المقالات
منوعات
السوداني حبيب كسلان ..!
السوداني حبيب كسلان ..!
07-23-2013 06:42 AM



أغاني (الراب) الأمريكية ما هي إلا قصص تحكي - بنبرات راقصة - عن عالم السرقة وترويج المخدرات وحياة العنف التي تعيشها مجتمعات السود في أمريكا.. وهي تقول الكثير عن آلام وأحلام (ناس) هم بكل المقاييس العالمية كَتَّالين كُتَلة .. لكن السر في احتفاء المجتمعات الأخرى بها هو أنها تعوِّل في نجاحها على الصدق الفني.. فأفكارها تتكئ على حقيقة المجتمع الأسود وإن كانت تلك الحقيقة تفتقر إلى الجمال ..!

في الأغاني الهندية لا شيء غير الجمال والنقاء المطلق في الحب، لأن الاحتفاء بالمعاني الروحانية شيء أصيل في ثقافة المجتمع الهندي، فلا مفردات ذات دلالات حسية كما في أغاني (الراب) بل مفردات رومانسية المعنى، وهذا أيضاً صدق فني من نوع آخر ..!

الأغاني إذن صورة معبِّرة بالألوان عن حال الشعوب لأنها ? ببساطة - لسان ذلك الحال! .. فمهما أوغلت الأغاني في حياديتها وتجرُّدها من الانتماء إلى مكان أو هوية ثقافية أو اجتماعية بعينها لا بُدَّ.. لا بُدّ أن تحوي مقطعاً أو جملة تكون بمثابة (لقطة) أو لمحة من لمحات الطبائع السلوكية للشعب الذي ينتمي إليه كاتبها وطبائعه ومسلماته ومعتقداته.. بل وعيوبه أيضاً ..!

مثلاً، لا توجد كلمة احتلت مكان الصدارة في الأغاني السودانية مثل كلمة (تعال) و(جاني) ومشتقاتهما وشبيهاتهما من المترادفات التي تؤدي نفس المعنى. فالشيء الظاهر الوحيد الذي نتفق عليه كشعب مترامي الأطراف والأعراق في شؤون العلاقات العاطفية هو أن السوداني بمختلف انتماءاته (حبيب كسلان) يميل إلى انتظار مبادرات الطرف الآخر تحت شجرة (السلبية) الوارفة التي يختار البقاء تحت ظلها وهو يتغنى باللهفة والأشواق عوضاً عن اللجوء إلى الحلول العملية المرهقة!

لذا فوصال المحب عندنا ما هو إلا ردة فعل.. وعلاقته بالعشق والهوى علاقة صدفة لا أكثر. لذلك تتردد الكلمات التي تحمل معنى الانتظار في الأغنيات التي نطرب لها ونترنم بألحانها.. لأنها صورة (مُلحَّنة) لما يمكن أن تبلغه عزائمنا المتواضعة في قصص الريدة ..!

وبينما يقول المصريون (خد)، وتتردد هذه المفردة كثيراً في أغانيهم.. (خد قلبي وروحي).. (يا حبيبي.. خد عينيَّا).. (بتاخدني ليك).. (إلا عيونك إنت.. دول بس اللي خدوني).. نقول نحن: (تعال) وتفرض هذه الكلمة وجودها باطمئنان في كثير من أغانينا (حقيبة.. جيل رواد.. شباب.. أغاني البنات.. إلخ..) لا فرق ..!

فـ من (تعال فرح ليالينا).. و..(حبك لما جاني).. إلى.. (حبيبي تعال.. تعال نتلم).. و.. (تعال ليا وتعال لي)! .. فإن جاء المحبوب خير وبركة، وإن لم يجيء فما أمتع النواح وما أعذب البكاء تحت شجرة السلبية الوارفة إياها، ولا ضير من (الكشكرة) مرة، مرة، للمحبوب بـ كلمة (تعال) الخاملة التي تشبه عزومة المراكبية! .. والغريب - بعد كل هذا - أنه يأتي ..
الراي العام


تعليقات 22 | إهداء 0 | زيارات 4528

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#728995 [ساهر]
1.00/5 (1 صوت)

07-24-2013 02:59 PM
لا أحفظ الغناء كثيراً وبالتالي لا يمكنني تقديم ححح دامغة مدعومة شعرياً تفند كسل المحب السوداني المزعوم: مثلاً: ألا يكفي قول الشاعر من كلمات (ابو عركي): لو كنت تبعد في زحل أو يوم بقيت قمر السماء لابد في يوم ليك أصل/ وأشرب براي منك دواي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

* قالت له: أنا قاعدة براي تعالي لي: قال لا أستطيع لأنني مشغول. قالت: بس أنا خايفة لأن الدنيا (ضلمة) وأنا زي ماقلت ليك قاعدة براي: رد عليها: استعيذي بالله من الشيطان الرجيم ثم أقرئي سورة (يس) وسوف تعود إليك الطمأنينة. هذا هو المحب السوداني البرئ.


#728933 [غربة]
4.00/5 (1 صوت)

07-24-2013 01:59 PM
ومن الشاكوش ما قتل. لكن برضو عندك حق.


#728666 [hmamizo]
5.00/5 (1 صوت)

07-24-2013 09:11 AM
نعم نحن نقول : (تعال) وهل كلمة تعال تدل علي الكسل ؟؟ انظري جيدآ لجمال الكلمة وواقعية الكلمة (تعال فرح ليالينا).. نعم تعال فالفرح لا يتم إلا بحضورك ..و(حبك لما جاني)..يتفقد عن الحنان والعاطفة وانشرحتة وحسيت بهذا الحب حسيت بيهو جوه يتفقد حناني .. نعم الكثير الكثير من تعال وهي افضل من بتاعت المصريون (خد)، لان خد غير واقعية كاذبة .. (خد قلبي وروحي).. كذاااااااب .. ح تعيش ازي يابلتاجي .. (يا حبيبي.. خد عينيَّا).. ح تشوف ازي يامرسي ؟؟ (إلا عيونك إنت.. دول بس اللي خدوني).. خدوك ازي ياايمن يانور ؟؟ ليهو حق زوجك الاول والثاني والثالت عشر يطلقوك لان فهمك قاصر وليهو حق المعتمد الكوز يتزوجك لان فهمو مثلك تمامآ بل اقصر قليلآ ؟؟


#728461 [lwlawa]
3.00/5 (2 صوت)

07-23-2013 11:44 PM
المابيك قالو في الضلمه يحدر ليك ...؟؟؟..ماهو الفرق بين اغاني الراب وحرامي القلوب تلب واضربني بمسدسك ..؟؟ وبعدين الفن والغناء عند الزنوج الامريكان لم يبدا عند الراب وقد كتب الاستاذ شوقي بدري فبل اسابيع عن ذلك بشيء من التفصيل كما لا ننسى ان لكل مجتمع خصوصيات ليس بالضرورة ان تكون مضابقة لغيرها او مقياسا لها ..؟؟
ليس لدي الكثير لاقوله الا اني اضم صوتي للكثير من المعلقين الذين اشاروا الى ان هذا المقال تعتبر فطيراً..؟؟..وتعبر عن بعض السودانيين الذي صارو من (البدون )..وفي طريقهم الى التخلص من ارثهم السوداني الثقيل..؟؟


#728392 [البعاتي]
5.00/5 (1 صوت)

07-23-2013 08:39 PM
اعتقد الأثر الصوفي في الغناء. ومثال للحب الصوفي قصيدة ابن الفارض:
"قلبـي يُحدثُنـي بـأنـك مُتلـفـي روحي فِداك ، عرَفت ام لم تعرف

لم أقضِ حق هواك إن كنـت الـذي لم أقض فيه أسى ، ومثلـي من يف

ما لي سوى روحي ، وباذل نفسـه في حب من يهواه ، ليس بمسـرفِ

فلئن رضيت بهـا ، فقـد أسعفتنـي يا خيبة المسعـى ، إذا لـم تسعـفِ

يامانعي طيب المنـام ، ومـا نحـي ثوب السقام بـه ووجـدي المتلـف"


#728368 [Abu Ahmad]
4.00/5 (3 صوت)

07-23-2013 07:32 PM
موضوع غير موفق أبدا يامنى ..موضوع الكسل دا اولاد بمبه والعرب ما مريحننا فيه.. تجي إنتي كمان تكملي الناقصة .. يعني بقت علينا حكاية شهد شاهد من أهلها .. من الواضح أنك لم تدرسي الموضوع جيـدا وتسرعت في الحكم وإلا لما كانت هذه النتيجة الخاطئة .. أرى في رد الأخوين (الشعب الفضل) و (التويجري) ما يكفي وردهما كان منطقيا .. أتمنى أن لا تتسرعي في المرة القادمة في كتابة مواضيعك خاصة أن لديك قراء يقدرون كتاباتك كثيرا .. تحياتي ،،


#728333 [مــــــــــــــــــــــــــدادي]
4.00/5 (2 صوت)

07-23-2013 06:18 PM
لا الحبيب كسلان ولا غيره أنتي زولة قاعدة برا وتنظري ... خايفة تقولي الزول السوداني كسلان دغري كده .. قمتي بدلتيها بالحبيب كسلان ... وكان جينا على مستوى أغنية ام كلثوم ممكن أملا ليك توبك شعر سوداني إذا لم يكن يساويهو فهو أحسن منه ... بلاش ترسيخ المفاهيم التي يطلقها علينا الآخرون ونحاول أن نصدقها ...وانتي مش مصداقاها بس بل بتحاولي كمان نحن نصدقها ...


#728318 [دباسي]
3.25/5 (3 صوت)

07-23-2013 05:50 PM
ياستاذه نحن شعب لنا خصوصيتنا وعاداتنا ولا نقبل المقارنه بييننا وبين اي شعوب الدنيا نحن كدى وكلما اتمسكنا بي حاجاتنا الماعاجبه الناس دي بنثبت للناس اننا شعب اصيل
وليه حاجاتوالخاصه بيه بلاش الشعور بي الدونيه وانا في الغربه والله في حاجات بنتميذ بيها نحن كسودانين والله شعوب الدنيا دى كلها ماعندهم


#728203 [aa]
0.00/5 (0 صوت)

07-23-2013 03:13 PM
مقال ممتع يا أستاذة منى ...

وقال الشاعر السوداني: تجرحني ليه و انا كلي جراح * لآبد يجي يوم القاك و أرتاح !!!
وهذا هو الإقتباس السواداني الكسول من قصيدة المتنبي:
جرحت مجرحا لم يبقى فيه مكان للسيوف و لا السهام
أبنت الدهر عنى كل بنت فكيف وصلتي أنت من الزحام ؟


ردود على aa
European Union [hmamizo] 07-24-2013 09:11 AM
نعم نحن نقول : (تعال) وهل كلمة تعال تدل علي الكسل ؟؟ انظري جيدآ لجمال الكلمة وواقعية الكلمة (تعال فرح ليالينا).. نعم تعال فالفرح لا يتم إلا بحضورك ..و(حبك لما جاني)..يتفقد عن الحنان والعاطفة وانشرحتة وحسيت بهذا الحب حسيت بيهو جوه يتفقد حناني .. نعم الكثير الكثير من تعال وهي افضل من بتاعت المصريون (خد)، لان خد غير واقعية كاذبة .. (خد قلبي وروحي).. كذاااااااب .. ح تعيش ازي يابلتاجي .. (يا حبيبي.. خد عينيَّا).. ح تشوف ازي يامرسي ؟؟ (إلا عيونك إنت.. دول بس اللي خدوني).. خدوك ازي ياايمن يانور ؟؟ ليهو حق زوجك الاول والثاني والثالت عشر يطلقوك لان فهمك قاصر وليهو حق المعتمد الكوز يتزوجك لان فهمو مثلك تمامآ بل اقصر قليلآ ؟؟


#728152 [علاء]
4.00/5 (2 صوت)

07-23-2013 02:24 PM
و الله افتكر ان الاشتياق للمحبوب و الرغبة في لقاءه و النداء لهذا اللقاء اجمل بكتير من اللقاء ذاته, و لو اتزوج قيس ليلي و جميل بثينة كان حيختفي اهم قطاع من شعر الغزل العربي, حسي عليك الله الكلام و الغناء السوداني و لا الكلام بتاع ( الروشنة طحن و النفسنة و كلو في الابلايظ) بالذمة دي لغة رومانسية؟ , للاسف السودانيين الاتربوا في الخليج اكتسبو طباع اقرب لطباع الرقيق, عدم ثقة في النفس امام الجنسيات العربية و تصديق لكل ما يصدر منهم بدون تفكير في مقابل احتقار عجيب للسودانيين من بني جلدتهم يتفوقون فيه علي النازيين ذات نفسيهم


#728070 [سايكو]
4.00/5 (2 صوت)

07-23-2013 01:11 PM
مره فارغه و ما عندك شغله
هسا دا موضوع تكتبي فيه ؟؟؟؟
التعليق بتاع الاخ ( الشعب الفضل ) ابلغ رد علي الموضوع التافه ده


ردود على سايكو
European Union [ابو السارة] 07-23-2013 02:58 PM
فراغ شديد


#728065 [عطوى]
2.00/5 (2 صوت)

07-23-2013 01:08 PM
بايدك مية المية انو الشعب السودانى اكسل منوو مافى ابدا .....


بس افنا بتاعنا بينى وبينك اجمل منو مافى ابدا ...

الخدود الشاربة من لون الشفق عند المغارب
ديل خدودك سيدي سيد الناس يا سيد الحبايب
العيون طرتني زول من أهلو غايب
والشعر في كتيفو يتهادل سبايب
والله مشتاقيـــــــــــن
في عينيك تظهر لي دنيا..دنيا شوقك فيها ظاهر
الأماني الحلوة هايمة زي بحور ماليها آخر
الكليمة طيبة منك زادي
وحياتك لباكر والامل فارد جناحو..
ديمة زي عينيك مسافر
والله مشتاقيـــــــــــــن
الغروب يسألني منك..امسياتنا في شوقي اليك
الرمال الناعمة مشتاقة لمشيك
الطيور الراحلة في ضل المسا تسأل عليك
كيف تفارق الضفة والنيل هان عليك
والله مشتاقيـــــــــــــن
طال علينا فراقكم والله يا غايبين
قدر ما ننسى العلينا برضو مشتاقين ....


#728064 [مغني متقاعد]
4.00/5 (2 صوت)

07-23-2013 01:06 PM
من ضــواحى الدنيـــا جيـــت ..
وعلـــيْ رحـــالى
لمـــــداين فـوق عيونــك يا محــالى


#728016 [التويجري]
3.00/5 (2 صوت)

07-23-2013 12:24 PM
الليلة موضوعك جلي.وبعدين فكرة الكسل حتى في الحب لحقت السودانيين ده استلاب فكري.وده روجو ليهو ناس جيرانا لخراب سمعة السوداني لانو نافسهم بامانتة في سوق العمل في معظم دول الخليج.والغريبة عاجبنك وبتستندي علي أغانيهم .عرفتيهم ولا لسة.لسة عندكم عقدة الدونية دي.الناس العاجبنك في حبهم ديل يمكن يقتل حبيبتو عشان اثاث البيت.والبقول ليك تعال ده بحترمك وصادق ودي الايجابية(يعني بحترمك لو جيتيهو او جاك).ياريت تراعي شعور القراء شويةوما تحاولي تزيدي الطين بلة.يكفينا مانعتنا بة من صفات سلبيةمفترى بها علينا.


#728000 [من المركز]
4.50/5 (2 صوت)

07-23-2013 12:17 PM
ليه مايكون ثقافة الخجل والاحترام هي العامل الاساسي وذلك لاحترامنا للجنس الاخر هو السبب. والعكس صحيح


#727963 [كركاب مطر بلا سحاب]
0.00/5 (0 صوت)

07-23-2013 11:46 AM
منو القال المصريين بيدوك حاجة تكونى موهومة لو إتخيلتى مصرى يديك التكتح مش يديك عينه


#727924 [mohammad saad]
2.50/5 (2 صوت)

07-23-2013 11:09 AM
الموضوع جميل وينطوي على نقد من نوع التصويب عن بعد. في الواقع ومنذ تعومة أظفارنا ظلت تشنف آذاننا أغنيات الحقيبة صباح كل جمعة لتحكي لنا عما كان يعانيه أصحاب القلوب الهائمة وما أن تتاح له الفرصة لرؤية الحبيب التي غاية مناه حتى يصيح كما فعل آرشميدس (وجدتها وجدتها) لكنها هنا (شفناه شفناهوووووو) أود القول بأن المسألة ليست (كسل) كما اشتهر المواطن السوداني بذلك لكن كان الحياء وكانت العفة وكانت المبادئ والأصول التي لا يتنازل عنها المجتمع الصغير والكبير. المشكلة أن ما بقي من هذه القيم هي هذه الأغنيات والله المستعان


#727888 [الشعب الفضل]
2.75/5 (4 صوت)

07-23-2013 10:24 AM
واحدة فارغة وانظرت بزاوية سلبية للغناء السوداني مثل كسلك انت في عدم تناول كل الجوانب للاغنية السوداني
لماذا لاتذكري ( جيناكم يا حبايبنا ) ( طار قلبي ) ( جيت اعاتبك واشتكيلك واشرح الحب من بدايته ) جينا ليك شايلين فرحنا ) ( جيت اقول مبروك عليك ) ( شيل شبابي وشيل عيني ) والامثلة كثيرة التي عميت عنها عيونك التي تلبس نظارة مصرية ام انك مغرمة بواحد مصري ؟


ردود على الشعب الفضل
Hong Kong [أبو أحمد] 07-24-2013 10:45 AM
تعجبنى والله
كفيت ووفيت


#727875 [عبدالرازق]
0.00/5 (0 صوت)

07-23-2013 10:14 AM
هو مين يجي لمين وليه اصلا يجي ؟


#727848 [Almagdud]
2.75/5 (3 صوت)

07-23-2013 09:30 AM
مقال جميل


ردود على Almagdud
European Union [بحب الشعيرية] 07-23-2013 11:30 AM
مافاهم اي حاجة انت بس فالح لي كسير التلج في عز نهار رمضان قاعد ساي ..؟؟؟؟


#727821 [tota]
4.00/5 (3 صوت)

07-23-2013 08:12 AM
الكاتبة اخذت الشكل الظاهري لمدلول الكلمة و لكن اذا تم اخذ المعاني العميقة نجد ان صاحب الدعوة و المبادر دائما ما يدعو مثلا تعال اتغدي معانا، ياخي تعال نقعد عشان نحل الموضوع و هكذا حتي في القرآن ( قل ياأهل الكتاب تعالوا إلى كلمة سواء بيننا وبينكم الخ الآية) وأيضا "فقل تعالوا ندع أبناءنا وأبناءكم" و هكذا، و في ذلك دلالة علي احترام المنادي (بفتح الدال) و ابداء حسن النية و الصدق و تحس فيها بالرفق و عدم الامتنان و ايضا الندية
اما كلمة خد فيها ازلال للطرف الآخر لانو اذا الطرف الآخر مدا يده عشان ياخد تكون اليد السفلي و الباقي معروف و المثال بتاع ناس شمال الوادي الوارد في المقال واضح فيه الكشكرة و عدم الصدق
الخلاصة ان التعبير السوداني ابلغ و اعمق و فيه كثير من الاحترام للطرف الآخر و ليس دلالة علي الكسل


ردود على tota
[محمد عبد العظيم] 07-23-2013 11:46 AM
لافض فوك توتا ...اعتقد انو السنوات القضتها الاخت منى بالخليج برمجت رايها على المقولة السائدة هنا عن كسل السوداني الذي نااعتبره الاسطحية وازدراء نحن ارفع منه في السودان ...

European Union [بحب الشعيرية] 07-23-2013 11:22 AM
فهم وعلم والله يا [tota] . وفي ناس ماعارفين اي حاجة يقولوا ليك مقال جميل مثل العشوائي [Almagdud]


#727810 [عمر]
4.25/5 (3 صوت)

07-23-2013 07:26 AM
منى اختى مالك اليومين ديل كتاباتك كلها عرس ساى سلامتك الحاصل شنو عليك


منى ابو زيد
منى ابو زيد

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة