المقالات
السياسة
رسالة خاصة جدا الى الغالية ...استيلا قايتانو
رسالة خاصة جدا الى الغالية ...استيلا قايتانو
05-07-2013 04:55 PM


بكتب ليك يا استيلا
فى الاحلام بدون اقلام
واترجم شوقى ليك سلام
الاقى الشوق اقرب من ملاقاتك
يغازل فى خطا الايام
يخاف الريح اذا هبت
بدون ميعاد على ذاتك
بخاف الحزن يتسلل
ويكثر من مناداتك
بخاف الصمت والمجهول
يذيد مشوار معاناتك
يخاف اليوم يخاف باكر
يخاف يمشى الفرح منك
يخاف تنسى ابتسامات
وبسال كيف صبح حالك
وكيف عينيك وكيف الغربة فى دارك
وكيف ليلك مسورا فيها امالك
كيف نجمات اماسيكى
وكيف الليل مع الاحلام بلاقيكى
وكيف ضى القمر فيكى
كيف ناسك وكيف عايشات امانيكى
كيف مدنك وكيف احلام بواديكى
ولو دار السؤال عنا اقول ليكى
لو قايل الوهم نحن صبحنا اثنين
وشيد للالم ارضين
وبيناتم جدار برلين
لو حاول يقلب الميزان
ويغير فينا كل ماكان
حتى البسمة والعنوان
حتى الالفة بيناتنا وغير لهجة الاحسان
كذب اصلوا الوهم كــــــــــــــذاب
بيقدر يوم يخلى النيل
يقيف لا يجرى لاينساب
بيقدر يحرق الاشواق
يخلى الريدة ما تسلم على الاحباب
يا استيلا
ما دام الامل فينا
ونيل العز بالايمان بيسقينا
تفضل بينا ياابنوسة اشواقنا بتنادينا
ماليا مساحة الوجدان
اكبر من مسافاتنا واصدق من امانينا
عشقنا على الارض سودان
وعشمنا مع العشم فينا

[email protected]


تعليقات 7 | إهداء 0 | زيارات 2435

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#660601 [محجوب الطيب عبد الحفيظ - مسقط]
5.00/5 (1 صوت)

05-09-2013 08:02 AM
الاخ منتصر : القصيدة جميلة و رائعة علها تزيل شئيا مما علق بنفس الغالية استيلا باعتبارها اجنبية و ابناءها سودانيون فى وطن تحمل له كل هذا الدفء و المحبة .
اقدم عبرك اقتراح للسلطات المسؤولة بوزارة الداخلية و المطار علها تكون بداية لعودة لم الشمل و الوحدة ( اضافة : و مواطنو دولة جنوب السودان فى المدخل بمطار الخرطوم المخصص : السودانيون لتقرأ : السودانيون و مواطنو دولة جنوب السودان ) و ليقم مسئولو الجوازات بما هو متبع و منصوص عليه فى القانون بالنسبة للاجانب - فقط دخول الاخوة من الجنوب يكون من نفس مدخل السودانيين و فى هذا تقدير كبير باعتبار انهم و رغم الانفصال او الاستقلال كما يحلو لهم القول فان هذا البلد يعتبرهم جزء منه .


#660049 [Mohd]
5.00/5 (1 صوت)

05-08-2013 02:16 PM
الرجاء من استيلا التعليق هنا لنقرأ تعليقها


قصيدة رائعة وتستحقها


#659392 [واحد]
5.00/5 (1 صوت)

05-08-2013 02:47 AM
يا سبحان الله صلاح ادريس يدفع الملايين ويشتري صوت ترباس ويصنع الضجه ب = بكرهك = ويتزوج وووو ولا ينال منزلة مبدع , اما استيلا فنبحث عنها فهي الحب من غير اختيار والريد الما بندسه وهي بعض روحنا واحلامنا ,يا رائعه يا بعض روح الروح


#659390 [واحد]
4.50/5 (2 صوت)

05-08-2013 02:33 AM
استيلا وكت اقول اسمك يجيني الفرح جاري دعاش وياسمين ورشاش مطر خفيف كابي


#659119 [الارباب]
5.00/5 (2 صوت)

05-07-2013 08:11 PM
الله الله عليك ...ما اصدقك فما اروعك....حروفك ندية ومليانة ريد لبلد كذب من ظن يوما بقى بلدين وكيف القلب يتقسم ويصير قلبين...ويظن واهم نظل حيين


#658992 [ابومحمد]
5.00/5 (3 صوت)

05-07-2013 05:15 PM
صح لسانك ايها الشهم - لقد قرات مقال الاخت استيلا و معاناتها وصراعها الوجدانى - ولكنها كتبت علينا و ما علينا الا ان نمشى خطواتها تحيه لك يا استاذى و تحيه للابنوسيه اختنا استيلا


منتصر نابلسى
منتصر نابلسى

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة