المقالات
السياسة
رسالة إلى المرابي
رسالة إلى المرابي
08-04-2013 10:33 AM

انا ضدك يا مرابي

لو بتحكم بالشريعة

أو قوانين حمورابي

ضد بنوكك و ضد صكوكك

و أنا قطعاً ضد سلوكك

لم يتحكم سلوكك

في طعامي و في شرابي

ببقى ضدك يا مرابي

ضد قروشك و ضد كروشك

و كل ديل أسباب عذابي

بقى ضدك يا مرابي

إنت شبعك ياهو جوعي

إنت شحمك من ضلوعي

إنت عرقك من دموعي

فقري منك ما من الله

الله ما بظلم بحابي

ببقى ضدك يا مرابي

في الصلاة تبكي و تدمع

تقرأ في القران تسمع

أعرف إنك إنت كاذب

لم ألقى السوق مولع

و إنت في الخيرات تبلع

و خطبك أبلغ من صحابي

و إنت كاذب و إنقلابي

ببقى ضدك يا مرابي

يا معادي للشهامة

للجمال و الإستقامة

إنت حربوية و نعامة

مرة تتلون و مره

تدفن الراس في العمامة

من هوى السلطة و غرامه

فوق جماجم الناس تشابي

ببقى ضدك يا مرابي

من بداوتك و من قصورك

إشتريت في الدنيا حورك

كل همك في قصورك

حصنه و صلح أمورك

بيقى تنفع يوم مخابي

و أنا ضدك أصلي ضدك يا مرابي



زاهر أحمد
[email protected]


تعليقات 1 | إهداء 0 | زيارات 762

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#736900 [أبوذر الغفاري]
2.88/5 (5 صوت)

08-04-2013 05:14 PM
يا اخونا زاهر - قديما قالت العرب أعذب الشعر أكذبه

ولكن قصيدتك اثبتت لي العكس = أصدقه
لكن أرجو أن تكتب ( ياترابي ) بدلا من ( يامرابي ) ولن تتأثر القافية
وستكون قصيدتك أكثر بلاغة وأكثر صدقا
وفقك الله وجعلك من عتقاء شهر رمضان
















ا


زاهر أحمد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة