يحلك الحلّ ( بلة)
05-23-2013 04:36 AM


إيجار أوضة واحدة في أمبدة كرور ، بدون برندة أو حمام ، لايقل عن 300 جنيه في الشهر الواحد

وتكاليف المواصلات العامة خلال اليوم الواحد 4 جنيه في حدها الأدني بالنسبة لرب البيت

ومواصلات الولد والبنت إلي المدرسة يومياً لا تقل عن 2 جنيه لكل منهما ، طالما كانا يركبان بنصف القيمة بعد شكلة طويلة مع الكمساري

وفطور عمك أحمد في الشغل ( وهو رب المنزل ) يساوي 3 جنيه يوميا، وهي نصيبه في ( البوش) الذي يخلو من حبات الفول المصري

وسندوتشات الولد والبنت في المدرسة تكلف 4 جنيه في اليوم الواحد

وتشتري الأسرة ( دي) رطل لبن واحد في اليوم يساوي 2 ونص جنيه

وشاي ورطل سكر يكلفان 4 جنيه كل يوم

وست البيت الحاجة أمونة ، لا تدخل المطبخ إلا بعد الرابعة ظهراً لعمل حلة إسمها القطر قام تحتوي علي ربع كيلو بقري وليس عجالي بمبلغ 9 جنيه وبصل بي 2 جنيه وزيت بي 2 جنيه وبهارات بي واحد جنيه وفحم بي 2 جنيه ورغيف بي 3 جنيه

والأوضة الواحدة تستهلك كهرباء بي 30 جنيه في الشهر ( الإضاءة + المروحة + التلاجة )

ويدفع عمك أحمد رسوم نفايات قدرها 10 جنيه في الشهر ، وفاتورة موية بي 15 جنيه في الشهر .

ويستحمون ويغسلون ملابسهم ب 5 صابونات غسيل في الشهر بي 12 ونص جنيه

ويشترون معجون أسنان متوسط بي 5 جنيه كل شهر

أحسب التكاليف أعلاه ، ولا تنسي أن المدرسة خمسة أيام في الأسبوع ، والشغل ستة أيام ( عشان عمك أحمد شغال في القطاع الخاص ) .

جملة المصروفات الشهرية 1425.5 جنيه فقط لاغير ( يعني واحد مليون واربعمية وخمسة وعشرين جنيه ونص بالجنيه القديم ) .

ولكن ماهية عمك أحمد لا تتجاوز ال750 جنيه بما فيها الأوفرتايم ، وبالتالي هنالك عجز دائم قدره 675.5 جنيه لا يمكن استلافه من سيد اللبن او بتاع الدكان .

أمام العم احمد ثلاثة خيارات لا رابع لهما

إما أن يحاكي السدنة والتنابلة ، ويقبض الرشاوي التي يسمونها تسهيلات ، مقابل تمرير الطلبات وتسهيل الخدمات لزبائن العمل .

إما أن يزوغ من الشغل قبل نهاية الدوام بكم ساعة وينط في رقشة أو حافلة سواقا بعد الظهر ، ليأتي للبيت (أنصاص) الليالي

إما أن يحفظ جملة من أربعة حروف ، ويخرج بها للشارع العريض تقول بدايتها الشعب يريد ، ونهايتها إسقاط النظام

العم أحمد ينتظر نصائحكم السديدة ، وراجي الله في الكريبة وأم شديدة

الميدان


تعليقات 8 | إهداء 0 | زيارات 2464

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#675859 [بتاع بتيخ]
0.00/5 (0 صوت)

05-25-2013 12:46 PM
اليبيع بتيخ


#674746 [زول]
0.00/5 (0 صوت)

05-24-2013 01:24 AM
طيب لو حلاه الحلا بله باقي الأسرة دي ما لحقت أمات طه لانه بله ده حلاه الموت


#674692 [حامد التكينة]
0.00/5 (0 صوت)

05-23-2013 10:42 PM
قول ليهو اغترب ياخ..


#674474 [ابوسروال]
0.00/5 (0 صوت)

05-23-2013 05:05 PM
هو الحل بله منو؟!!!
الحل كان شنو؟!!!
ولي بله!
بله دا شغال شنو؟


#674156 [مصطفي]
5.00/5 (1 صوت)

05-23-2013 12:23 PM
يا عمال بلدنا *يافلاح ياصانع*
يا شحم السواقي*يا فحم المصانع* ما تتعبش نفسك*بشغل السياسة*
و شوف انت شغلك*بهمة وحماسة*
وعوجد عيالك فضيلة الرضاء*ورزقك ورزقي ورزق الكلاب*ده موضوع مؤجل ليوم الحساب*


#674144 [سوداني براني]
5.00/5 (1 صوت)

05-23-2013 12:17 PM
هو بالله الحلَّ بله بعد الله منو...؟
والحل كان شنو..؟
وكيف تم الحل...؟
هل بله لسه بسدد في الأقساط ولا تم المبلغ بعد التسوية؟


#673946 [a]
0.00/5 (0 صوت)

05-23-2013 09:09 AM
نسيتاشياء مهمة قيمة الرغيف والكسرة فاتورة العلاج والضيوف وصدفة الشحادين وحق بوليس الحركة وكان اتنشلت او القروش وقعت وكان عطشت اودخلت الادبخانات بالقروش وكان لاقتك ست شاى سمحة عاوز ليك كباية شاى وحق كيلو الموز وموية الحمار طبعا الرئيس وكل مابسمى بالدستوريين الكهرباء والبنزين والموية والفطور والفواكه والايجار والعلاج والنثريات مجانا على حساب محمد احمد


#673899 [سوداني حبوب]
0.00/5 (0 صوت)

05-23-2013 08:05 AM
يحلك الحل بلة ... دا حال معظم البيوت .... ومافي حل الان الا ينط ليه ف رقشة بانتظار اسقاط النظام


ردود على سوداني حبوب
European Union [عادل] 05-23-2013 12:42 PM
طيب لو هو نط في رقشه منتظر سقوط النظام النظام ده بيسقطو ليهو منو ؟؟!! خليك منطقي حقا تحرسو ده مابجيك .. حقك تدافر تقلعو


كمال كرار
كمال كرار

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة