04-30-2013 12:15 PM



قال لي «دي شنو اللخبطة الحاصلة دي» ولماذا لا تكتب عنها، قلت: عن أية لخبطة تتحدث يا رجل، أبن أفصح وضّح، فأنا نفسي متلخبط وأنت تعرف أن فاقد الشيء لا يعطيه واحتاج مثلك لمن يكتب لنا عن هذه اللخبطة حتى نعرف «راسنا من رجلينا» وأين نحن وإلى أين مساقون، فالساقية لسه مدورة وما تفتأ تشيل من البحر وتكب في البحر، والكل يدور حول دائرة مفرغة، إنه شعور مفزع مثل شعور تلك المحبة التي كم تمنت أن تبوح بكل ما بداخلها دون خوف ولكن هيهات وهيت لها من هذه الدائرة المفرغة التي هي أفرغ من فؤاد أم موسى، ألم تقرأ بالأمس «نهر الجنون يتدفق» لعادل الباز؟، أم لم تسمع حكاية محمد عبد الماجد مع موبايله الصيني أبو شريحتين، لتدرك مدي اللخبطة - التي يعيشها الكل - إلا قليلاً، محمد كان عندو موبايل صيني ضرب لي زول إسمو عثمان، قال ليهو يا عثمان بت خالك الطيب عقدها يوم الخميس، الموبايل الصيني لخبط الحكاية وقال لي عثمان عمتك حاجة السرة إتوفت الليلة الصباح في حادث حركة، الموبايل شقلب الكلام وعمل عليهو إنقلاب عديل كدا، قال وقد بدا عليه عدم الاقتناع ياخي ما تلخبط وتجوط ساكت، أنا السميح البعرفوا دا واحد فنان مسرحي بعيو قصير القامة الله يرحمو توفى زمان، والله كريم دي عبارة لا يحبها الشحاتين من جهة، ومن جهة أخرى هي تميمة يستعين بها السودانيون على اكمال ما ينقصهم من مال، أها أم روابة دي وين وهل تنتج «الروابة» التي هي اللبن الرايب؟، تحوقلت وتبسملت واستعذت بالله من الشيطان الرجيم وقلت بآخر نفس» صحيح يا رجل أننا متلخبطون ومتبرجلون بزاوية مقدارها مائة وثمانون درجة ولكن حذاراك من هذا النوع من اللخبطة واليك هذه الحكاية لـ «لخبطة من أمها» إن إقتنعت إقتنعت وإن لم تقتنع عنك ما إقتنعت...
قيل إن مسنوحا أراد أن ينيم طفلته بأن يحكي لها قصة تجعلها تنوم حد الشخير، قال وهو يربت برتابة على كتف الصغيرة، مرة كان في تيس شاف عصفور، قال الأسد هاتوا لي الأرنب فوقعت البقرة من فوق العمارة ووجدت الأم ولدها الضائع وحين رجع الشرطي من القسم رمى يمين الطلاق على حبيبته، قالت الحبيبة يا حلاوة وشك ومن شدة السعادة دخل في عمود نور وعمل حادث فأصابه الشلل وغرق في البحر ونامت الشحرورة بين الصخور وقال النسر لا بد أن نتعاون فصادوا الحوت وخلص البصل ونام الفيل وسبح الجميع في نهر النيل، ثم قال الراوي الآن فقط عرفت ليه الكلب يقول ميو ميو.. في لخبطة يا أخوانا أكتر من كدا!؟..

الصحافة


تعليقات 7 | إهداء 1 | زيارات 3160

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#652080 [عبد الله العقاد]
0.00/5 (0 صوت)

04-30-2013 07:51 PM
الاستاذ حيدر المكاشفي انا كنت و اكرر كنت مرة تانيه من المعجبين بكتاباتك قبل الايقاف منها ما دخل السماء ايه الامام و قانون بتاع فنيلتك و شيوخ مواسير ولكن اراك عدت بعد الايقاق شخص آخر لا نعرفه و لايمت للمكاشفي السابق بصله ، شوف الاستاذ فيصل محمد صالح كان موقوف مثلك و الان رجع بقوه . اخوي المكاشفي الصحفي موقف وكلمه اذا ظروفك صعبه شوف ليك شي تاني اكتب فيه غير السياسه و عذرك معك .
عقاد


#652060 [عباس بن عباس]
5.00/5 (1 صوت)

04-30-2013 07:10 PM
المكاشفي...صلاح عووضه...فيصل محمد صالح...
اطهر واشرف كتاب بلادي...
نعلم انهم يضايقونكم..واكل العيش ما فيهو لعب....
اكتبوا لهم من غير افراط..قد يسرهم هذا ويتركوكم تلقطوا رزقكم...
لكن ارجوكم اكتبوا لنا هنا في الراكوبة باسماء مستعاره باتفاق بينكم وبين اهل الراكوبة العزاز...
ارجو ان يجد رائئ هذا قبولا منكم ومن اهل الراكوبة والقراء الاماجد..


#651998 [ابو سامي]
0.00/5 (0 صوت)

04-30-2013 05:13 PM
الاخ حيدر المكاشفي في الحقيقة كل السودان ملخبط لبيت الغزل وكل الناس ما عارفة كوعها من بوعها وعليه نرجو من الناكر الرسمي أن لا يلخبطنا اكتر من كدا


#651926 [عادل نقد]
0.00/5 (0 صوت)

04-30-2013 03:29 PM
المهم اللخبطه دي ح تنتهي متين .............اوع تكونوا راجين البشكها تاني
..................و..................ومن المدفع طلع خازوق تاني


#651875 [smile man]
5.00/5 (1 صوت)

04-30-2013 02:28 PM
والله لخبطتونا الله يلخبطكم - هسع الولد نام واللا لا


ردود على smile man
Russian Federation [nagatabuzaid] 04-30-2013 08:28 PM
بتلخبط مالك هى بنت ما ولد جنس لخبطة


#651838 [خالد حسن]
4.50/5 (2 صوت)

04-30-2013 02:01 PM
السلك ضرب ولاشنو
العملتوا الانقاذ في الوطن ماعملتوا غنمايه في كيس
غايتو لخبطتك دي فهمنا منها حاجه واحده بس
مقص الرقيب مكبل قلمك


#651785 [ليدو]
0.00/5 (0 صوت)

04-30-2013 01:11 PM
بالله عليكم الله دة مقال صحفي دة ؟؟ خسارة زمني الضيعتو في قراءة هذا الكلام الدراب ..
حسبي الله ونعم الوكيل .


ردود على ليدو
Russian Federation [nagatabuzaid] 04-30-2013 08:33 PM
انت يا ليدو ان دخلت وسط الكلمات ولفلفت بين الحروف بتفهم الزول داير يقول شنو كان ما بتفهم الا فى لعب الليدو خليك برة ما تقراء المقالات وتلخبط راسنا الاصلوملخبط وحيدر المكاشفى ماقصر فى زيادة اللخبطة

Russian Federation [سند] 04-30-2013 06:02 PM
والله يا عم ليدو احسن تشوف ليك قيم ليدو تلعبو!!!! قال دراب قال . لله درك يا مكاشفي!!!!!


حيدر المكاشفي
حيدر المكاشفي

مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة