نبكي مما نقرا
12-10-2010 09:23 AM

بسم الله الرحمن الرحيم
حاطب ليل

عبد اللطيف البوني
[email protected]

نبكي مما نقرا

الاخ د. عبد اللطيف البوني
بعد التحية
اخذني عمودك حاطب ليل بعنوان (يانعاج حلتنا ) الي الفرص الضائغة على السودان فيمجال الاستثمار والتمويل التي لو صدق العزم زانجزت لما احتجنا للغوص في بحار التنقيب عن البترول ولاضربتنا مجاعات الدولار . الححديث عن صادر اللحوم اخذني الي فرصة كبيرة عرضت على حكومة السودان ب ابان عهد الرئيس نميري واهدرت وربما قد تعود مرة اخرى اذا انصلح الحال .
زرنا مدينة جوبا في عام 1974 لفترة في صحبة الرئيس نميري لافتتاح كبري جوبا توريت وكانبرفقتنا السفير الهولندي الذي يمثل دولته في الحفل اذ ان الكيري كان هدية من الجيش الهولندي لجنوب السودان . انتهز السفير الهولندي فرصة حفل غداء اقامه حاكم الجنزب في ذلك الوقت مولانا ابيل الير ونقل للرئيس نميري رسالة شفوية كلف بتبليغها للرئيس وقد قمت بالترجمة الفورية لما دار. فقال السفير كلفتني الحكومة الهولندية بان انقل لسيادتكم رغبتها للتعاون مع حكومة السودان للاستثمار في تنمية النقل الجوي وتنمية صادرات اللحوم السودانية اي اوربا
 تعرض هولندا منح السودان 12 طائرة فوكرز ف 28 وهي طائرة مجربة لاسيما في السودان وهذا الطراز هو رصيف الطائرة الامريكية البوينج 737 في كل شي الا انه يتميز عنها بان الفوكرز تستطيع الهبوط في اي مدرج للطيران في اي مكان
 اقامة اكبر مسلخ للحوم في افريقيا وفقا لمتطلبات السوق الاوربية في نيالا
 تشييد مطارين دوليين في كل من نيالا وبورتسودان
 منح السودان طائرة فوكرز 28 رئاسية وقد عرضت طائرة الرئيس النيجيري من نفس الطراز للمعاينة في مطار الخرطوم
 لمقابلة سداد هذا القرض طلبت هولندا ان تمنح حصة من الانتاج السنوي للامباز السوداني يتفق عليها هذا وستتكفل هولندا برعاية انتاج اللحوم السودانية وتسويقها في اوربا
وعد الرئيس نميري السفير الهولندي بانه سيتابع الامر بنفسه واوكل الي متابعة الامر معه واكون حلقة الاتصال مع السفير . مرت الايام وتابع السفير الهولندي الاتصال معي وانا مع رئاسة الجمهورية والوزير بهاء الدين ثم نقلت خلال عام 1974 الي الدوحة
وانا في الدوحة تم افتتاح خط طيران لسودانير وكانت المفاجاة ان ظهرت طائرات البوينج 737 في سودانير وساعتها ادركت لماذا لم يرد الرئيس نميري على العرض الهولندي . ثم ظهرت في مايو فضيحة اللوكهيد ليكزاذ نشرت مجلة النيوز ويك الامريكية الصفقات لبيع طائرات البوينج والعمولات التي دفعت لتسهيل عقد الصفقات والبنوك الممولة وظهرت اسماء العملاء الذين تسلموا العمولات ومن بينها صفقة البوينج للسودان والاسماء للسادة الكرام الذين شاركوا. وتلك كانت (الويكيليكس) في ذلك الزمان
لو قدر لتكل الصفقة ان تتم لكان للنقل الجوي في السودان شان اخر وايضا صناعة اللحوم في دارفور ولكانت ماسورة اليورو كابة ولربما لم ندخل في ماذق الصراع الدارفوري . قبل ايام نشرت الصحف ان والي دارفور تحدث عن مباحثات تجري بشان مشروع مشابه يتعلق بصناعة اللحوم نحن نحمد للوالي هذا التوجه ولكننا نقول ان الامن والاستقرار هما بداية التنمية والاستثمار التي يتطلع اليها ال دارفور
مع فائق تقديري
السفير م احمد محمد البدوي
تعقيب
شكرا سعادة السفير لقد ابكيتنا لحد الوجع بما نورتنا
البوني


تعليقات 21 | إهداء 1 | زيارات 5515

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#57604 [haj abbakar]
0.00/5 (0 صوت)

12-12-2010 09:22 PM
قبح الله ثورة الانجاس
عار علينا ان نترك هؤلاء الجهلاء الفاسدين يحكمموننا بقوانين قراقوش
لعنة الله على الانجاس ومن اتى بها ومن يساندها
مكان هؤلاء الشرذمة المذبلة فهى تشبههم
الدلدول الكبير نايم فى الخط ولاندرى من يحكم
ابعاج كان رئيس وله هيبة ولاكبير لديه يحرك الساسة كقطع الشطرنج .قراراته لها وزن
وفى زمانه كان للبلد رئيس وديك البطانة يقول مشيت مدلدل وجيت مدلدل والله ماعارف اى حاجة.
الواحد صار يخجل من الانتماء لهذا البلد الذى صار مرتعا للحثالة


#57346 [علا رضوان الصافى ]
0.00/5 (0 صوت)

12-12-2010 02:55 PM
كيف حالك يادكتور البوني ما رايك في جلد هذه الفتاة المسكينه وهل هذا من الشريعه
كان هذا محزنا لنا اضف لو سمحت تعليقك


#56662 [yassir]
0.00/5 (0 صوت)

12-11-2010 10:36 AM
انت وامثالك من كتاب (الارزقاتيه ) اكبر بلوه على الاستثمار .....................................


#56574 [عزو]
0.00/5 (0 صوت)

12-11-2010 07:52 AM
دعوني اعيش ... التوقيع : ...بوني


ردود على عزو
United Arab Emirates [ياسر] 12-11-2010 01:28 PM
ملعوبة منك يا عزو !!!
ضحكت والله.


#56554 [ras babi abdalla babiker]
0.00/5 (0 صوت)

12-11-2010 06:31 AM
do not forget
http://www.youtube.com/watch?v=nWk7dSBjIEE&feature=player_embedded


#56456 [احمد على طة]
0.00/5 (0 صوت)

12-10-2010 08:28 PM
لن يقوم استثمار والمواطن السودانى مهان فى كرامتة الاستثمار اولا فى الانسان وخفظ خقوقة واعطائة حق الحياة 21 عاما من البؤس والشقاء وتدهور الحال وتقول استثمار.


#56410 [عبدالرازق الجاك]
0.00/5 (0 صوت)

12-10-2010 05:47 PM
ما هكذا تورد الابل يا اخوتي السفير كتب موضوع من اهم ما يؤرق الشعب السوداني وفي سياق العمود هذا يتمثل الحل الامثل لاقتصاد البلاد لينصلح حال العباد السودان بلد رعوي اولاا ثم زراعي في المقام الثاني ومن هنا تبدأ نهضة السودان ليصير صناعي لما به من المادة الخام لكل الصناعات المختلفة ومعظمها متعلق بالثروة الحيوانية والزراعية دعوا العلماء يكتبون مثل هذه المواد المهمة والجادة بدلا عن الجلد والمهاترات التي تشبه كتابات الرياضة وكان الله في عوننا والسلام


ردود على عبدالرازق الجاك
Saudi Arabia [حامدابوعبدالمجيد] 12-10-2010 07:16 PM
سلام ياود الجاك
شوف ياللخو اكتب البعجبك على عينا وراسنا ونقراهو كمان لكن اياك تحدد لينا نكتب شنو لانو بى صراحه مابخصك نكتب رياضه بطان جلد نسوان من الكيزان اها موضوع الجلد ده بتى عمرها اربعه سنوات شافتو هى وامها بتبكى قالت ليها يمه خالتو لى الشرطى دقاها بالسوط شديد كده غلبها ترد والغصه فى حلقها
و جيفارا قال اذا وجدت العبد نائما ساوقظه واحدثه عن الحريه والحريه اهم لينا من سفيرك ووزيرك وصناعتك وزراعتك والهبوب الكاتبو البونى هنا ده لانو مامتفاعل مع الحدث والتوقيت الوقت البتهانوا فيهو نساءنا وبيصرخن بى اعلى صوتن لازم نجدع فيهو الطوريه والمنجل وننقذها وبعدين نرجع لى زراعتنا
وبصفتى القانونيه بقول ليك المحكوم عليه بالاعدام عندو امنيه وبوزنوهو وبيقيسو طولو علشان الحبل مايقطع الرقبه وقع ليك يعنى حقوق وهو ميت البيت بتاع مالجرح ميت بايلام ماشغال هنا والجرح الالم طفله فى عمر جوجو بتى ومااالمك انت فراجع رقبتك اخوى وماتفور لينا دمنا اصلو فاير
البونى كتب عن الطماطم والحواشات لمن قرف فى الراكوبه دى وناس الوالى باعو سكه حديد مشروع الجزيره واكلو قروشو وقاعد يجيب بيهم مدربين ولعيبه كورة انت قايل الكوره انصراف لالا مصاريف بالدولار وقع ليك مدرب المريخ راتبو 15الف دولار شهري
..................تصبحوا على وطن


#56398 [كورباج]
0.00/5 (0 صوت)

12-10-2010 05:14 PM
نعم فعلا ضاعت على السودان فرصة الأستثمار في اللحوم ولكن تم إستدراكها بإستثمارات كبيرة لم تذكرها وهي قطع الأيادي والرقاب وقد واصلت حكومة البشير في هذه الإنجازات كما نعيشها اليوم وبأيدى سودانية خالصة بسلاخانة الشرطة وتحت إشراف طبيب بيطري متخصص متأنق لزوم الصورة وبسوط بمواصفات عالمية .
يا دكتور وحد الله لحوم أية وطيران أية وإستثمارات إيه وفرص ضائعة أية والجلد مدور وأخوان مهيرة بيعرضو .


#56383 [ود مريحيل]
0.00/5 (0 صوت)

12-10-2010 04:45 PM
يادكتور بلاش مراوغات كلكم شافين الحاصل شنو جلد وامتهان للكرامه مابعدو امتهان ساكتين ليه خايفين من الموت فكلنا لى الى لله راجعون, استثمار وزراعة شنو


#56357 [احمد]
0.00/5 (0 صوت)

12-10-2010 03:36 PM
( ) ( ) ( ) ( ) ( ) ( ) دكتور البوني زااااااااااااااااغ
الزول طلع بتاع سكر
الناس منتظرو يواصل في القديم وموضوع النظام العام والاداب
عمل لينا حلقه عن السكر
ويا ريت الموضوع يفيد بس ضياع زمن


#56346 [احمد على طة]
0.00/5 (0 صوت)

12-10-2010 02:48 PM
عاوزين رد على التعليقات بشكل واضح وصريح لاننا مترددين فى الحكم على مقالاتك هل انت مع الشعب ام مع الكيزان .


#56324 [ممغوسة]
0.00/5 (0 صوت)

12-10-2010 02:08 PM
ده اللي الله قدرك عليه يا أستاذ البوني؟؟؟ماشايف سوط العنج ده؟؟وناس قدوقدو والقاضي الجاي يمارس ساديته جهار نهار ده؟؟؟معقول بس؟؟؟؟؟؟؟


#56315 [بت ملوك النيل]
0.00/5 (0 صوت)

12-10-2010 01:50 PM
يا دكتور البوني المقام مقام كرباج فقط


#56306 [حامدابوعبدالمجيد]
0.00/5 (0 صوت)

12-10-2010 01:40 PM
جمعه سعيده ومباركه عليكم
بالجد يالبونى اخوى خذلتنا شديد لكن بننتظرك تورينا موقفك ورايك الصريح الفيديو وصل الجزيره مباشر والسي ان ان والبي بي سي
http://www.youtube.com/watch?v=nWk7dSBjIEE&feature=player_embedded
معقوله يادكتور والله العظيم شاهدنا جلد ايرانى بالحرم دنس المسجد النبوي الشريف
http://www.youtube.com/watch?v=u1PmfmlvktA
الايرانى تبول على قبر عمر اكرمك الله واختنا بى سبب اللبس الفاضح حسب ماورد من اخبار
عالم مقزز ومقرف الشريعه يطبقها قدوقدو وذلك المكرفت المكلفت المستعجل
..............تصبحوا على وطن


#56285 [monim musa]
0.00/5 (0 صوت)

12-10-2010 12:57 PM
ارجو من أبائنا وامهأتنا وأخواننا وأخواتنا الذين خدموا في حكومة المخلوع نميري خصوصا الذين كانوا في السلطة ان يكتبوا مزكراتهم ولكن بدون تجميل لنعرف مدي فدأحة الجرم الذي وقع علي السودان واهله


#56262 [احمد]
0.00/5 (0 صوت)

12-10-2010 12:21 PM
يا دكتور البوني .. مش كان عندك حلقات متتالية عن موضوع النظام العام في تلفزيون النيل الازرق
الغريبة كل الناس الاستضفتهم فيهو من صحفيين ردو على موضوع الجلد ده ..
انت مالك لسانك اكلو الدود ... (؟) (؟) (؟)
الومضوع ده ما حقك عديييييييييييل كده
يلا ورينا شطارتك وافتي لينا فيهو
وياريت تستضيف لينا ناش الشرطة وشرطة النظام العام وشرطة الكبجاب ديل
وكمان ما تنسي القال وليشهد عذابهما طائفة ... والسيد المستعجل وكيل النيابة القال للعسكري بي سرعة عندنا شغل ماشين
منتظرنك يا دكتور ما تعمل رايح .. (؟) (؟) (؟)


#56202 [خرباش]
0.00/5 (0 صوت)

12-10-2010 10:26 AM
يا د. البوني ماقريت عن البت الجلدوها ناس( خال فاطنة) أم لم تشاهد الفديو ولا عصاة نايمة وعصاة قايمة........... ماذا جرى لكم؟


#56201 [اهاشم بشير ابراهيم]
0.00/5 (0 صوت)

12-10-2010 10:24 AM
الي البروف البوني
بعد التحيه والاحترام
اننا اليوم اكثر الامم تخلفا ولكي نتخلص من هذا التخلف لابد لنا من التقدم عن طريق العلم والعلم
يحتاج الى مواكبه ولنبد بالترجمه ترجمة العلوم اللغه التي نتعلم ما رايك يابروف البوني بان نكلف كل سوداني يجيد لغات اجنبيه ان يترجم كتاب كل شهر او صفحه كل يوم او بحث علمي كل اسبوع من اجل الوطن ساهم معنا بالدعوه يا بوف وشكر


عبد اللطيف البوني
عبد اللطيف البوني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة