المقالات
السياسة

05-13-2013 05:20 PM

hعلن وزير الدولة بوزارة الاعلام مصطفي تيراب جاهزية وزارتة للتحرك الفوري صوب مناطق العمليات و القتال جنباً الي جنب مع القوات المسلحة واقر بأن المتمردين يستهدفون الهوية السودانية وليس الحكومة متهماً جهات اجنبية بالتخطيط لاستعمار البلاد و استخدامها لبعض ابناء الوطن المغرر بهم وقال : سنتوجة و سنقاتل حتي لو خسرنا كل الشعب السوداني .

صحيفة الجريدة
يعني انتو اما اكتفيتوا تقتيل في دارفور والشرق والشمال دايرين تخلصوا علي الباقي وفي سبيل شنو؟ وحال الشعب السوداني يقول:

قسمتوا البلد ونحن ساكتين .. ضيعتوا حلايب وشلاتين ونحن ساكتين .. حكمتونا باسم الدين من السنين أربعة وعشرين ونحن ساكتين .. هجرتونا لامريكا وكندا وأستراليا والبقية الفاضلة برضه ساكتين .. طلعتوا شبابنا المات باسم الجهاد فطايس ونحن ساكتين .. فسدتوا وافستدوا .. اكلتوا ما شبعتوا .. بعتوا أراضي الناس للمستثمرين وتبرعتوا بملايين الفدادين للمصريين ونحن ساكتين .. دايرين تقتلوا البقية الباقية باسم ايه؟ ومن أجل أيه؟ وده وزير شنو ومن وين جاي "سنقاتل حتي لو خسرنا كل الشعب السوداني" وبعدين يا سيادتك قول خسرتوا كل الشعب السوداني حتكموا مين تاني وحتتكموا في مين تاني وحتغشوا وتخدعوا مين تاني .. ولا حتموتوا مع الميتين يا كضابين .. الهوية السودانية التي تتباكون عليها ضاعت سنينا من يوم 30 يونيو المشئوم يوم طليتوا علينا في جمعة حزينة للحفاظ علي وحدة البلاد وعدم إضاعة وقت العباد كما قال بيانكم الهزيل يومها فلا ارضا حافظتم عيلها واضعتم علينا ربع قرن من الزمان .. ملامح البلد ضاعت .. قيم الناس تغيرت .. جهات اجنبية تخطط لاستعمار البلاد حكاية تضحك الغنماية .. يعني نحن لسنا بمستعمرون وانتم تنفذون في اجندة اجنبية وبامتياز.
سنقاتل حتي لو خسرنا كل الشعب السوداني يعني انتوا ما خسرتوا لسة .. الناس ديل بجونا من وين وبحكمونا لمتين؟ وزير دولة أي دولة هذه؟ اللهم ارفع غضك ومقتك عنا .. اللهم لا تتؤاخذنا بما فعل السفهاء منا .. اللهم ارنا فيهم عزائم مقدرتك وخلص البلاد والعباد من هذه الأفات اللهم آمين

elfarougomer99@gmail.com


تعليقات 4 | إهداء 0 | زيارات 2077

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#665327 [كوشن تود]
0.00/5 (0 صوت)

05-14-2013 08:46 PM
يا رب الله دمر البشير والكيزان واحفظ اهل السودان


#665106 [قشاش دموع الببكن]
0.00/5 (0 صوت)

05-14-2013 03:26 PM
مصطفي تيراب وزيرا هذه من عجائب الدنيا العشره انه فاقد تربوي (جهل نشط )كان يعمل بالسعوديه في مهنة عماليه ولكن لا تتعجب في زمن الانقاذ كل شيئ بثمنه لم يختار للوزارة بقدراته ولكن اختير لقدرته علي التطبيل وخيانتة لمن جعلوا منه رقم يذكر في مجالس المدينه. وا عجبي........


#665029 [مدحت عروة]
0.00/5 (0 صوت)

05-14-2013 01:52 PM
مقالك ممتاز وربنا يستجيب لدعائك وهو ليس بغافل عما يعملون !!!!


#664762 [مع العدالة]
5.00/5 (1 صوت)

05-14-2013 09:36 AM
اللهم موت الشعب السودانى كله فى يوم واحد عشان الكيزان مايلقو زول بحكموا بعدها ياخدوا عقد عمل ويروحوا كوالامبو يجيهم توسنامى يوديهم الجحيم


ردود على مع العدالة
United States [ابن السودان] 05-15-2013 01:59 AM
و الله ضحكتني لمن الكتابة غلبتني ،،،،


عمر الفاروق عبد الله
مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة