المقالات
السياسة
ارشيف مقالات سياسية
الصراف الالي المتهيج..اا
الصراف الالي المتهيج..اا
11-22-2010 01:25 PM

الصراف الالي المتهيج ..!!

جمال على حسن
[email protected]

مساء الاثنين الماضي (وقفة العيد) وبعد ان (قرشت) خروف الاضحية في مكان امن قادني جيبي الى اقرب موقع صراف لترتيب ماتبقى من امور لاستقبال العيد وساحتفظ بعنوان موقع الصراف الالي لانني لاارغب في فضح اسم البنك الكبيرالذي تتبع له تلك الماكينة التي فعلت باعصابي الافاعيل ..
دخلت الى غرفة الصراف بعد تمرير البطاقة خارج البوابة كما يجب ثم قمت بادخال كرت الصراف الى الماكينة وفي تلك اللحظة تحديدا صرخت سيارتي في الخارج بصفير الانذار فخرجت مباشرة لكي اطمئن على وضعها ولم اجد احدا بجوارها ..قلت في نفسي دعها (تكورك) فهي حرة ..وعند عودتي الى ماكينة الصراف التي ادخلت فيها الكرت الممغنط صعقتني ماكينة الصراف بصدمة كهربائية مفاجئة لاجد نفسي بعد لحظات خارج الغرفة وحين حاولت العودة لاخذ بطاقتي ومغادرة هذا الصراف المجنون وجدت الباب قد اغلق تلقائيا ثم نظرت من خلف الزجاج لاجد الماكينة قد ابتلعت بطاقتي في جوفها .. يعني طردني هذا الصراف وبالجزمة القديمة كمان ..
فانتظرت طويلا علها تلفظ البطاقة لكنها لم تفعل حتى اتى احدهم الى الصراف واخبرته بان الماكينة مكهربة وان بطاقتي في جوفها لكنه اصرعلى المجازفة لينال صعقته الكهربائية بعد ان فقد هو الاخر بطاقته وغادر الموقع بسرعة حتى ظننت انه اصيب بلوثة جنون ..
وبعد ان جمعت ذهني قليلا وجدت هاتف البنك على لافتة الصرافة فاتصلت على الهاتف ليجيبني الموظف ببرود (خلاص تعال لينا بكرة نحن شاغالين بتلقى بطاقتك معانا!!!!)
فحاصرتني حالة من الغضب العنيف قبل ان اهاتف صديقنا دكتور نصر الدين شلقامي رئيس جمعية حماية المستهلك مستفسرا عن حقي القانوني في ماتعرضت له من ضرر نفسي وخطر على حياتي جراء الصعقة الكهربائية ثم فقدان بطاقة الصراف الالي يوم الوقفة ..
فتفاعل كعادته مع الامر وطلب مني رقم هاتف البنك الكبير وبعد لحظات عاد متصلا ليخبرني ان الجماعة حايرسلوا زول للموقع ..ووو...
واجراءات ووعود واعتذارات كلها لاتساوي شيئا ولاتزيل ضررا حين يقع الفأس في الرأس وتحدث المصيبة ..
هكذا نحن دائما وهكذا تمضي أمورنا بمنتهى الإهمال ومنتهى اللامبالاة يموت الناس في بلادنا
هل تصدقوا ان موظف البنك قال لي في الرد على سؤالي الملح عن سبب وجود تيار كهربائي بأي درجة من الدرجات في ماكينة الصراف الالى التي يمكن ان ترتادها إمراة تحمل طفلا رضيعا لايحتمل اي درجة من درجات الماس الكهربائي ..قال لي (بتكون دي موية المكيف كابة في المكنة من ورا)!!
يااخي كل شئ في بلادنا (كابي في المكنة من ورا) وكل شئ لايشبه العالم ولااتخيل منذ ان دخلت تكنلوجيا الصرافات الالية الى العالم ان يصاب احد بصعقة كهربائية تاديبية الا في السودان ..
لمن نحكي ولمن نشكي ..انني اسرد لكم هذه القصة للتسلية فقط فانا متاكد انه لن ياتي مسئول ليعيرها اهتماما ..
واقترح لكم ان ترتدوا جوينتات قبل ان تتعاملوا مع مثل هذه الصرافات المجنونة ..!!


تعليقات 7 | إهداء 0 | زيارات 1396

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#49439 [هاشم ابورنات]
0.00/5 (0 صوت)

11-24-2010 05:38 PM
الاخ صلاح
تستاهل لازم المرة الجاية لما تجي تشيل معاك خشبة فيها شجرة مرسومة عشان يضربوك بيها فتذهب الكهرباء والفلوس معاها..... معليش دة حال الدنيا في بلاد محمد احمد هاشم ابورنات


#49003 [zole]
0.00/5 (0 صوت)

11-23-2010 08:24 PM
والله العظيم عليك خروف تاني ( كرامة ) وحمدلله علي السلآمة .

لكين أقول ليك حاجة كان تكتب اسم الصراف لانو احتمال كبير هذا الموظف وهو أكيد من الجدد لن يهتم الا اذا ضربت هذه الكهرباء أحدهم ( بالضربة القاضية )



#48891 [عبدالرازق الجاك]
0.00/5 (0 صوت)

11-23-2010 02:45 PM
دي حاجه تشغل بها الناس في مثل هذه الايام انتي تملك خروف ولسع عندك باقي مصاري بالصراف الالي وبرضكم تقولوا انتم في مهنة النكد علي مين يا كايم \"\" برضو احمد الله انك ما رحت فيها حتي الامس القريب كنت احسبك من الكتاب الجادين شويه ارجوا ان اكون اخطات الحكم ؟


#48756 [نورا]
0.00/5 (0 صوت)

11-23-2010 09:50 AM
حمدا لله علي السلامة ومش كده وبس انت ممكن تمشي لي 8 او 9 صرافات الية وتلقاها مقفولة وتكمل بنزين ووقت وتزهج وبعد ده كله انت بتدفع ليهم رسوم خدمات تصوروا الحمدلله ما طلع ليك اسد


#48663 [TARIQ]
0.00/5 (0 صوت)

11-22-2010 11:26 PM
الاخ جمال .تحياتى وكل سنة وانت طيب.اخى احمد ربك انها ما ادتك بنية في وشك ومشت شالت خروفك من سيارتك . دا كلو من القهر العليها . اخي انت عارف انو الصراف الالى هنا في فرنسا بيرحب بيك وبيديك قروش بالدين لحدي نهاية الشهر .ههههههه.


#48640 [الباشا]
0.00/5 (0 صوت)

11-22-2010 09:38 PM
عادى جدا - الحكومة زاتها مويتها كابة من ورا - والله يستر علينا من الموية البتكب من ورا دى !!!:D


#48562 [عاطف]
0.00/5 (0 صوت)

11-22-2010 04:49 PM
صرافات السودان دى جنت ولا ايه حاجة غريبة والله


جمال على حسن
جمال على حسن

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة