المقالات
منوعات
شكر خاص للراكوبة إدارة وكتاب وقرآء ..
شكر خاص للراكوبة إدارة وكتاب وقرآء ..
05-27-2013 05:13 PM


السلام عليكم جميعا ، ياكم الأهل عز الشدائد وياهو ده السودان بمحنته وحنينو وياهم ديل أهلي
كان لوقفتكم اثر عميق افرحني حد الدموع,, فرحتوني رغم الموقف الصعب .
الشكر مطبوق لكم أحبتي جميعا في راكوبتنا الظليلة الحنينة
لقد طوقتموني بعباراتكم الحنينة ودعواتكم الصادقة الطيبة وأمنياتكم الغالية
فكنتم خير انيس ورفيق في غربتي ومرضي,,
كنتم الأهل والرفقة الميمونة , كنتم لمة أهل الفريق .. والرفيق وقت الضيق
كنتم زيرين سبيل تحت نيامية في طرف بيوتنا, تروي الغاشي والماشي بطيبة خاطر
وكنتم غيم الضهر عز الهجير ونسمة الدغش ودعوات السمحين في صباح العيدين
بفضل الله تعالى ودعواتكم الحمد لله تماثلت للشفاء ..
جزاكم الله خيرا جميعا وفي ميزان حسناتكم
ادامكم الله جميعا أهل وإخوة في الله ,,
نسأله تعالى ان يجمع شملنا جميعا في وطننا الغالي السودان ، تحت راية الحرية والمودة والسلام.
وأن يخلصنا من حكم الطغاة وديكتاتورية النظام ،
لكم مني جميعا الحب والإحترام
وربنا يقدرني على جزاكم..
وإن شاء الله اجازيكم في السمح والزين..

..


http://www.youtube.com/watch?v=BMkfCrAP_p4





تعليقات 25 | إهداء 0 | زيارات 2268

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#680888 [بريجاوي]
0.00/5 (0 صوت)

05-29-2013 09:12 AM
المجد عوفي.....


#680088 [ود الجد]
0.00/5 (0 صوت)

05-28-2013 02:55 PM
الف الف حمدا لله علي سلامتك ياسومة وبعد الشر عنك


#680047 [عبده الحاج حسن]
0.00/5 (0 صوت)

05-28-2013 02:25 PM
حمداً لله علي سلامتك استاذة أسماء وعلي عافيتك ونتمني بعافيتك أن تعودي بكتاباتك ليتعافى كل مجروح وأولهم الوطن،


#680040 [ود الناس]
0.00/5 (0 صوت)

05-28-2013 02:20 PM
كفارة للذنوب وسلامه وعافية في البدن ان شاءلله


#679648 [امين الشريف]
0.00/5 (0 صوت)

05-28-2013 10:40 AM
الف حمدا لله على سلامتك اختي اسماء الجنيد وانشاءالله ما تشوفي شر وربنا يجعل ما اصابك رفعا لدرجاتك وتكفيرا للذنوب - ونحن في انتظار كتاباتك القوية الصادقة والتي زادت من معرفة ومحبة القراء لك واستعادوا مجد التاريخ العظيم الذي سطرن فيها كنداكات بلادي اعظم المواقف الصلبة رغم الجور والظلم والاستبداد - لك التحية وانت بدر ينير لنا الطريق نحو الحرية والديموقراطية لك التحية وانت تزجي لناعبر مدادك الامل الذي نحيا من اجله لك التحية ونور الفجر الجديد ينبعث من بين اياديك لتعطينا نورا سرمديا ابديا يعيش به كل اهل السودان في عزة ونماء بعد تحرير الوطن وشعبه من مردة الشياطين تجار الدين قاتلهم الله انى يؤفكون ..


#679640 [مهاجر]
0.00/5 (0 صوت)

05-28-2013 10:38 AM
ان شاء الله اجر وعافية


#679267 [موية نار]
0.00/5 (0 صوت)

05-28-2013 01:52 AM
حمد الله علي السلامة


#679150 [dindir]
0.00/5 (0 صوت)

05-28-2013 12:15 AM
الف سلامه الام والاخت اسماءوانشاء اجر وعافيه وتستاهلي انت كل خير
كنت انت الطرفه والبسمه
كنت الاحزان النبيله وكنت انشودة الغربه
كنت الاهل والعشيره كنت خير رفقه


#679095 [Kunta Kinte]
0.00/5 (0 صوت)

05-27-2013 11:48 PM
اختنا اسماء ألف حمد لله على السلامة ، الله يعلم انى احبك فيه ولم التقيك يوماً او حتى اشاهد صورتك على شاشة التلفاز ، ولكنى اعشق كتاباتك التى يستطيع المثقف والمواطن البسيط إدراكها ، واعشق انك من نساء بلادى الحادبات على الوطن والمحبات لشعبه والمنفقات الغالى من زمنهن لأجله ، انت نموزج يثبت عكس الموروث الثقافى المريض ، وهو ان المرأة يمكن ان تكسّر مليون رأس فقط بقلمها ومواقفها

فى انتظار كتاباتك الشيقه


#679005 [Ali]
0.00/5 (0 صوت)

05-27-2013 10:43 PM
حمداًلله على سلامتك أيتها المناضلة الجسورة .


#678894 [babiker]
0.00/5 (0 صوت)

05-27-2013 09:48 PM
الحمد لله علي سلامتك وما تشوفي شر


#678835 [محمدالنقر]
0.00/5 (0 صوت)

05-27-2013 09:22 PM
ربنا يشفيك ويعطيك الصحه والعاقيه وتعودى لينا بكتاباتك الجميله


#678751 [النصيحة بتودر سيدا]
0.00/5 (0 صوت)

05-27-2013 08:35 PM
ها زولة حمدالله على السلامة .. إن شاء الله ما تشوفي شر .. وكل أيامك جميلة والقادم أحلى بدون كيزان...
ربنا ينور دروبك ... زي ما نورتي دماغنا ....


#678734 [منى محمد هواري الفكي]
0.00/5 (0 صوت)

05-27-2013 08:22 PM
بالله قولي رايك في اســتعانة حكومة "الانقاذ" بالقوات التشادية لحراسة ابار البترول، وهل هذا الفعل مجانا.بالله في انحــطاط اكثر من هذا؟؟


#678694 [KAKKRY]
0.00/5 (0 صوت)

05-27-2013 07:52 PM
الف حمدلله علي السلام
وانشاء الله ما تغشاك شر


#678671 [ود البلد]
0.00/5 (0 صوت)

05-27-2013 07:27 PM
حمد لله على السلامة يا كنداكتنا


#678670 [الفارس]
0.00/5 (0 صوت)

05-27-2013 07:27 PM
الحمد لله على سلامتك يارائعة ونتمنى لك دوام الصحة والعافية


#678664 [mabba ashoni]
0.00/5 (0 صوت)

05-27-2013 07:19 PM
حمدا لله على السلامه وربنا يديم ليك الصحه والعافيه ونسال الله ان يرد غربتك ويصلح بالك بصلاح حال بلدك الذي تحلين همه حتى في سرير المرض.


#678657 [البعير]
0.00/5 (0 صوت)

05-27-2013 07:13 PM
الف حمدا لله علي سلامتك والله افتقناك كثيرا


#678646 [m almhasy]
0.00/5 (0 صوت)

05-27-2013 07:01 PM
واحده من اشرف نساء بلادنا الف حمد الله على السلامه ومعا على طريق النصر انشاء الله


#678637 [Fato]
0.00/5 (0 صوت)

05-27-2013 06:57 PM
مليون حمد لله على سلامتك أختنا الرائعة/ أسماء الجنيد وماتشوفى ولا تضوقى شر وكرامتك وكرامة كل الأحرار يوم أنتصاب المشانق للاتية أسماءهم(بشبش- المسرطن على الثعلب- أبو العفين أبولسانا بذىء- الحاج ساطور- اللمبى- علماء السلطان- كل بقية حرامية المؤتمر الوطنى).أسأل الله أن يجمعنا أخوان وأخوات فى الوطن الحوش والنفاج ونرجع لسماحتنا وعزتنا وأخلاقنا الجميلة وأن نضع كلنا أبناء السودان يدنا فوق يد بعض نعمر ونبنى البنحلم بيه يوماتى.


#678610 [حسن كاراتيه]
0.00/5 (0 صوت)

05-27-2013 06:26 PM
بس بصراحة الراكوبة تنشر ليك لو ذميت وشتمت الحكومة ولكن اتحدى اى زول يكتب ويجرب فى مدح السودان وحكومة السودان والقوات السودانية


ردود على حسن كاراتيه
European Union [Kunta Kinte] 05-27-2013 11:40 PM
لو عايز تمدح الحكومة عندك مليون منبر من صحف لقنوات لإزاعات وغيرو من المنابر الاعلامية التى يصرف عليها بالملايين ، حتى الراكوبة دى حاسديننا فيها ؟؟؟


#678588 [قاسم الجنيد]
0.00/5 (0 صوت)

05-27-2013 05:58 PM
حمدا لله على سلامتك و ما تشوفي شر ،، يا قادر يا كريم ،،


#678582 [المتغرب الأبدي]
0.00/5 (0 صوت)

05-27-2013 05:44 PM
دا واجبنا يا رائعة ..


#678571 [بت دارفور]
5.00/5 (3 صوت)

05-27-2013 05:32 PM
حمد لله علي السلامة يا استاذة اسماء وربنا يرد غربتك في زمن بلا كيزان


أسماء الجنيد
أسماء الجنيد

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة