياة الدنياغمن يجادل الله عنهم يوم القيامة ام من يكون عليهم وكيلا )

Sudan [مواطن] 04-11-2013 11:53 AM
والله الامريكان ما قنقروالبشير قنقير ساي كدا وبس ، ديل كمان عيطوهو لمن صوتو شرد منو و كرعيهو فيتيلو و بقي مكركج


صلاح الدين عووضة
صلاح الدين عووضة

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة