المقالات
السياسة

06-13-2013 03:02 AM


إساءة غير عادية صادرة من جاهل يدعي انه يعرف وهو نكرة تسلق علي اكتاف جماهير المريخ لكي يلفت الانظار الي نفسه ، اساءة بغيضة جاءت من صحفي يملك صحيفة هو رئيس مجلس ادارتها وهو مجلس ادارتها وهو كاتب عامود يومي ادمن الاسترزاق منه ... شايلو رايح جاي كل يوم عامود اسبتالية.
معقولة مزمل ابو القاسم صاحب عامود الاسبتالية اكتب في السياسة ... ارزاق يا دنيا هنيئا لك بالبشري التي بشرت بها نافع بطول البقاء امكن برضو تفتح ليك درب تاني للرزق بعد ما قفلتو منافذ كورة السودان الخارجية ودمرتو المحلية وعامودك له سبق الدمار الصحفي للكرة السودانية.
بالله يا مزمل سؤال؟؟؟ من حضور الانقاذ وعملك الصحفي ما هي المساهمة القدمتها لتطوير الكرة السودانية يا راعي الضان في الخلا!!!
بعد ان لعقت حزاء الوالي امتد لسانك بطموح جديد لي نافع علي نافع نبشرك بانك لن تفرق بين مصلحة الوطن وانتهازيتك الي أن ترقد مقبل صعيد.
خلاس بعد الكورة ما دمرتوها بسخف عواميدكم بتاعت الشحدة جاي تفتش ليك في رزق مع السياسة موهوم مفتكر نفسك حا تكون سيد الاعلام السياسي بخطرفاتك بتاعت المسامير، والهلال فيها كم لام، وجمعه فيها كم نقطة، والمروحة فيها كم جناح، والطيارة عندها خطرات و ل بوري، هذه اللغة دفع ثمنها محبي المريخ المرمطو بيهو الواطة وبقي بعرة.....
ثم ماذا حملت عامودك وجيت جاري للسياسية بكلماتك المنحطه والنابية هي اصبحت لغة الاعلام في ظل هذا النظام وهو سلوك مرتزقة يتمسحون في اولياء نعمتهم.
لقد اخترت الطريق الخطأ هذه المرة للاسترزاق اقرب ليك كان تمشي في خط الصحف الصفراء المالية البلد فلانه طلقوها وعلانه قبضوها واغنية راجل المرأ حازت علي المركز الاول مما دعي بالنائب حسبو أن يقدم صوت اشادة بالجمعية التاسيسية لفوز الاغنية لانها تدعو للتعددية وتحرير كاودا ...
فعلا الاية اصبحت مقلوبة اصبح مزمل ابو القاسم الصحفي النجم الذي يتحدث في الكورة والسياسة والصحة والتعليم وفاروق ابو عيسي السياسي الما بعرف كوعو من بوعو، نتيجة مؤلمة لو لا سياسات جماعة المؤتمر الوطني ما كان شفناك كاتب شواهد قبور او بتاع معاريض خليك من صحفي.
وهمك دعم جمال الوالي ومشجعي الكورة المساكين الذين ياملون لو في كاس خشب يحملوهو علي اكتــــا فهم وهم لا يعلمون انك تتسلق علي اكتــــا فهم من اجل الاسترزاق بمقالات في صحيفة لا تصلح إلا للف سندوتشات الفول إن وجد بعد القحط الذي اصاب البلاد من الانتهازية اشكالكم الذين يكتبون لكي يعيشو.
فرق يا مزمل ابو القاسم تتكلم عن الضائقة المعيشة والناس جيعانه وانت تملك صحيفة تدر عليك الملايين من لا شيء بالله ده لو راعي الضان في الخلاء سألو اقول شنو!!!!
خارج النص:
مزمل علاقتك بالمسمار شايفا قوية كل مقالاتك لازم تجيب سيرة المسمار!!!!
كان يامكان في قديم الزمان
مسمار ومسمارة عايشين في هناء وسعادة ومودة
وفي يوم من الايام عصفت عواصف الخلافات الزوجية
كل يوم شكله وكل يوم زعل
حاول المسمار المسكين احافظ علي التماسك الاسري وحل الموضوع ودي دخل الاجاويد ...
يا الله الاجاويد عقدو الموضوع وتفاقم الوضع....
المسمارة حلفت بالتقطعا الطلاق
مشو المحكمة وتم الطلاق
يا حبة عيني المسمار بقي حزين ومسكين
اتجهجه حتي قرب اصدي من كثرة اللف في الشوارع
اخرتها بقي سفيه ومنحرف بتاع طشة عرقي وبنقو عشان انسي الهموم الجاتو بسبب فراق المسماره
مسكين المسمار ضاع فيها
قدر ما حاول اتعايش مع الفراق ما قدر
مسكين المسمار ضاع فيها
خلاس انتهي في الدنيا وبقي ما عندو امل
مسكين المسمار ضاع فيها
ياريت كل مسمار يحافظ علي مسمارتو وكل مسماره تحافظ علي مسمارها عشان تعيش في سلام
انتهت القصة!!!!
معاي انت يا مزمل في قصة المسمار


[email protected]


تعليقات 13 | إهداء 0 | زيارات 3461

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#696220 [saleh]
0.00/5 (0 صوت)

06-13-2013 08:45 PM
مزمل ابوالقاسم ومن شابهه من انتهازيي زمن الغفله الذين لا يبرحهم ضيق الافق , كل من يختار الصحافه مهنه يعرف تماما انها صوت الحق ضد الظلم والعدوان وانها مقومة الحكام والمجتمع وعندما اطلق عليها السلطه الرابعه كان ذلك لدورها الرقابي في دعم وموالاة الاوطان والمواطنين ومحاربة الفساد والمفسدين وقيادة الوطن لخيره , ولكن زمان الغفله الذي يعيشه الشعب السوداني والذي انقلت فيه موازين كل شئ لانستغرب ان يكون السيف عند جبانه والمال عند شحيحه وصحافتنا جلها تعمل لنصر الظلم والظالمين لقاء دريهمات لا تقي كتابها حر جهنم التي يُسألون قبلها هل قالوا بأقلامهم كلمة حق عند سلطان ظالم ؟ نحي القابضين علي الجمر من اطهار الصحافه السودانيه الذين تقودهم عقولهم لا بطونهم , المؤمنين برسالتهم.


#696164 [ودالوالي]
0.00/5 (0 صوت)

06-13-2013 07:07 PM
هذا زمانك يامهاذل فمرحي


#696119 [هاجر حمد]
0.00/5 (0 صوت)

06-13-2013 05:36 PM
الطمبلة ! الورغنة ! الهبللة ودي من هبالة ! الغريبة كل الاتهابل فيهم وداهم التوج ! والله كلما اقرا الهبلات دي اتخيلو راكب ليه غصاية وجاري ! القروش دي جنت ولا شنو تمشي لي زي ديل ! دنيا فرندقس ابو الحصين راكب الفرس


#695954 [أبوبكر سرالختم حاج البشير]
0.00/5 (0 صوت)

06-13-2013 01:54 PM
ليس دفاعا عن الأستاذ مزمل أبو لقاسم فيكفيه شرفاً إلمامه بقواعد اللغة إضافة إلى انتهاجه الرمزية في كتاباته وإليك واحدة منها (لصار كل مثقال بدينار )فلا تكابد اخ عباس وأرضخ للواقع وأنأى بنفسك وردّ إليها جماحها إن كنت تعلم ما هو جماح النفس ؟وخير لك ولغيرك ممن يوهمون أنفسهم بكتابة شيء من حتى عدم اتخاذ القلم ملجأ ومخرج لما بداخلك من حقد دفين لأنك ليس أهله ودعك في سباتك العميق ونوم حيث انت ( مبم,نون)وإن لم تجد لها تفسيراً فأسأل فاروق أبو عيسى لعله يأتيك من القصر بخبر يقين .


#695913 [ابوسآبق]
0.00/5 (0 صوت)

06-13-2013 01:08 PM
هاهاهاهاها , مسمار ومسمارة , مقال ظريف , شآيت ضفارى , والمسمار دق فى العرآضة . على العموم المقال يبدو رسآلة موجهة من زول زعلان من صحفى أستفز مشاعرو السياسية .


#695773 [الحسين]
0.00/5 (0 صوت)

06-13-2013 11:15 AM
يا أستاذ كلامك عن مزمل او مزمر ريح بالي جزاك الله خير ، والله العظيم انا مريخابي ، مزمل وصديق علي صالح سبب دمار المريخ


#695772 [دابي الخشة]
0.00/5 (0 صوت)

06-13-2013 11:15 AM
بالله هو كدا


#695749 [عماد عثمان - جدة]
0.00/5 (0 صوت)

06-13-2013 10:54 AM
المسمار قاصد بيه شنو؟


#695742 [الحسن فاروق]
0.00/5 (0 صوت)

06-13-2013 10:51 AM
لم يبقى الا هذا المطبلاتى المأفون حتى يتطاول على رمز تاريخى, بطل ليلة المتاريس, الرجل النظيف العفيف فاروق أبوغيسى.


ردود على الحسن فاروق
United States [تمساح الدميرة] 06-13-2013 02:54 PM
الرجل السكران


#695565 [ابوسروال]
0.00/5 (0 صوت)

06-13-2013 08:48 AM
مزمل دا بتاع الصدي _
يااخي دا زول بتاع كسير تلج حتي التلج ذاب من موقفه


#695494 [خالد]
0.00/5 (0 صوت)

06-13-2013 07:52 AM
جهجهتا باكتو هههههههههههههههههه


#695417 [هدهد]
0.00/5 (0 صوت)

06-13-2013 05:40 AM
لا تستغرب يا استاذ فهذا زمن المنافقين وماسحى احذية السلطان بلا حياء لا يستحون ولا يخجلون من سوء افعالهم من اجل المال وحب السلطان مستعدين لعمل كل شيىء نظريتهم الغاية تبرر الوسيلة لا يعرفون حسن الاخلاق يجيدون النفاق والتملق اكثر من الممثل المحترف فلا غرو ان يرتفع سعر أسهم هؤلاء المتملقين المنحطين ويقتلون أشجع المناضلين الشجعان كما قتل الاعمى عنتر . هذا زمن الرويبضة الذىن ذكرهم المصطفى صلى الله عليه وسلم فهو لا ينطق الا حقا فهذه علامات الساعة يا استاذ عباس ولا بد من مراجعة الملفات ومحاسبة النفوس بايمان تام بعيدا عن النفاق والتملق .


#695415 [في البئر ومتلب فيها فيل]
0.00/5 (0 صوت)

06-13-2013 05:36 AM
هذا زمانك يامهازل فامرحي هذة صور مقلوبة تفقع المرارة مزمل ابو القاسم يتطاول علي فاروق ابوعيس بعد ماتسلقت مجال الكورة من الطريق الخطاواسهمت في دمار الكرة السودانية برفقة اخرين تريد ان تحط من قدر استاذنا فاروق ابوعيس علي طريقة عامودك الذي لايحوي غير السب والشتيمة اتقي اللة يارجل


عباس الشريف
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة