المقالات
السياسة
يسألونك عن التشكيلة
يسألونك عن التشكيلة
08-04-2013 10:36 AM

يسألونك عن التشكيلة

أبكي وطنا
الراح وأقلدو
بلدا ما فيهو
رجال يتولدو
دبيبو كتير
بغير جلدو
ناهب قرشو
وديمة يجلدو
أحي من شعبا
ما دار
التغيير في خلدو
وإن شاء الله
الحامكنو يخلدو
بخت البهرب
منو بجلدو
-----
حكومة بتلعب
دافوري جوه الحوش
تملأ جيوب
وتحشي كروش
والشعب الجايع
ياكل بوش
يطلع نافع
ويدخل قوش
ويحرق فينا الهدف
الداخل تووش
-----
حراس المرمي
الميرغني والصادق
صادين بي جونتي
ومش ببنادق
قاعدين في السهلة
ومش في خنادق
والجيب مليان
للعامل حاذق
ما بهم يا الحضري
تكون الناس في مشانق
وطظ في الشعب
الأبدا ما مارق
-------
ما عارفين اللعبة
إن طالت برضو دقايق
والباطل بمشي
وتبقي حقايق
ومبسوط اللحظة
بكون متضايق
تملأ شباكو
أهداف وحرايق
والجاكي زمان
ببقي السايق
وشوف في الآخر
مين حيكون رايق
وشوف في الآخر
مين حيكون رايق

كلمات: حسين شنقراي
[email protected]


تعليقات 0 | إهداء 0 | زيارات 1276

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراي
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة