المقالات
السياسة
ياجماعة نحن منتظرين شنو ..؟؟؟
ياجماعة نحن منتظرين شنو ..؟؟؟
08-11-2013 01:56 PM

ياجماعه .. نحنا منتظرين شنو ؟؟
نتفّرج على هؤلاء ؟؟
النظام كما نرى .. (منهار) و (متخّبط) ، عايز (دفرا) عشان يسقط .

نطالب جميع القيادات السياسية ان توجه دعوه كبرى للخروج الى الشارع وهي (( المخرج الحقيقي )) لازمات هذا البلد المنكوب للحفاظ على ما تبقى منه من تخريب هؤلاء اللصوص والقتله .....
.. و الدعوه موجهه للنخب والمثقفين وللشرفاء في قواتنا المسلحه وللنقابات التي تحررت من النظام وللنشطاء وحركات التغيير وللشعب السوداني (صاحب الوجعه ) القابض على الجمر .
هناك مؤشرات مبشرة وحركة دؤوبه وحديث جاد لحتميه التغيير (الآن) لدى جميع قطاعات الشعب السوداني ، يجب ان تتحّد المعارضة ران ننبذ دعوات التخزيل والتخوين ، ف يهذا الوقت بالذات .

لقد بلغ قطار (الثورة) و(الغضب) الشعبي محطته قبل الاخيره .

بالفعل .. ( اصطفاف الصف الوطني بكامله خلف لائحة واحدة تقرأ ( اسقاط النظام هو بداية التغيير) . ولتكن نقطة البداية سؤال لنفسك : كيف يمكنني أن أسهم (أنا) في اسقاط النظام ؟ ...ومن الاجابة سنبدأ مسيرة التغييير معا

لسنا بحاجة لمعرفه المزيد من فساد وجرائم النظام فقد بات هذا الأمر معروفاً لدى الكافه ،
الذي نريد ان نعرفه الآن هو كيف ننظّم انفسنا لمواجهه النظام وإسقاطه ، كيف يمكننا ان نوحّد صفوفنا و نوجهها التوجيه السليم
كيف تتم التعبئه والحشد ، ما هي الوسائل الناجعه ، ماهي وسائل الإتصال بينا و كيف يمكننا ان نتواصل ، كيف نقوم بتوزع منشورات
ما هي الوسائل التي نستطيع بها ان نصل للناس ، كيف يمكننا ان نعقد اجتماعات .. نصّعد الاحتجاج .
هذا ما يجب فعله الآن والتحاور من أجله واكثار الكتابه عنه ، بدلاً من اهدار الجهد

، وندعو كل من يرى ان فى امكانه طرح راى بناء وبقدر يعالج مشكلات هذا الواقع نتمنى ان يضف لنا رايه حتى نستطيع جميعآ بمجهوداتنا الفكرية والذاتية ان نضع اول خطوة حق فى الطريق الصحيح طريف المضى الى التغيير بكل الوسائل المتاحة الآن ..
النضال السلمي ليس محصورا في الخروج في مظاهرات وانما هنالك وسائل عديدة وفعالة يمكن ان تؤدي الي سقوط الحكومة. من وسائل النضال التي يمكن استخدامها على سبيل المثال توزيع المنشورات والاعتصامات واهمها وانجعها هو العصيان المدني فاذا وجدا النظام وسيلة لفض المظاهرات فانة حتما سيقف عاجزا اذا اعتصم كلنا منا في منزلة واصبحت الطرقات ومؤسسات الدولة خالية من الناس فلن يصمد النظام طويلا امام ارادة الجماهير المعتصمة. لذا يجب ان ندرك انة ليست كل دعوة للنضال السلمي تعني بالضرورة الخروج في مظاهرات.يقية فى طريق التغيير الى وطن حر وديمقراطى نتساوى فيهو كلنا ...

كلكلم تحبون السودان..وكل واحد فيكم يعبر عن حبه بطريقته الخاصة..وكلكم يعشق الحرية ويريد الحصول عليها بطريقته الخاصة... وكلكم يؤمن بوحدة السودان ولكن يريد تقسيمه إلى أقاليم بطريقته الخاصة.. وكلكم موجوع من الدكتاتورية ويعاني منها بطريقته الخاصة..ولكن فلتعلموا أن الوطن الكبير الذي يسع الجميع ليس بحاجة لخلافاتكم وتشرذمكم .. وليس في حاجة إلى اختلافاتكم.. الوطن بحاجة لـ : مخلص وليس لـ : مخ لص !!! .....

اسماعيل احمد محمد
[email protected]


تعليقات 16 | إهداء 0 | زيارات 1893

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#742323 [راشد]
0.00/5 (0 صوت)

08-12-2013 10:36 PM
يا زول انسى موضوع الثورة الشعب كلوا امنجية بين كل ثلاثه فى واحد جهاز وفى احزاب كلها جهاز امن زى اخوانا العرب ومافى داعى افصل اكثر ، الباقين راضين بعيشتهم كفاية عليهم كسرة بموية وكوباية شاى وونسة فى الضلله ، انسى الثورة وسنينها ياخ ناس المعارضة والحركات الشبابية ليهم سنتين قاديينا ثورة ثورة ولى هسى ما طلعوا مظاهرة واحده فيها 1000 نفر بس ولا 500 ديل ناس ونسة ساى ، ووينوا برنامج المية يوم لحدى هسى ما شفنا وقفة ساى فى شارع ، شاطرين بس فى نفير عشان يعملوا للحكومة شغلها والحكومة مبسوطة منهم ومحسساهم باهميته شغلهم لانها لو اشتغلت بدلهم حتدفع لكوادرها اضعاف مضاعة بس عشان يوصلوا المساعدت لو ما كده والله كان وقفتهم فى يومهم وقفلت ليهم جسر دى يعنى هم ما احسن من ناس الخاتم عدلان لكن الحكومة لقت الموضوع ماشى بااااسطة معاها .


#742011 [اسف يا سودان]
0.00/5 (0 صوت)

08-12-2013 01:57 PM
لابد من قاعدة ومحرك للقاعدة اي لا يمكن اي تحرك دون الرجوع للقاعدة التي تدعم هذا التحرك اذن لابد ان يكون هنالك مرجعيه وخطة مدروسه وهي مسئلة ليست بالصعبة وخلينا نفكر نشوف وسائلنا والوسائط الممكن نستخدمها للحراك الجماهيري لاسقاط النظام


#741972 [Zingar]
0.00/5 (0 صوت)

08-12-2013 01:12 PM
قبل رمضان قرأت تعليق من إحد المعلقين الكرام لمن وقعت من الضحك والسبب كان بناشد الناس بتأجيل الأنتفاضه إلى ما بعد رمضان.

أرجوا من هذا المعلق إذا قرأ كلامى هذا أحب ان أذكره بأن رمضان إنتهى ونحن منتظرنك بس ما تكون صايم الستوت.


#741884 [saif]
0.00/5 (0 صوت)

08-12-2013 11:46 AM
اعملو ليكم حاجة زى نمرد اتعلمو ياخى


#741730 [معدن نفيس]
0.00/5 (0 صوت)

08-12-2013 02:55 AM
الاعتصام ثم الاعتصام ثم الاعتصام وانا اعلنها علي الملا انا بكره معتصم وما طالع من البيت من هذا المنبر منبر الراكوبه وكل سوداني حر ماعاجبه الحاصل في البلد بكره يوم الاعتصام ,,,,


#741723 [Arondad]
0.00/5 (0 صوت)

08-12-2013 02:33 AM
الناس دي راجيه لمن النص يموت بعدين بطلعوا الشارع.وفي راي تاني بقول ليك ممكن ناس المقابر تطلع الشارع والناس دي تقول ليك البديل منو.
شعب غريب ويستاهل تكون دي حكومته ومن يهن يسهل الهوان عليه.
منه العوض وله العوض.


#741671 [sami]
0.00/5 (0 صوت)

08-12-2013 12:16 AM
والله شرارة التغيير اتتكم من السماء ايها الشعب الفضل فان لم ترموا فيها الوقود قبل ان تموت فان الانقاذ سوف تجثم فى صدوركم حتى يختفى من خارطة العالم شى اسمه السودان .اخرجوا اى عذاب تخافونه اكثر من العذاب الذى تتجرعونه الان..هذه حكومة تتحدث ب ويقولون باننا نحكم شعب وهم شعب يتلذذ بالمعاناة شعب مغيب عن كل شى ... شعب اقطاع يدفعون جبيات وضرائب وتهب ثرواته من اجل شلة وماتبقى يذهب الى المحرقة فى دارفور وجنوب كردفان ليموت من اجل ان يعيش ويتصيع محمد نافع ووداد واخوة البشير وذمرتهم. التغيير التغيير اخرجوا .الان ليس لديكم ما تخافون عليه حتى بيوتكم التى شيدتموها من الطين تلاشت واسرتكم على حواف ما تبقى من زلط الخضر .. اخرجوا ..ثورة ثورة حتى تضعوا الاوغاد فى سجونكم بما فيهم راس الحية الرئيس المعتوه


#741665 [mohd]
0.00/5 (0 صوت)

08-12-2013 12:09 AM
في حالة الثورة يجب اغلاق المطار والطرق المؤدية الى خارج الولايات

فعلا نظام هش واقف على قشة وراجية الزول اليجي يلزها

فقدتوا بيوتكم بسبب هذه العصابة فقدتوا ارواح كثيرة وغرقى بسبب هذه العصابة وبعد كدا لا دايرة ترحم ولا تخلي نفير تساعد وترحم

دايرين يقتلوكم بالامراض وبعد السيول حتجيكم الكوليرا وتحصد الاف منكم وحتجيكم الملاريا وتحصد الاف منكم ومافي ادوية عشان تتعالجوا بيها

الامر واحد قدامكم الامراض والموت بسبب هذا النظام الفاشل العاجز او التخلص من النظام ووأده والجاة بارواحكم فاختاروا


#741638 [الكلس ود البلد]
0.00/5 (0 صوت)

08-11-2013 11:05 PM
الحل الوحييييد زى ما قلت الاعتصام داخل البيوت لكن الكلام دا يتطبق بوفاء وعهد ومصداقية وحتما الارزال ديل حيحاول ان يسدو الفرقةبناسهم المرتزقة والماجورين لكن عددهم ليس بالكافى و ما حيقدرو ولو قدرو ماحيقدر يستمرو لاكثر من يومين !! المطلوب الجدية والعزم الاكيد بلا وجل او خوووف !!!


#741549 [KAMAL ATTA]
0.00/5 (0 صوت)

08-11-2013 07:51 PM
في حرامية بنهبوا في البلد صاح ،، التغير مو صعب ،، والشارع جاهز !!!
بس الشارع صار واعي وبفهم وذاكرته قوية بالجد لاينسي ،، ثورتين سرقتا
وصارتا للآنتهازين وزعامات الوارثة والبويتات ومن تقرب منها ،،،
والآن هؤلاء الانتهازيون يقودون الاحزاب والفعاليات السياسية نفس الوجوه نفس الوجوه
ونفس الملامح والشبه ،،، والشارع يقول وطيب ليه وبس ليه !!!
عاوزين تغير حقيقي وفعلي فلنبدأ بقيادة الفعاليات السياسية نفسها من ثم العمل علي تغير النظام
عاوزين تغير حقيقي وفعلي لتجهز حكومة ظل وفاقية ،،، تحدد اساس الدستور ،، اليات العمل ،، خطط
مستقبلية للتنمية والخدمات والبني التحتية ،،،
بعدهذا اطبلوا من الشارع يخرج ليسقط النظام ،،، وتاكدوا ان اساس الدستور ( اسلامي او علماني )
سوف يكون مربط فرس لتحريك الشارع ،، وان قيادة ووزراء حكومة الظل باسمائهم سوف يكون البند الثاني
وكما بدأنا ان ذاكرة الشارع قوية والآنتهازيون في الحكومة او الاحزاب معروفون !!!!
اذا في جدية وقناعة ابدأوا العمل ،،،
اللهم اني بلغت اللهم فاشهد .


#741504 [sada]
0.00/5 (0 صوت)

08-11-2013 06:39 PM
فرصة جيدة للتظاهر لصعوبة تحرك سيارات الشرطة ولان علبة الغاز تنطفي بالمياة الموجوده على سطح الارض ولان الجو جميل للتظاهر وغيرها من الميز النسبية في هذه الايام , ولكن عودنا الشعب بالاستسلام والخنوع في كل الاحوال والاهوال , والحمد لله الواحد اصبح متأكد اننا اجبن شعب في العالم وشغاليين بي نظرية كلو واحد ياكل نارو او نظرية الخواف ربى عيالو مع العلم ان العيال سوف يكبروا ويصبحوا خوافيين زي ابوهم وهكذا دواليك , بالمناسبة المؤتمر الوطني نظام جبان جدا وهو اجبن من الشعب بكثير و يمكن هزيمته باقل تكتيك , وهم عباره عن مجموعة عصابة تساعدهم القوات النظامية من الشرطة والجيش , والله العظيم منذ الاستقلال لم يستفد الشعب السوداني من هذا الجيش , القوات المسلحة السودانية مجموعة غير منتجة تستهلك موارد البلد , لو اهتم الحكام بالاقتصاد والموارد البشرية لاتوجد حوجة لهذا الكم الكبير من العساكر الاغبياء , اتخيلوا معاي لو خفضت هذه الاعداد من قوات الاحتياطى المركزي هؤلاء الاغبياء السفلة و وضعنا هذه الميزانيات في مصارف الامطار وعزه الله هذا افيد للناس من هؤلاء الهمج الذين يروعون هذا الشعب الساذج , ياجماعة انتوا فاكرين الكيزان حايمشوا براهم؟ حنقوم الصباح نلقى مافي كيزان؟ ديل مجموعةلعبت بالدين عشان الكراسي مابالك باللعب بالشعب , ويجب ان يتذكر الناس اعراس الشهيد والجهاد في التسعينات ومع الضغط الشديد بين يوم وليلة اتغير الدين وفصلوا الجنوب وانا بستغرب انو الناس سكتت , اشخاص كانوا يطبقون كلام الله والجهاد وساحات الفداء وعرس الشهيد ورائحة المسك ويحتكمون الى القران وووووووو كلام كتيييييييييييير , كلو اتنسى واصبحوا يتكلموا عن نيفاشا والشعب ساكت , يعنى تم التخلى عن جهادهم المزعوم تحت الضغط الدولي , طيب ناس بهذا المستوى كيف نتوقع ان يذهبوا بسهولة؟ على العموم انا ماعندي خطة لكن كل يوم بكتب في مكان عام يسقط الكذابون السفلة, واي زول عندو خطة لينا فاليقم بطرحها للفائده العامة


#741498 [الكارورى]
0.00/5 (0 صوت)

08-11-2013 06:23 PM
إذا كنتم خائفون من بطش النظام ,,, هنالك حل بسيط ,, وفعال لاسقاط النظام ,, وهو العصيان المدنى ,,, يعنى كل واحد يلزم بيته ,, ولايخرج منه لاى سبب ,, كل الشعب السودانى ينفذ العصيان في توقيت واحد ,, ويكون التوجيه من خلال الانترنيت ,, والرسائل القصيره ,, والله لن يستطيع النظام الصمود ليومين ,,
شوفوا المصريين يعتصمون بالملايين في الميادين ,, وهو بذلك يشكلون قوة جباره ترهب أى نظام
جربوا,, وشوفوا النتيجه !!! سوف تكتشفون ,, إن النمر الذى يرعبكم نمر من ورق


ردود على الكارورى
European Union [المشرد] 08-12-2013 07:18 AM
يا الكارورى كل واحد يلزم بيته كيف اذا كان الاغلبية ساكنة الشارع يعنى ربنا عشان يساعدنا كسر لينا البيوت


#741449 [سلوى بوتيك]
0.00/5 (0 صوت)

08-11-2013 04:45 PM
الوطن أصبح :
تذكار عزيز ياقلبي شايله آسى وهموم
ونقول للمؤتمر اللاوطني:
أصلو قلوبكم هائمة في جمع المال
بضيعوا سنينكم يادولة في الأستهبال
لمتين بتبنوا في قصور رمال ؟
مساكين بيحلموا بالمُحال


#741425 [بنياس]
0.00/5 (0 صوت)

08-11-2013 04:08 PM
ليست المشكلة في اسقاط النظام فهو قد آل للسقوط و قد حفر قبره بيده و لكن يجب قبل ذلك التحوط من لصوص السرقات


#741413 [semba]
0.00/5 (0 صوت)

08-11-2013 03:39 PM
راجين الرى .


#741376 [البذئ]
0.00/5 (0 صوت)

08-11-2013 02:50 PM
كنا منتظرين الرى و المطر كفت ووفت بالنسبة للطلوع للشارع الناس بقت ساكنة الشارع بعد ان تهدمت بيوتهابالسيول و الامطار...باقى الواحد يرفع يدوا و يصرخ ضد النظام...حتى المطرة ساعدتكم قالت ليكم اطلعوا من بيوتكم و كسرت البيوت ما فضل شى..


اسماعيل احمد محمد
اسماعيل احمد محمد

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة