اللصوص الحقيقيون
07-22-2013 01:14 PM


حكاية جميلة ذات مغاز عديدة (وجدتها على الشبكة العنكبوتية) أحكيها لكم هنا (بتصرف) تقول الحكاية أنه وخلال عملية سطو علي أحد البنوك صرخ لص البنك موجهاً كلامه الى الأشخاص الموجودين داخل البنك من موظفين وعملاء :
- لا تتحركوا فالمال ملك للدولة أما حياتكم فهي ملك لكم
إستلقى الجميع على الارض بكل هدوء وهذا ما يسمى (مفهوم تغيير الطريقة التقليدية في التفكير) ، و عندما إستلقت سيدة على طاولة بشكل استفزازي، صرخ اللص في وجهها:
- رجاء كوني متحضرة .. هذه سرقة وليست إغتصاب ! وهذا ما يسمى “أن تكون محترفاً” إي أن يكون تركيزك فقط على ما تدربت على القيام به .

تمت السرقة بسلام وعندما عاد اللصوص الى مقرهم..قال اللص الأصغر عمراً و الذي يحمل شهادة(الماجستير في إدارة الأعمال) لزعيم اللصوص :
- يا زعيم دعنا نحصي كم من الاموال سرقنا؟.. فقام الزعيم بنهره و قال له :
- أنت غبي جدا !هذه كمية كبيرة من الأموال, و ستأخذ منا وقت طويل لعدها.. الليلة سوف نعرف من نشرات الأخبار كم سرقنا من الأموال! ..وهذا ما يسمى “الخبرة”. وفي الأيام دي بالذات الخبرة أكثر أهمية من المؤهلات الورقية!
في الطرف الآخر وهو مسرح السرقة (البنك) وبعد أن غادر اللصوص قال مدير البنك موجهاً حديثه لنائبه :
- إتصل بالشرطة بسرعة.
و لكن نائبه رد عليه قائلاً :
- إنتظر دعنا نأخذ 10 ملايين دولار و نحتفظ بها لأنفسنا و نضيفها الى ال 70 مليون دولار التي قمنا بإختلاسها سابقا وهذا ما يسمى ” تحويل وضع غير مُواتٍ لصالحك”!

وواصل نائب مدير قائلاً : سيكون الأمر رائعاً إذا كان هناك سرقة كل شهروهذا ما يسمى )التعود على المال الحرام( !(ما بجي بااارد وكده)
في اليوم التالي للسرقة ذكرت وكالات الإنباء ان 100 مليون دولارتمت سرقتها من البنك فقام اللصوص بعد النقود مرة تلو أخرى وفي كل مرة كانوا يجدو ان المبلغ هو 20 مليون دولار فقط , عندها غضب اللصوص كثيراً و قالوا نحن خاطرنا بحياتنا من أجل 20 مليون دولار و مدير البنك حصل على 80 مليون دولار من دون أن تتسخ ملابسه؟ ..يبدو أن من الأفضل أن تكون متعلماً بدلًا من أن تكون لصا.! وهذا ما يسمى (المعرفة تساوي قيمتها ذهبا)!
كان مدير البنك يبتسم سعيداً لأن الإختلاسات التي كان يقوم بها إضافة إلى خسائره في سوق الأسهم قد تمت تغطيتها بهذه السرقة و هذا مايسمى (إقتناص الفرصة) !

ما يستفاد من الحكاية :
اللصوص الحقيقيون هم غالباً الوزراء والوكلاء والمدراء الماليين وغيرهم كثير ، لكنهم لصوص بشهادات !!

كسرة :
ولتأكيد ذلك طالعوا الكسرتين التحت ديل !!

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو)؟


تعليقات 15 | إهداء 1 | زيارات 6857

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#728277 [ودالماحى]
2.25/5 (5 صوت)

07-23-2013 04:44 PM
ياخوانا تعليقنا ماعجبكم والا عندكم اصحاب من الجماعه اللهفوا اموال الشعب المغلوب على امره اسال الله عز وجل ان تخل عليهم بالساحق والماحق والبلى المتلاحق في انفسهم واولادهم وكل من استفاد منهم من اهلهم واقربائهم واصدقائهم وعوائلهم


#728248 [ودالماحى]
3.25/5 (5 صوت)

07-23-2013 04:04 PM
يااخوى الفاتح اللصوص الكبار وحاتم منى القاعدين عندنا ديل بعضهم شهادة اكمال ثانوى شنو وبعضهم شهادات مضروبه من الداخل والخارج - والسرقه عندنا مامحتاجه لشهاده اصليه وكدى يالفاتح اخوى شوف لى منو في الساكنين الفلل والراكبين الاندكروزر ديل وتنو الحريم وتلتوهم كانوا راكبين والا ساكنين شنو قبل 89 ورينى الكان عندو منصب في الدوله الكان عدد وزرائها لايتعدى ال 15 - واليوم لايعلم بعددهم الا الله عزوجل ينهبون عينك عينك ومافى زول بقول بقم كدى يالفاتح اخوى لو لقيتلك خبر عن موضوع الاقطان والحج والعمره والمدينه الرياضيه وميزانية ولاية سنار التى نهبت جهارا نهارا ادينا خبر - نسال اله عز وجل ونحن في اقدس الشهور والايام المباركه ان كل من اكل ولوجنيها واحدا من اموال الشعب المغلوب على امره ان يجعلها نارا وامراضا في انفسهم وفى اولادهم وان يرينا الله عز وجل انتقامه فيهم في هذه الدنياقبل الاخره والموكد بانهم ذاهبون الى نار جهنم عدل- و المهم يعوضنا الله ورمضان كريم


#728061 [التويجري]
3.00/5 (5 صوت)

07-23-2013 01:03 PM
سبحان الله الواحد كل مرة يعجب بي كتاباتك وكل مرة بي طعم ونكهة وتحليل عجيب.والله انت فخر للسودان والمعروف الهجين دايما يأتي بالصفات الوراثية الجيدة.وهذا هو السودان عشان مايقولو نحن عرب صافيين.وجرائم ذوي اليلقات البيضاء وهم المثقفين والمتعلمين من اخطر الجرائم لعلمهم بالقوانين واستغلال الفرص كما ذكرت.وفي مقولة لاحد الفلاسفة بتقول ويل للرعية إذا فسد المتعلمون.ومشكلتنا متعلمينا فاتو مرحلة الفساد زمااااااااااااان!!!!


#727990 [ابن الشرق]
3.13/5 (5 صوت)

07-23-2013 12:09 PM
لايييييييييييييييييييييييييييييييييك


#727900 [تجاني مصطفي]
2.94/5 (6 صوت)

07-23-2013 10:38 AM
لافض فوك ياجبرا دابما تفش لينا غبينتنا في الجماعة


#727807 [سماسم طيبة]
3.38/5 (5 صوت)

07-23-2013 07:19 AM
لك كل الشكر والتقدير لأنك بتفتح لينا المغطى وتجبر خاطرنا عشان نستعد ليوم الحساب وادعوا الله العلي القدير ببركة هذا الشهر الفضيل ان يزيح عنا هذه الطغمة الفاسدة اااااااميييييين


#727705 [المقهورة]
3.75/5 (5 صوت)

07-23-2013 01:24 AM
الله يعطيك العافية.. بعض مقالاتك تحمل المغزى لواقع السودان الأليم..
والبعض الآخر صريح ويفضح الكثير.. حتى أني أشعر بحاجتي
لتناول حبوب الضغط والقلب والكلسترول خلال النهار ولكني صائمة
والحمد لله .. على كلٍ جزاك الله عنا كل خير..


#727639 [NB]
3.25/5 (5 صوت)

07-23-2013 12:00 AM
http://www.alrakoba.net/articles-action-show-id-35958.htm


#727629 [Adam Ibrahim]
4.00/5 (5 صوت)

07-22-2013 11:49 PM
رائع دوماً يا جبرا يديك العافية..


#727568 [هاجر حمد]
2.94/5 (6 صوت)

07-22-2013 10:28 PM
مصرفية انجليزية بالصدفة اكتشفوا انها تسحب من الارصدة الضخمة مبالغ صغيرة دون ان ينتبه هؤلاء لزمن طويل فكان ما سحبته مبالغ هائلة , في المحكمة اكتشفوا ايضا انها لم تاخذ لنفسها مليما احمر ! وانها كانت تحول المبالغ من الارصدة الضخمة تلك الي ارصدة صعيفة اصحابها في اشد الحاجة للمساعدة ! تاسف القاضي لانه لا يستطيع تجاوز القانون والعفو عنها واطلقت عليها الصحافة ( روبن هود ) المصارف وزفتها جماهير غفيرة كأنها عروس "طلعت في بيت حلالا" وشتان !


#727449 [ود الباشا]
2.25/5 (5 صوت)

07-22-2013 05:46 PM
سبق قلت ديل شهادتم الكبيرة دى وخباراتم المتقدمه والمكتسبه من دول كبرى والعلم القذيييييير دا كلو موجهة للصوصية المقننه يعنى كلامك دا الناس ديل فاتوه زماااااان بأحترافية الريس قال العندوا دليل يجيبوا والمتعافى قال انا ما كيشة ..اها فى احترافية اكتر من كده






يا استاذ جبرة شركة طيران الامارات اخذت الاولى عالميا على مستوى العالم اجمع ياجبره اذا عايز تفكر فى الموضوع دا وتسرح خت جنبك حبوب الضغط والسكرى


#727370 [خالد]
2.25/5 (5 صوت)

07-22-2013 04:08 PM
والله قصة وحكااااااااااااااااااية دى كسرات وكسراات واللصوص الحقيقيون عاملين بالضمةوالاحضان بمال الشعب والشعب جعان لكنه فنان (أغاني وأغاني ) يلا نغني فرفور بقى دفاع شعبي


#727247 [Malcomx]
2.19/5 (5 صوت)

07-22-2013 02:16 PM
الله يريحك دنيا واخرة


#727231 [محمد الجمال]
3.54/5 (6 صوت)

07-22-2013 02:03 PM
هو الرئيس وجه منو ثم هوالرئيس ذاتو منو حيرتونا


#727202 [yasir abdelwahab]
3.79/5 (6 صوت)

07-22-2013 01:40 PM
الله..هو مش الطاهر ساتي كتب نفس الكلام..الامن استتب والجماعه بطلو سرقه والخضر بلش يجمع اتاوات والا ايه...
عاوزين محلي ده نحنا بندفع دم قلبنا عشان نشتري جريده وما ضهبانين من الشبكه العنكبوتيه..بلاش اونطه رجعولنا فلسونا يا صحفيين..فرقكم منهم ايه؟؟؟؟


ردود على yasir abdelwahab
United States [ود الحاجة] 07-24-2013 02:03 AM
فلوسك دي ياتا هو إنتا قاعد تدفع للراجل ده .. يااااخ الإختشوا ماتو وكتر خير الأستاذ جبرا الخاليكم تقرو ملح ساااااكت .. كمان فيها لماضة

United States [كوز كنافه] 07-23-2013 08:06 AM
دي طاقية ده في راس ده الكل بقي يلغف يااخي جبرة ماهو سوداني ذينا كدي مرات كدي بكلفتنا حتي يحصل المطبعة والرقابة والأمن


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة