المقالات
السياسة
حيدر احمد خيرالله
حيدر احمد خيرالله
08-01-2013 11:05 AM


البدعة التى ابتدعها د. عبدالرحمن الخضر فى لقاءات المكاشفة والتواصل مع المواطنين هى عملية فى اجمالها فكرة جيدة لو انها اخذت فى مضمونها معالجة المشاكل ، ونزول الوالي ليسمع من الناس معاناتهم ومكابدتهم ..لو انها جاءت فى اطار من الصدق والشفافية وبعيدا عن محاولات الاستعداد للعملية الانتخابية .. وبرغم هذه الدعاية الانتخابية المسبقة فى تقديرنا ..الا انها من المفترض ان تلقي بظلالها على ادارة حكومة الخضر التى خطت اسمها على صفحات ولاية الخرطوم كافشل جماعة ادارية تتسنم مقاعد الولاية المنكوبة ..وماكشفه تقرير المراجعه القومية يفترض ان يكون هو المؤشر الصارخ لبوصلة والي الخرطوم التائهة ..ففى الوقت الذى يدعو للقاء المكاشفة يكشف حالهم التقرير الذى يقول : ان وزارات الولاية يتم فيها صرف حوافز ومكافآت بصورة مستمرة وشهرية لأعمال تعتبر من صميم واجبات الوظيفة بالاضافة لحافز اداء ثابت لكل الوحدات..وهنالك عدم تنسيق بين ادارتي الخدمة والحسابات مما ادى الى عدم رفع اسماء المنقولين والمفصولين والمتقاعدين او المتوفين من كشوفات المرتبات..وعدم التقيد بلائحة الشراء والتعاقد عند اجراء المناقصات..برغم هذا التقرير الفاضح ..يخرج الوالى بفكرة المكاشفة ؟؟ويزيد بالقول مما زحم به الاخبار (طالب والي الخرطوم د.عبد الرحمن الخضر المجتمع السوداني بتقوية الإيمان ونشر قيم الفضيلة لمواجهة غلاء الأسعار والضائقة الاقتصادية. وقال إن التقرب لله بفعل الخيرات سيأتي بالفرج، واصفاً المرأة بأنها نصف المجتمع، مبيناً أنه بصلاحها تصلح الأمة. وقال أدخلنا في السياسة عبارات التوكل على الله والبركة، وهو ما لا يقيمه العلمانيون. ) اخى الخضر : يعتقد انه مبعوث العناية الالهية لأهل السودان ..وكان الأولى بهذا المبعوث ان يقرا تقرير المراجعه القومية الذى يفوح منه مايزكم الأنوف مما اشرنا اليه انفا ..فقبل مطالبته للشعب بالايمان فليطالب موظفيه بعدم الفساد الايحتاجون تقوية الايمان سيادة الوالى ؟ وتطالبنا بتقوية الايمان ونشر قيم الفضيلة لمواجهة غلاء الاسعاروالازمة الاقتصادية..ولنا ان نساله طالما اختار هذا المنحى ..الم يتابع سيادته ماحكته الصحف والمحاكم عن ان احد قيادات حزبه من الذين لم يراعوا قيم الفضيلة وفى شهر رمضان المعظم ..والشيخ كمال رزق قدذكر بان قيادات نافذة تدير بيوت المواخير؟ ولم نسمع لكم اعتراضاً على ماذكر..اليس الاجدى ان تنصح قومك قبل هذا الشعب المرزوء بكم؟ نفهم ان تفشل حكومتك فى مواجهة الغلاء ..ونفهم ان يشهد تقرير المراجع القومى مايرقى لمستوى الفضيحة، ونفهم انك تعجز عن تقديم اي برنامج اقتصادى ..ونفهم انك لاتملك افق سياسي ..ولكن مالم نستطيع فهمه انك عبر تاريخك لم تقرأ حديث النبى الكريم عليه افضل الصلاة واتم التسليم ( ان شر الدعاة الوعاظ الذين يقولون مالايفعلون).. اما انكم ادخلتم فى السياسة عبارات التوكل على الله والبركة وهو مالايقيمه العلمانيون..الشاهد عكس ماتزعمه سيادة الوالى انكم متواكلون ومنزوعو بركة.. وتقرير المراجع العام يثبت نهب الاموال العامة ..وتجيزون القروض الربوية .. وتريد ان تكون اميرا للمؤمنين .. وتشوهون الدين وتضيعون الكثير من قيم السودانيين..
د. الخضر : كم يكون عظيما عقب هذه المكاشفات التى رايت بام عينك فيها الفقر والعناء والضياع الذى يعيشه شعبنا من جراء خطل سياساتكم ..فهل نتوقع ان تكون الخطوة القادمة هى الاستقالة ؟نامل ذلك ..وسلام ياااااوطن
سلام يا
يبدو على محياها الهدوء ..وديعة ..هدوء سلس ينسل من محياها الجميل ..نظر اليها..نظرت اليه بحالة من التوهان ..سالها مالك؟دفعت له بالخبر: د.نافع اتفاق قوي مع الجنوب لابعاد عقار والحلو وعرمان..اجابها:والخطوة التالية اتيم قرنق وسلفاكير وانا..وسلام يا..

[email protected]


تعليقات 4 | إهداء 0 | زيارات 2111

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#735173 [ابليس يطلب اعاده للعمل!!!]
0.00/5 (0 صوت)

08-02-2013 02:37 AM
الخدر خلاص ادروش بعد ما لعف وغني وامتلك الفلل والشقق والمطاعم!!والمنتجعات والمراكز الطبية!! في كل الولاية محاصصه ومخادعه ومجادعه !!مابهم ينتخبوه وله يرموهو وله الحكومه تروح البحر!!! شوية كلام للاستهلاك واصلها الولاية ماشة من الجباية وعلي الجباية ماتعتر فيها درابه ولاغنماية!!! وبس شوف مطرة اليومين خلت حالنا كيفين شين!! زول ناس القضارف طردوهو تلموا الخرطوم!!!! قال علمانين !!ديل الفهمانين يا....زول ماقدر علي شغلو في علاج البهايم!!يجيبو يحل مشكلة ولاية يقطنها بشر!!! ام تراهو يرانا بعين البيطري ويظن فينا الغباء!!تيب عمر القال لو عثرت بغلة كان شنو مو امير المؤمنين فعلا لاقول!!!واسه ناس ولايتك مش بيترليهم الشارع المكسر! ولا بقعو في الحفر المفتوحة من شارع الجمهورية وبجوار موقف كركر! دي المطره معتر ليهم!! وطبعا سعادتو مابشوف النسوان البقعو في الحفر!! ولا الرجال الكبار البسقطو في الحفر ويتكسروا!! لانو مابزور غير مشافي الهاي فاي!! ولا بعاين الا لي اصحاب المجمعات !!بعدين كان هو بستعد لانتخابات !ونحنه الهبل ديله ماشين نصوت ليهو تاني ليهو الحق يعمل نبي مش شيخ طريقه!! وانشاء يحلنا الحله بله قبل ماتجي لعبت الانتخابات والخج!!!


#734984 [ابوزول]
5.00/5 (1 صوت)

08-01-2013 07:46 PM
الله ينصر دينكييااستاذ حيدر


#734950 [فني لاسلكي بدرجة صحفي وخال رئاسي كمان]
0.00/5 (0 صوت)

08-01-2013 06:44 PM
يستقيل كيف يا استاذ وهو لسه ما كمل مشروع توسعة مجمع الفردوس الطبي المتكامل.. العمارة التوأم من الناحية الغربية للمجمع لسه تحت التشطيب..


#734774 [حاتم]
0.00/5 (0 صوت)

08-01-2013 02:50 PM
يستقيل منو ده ؟؟؟!!1
ياحيدر انت ما عندك شغله ولا شنو ؟
عبدالرحمن الخضر سيظل مكنكش حتى آخر نفس في مواطن عايش في الولابة
اولا لازم يقطعوا النفس بعد داك حيستقيل
الوالي الذي افسد كل شئ يريد الان ان يستمع لصوت المواطن
اين المواطن لقد قتله الوالي بتجاربه العبيطه
فشل عبدالرحمن الخضر فشلا ذريعا في ادارة الولاية
وبرضو لن يستقيل ومن يقول ذلك ده حاسد وحاقد ومضاد للحكومة
(انتي ) ويجب ان يتم تحجيكه في علبه
والله غايتو الكيزان ديل راجيهم جنس يوم !!!
غايتو الا يطيروا من الجابره دي
لكن البقع ده
سيكون مصيره زي القذافي ومافعله فيه الثوار


هل يستقيل الخضر بعد المكاشفة؟!
هل يستقيل الخضر بعد المكاشفة؟!

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة