المقالات
السياسة
ممنوع منعاً بات !!
ممنوع منعاً بات !!
08-26-2013 10:43 AM


ممنوع منعاً باتْ

بأمر الوالي والسلطات

في الفسطاط وجود مسكين

وناس واقعين

بيوتُنْ واقفة من الطين

تعلّ السّادة والأركان

وتقلق راحة السلطان

وليه الطين ..!..

والأسمنت جِبال كرتي

وطوب صلصال وارِد صين

دوام جاهزين

نبيع الأرض.. نبيع الدين

ونشري الدُّور

وندّي الباعْ زيْ مايدور ..

في شهرين محل بيتو يقوم أبراج

لا قطيّة من جالوص

لا راكوبة من الصاج

ويمشي يشوف محل عِشّو


ياحليلو ود أغبَش

ضَرْضَر أساه فوق وِشّو

وروّح فات مع الطشّوا

بيت جِدّو من جالوص

فوق المية زاد عشرين

ميّة سيل وكمْ مرّات فيضان نيل

واقِف زيْ تقول سور صين

لأنو أصيل

ماهو هَباب دراديق ريح

ولاهو قُشْقاش شايلو السيل

بيت من طين

مع دور التُّّرُك مرسون

محزّم داحِر الأيام

مو ساعِل في سرايْ غردون

ولا في قصر حاكم عام

صحيح الدنيا دوّارة

صحيح الدنيا غدّارة

صحابا الليلة ناس قارون

نفافيجُن بِقَت إرمة

ذات عِمْدان و ليها قرون

[email protected]


تعليقات 0 | إهداء 0 | زيارات 1246

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




سيد محمود الحاج
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة