المقالات
السياسة
ارشيف مقالات سياسية
امين حسن عمر يارااااجل !
امين حسن عمر يارااااجل !
04-21-2013 03:35 AM


( وأما الحديث المكرور عن أننى أمتلك مدارس كامبردج فلم يشاع ذلك الا لان كثيرون راونى فى مناسبات الموسسة وذلك لإاننى قبلت ابان وجودى مديرا للهيئة السودانية للاذاعة والتلفزيون ان أكون رئيسا لمجلس اداراتها لان مالكها هو خالى صلاح عبد العزيز أحمد وذلك عبر شركة كندية يملكها لانه يحمل الجنسية الكندية وأنا طلبت من الاخ السعيد عثمان محجوب ان يكون عضوا يمجلس الادارة ز وتكرم صلاح بمنح الاعضاء أسهما أسمية وعددها أربعة أسهم وهذا مسجل فى ابراء الذمة فى النائب العام)
دا كلام أمين حسن عمر ولكن قبل ان نحوض فيه تعالوا نشوف حاجة تانية :-
(رفض سكان حلة خوجلي بالخرطوم بحري قراراً صدر بتحويل مدرسة ميمونة بنت الحارث الأساسية للبنات إلى مدرسة خاصة باسم «الموهبة والتميز الثانوية لمنطقة بحري»، واعتبروا قرار تجفيف المدرسة الذي صدر في غضون خمسة أيام بالمجحف وغير العادل وأنه تجاوز لكل المعنيين بأمر المدرسة، وتعهد السكان خلال حديثهم لـ(الأهرام اليوم) أمس (السبت) بالوقوف بالمرصاد لمنع التعدي على المدرسة، وأعلنوا اعتصامهم اليوم (الأحد) للوقوف في وجه الجهة المغتصبة ومنعها من الدخول حتى وإن استخدموا العنف للدفاع عن مدرسة أبنائهم.
من جهته تبرأ الخليفة مصطفى الخليفة أحمد خليفة الشيخ خوجلي أبو الجاز، من الموافقة على قرار التحويل واتهم المعتمد بخداعه، وأكد وقوفه في صف المواطنين للإبقاء على المدرسة، وبدوره استنكر سكرتير اللجنة الشعبية محمد المصطفى حسن قرار التجفيف دون الرجوع إليهم أو لجنة الآباء أو إدارة المدرسة، واتهم الوزارة بمحاباة مالكة مدارس المواهب مريم حسن عمر، بحكم أنها شقيقة أمين حسن عمر. وقالت مديرة المدرسة فتحية حمد الصافي، إنها تفاجأت بالقرار رغم تفوق المدرسة دون إخطارهم، وأضافت إن مسؤول الصيانة بالوزارة قال لهم عند سؤالهم عن الأعمال الجارية بالمدرسة إنها صيانة دورية للمدارس الحكومية، وتساءلت عن مصير الطالبات الفقيرات.)
__________________________________________________________________
أمين بقول ليكم : أنا ما عندي اي علاقة بمدارس كامبردج بس الناس خلطوا واتخيلوها بتاعتي لانه بظهر في الاحتفالات بتاعتها كتير ودي لانه خالي صلاح عبد العزيز سيد المدرسة وكمان خالي دا شحدني قال لي يا عمر بما أنك مدير للهيئة السودانية للاذاعة والتلفزيون تعال امسك لي رئيس مجلس الادارة للمدارس دي ، اها انا عزمت صاحبي السعيد يجئ معاي في المجلس بعد داك الخال الوزاري الكندي قام ادانا اسهم في المدارس بتاعته .
دا بالنسبة لموضوع مدارس كامبردج وموضوع مدرسة الموهبة والتميز دا لسه ما اتكلم عنه لكن أنا بتوقع يجئ يقول : اها يا معارضين دي مدرسة اختي وبس وما عندي بيها اي علاقة .
والله يا أخوانا محتاجين لتعريفات جديدة لمصطلحات كتيرة من اهمها الفساد ذاته شنو ؟ المحسوبية شنو ؟ تلم وظيفتين يعني شنو ؟ لحدي ما نلقي تعريفات جديدة يا سيادة القيادي تعال نشوف كلامك دا والفيه ادانة واضحة ليكم :-
(وما نشر يتناول شخصى مدعيا قيام تظاهرة ضد فساد أمين حسن عمر وذذلك لأن وقفة أحتجاجية لا أدرى ان كانت هى الاخرى احتجاج على البيع الاستثمارى للساحات أم عمل سياسى منظم للاساءة للحكومة فى شخص منسوبيها)

انت بترجع الوقفة الاحتجاجية دي لواحد من سببين : الاول : الاحتجاج علي البيع الاستثماري للساحات ، الثاني : عمل سياسي منظم للاساءة للحكومة في شخص منسوبيها.
أنت بعضمة لسانك بتقول بيع استثماري للساحات والساحات دي يا وزير رئات الاحياء لكن للأسف انتوا ما بتعاينوا لصحة الانسان السوداني ومتنزهاته انتوا للاسف بتعاينوا للاستثمار حتي في صحة هذا الانسان تجيبوا ليهو كتمة بعدم وجود هواء نقي بانشاء غابات الاسمنت بتاعتكم في ساحاته وتبيعوا اي حاجة: علاج ، دراسة ما بفرق معاكم تجففوا المرافق اللقيتوها اتبنت بعرق المواطن وبتقدم ليهو خدمة هو راضي بيها عشان يجئ خالك من كندا ويبني مدرسة في ساحة لو ما بعمل فيها المواطن اي حاجة يكفي انها بتلطف عليه الجو وتجئ أختك عايزة تقلع مدرسة شغالة ونتائجها ممتازة عشان تبيع السنة للطالب والطالبة بالشئ الفلاني وتقول لي عندك ابراء ذمة عند النائب العام ... الفساد بدايته لحدي ما نلقي ليهو تعريف جديد هو استغلال النفوذ وتلم وظيفتين في وقت واحد وغيرك شردتوه للصالح العام والعام دا طبعاً الخاص بتاعتكم ، نوريك خالك صلاح بقاك رئيس مجلس ادارة ليه ؟ ( طبعا دا علي اساس اننا صدقنا انك ما سيد المدرسة ) بقاك عشان الحطابات الصادرة لاي جهة تكون موقعة بأسمك وكده يضمن انه اي حاجة بتمشي تمام .. ياخي اختك بأسمك عايزة تقلع مدرسة وتقول لي ما عندك علاقة بالمدرسة والفساد ، عزيزي المواطن الي ان تستبدل الطغمة الحاكمة ما تعارفنا عليه من مصطلحات او الي ان تقوم لينا قنابير في رسينا ديل هذا الامين حسن عمر فاسد ويستغل نفوذه وسلطته .


[email protected]


تعليقات 16 | إهداء 0 | زيارات 4413

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#644373 [مغترب 30سنه]
1.00/5 (1 صوت)

04-22-2013 01:20 PM
أمين من دون أمانه معقول يكون رده عوير وغبي للدرجة ده يدين نفسه انا غايتوا بعتبر رده كلام زول عوير


#644180 [musa musa]
3.00/5 (1 صوت)

04-22-2013 09:26 AM
امين حسن عمر حرامى زيو وزي بقية الجماعة كلهم حرامية واعمالهم مادايرة ليها لافتة


#643979 [ود نفاش]
2.50/5 (2 صوت)

04-22-2013 01:43 AM
الحرامي في راسو ريشة .. و ابراء الذمة يتباهي به كل لصىص الانقاذ .. و اسألوا خالي مدير كمبودج .. و اختي مريم مديرة مدارس المواهب .. صفاقة لسان و عقل حيوان .. و مشكلتكم الكل يتحري الكذب حتي بات يصدق كذبه .


#643909 [ابو حلقا مر]
5.00/5 (1 صوت)

04-21-2013 10:24 PM
لنقف مع ناس حلة خوجلى ضد سرقة المرافق العامة ولقدام استاذ/بخارى


#643814 [الفاتح مقبول]
3.00/5 (2 صوت)

04-21-2013 07:23 PM
(محاباة مالكة مدارس المواهب مريم حسن عمر،
بحكم أنها شقيقة أمين حسن عمر)

(ابان وجودى مديرا للهيئة السودانية للاذاعة
والتلفزيون ان أكون رئيسا لمجلس اداراتها
لان مالكها هو خالى صلاح عبد العزيز أحمد
وذلك عبر شركة كندية يملكها لانه يحمل الجنسية
الكندية وأنا طلبت من الاخ السعيد عثمان محجوب
ان يكون عضوا يمجلس الادارة ز وتكرم صلاح بمنح
الاعضاء أسهما أسمية وعددها أربعة أسهم وهذا
مسجل فى ابراء الذمة فى النائب العام)

الفساد يا الفاتح عزالدين ليس هو الوارد فى
تقاريرالمراجع العام ..لان ما يرد فى تلك
التقارير هى جرائم جنائية..وبالرغم من ذلك
لا تتركوها تأخذ سيرها الطبيعى لتصل الى منصة
القضاء (رغم تحفظى التام على استقلاله وعدله)
وكثيرا ما جرى اخضاعها الى تسويات الرابح منها
والمستفيد فيها هو الحرامى والمختلس ..

لذا فالفساد الذى نعنيه هو الاستغلال الوظيفى
والتربح والرشاوى والمحسوبية ومن اين لكم
هذا ..
وانت يا عزيزى غير مؤهل لمحاربتها ..


#643790 [سموم]
3.50/5 (2 صوت)

04-21-2013 06:34 PM
ما خفي اعظم


#643738 [ود المدير]
2.50/5 (3 صوت)

04-21-2013 05:23 PM
نرجو أن يكون الاخ أمين حسن عمر شجاعا ويرد علي هذا المقال. والا سيعتبر شيطان أخرس


#643710 [وحيد]
1.00/5 (2 صوت)

04-21-2013 04:55 PM
الخال خالي و انا ود اختو ................................


#643599 [سامر المدنى]
3.50/5 (2 صوت)

04-21-2013 02:23 PM
هذا الامين حسن عمر فاسد ويستغل نفوذه وسلطته .
هذا الامين حسن عمر فاسد ويستغل نفوذه وسلطته .
هذا الامين حسن عمر فاسد ويستغل نفوذه وسلطته .
هذا الامين حسن عمر فاسد ويستغل نفوذه وسلطته .

أمين حسن عمر لا أمين ولا راجل
أمين حسن عمر لا أمين ولا راجل
أمين حسن عمر لا أمين ولا راجل


#643478 [قنقر]
3.00/5 (4 صوت)

04-21-2013 11:54 AM
لعنة الله عليكم يا سفلة إنتهيتوا من تصفية المستشفيات فى العاصمة قبلتوا على المدارس و الساحات و المساجد يا ترباية الجوع يا ملاقيط .
اللهم أرنا فيهم عجائب قدرتك يا رب.


#643428 [ابوالبـــــــــــــــنات]
2.75/5 (4 صوت)

04-21-2013 11:10 AM
اخى بخارى اتفق معاك فيما ذهبت اليه نعم نحن نحتاج لتعريف كثير من المصطلحات . التى اصبحت تقال هناوهناك حتى وان كانت فى غير موقعها. اما عن امين حسن عمر ياخى من غير تاريخه وقنعاته فى ليله وضحها لا يعجز عن تغير واخفاء مايملك فامين وامثاله لايستطيون العيش فى النور ولو لدقيقه واحده


#643422 [الحواتي]
3.00/5 (2 صوت)

04-21-2013 11:07 AM
اديكم نموزج آخر قي شمبات مربع 5 بالرقم ان كل الشعب السوداني يؤكد ان غازى صلاح الدين شخصية نظيفة امشوا اسألوا عن مدرسة رياض الاسلام وصاحبتها سميه وعلاقتها بغازي صلاح الدين وكيف هذه المدرسة تمتدت كالسرطان من روضة صغيره الي تعليم ثانوي وفي طريقها تكون جامعه بالرغم من اعتراض اهل الحي بانها قد قضت علي كل الميدان ولكن بسلطة غازى تتمدد ارضا وجوا.


ردود على الحواتي
Russian Federation [mosma3] 04-22-2013 04:17 PM
إقتباس ( بالرقم ان كل الشعب السوداني يؤكد ان غازى صلاح الدين شخصية نظيفة) والله يا الحواتي إلا أنا عمري ما عذرت أحدهم بل كلهم سواء . وكان عندما يقولون لي بأن عمر البشير كويس لكن المعاهو ما كويسين , كنت أعترض بشدة وأقول لهم لا هو موافق ومعاهم وإذا كان غير ذلك لرمى لهم ورقهم ورحل عزيزا مكرما لكن هو معاهم بل هو المسئول الول عن كل شيء لأنه غش الشعب السودان .

Sudan [man] 04-21-2013 01:28 PM
انا استغرب فيكم يااخوان كيف يكون واحد عايش فى الانقاذ 24 عاما نظيفا عفيفا

دى عايزة ليها فهامة


#643241 [صدقونى]
3.00/5 (2 صوت)

04-21-2013 08:30 AM
واللة يا امين كن فا همك غلط ما فى فنان اغنيها الزيو مين يا سفاحين الدماء

صدقونى الزى امين دة كثرين بس عاوزين بحث طبعن طريق الاهل دى بقت قديمة عن ناس

الانقاز الان الشغل بقة مع الصديق والزول البعيد بس تربطو علاقة مدرسية علاقة اجرام

علاقة بزنس والعمولة كاش ما فى حساب ولا وجع قلب ولا شهود تجى تنزل الشوال وتروح


#643198 [شقى ومجنون]
3.00/5 (3 صوت)

04-21-2013 07:34 AM
كلاهما طفيلى..سواء أمين أو السعيد..السعيدالذى نسى حُقَة التمباك فى كسلا عندما كان يعود نهاراً من المدرسة ويحل مكان والده فى مواصلة بيع التمباك..وكلاهما تم دعمه ليستثمر فى مكتسبات الناس والبلد بحكم إنتمائهم لحزب الترابى


#643177 [على ابوالتيمان]
3.00/5 (2 صوت)

04-21-2013 06:58 AM
أمين حسن عمر - منظراتى الكيزان - أعوذ بالله من غضب الله :

خالك حرامى وان كان يحمل جوازا كنديا لايغير فى الامر شىء - وانت متواطىء مع المفسدين بل انك كبير الفاسدين . خالك يريد التغول على الاملاك العامة .

اختك نصابة - وانت شريكها فى الاحتيال - تريد تحويل مدرسة عامة الى ملك خاص .

ونحن شعب نائم وبيحلم بالفرج القريب


#643166 [هدهد]
4.50/5 (2 صوت)

04-21-2013 06:36 AM
بكل أسف هو فساد واضح ولكن دين الكيزان يبين ان هذا حلال وهو من باب فقه التمكين كل عمل فاجر هم وضعوا له تحليلا وعملوا له قانون ودستور حكومى يحمى مثل هذه الاشياء والله اليهود لم يصلوا مرحلة فى الظلم والفساد كما وصلها هؤلاء الشياطين . ياجماعة فى فى حالة ضياع العدالة يضيع كل وهذا ما جعل هذه البلد تعيش فى ضنك وفقر هذا غضب وعدم بركة من الرب على ظلم هؤلاء المسؤلين لعنة الله عليهم وهو يمهل ولا يهمـــــل .


بخاري الامين
بخاري الامين

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة