المقالات
منوعات
يا للاسف .عدم الوفاء .اغاني واغاني.للراحل محمود عبد العزيز!!
يا للاسف .عدم الوفاء .اغاني واغاني.للراحل محمود عبد العزيز!!
07-11-2013 07:00 AM


لاشك ان برنامج اغاني واغاني صار جزء من وجدان الشعب السوداني في توثيقه للوجدان الفني السوداني عبر كل الحقب التاريخية لروعة الفن السوداني .كما ارتبط بالشهر العظيم شهر رمضان حتي صار ينافس حلاوة ونكهة الحلومر متخذا شعار زين (رمضان احلي في السودان ..وتحلي اللمة بالحبان). ولاشك ان الاستاذ السر قدور هو فاكهة هذا البرنامج وربان سفينته. وكلنا متوقعين ان تكون الحلقة الاولي والثانية لنسخة البرنامج 2013 وفاء وعرفان في تابين فقيد الفن والبرنامج وشباب السودان الفنان الانسان الرائع الراحل محمود عبد العزيز وهذا اقل ما يمكن ان يقدمه البرنامج لفنان شامخ وعظيم بقامة فنية ثرية للمبدع الرائع الانسان محمود عبد العزيز.. ولا استطيع ان اعذر ومعي كثير من طوائف المجتمع وخاصة الشباب ومعجبي الراحل الانسان سقطة او نسيان الاستاذ السر قدور ومخرج البرنامج ومعديه بل ادارة القناة باكملها وحتي رئيسها بهذا النسيان المخيب الذي قد يكون فطر قلوب وروح كثير من طوائف المجتمع الاوفياء للمبدعين. كما لا اعذر زميله ورفيقه جمال فرفور في عدم انتباهه او تناسيه وقبوله في المشاركة دون الوفاء للراحل الانسان محمود عبد العزيز وايضا اضم معه الفنان طه سليمان فالواجب والوفاء ايضا يلاحقه .
وكل ما اتمناه ان تصل رسالتي هذه للاستاذ السر قدور وكلنا لا ننسي كيف بكي معظم الشعب السوداني بدمع سخين لفقد المبدع الراحل نادر خضر حين تم تابينه من خلال البرنامج مما اعطي البرنامج بعد انساني وجوهر الوفاء وتجلي انساني توشح ثوب الفن والغناء السوداني. ومهما اعملت تفكيري كي اجد عذر وبراءة او اصلاح هذا الكسر الوجداني لم استطع ان اجد سبيلا وكل ما استطيع قوله رحمك الله يا فنان يا انسان يا عزيز القلب والفن حبيبنا محمود عبد العزيز وكما قال السر قدور نفسه يغيب المبدع ويبقي الابداع.. ولكنك باقي ايضا كأنسان في قلوبنا ومخيلتنا ما فتي الدهر ..يا انسان..!!!

[email protected]


تعليقات 5 | إهداء 0 | زيارات 4720

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#722389 [مواطن سودانى]
0.00/5 (0 صوت)

07-15-2013 11:50 PM
بسم الله الرحمن الرحيم

عزيزي sami المحترم

للاسف لم تفهمنى او تفهم اصل الموضوع المطروح
اتيت لتهاجمنى دون ان تقرأ اصل الطرح وردى عليه
وسوف اشرح لك مافاتك اخى الكريم ...
وهو ان المقصود هو البرنامج والمشاركه التى تمت
للفنان الراحل مومود عبدالعزيز نقاط الحوار كانت
تندرج فى هذا الطار ولم اذكر او يذكر صاحب الموضوع
عن اى شىء يقدح فى موهبة او امكانيات المطرب محمود لامن قريب اوبعيد
بعدين منو القال ليك انا بتاع ناس حرامى القلوب وماشابهه من سقوط
فنى وغناء ركيك المعانى والكلمات ...عندى مليون راى فى هؤلاء المجرمين
المعتدين على الفن السودانى والمؤذين لآذان الشعب السودانى الجميل...
لا استمع الى افراح اوريماز او شريف او طه او شكرالله اوحسين واحمد الصادق ومن من شاكلتهم
لانهم ليس لهم علاقه بالفن...اعشق جداً عثمان حسين ووردى وكابلى وجيلهم الى عصام محمدنور ومحمودفقط
جيل اغانى واغانى او جيل ثورة الغتاس مسيييييييخ زى كل شىء فى هذا العهدالبائس....


#719466 [الخفسو]
0.00/5 (0 صوت)

07-11-2013 04:41 PM
الناس في شنو ... والحسانية في شنو؟؟


#719206 [مواطن سودانى]
0.00/5 (0 صوت)

07-11-2013 12:14 PM
بسم الله الرحمن الرحيم

الفنان محمود لم يضف لبرنامج اغانى واغانى شيء
بل كان عيئاً ثقيلاً عليه وكانت مشاركته خصماً عليه
للحاله المخجله التى ظهر بها فى البرنامج اضافه الى
ان الفنان محمود كان ظهوره محدود فى البرنامج ليس
بنفس مساحة ظهور الفنان نادر خضر واضافته للبرنامج
ليس عنالك ادنى مقارنه بين ماقدمه الفنان المحترم المرحوم نادر خضر
من مساحه ظهور وابداع فنى وارتباط قوى بالربرنامج
وبين الظهور البائيس للفنان المرحوم محمود فى نفس البرنامج ...


ردود على مواطن سودانى
European Union [sami] 07-11-2013 01:57 PM
اولا المقال يتحدث عن محمود كهرم وقامة فنية لا جدال فيها واكبر خطا ارتكبه محمود مشاركته فى برنامج اغانى واغانى لانه دون مستواه بملاين المرات.. لا لا يمكن لفنان مثل الحوت انا يشارك فى برنامج وكل الذين شاركو فيه عدا الاستاذ عصام مجموعة من ناس يدعوا الفن وشوية صيع غناء( اللهم انى صائم) شنو يعنى رماز طه شريف ( يا عمو حمد الريح)با مواطن سودانى ارجع اقراء المقال جيد . ثم ثانيا البرنامج نفسه هو الكان عبئا على محمود لان مقدمة قصد منه اظهار محمود بهذا المستوى وكان واضح فى اختيار الاغانى .. على كل رحم الله محمود الهرم والظاهرة الفنية المتفردة التى لا تتكرر.. واقول لمواطن سودانى الاستاذ محمود فلته جاءت فى زمن بعدها لا يتكرر محمود ولا يتكررالزمن... وانت خليك مع حرامى القلوب تلب ورندا وميرندا... محمود انت ما بتعرفو ولا بتعرف فنه ولا بتعرف الفن اصلا خليك مع شريف زطه ورماز


#719177 [ازرق اليمامة]
5.00/5 (1 صوت)

07-11-2013 11:56 AM
جارين علي النقد طوالي
انت كان صبرت شوية في حلقة كاملة عن الراحل محمود بغني فيها ولد محمود وطه سليمان
الكلام دا جابوهو في استعراض برامج رمضان
انت بس البصرك .. شنو


#719157 [الخمجان]
5.00/5 (1 صوت)

07-11-2013 11:33 AM
انا كمان كنت متوقع يتم تابين الفنان الاسطورة الحوت وخاب املى فى اول حلقات البرنامج


أ. مجدي عبد الرحمن
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة