المقالات
السياسة
قصيدة مهداة لشباب نفير
قصيدة مهداة لشباب نفير
08-17-2013 02:30 PM


ياسمح يالمني وانا منك
قصيدة مهداة لشباب نفير للملحمة الشعبية الرائعة لدرء اثار السيول والامطار
شعر محمد عبد الجليل جعفر*
جيتو وكنا منتظرين يالفيكم ملامحنا
منو الغيركم وقف بالجد عشان يمسح مدامعنا
حسيناك وكت جيتنا
وانت الجيتنا باحساسك
لادجال ولامرائي
ولابتعمل لي كوم ناسك
ولاعشان صورة في الشاشات
ولا البث الفضائي الجاط
انت الجيتنا بي احساس (وليد) سويتو
من هذا التراب والطين
ولامن بحبي ربيتو
وكت تا تا وعرف للصاح
لي مدرستو وديتو
ووكت كمل ملامح الوعي
جاي سند سقف بيتو
عارفك ياقريب من قلبي انفاسي
لا جاييني بي كراس
ولا محرش ولا مدفور
همك شايلو من همي
واحساس (البنوة) النور
لا في يوم دي دائرتك
عشان انتخبك اديك صوت
ولا جيت كست لي كرسي
ولا سويت عروس للموت
لا سيارة فلكية في اسعارها بدل القوت
لا رحلات خرافية لكهوف الملالي (ب قم)
لا بوشهر و(سجم) ستان
كوالامبور وماليزبا
لافاتح حساب شيكات تبيع في السكر الابيض
ولا شايل ورق مضروب تكوس في الزئبق الاحمر
لا دولار
لا استرليني
لا ين
لا ريال قطري
حبك شتلة جوة القلب شي فطري
وحبي انا ليك
عشان ماك (عاق ولاسراق)
وراضي انا عن فعالك
ياسمح يالمني وانا منك

...................................................................
شاعر وقاص عضو اتحاد الكتاب السودانيين
السطر الاخير تناص مع رائعة شاعر الشعب (ماني الوليد العاق لاخنت لا سراق)

[email protected]


تعليقات 0 | إهداء 0 | زيارات 998

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد عبد الجليل جعفر
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة