المقالات
السياسة
قالوا نفير
قالوا نفير
08-26-2013 05:14 AM


لما النيل الساكن
يبقي دمير
قالوا نفير
كيف ما الغرقان
إيهاب وعبير
مسكين الهامش
إن شاء الله يطير
-----
نبكي الخرطوم
إن ماصت طوبه
مسكينه جبال النوبه
الما خبروا دروبه
يومي يا ناس مضروبه
وما حدي يجير
قالوا نفير
------
ماتوا النوبه
ومات أدروب
والدارفوري
كتال وحروب
وضمير الأمة
الصحي يا دوب
لما السيل إتحدر
وهيثم قال الروب
هبوا كبير وصغير
قالوا نفير
------
يا شعبا ساكت
ومجلود بي مطرق
خلي الخرطوم التغرق
وباقي البلد التحرق
شن الشعب
الفي خوفو إتمرغ
والهمه إن شاء الله تطير
قالوا نفير
------
عنصري قولوا
فينا وشكو
والما حكا ضهرنا زمان
أبدا ليو مانحكو
نوحوا الليلة
كتير وإتبكو
ما تجونا براكو تتشكو
أصحوا وفوقوا
ومن أوهامكم إتفكو
إما الحزن الواحد
وإما الفرح الواحد
ولا وطنا ندكو
ولابد التغيير
قالوا نفير
------
ما تقولوا الخرطوم أجناس
مات القلب الكلب
البقوا حراس
مات اللابس أهلوا
عشيرتو مداس
وخرطوكم ناسا ما ناس
القاعد تحت الضل
ما بنبح جرقاس
مات فيهم
كل ضمير
قالوا نفير
------
قالوا نفير
العالم كلو
تعالوا عيال
الهامش ولينا إزلو
موصوا الحزن
الفيكم وبلو
أنسوا الماتو زمان
أنسوا الكانو أعيان
أنفرو والكل سودان
طال ما المركز غرقان
هل يارب جاديين
أم بينا إتسلو
أم ليهم تبرير
قالوا نفير
قالوا نفير

[email protected]


تعليقات 3 | إهداء 0 | زيارات 1745

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#753056 [العكليت]
0.00/5 (0 صوت)

08-27-2013 03:04 AM
شاعر الثوره يطرح أسئله مشروعه


#752465 [ود الخضر]
5.00/5 (1 صوت)

08-26-2013 10:43 AM
كل اطراف السودان عانت من التهميش و ليس دارفور وحدها و الجماعه ديل في حدود امكاناتهم هبو لنجدة الموجودون بالخرطوم لماذا تنظر للمسأله بنظره عنصريه كل السودان اهل المفروض تحي تلك الجماعه و نطالب بكل الناس بكل بقاع السودان بتشكيل مجموعات نفير و تتلاقي جميعا بدلا من احباط هذه المجموعه الكريمه فرق بين العداء للحكومه و كل الناس كارهاها ما انت براك و بين جهود هذه الجماعه


ردود على ود الخضر
[العكليت] 08-27-2013 01:08 PM
لاعنصريه ولا يحزنون اسئله مشروعه يطرحها شاعر الثوره عن
موقف نفير من ظلامات اهلنا في الهوامش المنسيه ولا يا ربي
حتي السؤال عن اهل الهامش بات جريمه وعنصريه يا ود الخضر


#752309 [أبوعلي]
5.00/5 (1 صوت)

08-26-2013 06:08 AM
ليست القضيّة بهذه الرؤية الضبابيّة
هم(سودان مصغّر)نهضوا لأعانة من هم حولهم دون تمييز
ومع ذلك حوربوا وصودروا من قبل خونة الوطن خوفا من تكاتفهم
هل تعتقد أنّ الأمن سوف يتركهم يتحركون نحو مناطق الهامش؟
إذا ليكن في كلّ حلّة وقرية ومدينة مجموعة (نفير ) خاصة بها
يومئذ لايستطيع الكيزان ضربها أو إختراقها ، فتكون عونا وشرارة للخلاص

آمل أن أكون قد فهمت مقصدك خطأ فعهدي بك
مناضلا من أجل الحريّة والخلاص من الشموليّة


ردود على أبوعلي
[Husseinshingrai] 08-26-2013 09:01 AM
Siddig Bolad شكرًا الشاعر Hussein Shingrai قصيدة جميلة ، فيها الوجع القومي والحس القومي والجرح القومي النازف . وشباب نفير قاموا بمجهود مقدر بعد ان تقاعس النظام الفاشل التعيس ، واتمني ان تمتد مبادرتهم لتشمل كل السودان ، حتي تجد القبول من شاعرنا الكبير
الذي ثار علي الحال المائل في كل الوطن ، مطالبا بضرورة إغاثة المظلوم والمنكوب في كل السودان . لك التحية وانت تحس بالهم القومي الكبير في كل أرجاء القطر الذي تطحنه الماسي والحروب .


حسين شنقراي
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة