المقالات
السياسة
قصيدة ارقد قفا
قصيدة ارقد قفا
06-29-2013 01:39 PM


ارقد قفا
كفكف احزانك كفاك
انا جاي ليك
من سكة الوجع الطويل
شايل جراح الماضي
والحزن الكبير
مابيتي اصبح من صفيح
وراكوبة في الضل الفسيح
وولدك الساقيك مر
عذابو ليك اصبح مسيخ
جايك لو كان كسيح
ارقد قفا
واتغطي من ليل الهوان
لا بوقفني بمبان لارصيف
لاكلاب عطشانه صيف
تنهب من الناس الرغيف
وحرسك الواهي الضعيف
ماتقول بقيف
استنا بس
انا جاي ليك
من زحمة الغبش الشقت
وزفة البنوت رقيصا مو هرج
زغرودة البت ام ضمير
مسكونه بالوجع الزمان
دردرتو في الجنيات تعب
جايك عاد اليوم اقيف
بتحدي ليلك ياسخيف
وقول للوطن ارقد قفا
واتلحف الامل الجميل
واتغطي من ليل الهوان
واتنسم الحرية صيف
ببقالك الترس المتين
او نسمة في عز الخريف
بكسيك من الامال وشاح
والنيل بيضحك للرصيف
والعز بيملاها الشوارع
والنور يبق فوق البيوت
الماخايفه هي
مارجفه زيك
جات زاحفه بتكوس الربيع
وانت الربيع مابتعرفوا
اغراك مال الدنيا
ونسيت كلام الله العديل
وبقيت تهترش بليل شقاك
يا زول مشبع خوف وزيف
بكرة النزيف فيك كيف يقيف
ماكنت قايلها توصل الحد التعيس
والميس براك بتعرف كيف
واه :انت ياوطن الشموخ ارقد قفا

[email protected]



تعليقات 1 | إهداء 0 | زيارات 1340

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#709313 [ابو خنساء]
0.00/5 (0 صوت)

06-29-2013 07:16 PM
غير كلمة سخيف دي باخرى ملائمة لجو القصيدة وانا بدوري ارشح الاستاذ ابو عركي لتلحين واداء القصيدة .. شكرا يا رائع .. حرفك محفز للمتابعة الى الامام


ردود على ابو خنساء
United States [عبدالرحمن] 07-01-2013 10:42 PM
تسلم ابوخنساء علي المرور والملاحظة


شعر عبدالرحمن محمد بخيت
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة