المقالات
السياسة
تخاريج الرياض .. حِنة ورقيص!
تخاريج الرياض .. حِنة ورقيص!
06-17-2013 11:38 PM

من المُتعارف عليه أن حفلات التخريج تعتبر تتويجاً لمجهود سنوات وتعبيراً عن فرحة الطالب بتخطي مرحلة الدراسة فى حياته ليخرج الى الحياة العملية حاملاً آمالاً وطموحاً عريضاً ... أما أن يتخرج الطفل وهو لم يدخل الى الحياة الدراسية الأساسية بعد فهذا من معجزات عصرنا الحديث!!

في بداية ظهور هذه (التقليعة) ظننت أن تنظيم تخاريج الرياض يصب في معين الدعاية والإعلان لتلك الرياض ولكن مع مرور الوقت تفاقمت هذه الظاهرة و أصبح تنظيمها يفوق تخاريج حملة البكلاريوس و الدرجات العلمية مجهوداً و فخامةً و تكلفة حتى أنني قد سمعت بــ(حِنة خريج) تحييه فنانة شهيرة جداً تتقاضى ملايين الجنيهات!! ولا يفوتكم بأن حِنة الخريج هي الليلة التي تسبق حفل التخريج في مُحاكاة لليلة حنة العريس التي تسبق يوم الزفاف!

الأمر برمته غير ذو جدوى فما هو إلا تبديد للمال وهدر لمجهود الأطفال والرياض وتنافياً مع أهداف التعليم السامية، فتنظيم مثل هذه الحفلات يتطلب التعاقد مع جهات مختصة تقوم بتدريب الأطفال على المراسم مثل الزفة وإختيار بعضهم ليقوموا ببعض الأعمال المسرحية والغنائية وهم لم يدخلو بعد الى الحياة الدراسية الحقيقية ولم يبدأ مشوار الألف ميل ولا بخطوة.

المُناط بالرياض أن تُهيئ الطفل للدخول إلى المدرسة وتغرس فيه بعضاً من خصال أولها أن الحصاد لا يأتي إلا بعد كلٍ وجدٍ وعمل، فبهذه الظواهر نعلم أطفالنا أن يحصدو فراغ من فراغ ونكلف أولياء الأمور شططاً برسوم التخريج وزي التخريج ويوم التخريج الذى يستهلك مصاريف أخرى كترحيل المشاركين من الأهل والجيران وضيافة وغيره.

لابد من منع بات لهذه المهازل التي تحدث، فالمجتمع ليس بحاجة إلى حفلات تخريج ولا إلى حنة خريج بل إلى دارس مهيئ لدخول مرحلة البناء النفسي والعقلي مشحون بالطاقة والعزم والإرادة وليس أن نفرغ إهتمامه ومجهوده فى خواء لا يستفيد منه سوى (قد جيب أسرته) التى أولى لها أن تعده للمرحلة الجديدة من شراء ملازم ودفع رسوم التسجيل وغيرها من الأعباء المالية التى تنتظرهم عند أبوب المدارس.

همسة:
اليوم صحيت انا مطمئن .. انك بديت ترجع تحن
وخواطري حرّكت الشعور .. اشعاري في قلبك تزن
شوف لما اديتك هواي .. لا بالمقابل لا بمن
لو كان غيابك فيو عذاب .. الخاطره زاتها عذاب وجن
بدا يضمحل الم الفراق .. ماعاد تفيد الــ (كان) و (إن)
قررتا اتناسى الهموم .. انا تاني ارجع؟ مابظن

عبير زين
[email protected]


تعليقات 4 | إهداء 0 | زيارات 1924

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#700545 [الحردان]
0.00/5 (0 صوت)

06-18-2013 08:17 PM
البت دي شغالة بي الديزل ولا بنزين ياربي !!


#700520 [بت ملوك النيل]
5.00/5 (1 صوت)

06-18-2013 07:48 PM
انتظرت طويلا اي صحفي يتناول الموضوع ده عشان اتفش شوية..ما حا اتكلم عن تخريج الكبار وحنتهم ورقيصهم ووووالخ ديل بخليهم يوم تاني..حا اتكلم عن تخريج الاطفال بصراحة حاجة تدعو للقرف مش معني كده انا ضد التخريج بالعكس اغلب مدارس العالم بتعمل كده ودي فرحة للطفل انا ما ضدها انما ضد الشكل البتم بيهو التخريج اول نقطة قناة النيل الازرق كرهتنا عيشتنا بي نقل حفلات الحضانة واطفال بغنوا وبطوطحوا يمين وشمال يا عالم مافي تلفزيون في العاااالم بنقل حفلات زي دي ..دي حفلات خااااصة بالطفل واهلوا بتتطبع في سي دي وادارة المدرسة بتبيعها للاهل الراغبين في اقتناءها واكيد الكل بشتريهالا من شاف ولا من تلفزيون دري ..انا كأم شايفة اولادي احلي اولاد في العالم واكيد كل الامهات كده بس مشاهدين التلفزيون ما معنيين بمشاهدة اولادي او اولاد غيري وهم بتخرجوا من الروضة والطفلات مجلبطات بالروج والحنة والمكياج تشويه سخيييييف للطفولةوالامهات جايات بي مناظر عجيبة يعني نحن متين حا نفهم في هدوم وتياب للمدرسة والحفلات النهارية وفي تياب للسهرة او بيت البكا يا عالم الشعب ده مالو بقي جايط كده!!! ..ده غير الزغاريد وما ادراك ما الزغاريد لا حول ولا قوة الا بالله الزغاريد الفي القاعات والاجتماعات الحكومية والخطب الرسمية ووووووووالخ ما ممكن تسمعها غير عند السودانيين كل الجنسيات العربية عندها زغاريد باختلاف نغماتها بس الزغرودة معروف مكانها ومقامهاوين؟؟ بيت العرس فقط لا غير انا عن نفسي اي (مرة) اشوفها في التلفزيون ده بتزغرد خاصة لو في كوز بتكلم بعتبرها (مرة قليلة ادب وما عندها ولي) ..والحاجة المحيراني كل الاطفال الخريجين ديل اسمهم النابغة فلان والنابغة فلتكانة وبرضو كل واحد امتحن اساس ولأ شهادة سودانية وجاب 60% او اكترطوااااالي سموه النابغة الذبياني يعني على كده نحن شعب كلو نوابغ !!! والانبغ اقصد الأغرب من كده انا ما شايفه اي نوابغ في خريجين جامعات محو الامية الماعارفين يكتبوا جملة مفيدة او سطر بدون اخطاء املائية ديل ما عايزة اكون قاسية واقول اخطاء نحوية لأنو دي مرحلة متقدمة جدا ..نفسي اعرف مقاييس النبوغ بقت شنو في السودان يمكن نطلع نوابغ ونحن ما عارفينّ!!!!!!!!


#699688 [النصيحه حـــــــــــــــــــــارة]
0.00/5 (0 صوت)

06-18-2013 05:02 AM
شاهدت حفلة تخريج عبر اليوتيوب .. قالوا الجماعه ديل اطباء .. اطباء ؟ نعم اطباء
يعنى دكاترة بعالجوا الناس .. يعنى صفوة المجتمع .. الله المستعان
التخريج لحطات جميله وتجمع اسرى يظل فى الذاكرة عشرات السنين
ولكن بالصوره الحاليه فوضى وقلة ادب


#699630 [الجقر]
0.00/5 (0 صوت)

06-18-2013 12:41 AM
اليوم صحيت انا مطمئن .. انك بديت ترجع تحن
وخواطري حرّكت الشعور .. اشعاري في قلبك تزن
شوف لما اديتك هواي .. لا بالمقابل لا بمن
لو كان غيابك فيو عذاب .. الخاطره زاتها عذاب وجن
بدا يضمحل الم الفراق .. ماعاد تفيد الــ (كان) و (إن)
قررتا اتناسى الهموم .. انا تاني ارجع؟ مابظن
ابــــــــــــــــــداع ياعـــــــــــــــــــبير


عبير زين
عبير زين

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة