المقالات
السياسة
نحن مالنا جنينا!
نحن مالنا جنينا!
08-23-2013 10:22 PM

قالوا في المثل اكلوا " اخوان" واتحاسبوا "تجار" ومن هنا كان الاخوان والتجارة في الدين .. قاموسهم والذي يصرفونه من المشروع الحضاري في مفردات مثل " أحسب وتتنزل .. وقطعا والإبتلائات و,,,و...و..و..و...و" علينا يقهقهون ويضحكون والشعب منتحب ضاع في حفر الامطار وفي خيران السيول جاءوا من أين لا ندري نشأوا وعاشوا وترعرعوا في بيوت الجالوص التي يطلبون فيها من فقراء الشعب المسكين ان لا يبني تاني بيوت من الجالوص حتي لاتموصها الامطار وتجرفها مياه السيول .. والسادة الاخوان بدلوا جالوصهم بعابات الاسمنت وبنوها فيللا وعمارات وفرشوا البساط الاحمر من باب الحوش لغاية المضيفة كان زمان اسمها الصالون!!
اللهم لا تؤاخذنا بما فعل الكيزان منا ولا تسلط علينا بذنوبنا من ذوي العاهات الفكرية والتخلف السياسي بان يحكمنا .. مالنا نحن جنينا؟ لم يبق لنا إلا الدعاء علي من يحكمنا بذنوبنا نفس الوجوه والخلق بكسر الخاء دمهم اتقل من مما يرفعه رافعي الأثقال من الوزن التقيل .. يطالعوننا صباح ومساء عبر التلفاز في نشرة مكررة منذ 25 عاما.
الجيل الذي نشأ في كنف ما يسمي بالانقاذ لا سمع عن اكتوبر ولا شارك في ابريل ولا يعرف عن تاريخ السودان البعيد والقريب الكثير .. لم يشاهد صور القرشي وبابكر عبد الحفيظ ومحدي محمد احمد ولم يتغني ب نحن في الشدة بأس يتجلي.. لم يجد امامه سوي ايقونات من الفنانين ولاعبي الكرة فحمل صورهم وطفق ليل نهار يسبح بحمدهم!!
ضيعوك .. ودروك وانت ما بتعرف صليحك من عدوك واستغلوا الطيبة في قلبك وباسم الدين ضللوك الله يعدل ليك سبيلك ويجازي الطلموك .. كأن سماعين ود حد الزين كان يغني للشعب السوداني وكأن ود الدوش حين قال بناديها ولما تغيب عن الميعاد بفتش ليها في الأعياد وفي المستقبل اللسة سنينه بعاد وفي الضل الوقف ما زاد .. والضل الوقف ما زاد هو الإستسلام والخضوع والخنوع والرضي بالحاصل طيلة 24 سنة من عمر الزمان.
نحن مالنا جنينا وكل يوم يجينا واحد من حكام الغفلة ديل يشتم فينا بدءً من رئيسهم القال لشبابنا شذاذ آفاق ونائبه القال قبل ما تجي انقاذهم دي ما كان في واحد عنده اكتر من قميصين وبتاع الاستثمار طبيب الاسنان الذي نعتنا بالشحاتين قبل مجيء الست انقاذ وواحد داير يلحسنا كوعنا وآخر قال الباب يفوت جمال الداير يهاجر يهاجر وآخرة المتمة يطالعنا ود الخضر عبد الرحمن تاني ما تبنوا جالوص كلما تجي مطرة تعقدوا تشتكوا طيب يا ايها الوالي الذي سيحاسبه الله إذن هيء لهم امر ان يبنوا بيوتا مشيدة وقصر منيف حتي لا تموصها مياه الأمطار .. حقا نحن جنينا!


عمر الفاروق عبد الله
[email protected]


تعليقات 0 | إهداء 0 | زيارات 845

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عمر الفاروق عبد الله
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة