المقالات
منوعات
الزار عند النساء
الزار عند النساء
07-03-2013 12:44 PM


تعبانة.. عيانة.. زهجانة.. عندك مشاكل في الشغل ظروفك المادية كل يوم في الأسواء.. مشاكل أسرية "زوج، أبناء، نسابة" كل هذا للأسف يدخل عند غالبية النساء تحت طائلة: والله انتي عوارضك كتيرة، أكيد معيونة او مسحورة (مكتوبة).. يبقى أكيد عايزة ليك شيخ مع ملاحظة أن "الفكي" بلغة أهلنا زمان أصبح "شيخ" وذلك تماشياً مع التطور الزمني و"تحايلاً" للحلال والحرام.
ولأن النفس ضعيفة وأمارة بالسوء يأتي السؤال وإن أقنعنا أنفسنا أنه من باب الفضول.. عايزة لي شيخ؟ كيف؟! ووين؟؟... لتأتي قائمة الأجابات مصحوبة بالقسم للتأكيد:
1- والله في واحد شاطر بنوم بالخيرة في (....) نمشي ليه ونحكي ليه ولو ما قادرة ممكن بالموبايل كفاية و"بديك العلاج".
2- والله في واحد في (....) مابعيد بفتح الكتاب وبعدين بوريك الحاصل و"بديك العلاج".
3- في واحد والله بيقرأ قرآن "رقية شرعية" ولو احتاج الوضع "بديك العلاج" أي ليست رقية شرعية فقط.
4- في شيخ تحت الكبري تمشي ليه يخليه يقول "حاضر وبس" أصلو ما يرفض طلب "فأحذروا" وعلى فكرة برضو ممكن بالتلفون.
وإذا سألت عن المقصود بالعلاج كان الجواب شوية بخرات يحضرها الشيخ او أعشاب طبيعية تمشي تجيبيها من (....) لأن الناس الفيها مشهورين ببيع الأعشاب دي وما موجودة إلا عندهم.. ولو ما قادرة تمشي ما مشكلة "الشيخ" بيجيبه ويحضره ويحاسبك عليها "فاتورة أضافية" أو قد يتطلب العلاج أحيانا أثرا من المقصود "وطبعا بعد ما الشيخ يحدده".. ولو سألت عن القروش كانت الأجابة ما كتيرة.. أي حاجه عشان ينوم بالخيرة او يفتح الكتاب أو يقرأ وبعد ما يدفع الزبون البخرات وأدوية العلاج يأتي "التقيل وراء" على حسب المطلوب.. وللتيسير تتعدد طرق الدفع.
نحن لا ننكر العين والحسد فهما مذكوران في القرآن ولهما علامات للدلالة عليها كما أن العلاج موجود بالرقية الشرعية، فالقرآن كله علاج وأحياناً هنالك آيات محددة تقرأ على المريض للعلاج من العين والسحر، قد يضاف ورق "السدر" ليغتسل منها المريض ويشرب ولا تكون مصحوبة بالبخرات او ضرب المريض... هذا هو العلاج الذي سنه الرسول "صلى الله عليه وسلم" وأجازه أئمة المسلمين... فكيف يكون النوم بالخيرة او فتح الكتاب او بعض الأعشاب الغريبة يمكن أن تبطل العين او السحر؟؟!!
ولماذا يكون العلاج بيد الشيخ "الفلاني" ليكون وسيطا عند الله وهل تحتاج علاقتنا بالله لوسطاء؟؟!
ولماذا ندخل أنفسنا منذ البدء بأن كل ما يحدث في حياتنا هو عين او سحر او عارض... ألا يمكن أن يكون ابتلاء من الله.. فإن أحب الله عبده ابتلاه.
وبعد هذه المحاضره كلها تأتيك الأجابة: شيخ شنو ديل كلهم كذابين ساي.. علاج فتور جسمك ده والمرض الكتير والعوارض العندك دي كلها من الأسياد (الريح الأحمر).... "تعالي ندق ليك زار ونبخرك تبقي تمام، فلانة من ما دقينا ليها الزار عند (الشيخة) المرض فاتها وأمورها تمام التمام"..
"والحمد لله الزار للنساء فقط حتى الآن".
يا اخوانا عايزة لي شيخ ولا دقة زار؟؟!!
والله المرة دي بقى رزق "النصح" على "المهابيل" وكان الله في عون كل شرائح نسائنا..


[email protected]


تعليقات 1 | إهداء 0 | زيارات 2812

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#712835 [ود الشيريا]
0.00/5 (0 صوت)

07-03-2013 10:20 PM
السودان كلوا محتاج يدقوا ليهوا زار ...يمكن يشفى من العوارض والبلاوى دى..


اسماعيل احمد محمد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة