المقالات
السياسة
آخ يا ريسنا أخ
آخ يا ريسنا أخ
08-08-2013 07:14 AM


حاولنا نجد لك العذر علي أقل تقدير بأنك ريس السودان وما بنرضاها للسودان ولكن فعايلك لم تترك لنا خيار سوي أن نتبرأ منك تبرأ الوالد من الإبن العاق .. انت لا رئيسي ولا بعرفك.. أخبار السودان في معظم الفضائيات تنحصر في مطاردة الجنائية لرئيس السودان وما قصة نيجريا ببعيدة عن الأدهان .. وآخرة المآسي العودة المهينة لرئيس السودان بعدم السماح لطائرته بعبور الأجواء السعودية في الطريق لإيران وما أدراك ما أيران تستاهل يا ريس تسيب بلدك ممطورة وبيوت الناس الفي ذمتك محطمة وتمشي تسافر ياخي علي الأقل أركب ليك طيارة طوف بيها المناطق المنكوبة بدل الطيارة المدسي فيها وعاوز تزوغ من الأجواء السعودية وانت عارف كجينم لإيران .. حاولنا نجد ليك العذر بصفتك رئيس السودان ربع قرن من الزمان ولكنا تبرأنا منك تبرء أهل مكة من هبل واللات والعزي وانت تترجانا بأن لا نشكوك لرب العزة يوم الموقف العظيم لا إنت لا حكومتك المعتتة .. وتتمني نقيف قدام رب العالمين ونقول كل شي تمام الناس ديل ما قصروا معانا قصر الملح ياخ. ما قصرتوا .. بلد مقسمة وحروب تحصد الأرواح البريئة .. وقلتها بعضمة لسانك الناس ماتوا في دارفور بسبب الظلم وبسبب حاجات ما تضبح خروف ناهيك عن بني أدم .. وناس مهاجرة وناس تكوس المخارجة وجنيه مصاب بالانيميا الدولارية .. وجعلتم الناس سكاري وما هم بسكاري وحياري وما هم بحياري ومرض وجهل وفقر وأغاني وأغاني.
كدي يا ناس السودان راجعوا دفاتركم شوفوا سويتوا شنو في حياتكم دي حتي يولي عليكم مثل هؤلاء الحكام ولا يغير الله ما بقوم حتي يغيروا ما بأنفسهم .. لن يرحمنا ويرحمكم التاريخ يا شعبنا الطيب في هذا الهوان وقد راهنوا علي حكمكم ردحا من الزمان يعني امكن تاني ربع قرن وأهل مصر في فد سنة عرفوهم وطلقوهم. ونحن صبرنا معاكم صبر فاق صبر أيوب عملا بالعشرة ما بتهون.
رئيس السودان تمنع طائرته من التحليق في أجواء بلد شقيق مش إسرائيل يعني وتعاد طائرته من حيث أتت وياخي شنو الكان بيمنع انك تسافر وفقا لسفرية معروفة وبطائرة رئاسية في وضح النهار بدل الذلة الختيتنا فيها دي يعني الموضوع ده ما بخصك براك هسي العالم كله يلوك في سيرتنا وبخاصة أهلنا العرب .. رئيسكم مالوا رجع من نيجريا سريع .. رئيسكم مالوا رجعوا طيارتوا تطير عيشتوا وعيشة حكومتوا. والله بقينا نتضاير زي الفريق الغلبوا سبعة.
ولكن رغما عن كل ذلك ومع بشاير العيد السعيد ومع الضربة الموجعة التي تلقاها التنظيم الدولي الأخواني في مصر بلد المنشأ للأخوان توابع هذه الهزة وصلت لكيزان السودان فاصبحوا يتخبطون يمنة ويسرة ولعلها بداية النهاية ونرجو ان تكون قريبة.
واحد زهجان عملي مجموعة في الفيس سماها ضد الكيزان كل المشاركات فيها فارغة ولما سألوه لماذا مشاركات الأعضاء فارغة وعليها ألاف اللايكات أجاب هسي دي حالة دايرة ليها كتابة.

[email protected]




تعليقات 1 | إهداء 0 | زيارات 1171

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#739854 [بدرالسماء]
0.00/5 (0 صوت)

08-08-2013 01:48 PM
الفاروق كل سنة وإنت طيب .

معليش ما تزعل ، الريس عامل ( شِفِت ) داير يغش العالم كلو .


عمر الفاروق عبد الله
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة