المقالات
السياسة
ارشيف مقالات سياسية
بدون خجل البشير:امريكا وبريطانيا كلموني بهجوم وشيك على هجليج
بدون خجل البشير:امريكا وبريطانيا كلموني بهجوم وشيك على هجليج
04-13-2013 11:02 PM

البشير يكشف عن أن واشنطن ولندن أبلغتاه بوجود حشود عسكرية لمعارضيه على حدود الجنوب

في مؤتمر صحافي مشترك مع نظيره رئيس جنوب السودان سلفا كير ميارديت
كشف عن أن الولايات المتحدة الأميركية وبريطانيا أبلغتاه الشهر الماضي بوجود حشود من قوات الجبهة الثورية المعارضة لنظامه، التي تضم الحركة الشعبية قطاع الشمال وحركات العدل والمساواة وتحرير السودان فصيلي مني اركو مناوي وعبد الواحد محمد نور، وقال إن حشود الجبهة الثورية كان هدفها الهجوم على هجليج، وإنه أبلغ نظيره سلفا كير بذلك عبر الهاتف، وأضاف: «لقد حذرني الأميركان والبريطانيون من ذلك الهجوم الوشيك على هجيلج، وتحدثت مع سلفا هاتفيا وتم تجميد الهجوم»

هكذا بدون أدني حياء الولايات المتحدة وبريطانيا ابلغتاني بوجود حشود من قوات المعارضة علي تخوم هجليج وقبل الخوض في التفاصيل .. اين أمنك الوطني الداخلي والخارجي؟ ولمصلحة من يبلغك الطاغية الامريكان اللذين تسلحنا لهم يوما ما في تاريخ الانقاذ ولماذا البلاغ ثنائي مشترك بريطاني امريكي؟؟؟؟
حتي الزيارة لجوبا هي زيارة مباركة من امريكا وبريطانيا وبرعايتهما المشتركة لأهداف وأجندة خاصة تنفذ بدقة من الطرفين في السودان بشقيه الشمالي والجنوبي .. إنبطاحة ليها ضل إليس فيكم رجل رشيد يا ناس الإنقاذ؟ من جوقة المستشارين والمساعدين ليلحقوك قبل تصريحك المخجل هذا؟
ودعك عن حديث الحشرة والحشرات .. لماذا تحشر نفسك في هذا النفق الضيق وتقولها بملء فيك لقد حذرني الامريكان والبريطانيين من هجوم وشيك علي هجليج حتي ورقة التوت التي تغطي عوراتكم سقطت وأنكشف المستور.


عمر الفاروق عبد الله
[email protected]


تعليقات 4 | إهداء 0 | زيارات 2057

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#638298 [ابو سجود]
0.00/5 (0 صوت)

04-15-2013 11:39 AM
والله الغباء اقسام ... هل تعلم ما مدي تصريح كهذا في دولة الجنوب من الرئيس عمر البشير بالنسبة للجنوبيين ياأخي افهم والله راعي الغنم بيفهمه .. شغل دماغك كويس يا زول ما ده عم ليه ما بعده .. وبعدين هم زاتهم الجنوبيون ايقونو ان الخطة انكشفت من وين الله اعلم وصبحوا يعتقلوا القادة والجنود واتهامهم انهم طابور خامس .. ( يعني ان هناك وزنة لابد ان تكون مستقرة علي الاقل بالنسبة لأمريكا ).


#637345 [ابو حلقا مر]
5.00/5 (1 صوت)

04-14-2013 10:25 AM
اذا انت عميل سيدى الرئيس


ردود على ابو حلقا مر
Sudan [ابو سجود] 04-15-2013 11:42 AM
بالله


#637141 [KISSING A!!1]
0.00/5 (0 صوت)

04-14-2013 03:17 AM
واحد رأسي؟

رأسي بتضرب

تقلب

تشغي بالأفكار

مسرح

والأفكار هوامه

في الدوامه

ليل .. ونهار

أبيض إسود

أخضر ..أحمر

بارد .. حامي

جنه ..ونار

سيبك سيبك

من تغريبك

بكره الليل

يطلع له نهار

_ اتنين رأسي ؟

حاكم حالي

كان طرطور

خان الدار

والجار

والنور

_كل ما فينا من حكام

نازلين

من خنفس .. وكافور

كذبوا _ أفكوا

قتلوا _ سفكوا

غدروا _ خانوا

فضحوا _ هتكوا

_ واحد أفقي ؟

شاعر داعر

ميت .. حي

طالع .. نازل

رايح .. جي

مادح سيده

مادد إيده

لايشوف حاجه

ولا يقول شي

_ كل ما فينا من شعارير

خونه

وهتيفة .. وخنازير

تجروا _ باعوا

لمعوا _ ذاعوا

أفلوا _ غربوا

تاهوا _ ضاعوا

_ اتنين أفقي ؟

شعرا تلاته بكلمه باروده

ناظم

بيرم

بابلو نيرودا (1)

_ كل ما فينا من عشاق

داقوا ما بينا

من أشواق

حبوا _ عشقوا

شبوا _ نشأوا

مروا _ فاتوا

غرسوا _ رشقوا

_ رأسي وأفقي ؟

شاعر واعر

لازم جي

يملا عيون العالم ضي

كل ما فينا من أحزان

تستنظر عاشق فنان

يأتي _ يقبل

طائر _ بلبل

حرفي _ فني

يشدو _ يغني

وطني سكني

أهلي .. قومي

منكم فيكم

صحوي نومي

أنتم فكري

أنتم عملي

منكم توقي

فيكم أملي

هيوا _ لبوا

ثوروا _ هبوا

يشرق _ يسطع

صبح _ مطلع

يزرع _ يبني

نحصد _ نجني

نمرح _ نلعب

نشدوا _ نغني

واحد رأسي

نشدوا نغني

اتنين أفقي

نشدوا نغني

تالت خامس

عاشر ميه

نشدوا نغني

نشدوا نغني

نملا العالم

خضرة عفيه

نشدوا نغني

نشدوا نغني


#637058 [الكيزان من بغايا الأندلس]
5.00/5 (3 صوت)

04-13-2013 11:47 PM
دا واحد كذاب جنو قنقر ، والرفيق سلفا رد عليهو رد شديد وقال ليهو دا كلام ما صحيح ، وسقاه من كأسهم التي أترعونا بها قائلا: ياالبشير كان عندك دليل على كلامك دا ورينا ليهو. وبهت الذي كذب...

الظاهر إنو المخابرات الأمريكة والبريطانية غشوهو - ماهو غشيم من يومو - وقالو ليهو: أجري جري لسلفا وصالحو لأنو في حشود حا تخش هجليج تاني ، وناسك بتاعين الإسترحامات ديل ما ناس حارة ، ما عندهم قدرة يستحملو سبعة سنة سجن ديل بقيفو للموت كيف؟!! أخير تدنقر للعاصفة. وعاشق القنقر صدق ودنقر...

بس ، دي كل القصة...


ردود على الكيزان من بغايا الأندلس
Sudan [ابو سجود] 04-15-2013 11:50 AM
البلد دي تاني ما يحكها الا الكذابين علي وصفك ( ما علينا المهم بيصلي في المسجد ويقول الله اكبر ولا اله الا الله دي براها كفايا .. واذا كانوا هم من بغايا الاندلس اذا انت حبوبتك من البغايا .. والواحد حقو يعرف يتكلم يتمعن في الكلمات قبل ما ينشرها .. تاني ما في شيوعي ولا حزب امة ولا اتحادي ولا قريعتي راحت يحكم السودان كيزان وبس والما عاجبو يخلي البلد ارض الله واسعة او يحمل سلاح ويهاجم القري والبوادي وينهب الكناتين والناس المساكين ويقول انا عايز اغير النظام .. بلا معارضة بلا بطيخ .

Saudi Arabia [محمد حسن احمد] 04-14-2013 02:27 PM
يابلال إنت من جناح السائحين السحاسيح ول شنو ود ابراهيم شنو البيحرر هجليج لو كان فيه فايدة ماكانقبل يمسك قيادة الحرس الجمهوري لهذا الرقاص ويظل تحت إمرته لو كان فيهم فايدة كان حرروا الفشقة وحلايب قسماً هجليج ماكان يمكن تحريرها لو ربنا بعث الروح في فطائس الميل أربعين وصيف العبور ماتحرروا متر من هجليج فاعلم أيها السايح هجليج تم الانسحاب منها بعد جرس الخنزير وبكائه وعويله هو ووزير دفاعه أبو ريالة زي نسوانهم وبعد عقد صفقة سرية مقابل هذا الانسحاب دخلوا فيها الأمركان ليكم تسلحنا ولو كان بتحرروا ماكان خنزيركم قبل يومين في جوبا منظره يحنن الكافر وهو قاعد يجرس ويتبهدل قدام أجهزة الإعلام والكمرات يعتزر ويقول الأمريكان والبريطانيين كلموني بأنه في حشود على الحدود مع هجليج طيب لما كلموه ونبهوه وين ناس ود ابراهيم وملشياته ماكان تمشي تحرس هجليج قبل ما يغزوها الجيش الشعبي أمشوا حرروا مهاجرية

Saudi Arabia [بلال] 04-14-2013 09:26 AM
انت اللي ما من ناس الحاره ( ديل ناس ود ابراهيم حررو هجليج ورفعو راسنا فووووووووووووووووق يا كذاب يامنافق )

United Kingdom [شفاف] 04-14-2013 05:24 AM
تعرف كلامك ده اول شيئ طرأ على البال وممكن لكن الاحتمال الثاني انوا هو من اتصل بالامريكان والبريطانيين يشكو ليهم ليورط الجنوبيين او سمعوا من خالوا فنفوا ليه صحته او تواجد قوات من الجنوب وانوا القوات الوحيدة المحتمل تكون قريبة من هجليج هي من الحركات الاخرى وطبعا صاحبك معروف بكذبه وقال اضرب عصفورين بحجر الاشتر فشقلب الكلام وانقبض بالثابته وبكره ياما تسمع تبريرات بالكوم من هتيفته وكمان لو نفت امريكا وبريطانيا المعلومة دي يدخلوه ليك في ضفوره ده لو بيستحي
على عكسك انا لو منوا اضبح المستشار النصحوا بي كلام زي ده


عمر الفاروق عبد الله
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة