المقالات
السياسة
ياجماعة الشباب بتوع اليومين دى شاربين حاجه؟
ياجماعة الشباب بتوع اليومين دى شاربين حاجه؟
08-26-2013 09:25 PM

ياجماعة الشباب بتاع الأيام دى شاربين حاجه ؟
( لازم تحرجونا نحن شاربين شاى بلبن )

شباب الأيام دى غالبيته لا يميز بين إسماعيل الأزهرى والبشير وعلى عثمان طه ولايميز بين محمد أحمد المحجوب وعلى كرتى ومصطفى عثمان إسماعيل ، وشباب الايام دى لايعرف أن كل أهل دارفور وكردفان من أصول عربية ومازالت متمسكة بتلك التقاليد وأن علاقتها بالسودان لم تتجاوز 3 الى 5 ألف سنة ، وأن سكان حوض النيل برافديه الأبيض والأزرق قبائل نوبية سكنت هذه المنطقة منذ مايزيد عن 35 ألف سنة وفى صديق لى يحثنى على الكتابة من أجل هذا الشباب - تقول لى لابد من الكتابة على الراكوبة من أجلهم ؟ دا شباب خارج الشبكة خالص - ياجماعة إنتو شاربين حاجه ؟ أنا من مواليد ساقية الأقروساب قرية عتمور أبوديس محلية الشريك محافظة أبى حمد منطقة الرباطاب هذه الساقية يسكنها أجدادى وآبائى منذ مايزيد عن 35 ألف سنة .. عشان يجى شباب الأيام دى ويقول السودان كله لى ناس الغرب وبس
ياجماعة إنتو شاربين حاجه ؟
ليه ؟ لازم تحرجونا نحن شاربين شاى بلبن
تفكير الشباب كان أفضل بكثير زمان لمان كان بيشرب الإسكوتش والكورفوازير والعياذة بالله ، الظاهر الشاى باللبن دا بيوسخ المخ ويعطل قدرات الشباب – أشربوه ساده أحسن ويفضل الشاى الأخضر ..
تعودت أن أكتب مقالاتى التى أخص بها شباب اليوم فى قالب كوميدى وبالعامية السودانية عشان القارىء عليه ضغوط كثيرة ونفسيته لا تتقبل كلام ثقيل كفاية العجورة بسته جنيه وحبة الطماطم بخمسة جنيه يعنى لو عاوز صحن سلطة لازم يكون عنده 25 جنيه يعنى 25 ألف جنيه قديمه وزمان كنا نشترى سلطة البيت كله بقرشين تدى الخضرجى القرشين يشكل ليك سلطه طماطم وجرجير وبصل أخضر وليمون ولو عنده فجل يحط ليك فجله – كنت فى العام 1956م طالب بمدرسة الهدايا الأولية بأبى روف بأمدرمان – وهى مايعرف بمدرسة شيخ الطاهر – كان جارنا لزم منزل عبد الله بك خليل – عند إبنه إسمه أمير كان مربى قرد نسناس صغير فى البيت عشان كدا أنا كنت رباطابى نجيض بخت فطورى فى جيبى فى الطابور وبقية التلاميذ بعدما ندخل الفصول عدد منهم مقدر يجد القرد قد أكل من طعامه – فى تلك الفترة كانت الأسرة تسكن فى حى العرب – تخبلوا أنا عشت جار لإبراهيم عوض وعبد الرحمن الريح وكل عمالقة الفن فى تلك الفترة – كنت لمان أكون راجع للبيت من أب روف لحى العرب عندنا إبن عمنا إسمه الخالق فرح عنده محل خضار فى سوق أمردمان الكبير – أحط شنطة كتبى بى وراه ويدينى حزمة بصل كبيرة كانت تصل من المزارع اللى حول أمدرمان مقلوعه بطبنها ، مهمتى كانت تتمثل فى نظافة البصل وكل 5 بصلات أربطها بسعفة نخيل مع بعض الخمسة بصلات بقرش – لمان أخلص عملى عبد الخالق فرح يدبنى أب قرشين مره يكون الصغير داك ومره يكون اب قرشين المخروم – وكمان يشيل كيس ورق – ماكانتش فى اكياس بلاستيك – يملآ لى كيس الورق سلطة ويقول لى سلم على أمك وأخوانك ويخص شقيقى الأكبر عثمان لأنه كان صديقه – سلطة البيت كل يوم أجيبها أنا وطالب بالصف الول الأبتدائى وحين أخرج فى الصباح للمدرسة أكون قد أمنت حق الفطور أبقرشين المخروم وفى نهاية السنة كنت بطلع الأول على جميع الدفعة والفارق بينى وبين التانى زى الفارق بين السودان واليابان – ذهبت قبل سنوات أبحث عن مدرستى فوجدتها تحولت لسكن يخص ورثة الشيخ الطاهر – عليه رحمة الله – فى الصف الرابع أرسلتنى أسرتى للبلد لأن التعليم فى الشمالية كان أقوى من الخرطوم وبالفعل فى أول إمتحان بمدرسة أمكى الأولية كانت ترتيبى الرابع عشر مما أضطرنى لأجمد الصف الرابع وأرتب نفسى لسباق جديد لم أكن مستعد له قضيتها فى أمدرمان تنظيف بصل وسلطة وأطلع الأول لأعيد السنة الرابعة بمدرسة كرقس الأولية ومنها لأبى حمد الوسطى فى العام 1960م ونجحت بحمد الله .. هذه الجزئية تتعلق بذكرياتى عن صحن السلطة ...
خلونا من السلطة وأب روف وحى العرب وجماليات العام 1956م ونعود للعام 2013م
فتقديم مقالاتى فى قالب كوميدى وبالعامية السودانية عشان شايف مستوى أولادنا خريجو الجامعات ما شاء الله عليه عينى بارده – جامعات البشير وإبراهيم أحمد عمر – البروفسير يرسل مساعد التدريس ليعطى الدرس بالمحاضرة بدلا عنه وهو طالب خريج جديد يحمل البكلاريوس بدرجة الشرف وبس - والبروفسير يدور عربيته ويدور بين الجامعات الهلية يبحث عن دولارات مأمون حميده ونصر الدين والأهلية والوطنية بقت أكثر من سينمات زمان ، وغيرها من الجامعات الأهلية – وأحدهم قال لى أنا محتفظ بوظيفة أستاذ بجامعة الخرطوم عشان البرستيدج وبيت الحكومة ولو قعدنا على ماهيتهم كان أولادنا ماتوا بالجوع – ماعلينا دا ماموضوعنا .. موضوعنا شنو ياسلمان – صحن السلطة لا ، حلة الملاح لا – تستطيح عقول شباب اليوم – أفتكر ..السبب شنو
الظاهر الغلاء أثر على الإنسان السودانى لأن كل من يعلق على مقالاتى يغرد خارج السرب وكأن الناس دى الجوع سبب لها أنيميا والأنيميا خلتهم يهزون – تكتب فى موضوع شرق يجيك الرد من الغرب
بمقال زى الحلم اللى حلمته وتبادل القيادات السودانية واليابانية مواقعها بالتراضى بين الطرفين كنت أرمى لإثبات أمر هام جدا : وهو أن العيب ليس فى الشعوب ولكن العيب فى القيادات العيب فى الحكومات التى تعاقبت على حكمنا بدليل أنه لمان رئيسنا البشير وجماعته ماشاء الله عليهم مشوا وحكموا دولة اليابان فى عام واحد تيرموموتير اليابان وبورصتها فى السوق إنخفضت والدولار من 90 ين أصبح 7000 ين ، ولمان رئيس اليابان وجماعته جاءوا وحكموا السودان لمدة عام واحد بس تيرموميتر وبورصة السودان إرتفعت والجنيه أصبح يساوى 6 دولار وقفة الخضار كيلو بامية طبخ مع كيلو جزر وبصل طبخ وكيلو لحمه ضانى من الزند وسن البرك وقطعة كمان من بيت الكلاوى وزجاجة زيت مازولا الأصلى سعة واحد لتر والسلطة كاملة من طماطم وجزر وبصل أخضر وجرجير وخص وخيار كمان مش عجور مع المركونة باللحمة المفرومة والتحلية ترايفل مشكل مع الفواكه ، دا كله جابته أم المدثر بخمسة جنيه وضعتها ليهم فوق التلفزيون وانا خارج للعمل – ياجماعة دا طبعا فى الحلم لانى قدمت إستقالتى من السعودية وقلت كفاية غربة وعدت أعمل مساح فى مصلحة المساحة بالسودان براتب 335 جنيه – ودا معناه أن دخلى الشهرى 335×6 دولار = 2010 دولار أمريكى فى الشهرى – طيب كلام دكتور ربيع عبد العاطى صحيح حين قال أن دخل الفرد السودانى فى الشهر يزيد عن 1800 دولار – هاجمين على الرجل ليه – أهو طفشتوه وشغال حاليا مستشار وزارة الثقافة فى اليابان طبعا مافيش وزارة إعلام فى اليابان فالإعلام حر عشان كده دكتور أحمد بلال الكيزان قالوا ليهو نحن ما محتاجين ليك واليابانيين قالوا ليهو مابتلزمنا مشى سافر قطر بواسطة من الرئيس البشير لشيخ تميم – شيخ تميم طنطن وقال الجماعة دى نحن ماصدقنا ربنا فكانا منها – قال ليهو خليه يجى – ياربى الرجل اللى إسمه ربيع دا يكون نايم وحلمان زى سلمان لمان قال دخل الفرد 1800 دولار – الله يقطع النوم عشان بينتهى
مقال الحلم لعمكم سلمان أثبت أن الشعوب هى هى لم ولن تتغير – شعب اليابان فى محله وبإمكانياته وشعب السودان فى مكانه وبإمكانياته – حكومة أحدثت خراب وحكومة أحدثت نقله للأمام
يعنى شعب السودان بس كان محتاج لقيادة تحركه نحو العمل وتكتشف قدراته
الجماعة المشت اليابان كانت قاعدة هنا 24 سنة تكرم فى شعب لم يعمل أى شىء سوى الغناء والرقص والطرب وجدودنا زمان - والشعب دا غالبيته خارج الشبكة – ونحن أولاد مهيره – وأرمى قدام أرمى قدام
++++++++++++++++++++
كسرة من كسرات الفاتح جبرا
_____________
تخيلو كتبت المقال عن الحلم ليأتى شخص يسمى نفسه ( زمن المحن ) واله أنت فعلا من زمن المحلن ليقول :
أنا بنقل ليكم كلامه بما فيه من أخطأ إملائية ولغوية
] للحقيقة بلوك الاسمنت غير صالح في للسكن الادمي في السودان خاصة للفقراء لانه والله حار حار حار في الصيف ولاتبرد مهما فعلت ,المروحة تذيد السخانة والمكيفات (غير متوفرة للفقراء) ولاتبرد لان درجات الحرارة التي تمتصها الاسمنت كبيرة جدا جدا(صاج كسرة ).عموما اتنمني ان تدرس الموضوع من جميع الجهات ودة اصلا ما موجودة في السودان من رائيسنا لي غفيرنا ماشين علي الله ( الله يهون) ] ويقصد برانيسنا رئيسنا – طيب ماله ما كلنا على الله
المحيرني يا إخوانى قول أخوكم ( زمن المحن )
[ بنينا بالبلوك الاسمنت طيب نعمل اية لو جاء سيل ذي الحصل دة ما بدخل في الغرف , في الحال دة اقترح مع منع البناء بالجالوص عمل سد عالي لابواب الغرف لزوم الداخل والخارج من الغرفة يتلب تلبوك يعني ذي الحرمية في بيتو اهو منو رياضة ومنو تعلم مهنة السرقة اصلوا الحكومة بطريقتها ده عايزة تعلم الشعب كلو الحر من السرقة -الله يهون ]
----------------------------------------
ياجماعة عليكم الله العلاقة شنو بين ماكتبته أنا وتعليق اخونا ( زمن المحن )
وفى واحد تانى اسمه ادريس قال سلمان دا ليهو علاقة بالكيزان وبيحضر اجتماعاتهم ويبحث عن وظيفة
ابحث عن الوظيفة بعدما الريال السعودى الواحد بقى 2100 ريال والله لو خفضوا لى راتبى لى ألف ريال مابجى
وواحد آخر يسمى نفسه بالمكوجى يكتب عن ابليس وسفره – الناس فى شنو والحسانية فى شنو – هذا المثل ضرب لأن الحسانية حين طلب منهم الحضور يوم السبت للإدلاء بأصواتهم فى أول إنتخابات إعتذروا لأن فى يوم السبت عندهم سباق حمير ، فأصبح مثلا يضرب – إبليس شنو يامكوجى
وفى معلق آخر إسمه أحمد البقارى ورمز برضو لإسمه بـ ( على باحش الدكوك ) قال : سلمان إسماعيل بخيت ، أنت في واقع الأمر ومن خلال وما ورد في مقالك أعلاه تدعو لتكرس وأستمرار الأزمة السياسية التي نشأت منذ 1956 وما زالت مستمرة، من حيث أردت الحل . ويجب أن تعلم بأن اي حل سياسي لا يخطاب صراحة جذور الأزمة السودانية ، ويدعو صراحة وبكل وضوح لتفكيك مؤسسة الجلابة التاريخية المنحطة وإعادة هيكلة مؤسساتها العنصرية ( الجيش ، الشرطة ، الأمن ، القضاء والإعلام .. إلخ ) وتأطير أحزابها المعطونة في الأنحطاط ( الأمة، الاتحادي، الشيوعي والمؤتمر الوطني) ومحاسبة قادتها الأكثر انحطاطاً في تاريخ الأنسانية (عبد الرحمن المهدي، علي الميرغني، يوسف الهندي، عبد المنعم أبو العلا، حسن بشير نصر، عبد الله بك خليل، محمد أحمد محجوب، جعفر النميري، محمد حسن سوار الدهب، الصادق المهدي، محمد عثمان الميرغني، محمد إبراهيم نقد، عمر البشير، نافع علي نافع وعلي عثمان طه)، لن تجد ما يصغي إليها.
الرجل دا لو كان رجل فعلا مريض وجاهل ويشعر بالدونية لأنه ذكر كلمتين فى تعليقه ( المنحطة ) و ( الإنحطاط ) وجاء ليطالب بتاطير الأحزاب وهو لايدرى معنى تأطير TO BE FRAMED أى لوضع الشىء فى إطاره ، ,ونظنه قد أخطأ خطأ كبيرا يدل على جهلة بتاريخ السودان الحديث ، حين جمع خير ما أنجب السودان أمثال الشريف يوسف الهندي ، عبد المنعم أبو العلا، حسن بشير نصر، عبد الله بك خليل، محمد أحمد محجوب برجال عليهم ماعيلهم من ملاحظات ، كيف تعلم أمثال هؤلاء الجاهل أن يدخلوا على الشبكة الدولية للإنترنت وقراءة صحيفة الراكوبة – مثل هؤلاء كان من المفترض أن يكون بعيدا عن المدنية والتحضرعشان مايعكر دمنا ودول أشبه بل أخطر من رجل تدين وحفظ القرأن ثم إلتحق بالقاعدة يقتل الناس بغير حق ناسيا كل مادعت إليه تلك الآيات القرآنية التى يحملها فى رأسه حفظا ولكن ليس فى قلبه وعقله تطبيقا وإمتثالا لأمر الله .. من قتل نفسا بغير حق فكأنما قتل الناس جميعا - إن هدم الكعبة حجر حجر لأهون عند الله من قتل نفس واحدة بغير حق
إستفزنى تعليقه فكتبت
أستحلفك بالله أن تعيد قراءة المقال بنفسية مختلفة وأن تتخلى عن عبارت زى (مؤسسة الجلابة التاريخية المنحطة) و (تأطير أحزابها المعطونة في الأنحطاط ) وبالمناسبة الجلابة دول مجموعة تجار مستنيرة فمنهم من هم أجدادى ومنهم من هم آبائى وصلت إليهم حضارة شمال وادى النيل من مصر قبلكم لقرب موقعنا الجغرافى منها وبحركة البواخر الشراعية بين مصر والسودان ولقرب مصر من حضارة أوربا ومواجهتها لجنوبى البحر الأبيض المتوسط فى زمن كانت كل أفريقيا سوى شمالها يغط فى نوم وجهل عميقين ، جابوا جميع مناطق السودان فى فترة زمنية بعينها كان أهلها لايجيدون فن وعلم التجارة واسهموا بقدر كبير فى تطوير مناطق غرب وجنوب السودان ومازال جنوب السودان بعد إنفصاله يحتاج لخدماتهم ، حين كان إهتمام كل أهل غرب السودان وجنوبه لايتعدى حرفتي الزراعة والرعى ويعتبرون من يتركهما ويتحول للتجارة عيب لذا سموها ( بالجلابى ) ففكر عرب كردفان ودارفور سبق ان ذكرت بانه فكر بدوى كبدو جزيرة العرب حين لم ينفصلوا عنهم ويرون أى مهنة غير الرعى والزراعة عيب ومازالت دول الخيلج بجزيرة العرب تعانى من هذه المشكلة يؤسس البدوى متجره ويأتى ببنغالى أو هندى ويسلمه كل شىء ويختفى إلا من إسمه الذى يكتب على لوحة البقالة ، فورثتم أنتم عنهم هذه التبعية فى كراهة أى شىء لايرتبط بالرى والزراعى ، فكان لابد من طرف ثالث يؤمن لأهل البلد الأصليين إحتياجاتهم التى لاتؤمنها لهم حرفتى الرعى والزراعة فكان أهلى ( الجلابة ) يجوبون مدن وقرى وهجر غرب السودان وجنوب السودان خلف المراحيل المتحركة ومراحيل كلمة عربية فصحى تعنى البدو وبالإنجليزية تعرف بالـ NOMADIC فأنتم تحاولون أن تنفصلوا عن العرب والعروبة وتنعتوننا بها وأنتم أصل العرب فى كل شىء من سلوككم وأخلاقكم وأن التغيير الذى طرأ على لونكم هو لون العرب الأولين ، فلا تحاولوا أن تصنفوا أنفسكم بأهل البلد الأصلين ونحن سكان النيل غرباء ، بل أنتم العرب الوافدة من جزيرة العرب ومن شمال أفريقيا ومن غرب أفريقيا ونحن أهل البلد الإصليين من النوبة ، ونحن لانحقد عليكم ولا ننازعكم دياركم فلم يحدث أن وطأنا أرضكم إلا جلابة ، نحمل لك ولأهلك فى الماضى والحاضر والمستقبل كل ما يحتاجه إنسانكم من سكر وشاى وزيت وتمباك وملابس وخلافه إلا تجارة الخمور فلم تلصق بنا ولا بأبائنا وأجدادنا ، ونشترى منكم المحاصيل كالسمسم والدخن والذره وغيرها والمواشى التى لاتتوفر لدينا ، لنستبدلها فى مواد تموينية تحتاجونها ، فمن هنا جاء إسم ( الجلابة ) فأين الإنحطاط هنا أيها السافل المنحط – البعض فسر كلمة الجلابة بأننا كنت نجلب البشر ونتجر فى الرقيق نأخذهم من غرب السودان وجنوبه لمصر وبلاد أخرى وهذا هراء وإفتراء المستعمر الخبيث الذى يريد أن يفت عضد أبنا دولة واحدة - أتنعنهم بالإنحطاط لأنهم يجلبون سلعهم متحركين خلف قوافل الأبل والبقر التى تتحرك شمالا فى الخريف وجنوبا فى الجفاف ليؤمنوا لأهلك إحتياجاتهم أم تنعتهم بالإنحطاط لأنك كنت تظن أن الجلابى يجلب البشر ويتاجر فى الرقيق – لو كانوا كذلك لما سجل مدحهم وشكرهم فى قصائد الحكامات – عليك بغسيل دماغك المتسخ وأظنهمم لايستحقون كلمة ( المنحطة ) التى وردت فى تعليقك وأظن أن نسبة كبيرة من أمثالك موجودة فى منطقة غرب السودان بالذات ويحتاجون لجهد كبير منى ومن أمثالى لتصحيح تلك المفاهيم الخاطئة التى زرعها المستعمر بيننا فعبد الرحمن المهدى وعبد الله بك خليل ومحمد حسن سوار الدهب والصادق المهدى والمحجوب مما ذكرت هم من أبناء غرب السودان ولايحملون على فئة الجلابة والجلابة تجار والتجارة شرف فيا أحمد البقارى مشاكل السودان لاتحل بالحقد والكراهية ، وأنت قلت ] : يجب أن تعلم بأن اي حل سياسي لا يخاطب صراحة جذور الأزمة السودانية [ وأنت لاتدرى ماهى جذور الأزمة السودانية جذورها يا أبنى أحمد البقارى أنت عربى من عرب جزيرة العربى وعندى صديق إسمه ناصر فوزى من أبناء نيالا فى شهادة ميلاده ذكر ناصر فوزى .... الأموى – دا من نيالا فى دارفور ونسبة لبنى أمية ونحن نوبة شمال السودان نسبنا لفرعون وترهاقا – فينا من بقى بنوبيته شكلا ولسانا بالمحس والسكوت والدناقلة ومن بقى على شكله النوبى وتعرب لسانه من شايقية ورباطاب وميرفاب وجعليين وجموعية – وهناك جهينة – نحن كنا على هذه الأرض قبل 35 ألف سنة وأنتم علاقتكم بها لم تتعدى القرنين أو الثلاثة – أنتم عرب ويجب أن تفتخروا بذلك ويجب أن تعترفوا بأن الجلابة وأصولهم نوبية قد أسهموا فى تطوير مناطقكم فكانوا التاجر والمدرس والتمرجى والحداد والنجار حين كنتم تتعففون من ممارسة هذه المهن وتنعتون من يعمل بها بنعوت سخيفة ، حتى كنتم لاتزوجون من يعمل صنايعيا ، ومازالت دول الخليج العربى تعانى من هذه المشكلة - ولاتوجد بين السودانى من ولايات الشمال النيلية والغرباوى من ضغائن وأحقاد إلا تلك التى نقرأها على الصحف الإلكترونية اليوم وهذه النعرات والأحقاد والكراهية التى لا داعى لها تفت من عضد الأمة وتضعفها فدرست لمدة 17 سنة مع أبناء غرب السودان وجنوب السودان كنا نسكن فى غرفة واحدة ونأكل فى غرفة طعام واحدة وندرس فى فصل واحد ولم ينعتنى أحدهم بالجلابى المنحط – ولم يخطر ببالى أنى أفضل نسبا منهم - هى مشكلتكم أنتم أبناء هذا الجيل فأبحثوا لها عن حل ... نحن نعلم جيدا أن القبائل الشمالية النيلية من جذور نوبية إختلطت بالعرب بعد دخول الإسلام – وهى قبائل مستقرة وتقسيم السواقى على ضفتي نهر النيل ورافديه شرقا وغربا تبين أنهم سكان السودان الأولين لأن الحضارات فى تاريخ البشرية قامت على ضفاف النيل ودحلة والفرات والسند وإنسان نيادرتال ولم نسمع بإنسان فى تلك العصور سكن الصحارى – الحروب التى حدثت بجزيرة العرب وسنوات الجفاف كذلك جعلت قبائل عربية بكاملها تنزح من جزيرة العرب لأفريقيا فمنهم من دخل السودان ومن من دخل الصومال وغيرها – وأنت أخى محمد البقارى تنتمى لهذه الفئة .. أرفع رأسك وأترك عبارات المنحطة والإنحطاط فالجلابة كانوا تجار مواد تموينية ولم يكونوا تجار رقيق كما يفهم البعض ...
_____________________________
واحد تانى من شباب هذا الزمن رمز لنفسه بأبى الخير قال
[ كل من لايؤمن بحكمة المرحوم عوض دكام ، مكابر ونظرته قاصرة ، الشعب السوداني كله القدم بالقدم ، يجب علينا ان نعرف حتى لانشتم بعضنا بالحرية والعبودية
كلامك جاء متأخر السودان خلاص بح كما يقول المصريين
الضغائن والاحقاد بسبب الظلم وانتهاك الحرمات وسرقة الحقوق في وضح النار
لاظن انه سوف يصبح سودننا واحدا
واذا اردنا ذلك يجب ان يحاكم كل واحد اذنب في حق الشعب السوداني
والحمد لله الاخوان راحوا من مصر ، لذلك ممكن بكل سهولة يمكن ابعاد هؤلاء ان شاء الله ]
_____________________
بحثت فيما كتبه فلم أجد حكمة عوض دكام ولم أفهم شىء – أقول لكم شباب خارج الشبكة – يا أولاد إنتو -شاربين حاجه – يمكن شاربين شاى بلبن لازم تحرجونا
________________________
واحد تانى إسمه أبو لكيلك قال
[ الكاتب يكسر تلج للحكومة او هو كوز متخفى ....ولو لم يكن كذلك اكيد هو نفعجى انتهازى مستفيد من بقاء جكومة الكيزان وخايف على مصالحوا ان تنهار بذهابهم ........هو الشعب السودانى حا يسمع كلامك او ينتظر الاذن منك يا ( باشمهندس )... الكيزان هم من انقلبوا على النظام الديمقراطى الذى كان قائما عن طريق الدبابة ( ولم يتم ارسال كروت دعوة لهم ليستلموا السلطة كما اعتقد )...الانتقام من هؤلاء اللصوص سيحدث والقوائم طوييييلة وجاهزة فى كل الولايات والمحليات .. [
ليواصل أبولكيلك كلامه
[ يا سيدى لقد حكموا البلد منفردين لمدة 24 عام ولسة ما شبعوا ولم يكتفوا من السلب والنهب باسم الدين والتمكين ....ليس لهم اى مكان هنا فمكانهم انشاءالله سيكون فى بطون الكلاب الضالة والطيور ...وكل يوم تضيق الحلقة عليهم شيئا فشيئا ( المحكمة الجنائية/ الحركات المسلحة / الانهيار الاقتصادى / الحصار الامريكى الغربى عليهم / ازدياد يأس الشعب السودانى من خير ياتى منهم /انضمام المزيد من الشباب للجبهة الثورية وحركة تحرير السودان / ازدياد الخريجين والعاطلين عن العمل )...لقد صبرنا 24سنة وسنصبر زيادة كمان فالسودان لا يتسع لنا مع هؤلاء ......قريبا ستقوم امريكا والغرب بتزويد الحركات المسلحة بالسلاح والعتاد الحربى وعندها سترى العجائب ..فلا تستعجل ...سنقتلهم قتل الكلاب بدون محاكمة فجرائمهم على الوطن والشعب السودانى لا تحتاج الى محاكمة..... [
خلونا نأخذ عباررته
فمكانهم انشاءالله سيكون فى بطون الكلاب الضالة والطيور
ياراجل حتى لو كانوا هم قتله ومجرمين هل تقبل أنت أن تكون قاتل ومجرم – كلامك دا مايختلفش عن كلام صفوت حجازى وهو وسط أنصار الكيزان بمنصة ميدان رابعة العدوية ( البيرش مرسى بالميه حنرشه بالدم ) مرسى مرسى مرسى مرسى – ثم هرب متخفيا ويقال أن قادة الإخوان خرجوا من النهضة ورابعة العدوية لابسين لبس شرعى – مش حجاب – نقاب كامل من الرأس للقدمين مستفيدين من ملابس الأخوات المسلمات اللائى كن معهم – طيب الأخوات طلعن كيف ؟ موضه حسب فقه الضرورة - وبعدين اللحصل أيه للداعية صفوت حجازى – حلق دقنه وحلق شعره صلعه وصبغ شنبه ودقنه وتنكر وهرب وقبض عليه فى واحة سيوه على حدود ليبيا ليقول والله العظيم والله العظيم لو كنت أعرف أن ميدان رابعه العدوية فيه سكين واحده ماكنت بقيت فيه – وأنا أصلا مش أخوانى ولا شىء يربطنى بالأخوان – يا ابولكيلك لو كان الإخوان بتاعين الإنقاذ ديل عرفوا مكانك وقبضوا عليك وزجوا بك فى سجن كوبر حتقول نفس الكلام دا – أكيد لا – يا أخى صلاح قوش اللى كان بيدوخ الرجال أول مادخل السجن داخ ولوح ثلج وذاب – وشفنا كلامة بعدما خرج من السجن – أنا بحب البشير ومع الرئيس ومع الإنقاذ ومع المؤتمر الوطنى – مش كده وبس - دا كمان فى وجه الآخر مع عادل الباز ورانا الما كنا عارفنه عنه : بيحب أغانى عثمان حسين وأغانى الحقيبة وشعر محمد الحسن سالم حميد وهو اللى شرد حميد بره البلد - اللفى البر عوام
---------------------------------
يا سيد أبولكيلك سأكون سعيد لو كان لدينا جيش قومى يقوم بهذه المهمة ويخلصنا من الجماعة كما فعلها جيش مصر بقيادة السيسى أما أن تقول [ قريبا ستقوم امريكا والغرب بتزويد الحركات المسلحة بالسلاح والعتاد الحربى وعندها سترى العجائب ..فلا تستعجل سنقتلهم قتل الكلاب بدون محاكمة فجرائمهم على الوطن والشعب السودانى لا تحتاج الى محاكمة ] طيب دا ماهو الحصل فى العراق – صدام قتل قتل الكلاب بدون محاكمة وحتى اليوم الشعب العراقى يعض أصابع الندم – خرج صدام المتكبر السنى ودخل المتكبر الشيعى المالكى – العراق إنتهى وللأبد وتريد السودان أن ينتهى والى الأبد - يعنى إنتو عاوزين تجو راكبين دبابة أمريكية تدخلوا بيها الخرطوم - أنتم أحفاد الخليفة عبد الله التعايشى والسلطان تيراب والسلطان على دينار والأمير محمود ود أحمد والأمير على ودحلو عاوزين تدخلوا الخرطوم بدبابة وسلاح أمريكى - ولمان تستلموا الحكم لمن سترهنوا إرادتكم ودينكم - لشعبكم أم لسيدتكم لأمريكا - صدقنى نحن لسنا شعب العراق - نحن لسنا شعب ليبيا - نحن لسنا أى شعب آخر - نحن نختلف عن كل العرب - نحن نختلف عن كل الأفارقة - نحن لسنا بعرب ولا أفارقة – الأفارقة منا إنفصلوا واسسوا دولة جنوب السودان - أما نحن السودانين لن نسمح لمرتزق يركب دبابة أمريكية أو أوربية بدخول الخرطوم - أجدادكم قطعوا رأس غردون وأنتم ستقطعون راس من قطع رأس غردون – دا عيب كبير
الحل الوحيد فى الإتحاد التصافى والعزل السياسى يتم عبر صندوق إنتخابات حره نزيهه شفافه بشهادة كل العالم ولو رجعت وقرأت مقالى ( نظرية سلمان للخلاص من حكم الإخوان ) ستجد أنى وضعت برنامج سلمى مضمون للخلاص من هذه الجماعة عبر صناديق إنتخابات نزيهه وشفافه ولانقول [ فمكانهم انشاء الله سيكون فى بطون الكلاب الضالة والطيور ]
بالمناسبة يا أبو لكيلك وابو الخير والبقارى
ماذا سيحدث لو نفذنا سيناريو إسقاط هذا النظام الحالى بدون وضع بديل ديمقراطى مع تأمين دستور دائم ، جيش قومى ، جهاز أمن وطنى وشرطة تسهر على راحة الوطن والمواطن لا الحاكم
أتدرون ماذا سيحدث ؟ سيناربو أسوأ مما حصل فى ليبيا ، فى سوريا ، فى العراق ، فى الصومال وووووو....
الدماء ستحول مياه النيل للون الأحمر
دول عديدة مجاورة ستستقل هذا الوضع وستضع يدها على أراضى لها أطماع فيها
دولة الجنوب ستبلع أبيي وستتوسع شمالا قدر ماتقدر وأطماع الجنوبيين تنتهى بعد الخرطوم وتبيد أهلك المسيرية والرزيقات والمعاليا بدبابة أمريكية ومدفع أمريكى وجنود أفارقة وكل عرب جنوب دارفور وجنوب كردفان
وستحتل كل بلدان النوبة وسيتحول النوبة لعبيد فى جيش حكومة الجنوب – يحملون صناديق الذخيرة على روءسهم ويعملون الأعمال الخدمية الدنيا بينما يكون السيد الجديد دينكاوى وهذا ما نحذر منه فالنوباوى اليوم سيد فى قبيلته سيد فى وطنه وغد حين نتخلص من حكم الأخوان المسلمين سيكون النوباوى سيدا فى حكم بلده
الأطماع الأثيوبيا لن تتوقف عند حدود ولاية القضارف
الأطماع الأريترية لن تتوقف عند حدود ولاية كسلا
الأطماع التسادية لن تتوقف عند حدود ولاية غرب دارفور
الأطماع الأفريقية الوسطى لن تتوقف عند حدود ولاية جنوب دارفور
كل هذه الأطماع الأن مجمدة أو متوقفه وليس ملغية بسبب واحد ، أن هنالك فى السودان ولديها جيش قوى
مع تحفظنا على عدم قوميته وإنحيازه لكل أهل السودان
نقولها بكل شجاعة ولكن نقول الجيش خط أحمر مع تحفاظتنا عليه سيبقى هو الأمل الوحيد بعد الله والنرتجى
البلد الوحيد الذى سيكتفى بمايضع يده عليه الأن وليس له مطامع أخرى هى مصر – ستكتفى بحلايب وسيهرب إليها كل قبائل أهل الشمال النيلى شمال الخرطوم من لايملكون السلاح – الجيش السودانى لو حدث ماحدث فى العراق أو ليبيا وسقطت حكومة البشير بتدخل أجنبى
سيتحول لمليشيات تأتمر بأمر أفراد وليس دولة
ولكن هذا لن يحدث
الحروب اليوم أصبحت مكلفة
فى حرب العراق أمريكا تطلق النار وتقتل العراقى وتسجل قيمة الطلقة التى قتلت بها مواطن عراقى لأن العراقى الذى جاء على ظهر الدبابة ملتزم بسدادها
مجموعة الناتو فى حربها بليبيا تقتل الليبى من أنصار القذافى وهوليبى وتسجل قيمة الطلقة التى قتلت مواطن ليبى لأن الليبى ملتزم بسدادها

إنتو ياناس قريعتى راحت ديل لو الأمريكى قبل يجى معاكم ويحشد جيوشه فى مقر قيادات الجبهة الثورية ويتوجه نحو كادقلى فالأبيض فمدنى وسنار ويدخل الخرطوم من جميع بواباتها ويرمى ليكم البشير دا وجماعة فى بطون الطير كما قلتم منو اللى بيسدد ليهو الفاتورة بعيدين أم عاوزين تدوه حب بطيخ وسمسم وصمغ يمشى يبيعها فى أسواق العالم زى مافعلت الإنقاذ مع أسامة بن لادن – شالوا من ملايين الدولارات نفذت بها شركته شركة الهجرة طريق الخرطوم عطبره ولمان خلص الطريق طردوه ولمان قال ادونى قروشى عرضوا ليهو حب بطيخ وشطه
عندى صديق محترم مغترب بدول الخليج ، عاد للسودان ودخل فى شغلانه تجارية مع الجماعه دى شاله قروشه وأدوه بدلها جلود – قال لى بيتى فيهو غرفتين غرفه مخزن فيها الجلود والثانية مخزن فيها الشطة – أكان دخلت دى أعطس وأكان دخلت الثانية أقفل نخري من العفنه – طبعا دا مصير أى شىء يقدم على عمل بدون تفكير
إنتو قايلين برلمان أوباما زى برلمان الطاهر يقولوا ليهو عاوزين نسوى كده ويصدق
كدى شوفوا الحاصل فى سوريا ليه أمريكا ماقادره تتدخل
ياجماعة روسيا بوتين مش روسيا الأمس ولمن لا يعرف أى حاجة البشير مع كل هذا الضعف الذى يعتريه أصبح قبلنا أم لم نقبل من حلف روسي يضم سوريا وإيران ولو أمريكا حاولت ترش البشير بالحليب روسيا حترشها بالدم
أمريكا ليس لها عدو دائم وليس لها صديق دائم ولكن لديها مصالح دائمة
مصالح أمريكا مع روسيا والصين تفوق مصالحها مع جميع دول أفريقيا ألف مره
لذا أمريكا لن تخسر روسيا ولا الصين فى قضية تخص السودان
وأمريكا والغرب وروسيا جميعها يهمها أن يبقى السودان فى حالة الإحتراب هذه حتى لاتتاح له فرصة الإستفادة من موارده ظاهر الأرض وباطنها وللصين وروسيا والصين مصلحة أخرى فى إستمرار الحروب وهى تتعلق ببيع السلاح والذخيرة فمصانع هذه البلاد لن تتوقف ولو لثانية عن إنتاج مزيدا من أسلحة الهلاك والدمار
وعشان كده روسيا سعيدة بحرب سوريا السورى يقتل سورى والرابح روسى
السودانى يقتل سودانى والرابح صينى وسورى وأمريكى واروبى
سيناريو أمريكا لأسقاط حكومة البشير البيتحدث عنه شبابنا هذا ، هذا السيناريو أمريكا لاتريده بل ترفضه وهى تعلم أن إسقاط البشير بالقوة سيقود لهذا السيناريو لذا لن يسقطوه ويبحثون فى البدائل التى تغير الرأس وتبقى على النظام وذلك لسبب يهم أمريكا والغرب – الإخوان هم القاعدة – وحين تسقط نظام البشير سيتحول لمايعرف لاحقا بقاعدة بلاد السودان ، وقاعدة السودان هو ماينقص حاليا قاعدة العالم ليكتمل هلال القاعدة من أفغانستان باكستان اليمن القرن الأفريقى والصومال وأريتريا وبدخول قاعدة السودان يكتمل الهلال لربط قاعدة جنوب شرق آسيا وجنوب غرب آسيا وشرق افريقيا مع قاعدة دول الساحل والصحراء س ص وهذا مالا تريده أمريكا أن تتحول حكومة أخوان السودان لخلايا قاعدة سودانية تخنق منطقة الشرق الأوسط وشمال أفريقيا وتهدد منطقة الخليج العربى – السعودية مع تحفظاتها الشديدة على حكومة الإنقاذ إلا أنها ترى فى الحفاظ على شعرة معاوية بينهما فيه الخير الكثير للسعودية والسودان والمنطقة بأثرها – وقد يترك للزمن معالجة هذه المشكلة – والمشكلة فى السودان ليس فى نظام الإخوان ولكن فى نظام البشير الذى يخوض معركة بل معارك مع العالم ومع فئة مقدره من شعبه فى الداخل – حرب دارفور وحروب آخرى والمحكمة الجنائية
قاعدة مصر لايوجد لها مكان جغرافى غير سيناء وفى سيناء كانت تتخذ من القطاع الموازى لقطاع غزه فى رفح مركزا لتواجدها والجيش المصرى قوة ضاربه لم تنهك أى حرب منذ 1973م – يعنى 40 سنة فى العسل – تدريب جيد تسليح عال – يركز الأن على تدمير الأنفاق بين رفح المصرية ورفح الفلسطينية وبعض الكهوف فى جبال سيناء – خلال 30 الى 40 يوم سيقضى جيش مصر على قاعدة سيناء نهائيا نسبة لأن سيناء أهم قطاع مصرى فهو مجاور لإسرائيل – مجاور لقطاع غزه – مجاوز لمواقع قطاع السياح ومعبر قناة السويس اللذين يشكلان نسبة تتجاوز 50% من دخل مصر القومى ( السياحة وقناة السويس ) لذا اللعب فى سيناء ممنوع ناهيك عن الحرب
أما أخوان مصر من الدلتا للصعيد فسوف تحسمه الشرطة وبين الأثنين ثار قديم
المحاكمات ستكون قاسية وعشان الناس تبلعها ستطبق محاكمات شديدة وقاسية بحق مبارك وأبنائة وفريق حكومته وليس كما يتوقع البعض ان هذا الإنقلاب دبر لبراءة السيسى ولأن السيسى متزوج من بنت أخت سوزان مبارك – لا مافيش شىء من هذا الأمر – ستكون محاكمات قاسية ضد الإخوان والمباركيات
--------------------
الغرب فيما يتعلق بالمشكلة السودانية يخيل لى أنه لايريد أن يتسرع لأسباب عديده منها :
السودان ليس مصر ليس العراق ليس سوريا
السودان ليس من دول الطوق التى تحيط بإسرائيل وليس فاعل أو مؤثر فيها
ولكنه اليوم بعد سقوط أخوان مصر قد يكون المرجعية الفقية الأصلح لتنظيم القاعدة خاصة إذا علمنا ان جماعات تكفيرية كثيرة تنتشر فى السودان خاصة فى غابات الدندر وسمعنا بحرق المساجدوالخلاوى التى تتبع لطرق صوفية بالجزيرة
البعض يقول أن القاعدة نظام قائم بذاته ومتحرر من أى تبعية ودا مش صحيح ولو كان كذلك لإنتهى منذ سنوات ومافيش نظام إرهابى يحتاج يوميا للدعم البشرى والمالى والتسليح والدعم الإستخبارى يكون قائم لوحده
لكنه نظام يمثل واجهه جهاديه ارهابية يظل بعيدا عن هذه الحكومات فى العلن حتى لايسبب لها الحرج
إيران حماس جماعة الإخوان فى جميع أنحاء العالم وبعض الأثرياء ورجال الأعمال الخليجين بجميع دول مجلس التعاون وبصفة خاصة دولة قطر والمنتميين لنظام الأخوان المسلمين ولو سرا هى الداعم والممول لنظام القاعدة
البشير بالنسبة للغرب بقاؤه كحاكم للسودان أفضل من أن يتحول الى قائد هارب ومقاتل فى صفوف القاعدة
وحول البشير الملايين من الشباب المدرب على حمل السلاح والذى غسل دماغه وتحول لأعنف أنواع الجهاديين وهو مايعرف بفصيل الدبابين ومدرسة الدفاع الشعبى يمكن أن تمد البشير بعشرات ألاف المقاتلين كما فعلت فى معركتها الأخيرة فى هجليج ومعركة ابوكرشولة – فالحديث عن أن نرمى بالبشير وجماعته فى مزبلة التاريخ وأن نقتلهم بدون محاكمات وتتخطفهم الطير فى بطونها – دا كله كلام لايستند لواقع ومن يقوله يكون مكابر ومخطىء
فلو سقط حكم البشير وتشكلت قاعدة مايعرف بقاعدة بلاد السودان ، حينها قاعدة اليمن مع قاعدة الصومال وقاعدة السودان ستجعل من الملاحة بمنطقة البحر الأحمر بين باب المندب وقناة السويس أمر صعبا إن لم تكن مستحيلة وسيأتى الظواهرى وجماعته غربا للسودان وسيذهب جماعة القاعدة المنتشرين فى بلاد جنوب الصحراء الى السودان
فحديث أبولكيلك مخاطبا لى ( فلا تستعجل سنقتلهم قتل الكلاب بدون محاكمة فجرائمهم على الوطن والشعب السودانى لا تحتاج الى محاكمة ) وقوله ( فمكانهم انشاء الله سيكون فى بطون الكلاب الضالة والطيور )
لو كان الأمر بهذه السهولة لفعلته أمريكا كما فعلت مع نوريقا - نحن مش دولة صغيرة فى أمريكا اللاتينية - نحن فى السودان – على مرمى حجر من قناة السويس وباب المندب – ومرمى حجر من نفط الخليج
خبراء السياسة وتيم المستشاريين العاملين مع الرئيس الأمريكى لم يتم إختيارهم بالولاء للحاكم ليبصموا ويقولوا نعم متى ماطلب منهم – فقد تم إختيارهم حسب الكفاءة – فى أمريكا طبيب الأسنان بينظف الأسنان ويعالجها أو يقلعها ويركب طقم – لكن فى السودان ممكن يكون وزير لشئون الإستثمار – ويودينا فى أمات طه – وحتى هذه اللحظة لا أعرف من أين جاءت عبارة ( وداهو فى أمات طه ) يخيل لى يعنى وداهو فى داهيه
يامن تحاربون وتحملون السلاح وتمنون النفس بدخول الخرطوم على دبابة العم سام كما دخلها العراقيون – أنتم حالمون – محاربة نظام البشير بالسلاح على الأرض أثبت فشلها شباب أمثال على عبد الفتاح سموا أنفسهم بالدبابين – الدبابة TANKER فى الحرب تساوى 500 جندى مسلح تسليح جيد من جنود المشاة – على عبد الفتاح ألغى هذه النظرية العسكرية وأثبت أن مقاتل واحد ملغم بالبارود يساوى دبابه وأظنكم تذكرون الدبابات الموجهه بالليزر التى أرسلتها أمريكا لقرنق فى الميل أربعين لحسم الحرب بالجنوب لصالحه وتم تعديل هذه الدبابات فى مصانع جنوب أفريقيا التى منح الأزهرى زعيمها منديلا جواز سفر سودانى ولمان اشوف البشير يصافح ثامبيكى ويتبسم أكاد أموت من الغيظ
واحد يقرأ كلامى دا يقول دا كوز وبيخوفنا من البشير
أنا لا أخوفكم – أنا أقول لكم لو عندكم قدرة على قتاله قاتلوه ولكن لاتتوقعوا دعم أمريكى أوربى أو غيره فأمريكا حين تقدم موضوعها لتمريره من الكونجرس بالدخول فى حرب بتقول والله نحن لن نرسل جندى أمريكى واحد على الأرض الجنود اللى حيكونوا منتشرين على الأرض هم جنود الجبهة الثورية ونحن كأمريكان سنزودهم بالسلاح ودا بثمنه وطائرات بدون طيار لقصف مواقع للجيش السودانى كما فعلنا مع ليبيا ودا بثمنه وبعدين لمان الجبهة الثورية تستلم الحكم حتكون خاتم فى أصبعنا ومن هسع إتفقنا أن الصين ليس لها مكان فى بترول السودان وكلام بهذا الشكل مجلسي الشيوخ والنواب يعطوا أوباما الخط الخضر – لكن هذه التكلفة الجبهة الثورية حتسددها من شنو ؟ يا جماعة الفقير ماعنده صديق
وحتى لو أمريكا دخلت مع الجبهة الثورية الحرب فالموضوع مش حيكون نزه فكل أهل السودان سيقفوا ضد الأمركان ويبقوا مع البشير – إنتو قايلين السفارة الأمريكية الكبيرة دى فى الخرطوم قاعدة ساكت دى فيها عشرات المئات من الجواسيس غالبيتهم سودانيين يدخلوا يوميا يقدموا تقاريرهم ويقبضوا
أمريكا عارفه دبيب النمل فى السودان
الإخوان لديهم مفعول زى مفعول السحر على الشباب وخاصة البشير عنده عصاية قالوا ادا ليهو ساحر لمان يرفعها الشباب تهليل تكبير ...
ممكن فى ايام قليلة تجنيد الألوف من الدبابين والإستشهادين وهذا ما لاتريده أمريكا
الكثير من الكارهين لنظام حكم البشير ينتظرون وفاته ولو بعد سنوات وسمعت واحد بيقول هو حكمنا 24 سنه تانى لو حكمنا حيقعد لى كم 7 ، 10 خلوه يحكم أصلوا ما بنصل لأسوأ ما وصلنا إليه أحسن من نقوم نقلبها بنفسنا وتبقى علينا ندامة أهل العراق
بوفات البشير ستتفكك الحقلة التى تربط جماعة المؤتمر الوطنى ويحدث الإقتتال فيما بينها والفريق الذى سيرث حكم البشير سيشكل نسبة لن تزيد عن 20% لأن الجماعة بعد وفاته حتشك الكشتينة من جديد وتدخل فرق عديدة منضوية تحت مظلة الحركة الإسلامية الحديثة الترابى وجماعته ودى مرشحة لأن تكون حركتين ، جماعة المؤتمر الوطنى ، ودى مرشحة لأربعة أو خمسة نافع وجماعته ، على عثمان وجماعته ودول حيقتسموا قوة جهاز الأمن بينهم ، عبد الرحيم وبكرى وجماعتهم ودول معهم قوة الجيش وهنالك صقور لن تقبل بأكل الفطيسة فهنالك عوض الجاز وهنالك غازى وهناك الزبير بشير طه وفى مجموعات نايمة ستصحى فى تلك الفترة جماعة ناس مهدى ابراهيم وفى ناس دخلوا مؤخرا لن يرضوا أن يخرجوا من القسمة من دون سهم هى جماعة الإخوان الدارفورية بالمؤتمر الوطنى وناس زى الخضر وجماعة الحركة الأسلامية وإقتسام تيار السائحون ، فلو كان البشير يمسك الأن فى يده 100 سهم فستوزع عليهم بحيث لن يحصل أقوى فصيل على أكثر من 20 سهم وفصيل يملك فى يده 20 سهم من أسهم البشير الـ 100 لن يقوى على حكم ولاية الخرطوم ناهيك عن حكم السودان
وهذه اللحظة التى ستبدأ فيها التنازلات لقيام حكومة قاعدة عريضة حقيقة خلاف مايدعيه البشير الأن من أن حكومته حكومة قاعدة عريضة وهى فى حقيقة الأمر حكومة الرجل الواحد – البشير – الذى يستقوى ويرفض لم الشمل وأمام البشير فرصة تاريخية للحفاظ على السودان والسودانيين موحدين بإتباع مواصفة ( برنامج سلمان لسودان بلا حكم الإخوان )
سمعت حديث لأوكامبو على قناة الجزيرة على ما أذكر يتحدث بأنه قابل الأستاذ على عثمان محمد طه فى مكاتب الممثلية القطرية بالأمم المتحدة حين ذهب على عثمان لنيويورك ودار بيننا حوار ووجدت فيه كل مواصفات القائد الممتاز وكأن أوكامبو بتلك العبارة كان يريد أن يقول للعالم أن بديل البشير موجود وهو على عثمان
أمريكا مقتنعة بهذه الرؤيا لكن ماترسله لها سفارتها بالخرطوم يقول أن على عثمان ممتاز بالنسبة لكم لكن ليس لديه قبول لفئات مهمة بالسودان وخاصة فئة الجيش
فأتجه الأمريكى نحو قوش
فقبض وسجن
قوش لديه مايمكن أن يطوع به الإمريكان وقد يكون هذا جزء من صفقة الإفراج عنه
العبض يقول الرجل خرج من الجهاز وفى جعبته ملفات تودى الجماعة فى داهية
قوش قال الجماعة ديل أدونى فرصة أراجع فيها نفسى وأكثر من الإستغفار ليغفر لى ربى ذنوبى
أقول ياقوش لما لا فربك غفار ولكن لو قتلت نفس بغير حق فلا تنتظر قبول إستغفار

قوة البشير تكمن فى الجيش والبعض يقول أن لديه كارزما وقبول فى الشارع السودانى
أنا بقول الشعب السودانى مغيب منذ ربع قرن وقوة البشير تتمثل فى القوى الأمنية
جهاز الأمن الوطنى يأتى فى المركز الثانى ووتوزع ولاءاته بين نافع وعلى عثمان ونافع محسوب بنسبة
كبيرة لصالح الرئيس البشير البعض يقول نافع يمنى النفس بقيادة البلاد بعد البشير وعبد الرحيم وبكرى يقولان له بعدك
على عثمان متصالح مع فريق عبد الرحيم وبكرى لأنهما القوة التى تستطيع مصارعة نافع لو حمى الوطيس
طيب ليه أمريكا حريصة على أن يظل نظام البشير دون تغيير حتى رجل الـ CIA ( صلاح قوش ) لمان ألقى القبض عليه لم تهب لنجدته
قلنا التدخل فى بلد زى السودان مش حيتم بعبط زى مادخلوا فى العراق وزى ماشاركوا حلف الطلنطى فى ليبيا
قبل مايدفعوا بأى شىء فى فاتورة لازم يعرف من يدفع ثمنها وحرب فى السودان فاتورتها بتكون بمئات المليارات من الدولارات وبعدين أنت مش حتحارب الجيش المنظم بتاع البشير أنت حتحارب القاعدة
القاعدة القاعدة
هى الفزاعة التى ترهب العالم اليوم
القاعدة تبنى فلسفتها على أننى رجل أبحث عن الموت عن المشاكل عن القتل عن التدمير ومافيش حد يستطيع أن يوقف شخص عاوز يموت لكن المهم هذا الشخص قبل أن يموت لازم نجعل من موته هذا بعيدا عن تجمعات او حشود بشرية أخرى يستهدفها حين يفجر نفسه ودا صعب – ففى كل 100 محاولة إنتحارية قد يتمكن 10% الى 20% من المنتحرين بإلحاق الضرر بالهدف الذى فجر نفسه من أجله وإنتو شاهدتم على التلفزيون المكايدة بين السنة والشيعة فى لبنان – تفجيرين حصدا المئات بين قتلى وجرحى فى ضاحية جنوب بيروت وبطرابلس
أيه علاقة القاعدة بالإنقاذ
هل الإنقاذ حكومة لجماعة الأخوان
لقد ثبت بالدليل القاطع ان ألإخوان هم القاعدة وأرجو لحديث محم بديع والبلتاجى وصفوت حجازى وغيرهم
أرجو للأحداث
جلس مرسى على كرسى حكم مصر 365 يوم لم يحدث أى تفجير أو قتل حتى حماس لم تطلق صاروخ فى إتجاه إسرائيل – فحين يتولى الحكم الإخوان كل شىء يصبح حلال – الغاز لإسرائيل لم يفجر
قبض على مرسى وأودع السجن – تفجير خط الغاز – قتل جنود الإحتياط-الهجوم على مراكز الشرطة – قتل الضباط والتبول على جثثهم – حاجات فظيعة حدثت من جماعة الإخوان- الجناح المتطرف القاعدة – ومش من القيادات فالقيادات الإخوانية لاتقاتل كلهم قبضوا عليهم فى غرف نومهم غرقانين فى النوم والبسطاء المغرر بهم فى الشوارع يقابلون الرصاص يقتلون ويقتلون ودا حرام – الأزهر الشريف أصدر فتوى فحواها أن القائد المسلم كان يقود جنوده فى الميدان وبما أن قيادة الإخوان قبض عليهم بين حالق للحيته وشواربه ومصبغ لها وهارب وبين نائم فى غرفة مكيفة – وسيدنا على كرم الله وجه قال كان يحمى الوطيس نستجير برسول الله ليزود عنا ورفعت صفة الإخوان المسلمين عن الجماعة فى مصر وسميت جماعة الإخوان الأٍهابين ..
وضح جليا الأن بعد سقوط مرسى وكلام البلتاجى فى رابعة وتفجير خط نقل الغاز المصرى 16 مرة خلال سنة قبل وصول مرسى وعدم تفجيره ولو مره واحده خلال سنة كاملة من حكم مصر ، إتضح أن الإخوان هم القاعدة
والقاعدة هى الفزاعة التى يخوف بها الإخوان العالم
ودا كان واضح فى كلام مرشدهم محمد بديع ومساعديه وكانوا يخططون لحرق القاهرة وبقية مدن مصر ( إما نحن أو الطوفان ) ولكن ربنا كذب الشينة وتمكنت القوات المسلحة المصرية بمساعدة بقية القوات الأمنية والشرطة ووعى الشعب من إفشال مخطط إخوان مصر وأمريكا والغرب كانوا ظاهريا مع الإخوان ولكن باطنيا مع زوال حكمهم والغرب يريد أن يتفادى شرهم فأظهر التعاطف معهم
ماذا سيحدث لو قمنا بثورة لإسقاط أخوان السودان
الوضع فى السودان وأعيد وأكرر يختلف عن مصر وكل بلدان الدنيا
معقول ديل الشباب اللى نحن بنعول عليهم لبناء سودان جديد - وجماعة أخرى حاقدة على كل ماهو ينتمى حتى ولو بنسبة قليلة للعرب ويحدثون نفسهم بدعم امريكى قادم لكنس كل الناس إلا هم
أقول لكم كلمه - على السودان السلام - لا اللى فى الحكومة نافع ، ولا اللى فى المعارضة نافع وشبابنا اللى عليه التكل والوكل يكتب بإسلون مسطح لا عمق فيه ينم عن نفسية حاقدة ومريضه – معقول ديل السودانيين كل واحد يكره الثانى -
أسعد مافى أهل السودان الأن من يتوفى لرحمة مولاه وتنقطع علاقته بوطن ينتحر - ينتحر بحكامه وينتحر بمعارضته
أختم حديثى المطول هذا بعدد من الأسئلة ، من يستطيع الإجابة عليها يصنف نفسه فى خانة من يحق له أن يدخل الراكوبة ويعلق على المقالات ، ومن يعجز عن حلها جميعا يقرأ المقال ويفوت مايعلق عشان مايزيدنا مرض أكتر من المرض المرضتنا اياه الحكومة

السؤال الأول : ماهى أنماط الذاكرة وماهو الفرق بين الإنسان والحيوان من الناحية السايكولوجية ؟
السؤال الثانى : طرق قياس عمر الأرض فيزيائيا وحيويا ؟
السؤال الثالث : علاقة مايكل أنجلو بتمثال لكرون الأغريقى ؟
السؤال الرابع : الخطوات اللازمة لعمل إعلان تجارى ناجح لأى منتج ؟
السؤال الخامس : هل الأكل بصفة منتظمة مع اسرتك ضرورة . علل ؟
السؤال السادس : مدى تأثر موسيقى الموسيقار البوهيمى جوفك بالموسيقى الأمريكية المحلية للهنود الحمر وزنوج أمريكا ؟
السؤال السابع : تحدث عن شعب المايا وحضارته ؟
السؤال الثامن : كيف ومتى تم إكتشاف الـ DNA
السؤال التاسع : الدولة العثمانية واسباب إنهيارها ؟ ومزايا السلطان سليمان ؟
السؤال العاشر : هل توافق على توجه بعض شبابنا الداعى لإسقاط هذا النظام ثم بعد ذلك نفكر كيف نبنى دولة حديثة ؟ أم توافق على مقترح العم سلمان للوصول لسودان بلا أخوان من خلال ممارسة ديمقراطية حره نزيهه شفافه يشهد عليها كل العالم تفضى لدولة حديثة بلا تسلط ولا حكم إلا عبر صناديق الإنتخابات ، نظام يقرر إبعاد البشير الترابى المهدى الميرغنى وحرمانهم مدى الحياة من ممارسة العمل السياسى ؟

نتلقى إجاباتكم على البريد ألكترونى [email protected]
أو sms على الجوال
Mobile 00966508074847


تعليقات 15 | إهداء 0 | زيارات 3744

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#755107 [المهندس سلمان إسماعيل بخيت على]
0.00/5 (0 صوت)

08-29-2013 01:43 PM
حتى اليوم لم أتلقى أى إجابة على الأسئلة العشرة أعلاه
خلاص أنسوا كل شىء وأجيبوا فقط على
هل الأكل بصفة منتظمة مع اسرتك ضرورة . علل ؟
أنا بقول ضرورة ولو تلتقى الأسرة على وجبة الغداء أو العشاء فى صينية واحده لو كانت ميسورة الحال أو قدح مليان عصيدة بملاح روب أو قراصة بملاح نعيمية - بالمناسبة حميمية وتقارب أفراد الأسرة باياديهم فى صحن واحد ممكن تنتج لنا ابناء على خلق عال وعليكم الله لو كنتم بتأكلوا من صحن واحد عاينو شوفوا الاب والأم يبطأن فى حركة تناول الطعام عشان إنتو تشبعوا ولو كان بينكم صغير الأمم تؤكل الصغير لقمتين ثلاثة ثم الرابعة لفمها - ما أعظم الأم - ما أغظم الأم - ما أعظم الأم - ما أعظم الأب
منتظر ردودكم


#754424 [المهندس سلمان إسماعيل بخيت على]
0.00/5 (0 صوت)

08-28-2013 04:19 PM
لكل من لديه شك بأن سكان بلاد غرب السودان عرب جاءوا من جزيرة العرب يطلب من بنتنا إيناس محمد أحمد مقدمة برنامج العينة البكاية ويستمع برواقه وهدوء كامل لغناء أهلنا البقارة ولو عاوز تعرف الإنسان عربى أم غير عربى لاتنظر للون بشرته ولا لشعره أنظر لممارساته الإجتماعية وأستمع وشاهد فنونه ودقق النظر فى أنفه شفاه وفمه حتعرف إن كان عربى أم ر
ناس الغرب غناهم قريب جدا من السلم السباعى علشان كده عبد القادر سالم لمان خرج لأوربا لقى قبول
ناس القبائل النيلية غناهم على السلم الخماسى وأشبه بأغانى الأحباش والكوريين والصينين وعشان كده ليسوا بعرب وان ادعوا ذلك كنسبى للفضل بن عبد الله بن العباس الذى ثبت أن عقيم ومات بالطاعون ولم ينجب بلين
لمان قلت ناس الغرب من إصول عربية وناس النيل وشرق النيل من إصول نوبية واحد رد على قال لى انت شارب حاجه - ايوه شارب شاى بلبن لازم تحرجونا


#753891 [احمد البقاري]
0.00/5 (0 صوت)

08-28-2013 12:02 AM
أين التتاقض يا سيد سلمان في حديثي السابق واللاحق؟؟ أنا فقط اوضحت لك في مداخلتي الثانية ماهية مؤسسة الجلابة التاريخية المنحطة وتركيبتها وهيكلها الإداري كنظام عنصري كامل الدسم، له جيش وشرطة وجهاز أمن وسلطة قضائية ونظام مالي واقتصادي وبنوك ووزارة خارجية وسلك دبلوماسي وسفارات وسفراء، والذي يسيطر على مفاصله بصورة شبه حصرية أبناء أقلية الجلابة من القبائل الثلاثة (جعليين، شايقية ودناقلة)، مثله مثل نظام الفصل العنصري البائد في جنوب أفريفيا سابقا. ما ذكرته في مداخلتي الثانية وهو تكلمة لشرح خلفية تسميتنا "مؤسسة الجلابة التاريخية" ونظام حكمها المعروف بـ نظام الفصل العنصري لأقلية الجلابة الحاكم في السودان(جغماس 1956 وحتى تاريخه)
Jallabah Minority Governing Apartheid System (Jagmas 1956 – Up to date)، لأستغرابي من مداخلتك السابفة والتي ذكرت فيها بأنك بتتفق معي 100% مع اختلافك الطفيف بشأن التسمية (الجلابة)، وها أنا أتوسع لك في الشرح لطبيعة التسمية والهيكل الإداري والتنظيمي لمؤسسة الجلابة التاريخية المنحطة.

أمل أن أكون فد أوضحت ما ألتبس عليك

احمد البقاري


ردود على احمد البقاري
United States [المهندس سلمان إسماعيل بخيت على] 08-28-2013 03:36 PM
الأستاذ أحمد البقارى تحية طيبة وبعد
عبد الرحمن المهدى من غرب السودان لأمه وشمال السودان لآبيه
إسماعيل الأزهرى من كردفان
سوار الدهب من كردفان
عبد الله بك خليل من دارفور
الصادق المهدى غرباوى جنوبى دنقلاوى
أرجو أن تحصر لى عدد أولاد كردفان ودارفور اللى عملوا فى الصفوف الأولى مع حكومة الأزهرى الأولى ، حكومة عبد الله بك خليل ، حكومة عبود ، حكومة سرالختم الخليفة الإنتقالية ، حكومة أزهرى المحجوب بعد إكتوبر ، حكومة أزهرى الصادق الأولى ، حكومة نميرى 16 سنة ، حكومة سوار الدهب الإنتقالية بعد الإنتفاضة ، حكومة الصادق 2 بعد الإنتفاضة وحكومة البشير 24
ستجد أن حصة أبناء ولايتى كردفان الكبرى ودارفور الكبرى فى عدد الرؤساء والوزراء وشاغلى المناصب الدستورية العليا تزيد عن 70% بينما لو رجعنا لعدد سكان هاتين الولايتين مقارنة ببقية الولايات الشمالية ، نهر النيل ، الخرطوم ، الجزيرة ، القضارف ، كسلا ، النيل الأزرق ، سنار والبحر الأحمر ستجد أن من حكم السودان فعلا ليس أبناء الجلابة المنحطين كما نعتنا بل هم أبناء الغرب الأماجد ولن أقول المنحطين لأن أعز مالدى من أصدقاء فى هذه الدنيا الفانية هم من أبناء الغرب لك أن تتصل بهم المهندس ابو القاسم أحمد ابو القاسم وأمه الميرم صفية بنت السلطان على دينار وصديقى زعيم الزغاوة المهندس أدم الطاهر حمدون وصديقى مولانا بارود صندل رجب وهو من خيرة أبناء الزغاوة ومثقفيها
بيننا مودة ومحبة ولم ينعتنى أحدهم بعبارة جلابى منحط
لو كان البشير رئيس جمهوريةالحالى وبالمناسبة هو بديرى دهمشى والبديرية محسوب على ولايات غرب السودان وأظنك تعلم ذلك ، ومن قبله حكم جعفر النميرى دنقلاوى ، وشارك على عثمان كنائب وهو شايقى
فمن هورئيس البرلمان الحالى ؟ من هو نائب البشير ؟ من هورئيس مجلس الولايات ؟ من أين جاء وزير العدل ؟
فى شىء مايفوت عليك ياأحمد - فى ولايات الغرب كردفان ودارفور بيوت كبيرة من أصول شايقية رباطابية ودنقلاوية فماذا ستفعل بهؤلاء ؟ هل ستنفيهم - عندنا بيوت كبيرة من بيوت الرباطاب رحلها الأتراك فى بداية حكمهم ووزعوهم على مناطق سودانية ليعملوا كعمد حين وجدوا فى الرباطاب فصاحة ولباغة وحنكة حين كانت بقية بلاد السودان لاتجيد حتى فن المخاطبة - فرحل ال المبشر ليكونوا عمد بجنوب النيل الأزرق ورحل عمد لمناطق أخرى منهم جد هاشم العمدة لاعب المريخ وجدهكان عمدة برى ولو ناس برى كانوا لايجيدون الكلام فماذا تتوقع فى مناطق اخرى
قابلنى ضابط بالقوات المسلحة نوباوى وعندما عرف انى رباطابى قال لى أن جده رباطابى جيء به ليكون عمد بالجبال ومازال رباطاب النووبة موجودين
الغرب ليس حكر لكم فنحن شركاء فيه بحق العمل كعمد وتجار وحق المصاهرة
سوف أجتهد ما أمكننى ذلك فى إعداد قوائم بكل من ساهموا فى حكم السودان
وسنضع نسبة مئوية لسكان كل ولاية من ولايات السودان
عدد سكان دارفور الكبرى بنهاية العام 2012م = النسبة المئوية لسكان الولاية من إجمالى السكان=
عدد سكان كردفان الكبرى بنهاية العام 2012م = النسبة المئوية لسكان الولاية من إجمالى السكان=
عدد سكان ولاية الخرطوم بنهاية العام 2012م = النسبة المئوية لسكان الولاية من إجمالى السكان=
عدد سكان الولاية الشمالية بنهاية العام 2012م = النسبة المئوية لسكان الولاية من إجمالى السكان=
عدد سكان دولاية نهر النيل بنهاية العام 2012م = النسبة المئوية لسكان الولاية من إجمالى السكان=
عدد سكان ولاية بورتسودان بنهاية العام 2012م = النسبة المئوية لسكان الولاية من إجمالى السكان =
عدد سكان ولاية كسلا بنهاية العام 2012م = النسبة المئوية لسكان الولاية من إجمالى السكان=

عدد أبناء ولاية القضارف شمال وجنوب الذى شغلوا مناصب دستورية عليا بدرجة وزير ومافوق ؟
عدد أبناء باقى الولايات الذى شغلوا مناصب دستورية عليا بدرجة وزير ومافوق ؟
حاول كمل البيانات أعلاه وستجد


( إنت عارف أبناء جبال النوبة وغرب السودان الذين يعيشون بباقى الولايات أكثر من سكان ولايتى دارفور وكردفان حاليا ) فهل ستخرجهم من بلاد الجلابة المنحطين وتعيدهم لدارفور أم تترك يعيشون مع المنحطين - بقدر ماحاولت أن تجمل نفسك وتظهرها فى ثوب الشاب المثقف إلا أن اشياء قبيحه فى دواخلك تغلبت على جانب الخير فيك - أنزع هذا المرض من دواخلك وفكر بإيجابية وأنت تكتب أرفع رأسك لأعلى فوق السحاب لتنزل مطر الحب على قلبك ولا تنكسر وتخرج روائح كريهه كالجلابة المنحطين وحددتها(جعليين، شايقية ودناقلة)ولم تضمن الرباطاب المناصير الميرفاب الإنقرياب العمراب الجموعية الحسانية البطاحين المحس السكوت الحلفاويين وعشرات القبائل
ومازلت تصر على الجلابة المنحطين


#753640 [احمد البقاري]
5.00/5 (1 صوت)

08-27-2013 04:31 PM
سلمان إسماعيل علي بخيت، تحياتي مرة أخرى واشكرك على التعقيب وبعد ،،،

عندما نتحدث عن "مؤسسة الجلابة التاريخية المنحطة"، فأننا نتحدث بالضرورة عن هيكل تنظيمي متكامل. عندما نتحدث عن مؤسسة الجلابة التاريخية، فنحن نقصد الخلل التاريخي في هيكل وتركيبة شاغلي مراكز القرار في مؤسسات الدولة السودانية منذ تكوينها الحديث في الأول من يناير 1956 م، ونخص بالذكر مراكز القيادة والتحكم في المؤسسات الأمنية (الجيش، الشرطة وجهاز الأمن) وكذلك السلطة القضائية المنوطة بإقامة العدل والفصل في خصومات المواطنيين العاديين بالإضافة للمؤسسات الإعلامية (الإذاعات، الفضائيات والصحف السيارة)، هذا المؤسسات التي تهمني كمواطن بسيط وغير متطلع لتولي منصب سياسي، ظلت وما زالت محتكرة بصورة شبه حصرية ومنذ 1956 م لأبناء أقلية الجلابة من القبائل الثلاثة (الجعليين، الشايقية والدناقلة)، وهم الذين لا تتجاوز نسبة ثمثيلهم 5-7% من جملة سكان السودان.

هذه المناصب المتمثلة في رئيس هيئة أركان الجيش ونوابه ومساعديه، قادة المناطق والألوية والوحدات والأسلحة والقطاعات العسكرية، مدير عام الشرطة ونوابه، مدراء القطاعات والوحدات، مدراء شرطة الولايات ومساعديهم، مدراء شرطة المحافظات، بالإضافة لمتوسطي وصغار الرتب من الضباط، إلى جانب قضاة الدرجات العليا (الأولى والثانية) وكبار المستشاريين وقضاة المحكمة الدستورية العليا ووكلاء النيابات والمحققين. كل هذه المناصب المذكورة بعالية ظلت وما زالت محتكرة بصورة شبه حصرية لأبناء أقلية الجلابة من القبائل الثلاثة، والتي ظللنا وسنظل ننادي بإعادة هيكلتها، لأننا ببساطة تأذينا منها ومن خلال تجارب مريرة ومروعة لم نعد نثق مطلقاً في أي ضباط جعلي، شايقي أو دنقلاي ومن أولئك الذين ترسلهم الدولة لإدارة مناطقنا (قرانا ومدننا). فقد ثبت إلينا بما لا يدع مجلاً للشك بأن هؤلاء الضباط هم يقومون بالتخطيط وتمويل الحروب بين أبناء قبائلنا ومد أطرافها بأسلحة الفتاكة والمدمرة، وكل ذلك في أطار سياسة فرق تسد التي تنتهجها مؤسسة الجلابة التاريخية المنحطة الحاكمة منذ 1956 م.

لذلك تظل دعوتنا لجميع أبناء الهامش السوداني في جميع مناطقهم شرقاً، غرباً، جنوباً أو في أقاصي الشمال (كوش)، سوى كانوا من الثوار في الجبهة الثورية أو أولئك الذين يعملون كعملاء ومرتزقة لدى مؤسسة الجلابة التاريخية المنحطة عدم الخوض في أتفاقيات الترقيع لمؤسسة الجلابة التي أثبتت فشلها جميعاً بدأ من المائدة المستديرة، أديس ابابا، نيفاشا، أبوجا والدوحة .. ألخ من أتفاقيات الترقيع. وأننا نطالب بأن أي أتفاقيات قادمة يجب أن تخاطب جذور الأزمة السياسية المزمنة منذ 1956 وضرورة تفكيك مؤسسة الجلابة التاريخية واحزابها الطفيلية وإعادة هيكلة مؤسساتها الأمنية (الجيش، الشرطة وجهاز الأمن) بالإضافة السلطة القضائية ومؤسساتها الإعلامية كشرط وحيد وحصري لتوقيع أتفاقيات سلام مع النظام الحكم القائم.


احمد البقاري


ردود على احمد البقاري
United States [المهندس سلمان إسماعيل بخيت على] 08-27-2013 08:10 PM
أخى وقد تكون إبنى أحمد البقارى
جاء فى تعليقك السابق
ندما وصفنا" مؤسسة الجلابة التاريخية" بالمنحطة وأحزابها الطفيلية (الأمة، الاتحادي، الشيوعي والمؤتمر الوثني) بالمعطونة في الأنحطاط ومؤسسيها (علي الميرغني، يوسف الهندي، عبد المنعم أبو العلاء وعبد الرحمن المهدي) وقادتها السابقين والحالين (حسن بشير نصر، عبد الله بيك خلال، محمد أحمد المحجوب، جعفر النميري، محمد حسن سوار الدهب، الصادق المهدي، محمد عثمان الميرغني، محمد إبراهيم نقد، عمر الشير، نافع علي نافع وعلي عثمان طه)

ثم جاء تعليقك الذى يليه
عندما نتحدث عن "مؤسسة الجلابة التاريخية المنحطة"، فأننا نتحدث بالضرورة عن هيكل تنظيمي متكامل. عندما نتحدث عن مؤسسة الجلابة التاريخية، فنحن نقصد الخلل التاريخي في هيكل وتركيبة شاغلي مراكز القرار في مؤسسات الدولة السودانية منذ تكوينها الحديث في الأول من يناير 1956 م، ونخص بالذكر مراكز القيادة والتحكم في المؤسسات الأمنية (الجيش، الشرطة وجهاز الأمن) وكذلك السلطة القضائية المنوطة بإقامة العدل والفصل في خصومات المواطنيين العاديين بالإضافة للمؤسسات الإعلامية (الإذاعات، الفضائيات والصحف السيارة)، هذا المؤسسات التي تهمني كمواطن بسيط وغير متطلع لتولي منصب سياسي، ظلت وما زالت محتكرة بصورة شبه حصرية ومنذ 1956 م لأبناء أقلية الجلابة من القبائل الثلاثة (الجعليين، الشايقية والدناقلة)، وهم الذين لا تتجاوز نسبة ثمثيلهم 5-7% من جملة سكان السودان.

تعرف مشكلة شباب السودان زى شباب مصر ليس له فكر موحد تجاه قضية بعينها عشان كده شباب مصر لمان قام بثورة 25 يناير سرقها منهم الكيزان ووصل مرسى وجماعته
ولمان قاموا بثورة 30 يونيو 2013م سرقها منهم قادة الجيش أو فالنقل سرقها منهم الحرس القديم وبالمناسبة لمن لايعرف السيسى متزوج من بنت أخت سوزان مبارك - الرجل جاب ناس من الصفوف الخلفية أمثال عدلى منصور والبلباوى عشان كده صدم دكتور البرادعى اللى كان بيظن أن خيوط اللعبة ستكون فى يد الشباب وهو ممثل للشباب سيأتى فى مقدمة الركب وهو من يرتب مستقبل مصر والبرادعى هو من حرك امريكا والغرب ضد الثورة حين وجد أن الشباب لاحول لهم ولا قوة

مافيش شباب بيحكم بلد وأدينى دولة واحدة فى العالم يحكمها شباب
عارف ليه
اقرأ ماكتبه أحمد البقارى فى الجزء الأول أعلاه
ثم أقرأ ماكتبه أحمد البقارى فى الجزؤ الثانى أسفله
حتعرف السبب

أنا يا سيد أحمد متأكد أن شخص فى شبابك وحيويتك دى لو كان ممثلنا فى الأمم المتحدة وهو داخل لقاعة الإجتماعات وقابله رئيس أسرائيل نتياهو ومدً ليهو يده عشان يصافحه - أكيد حتبزق فى وجه بينما الصواب أن تفعل واحدة من إثنين
تعمل نفسك ماشايفه وتسارع خطواتك بعيد عن
أو تصافحه ودى مافيها حاجة خاصة إذا علمنا أن عباس وجماعته مش بيسلموا عليهم باليد ديل بتعانقوا ويضحكوا
ودى مشكلة السودان
لو إنتخبتونى رئيس لكم فى الإنتخابات المش جايه دى حأعمل ليكم تمثيل دبلوماسى كامل مع إسرائيل وأحل ليكم جميع مشاكل السودان


#753497 [الجمكسين قاتل الصراصير]
5.00/5 (1 صوت)

08-27-2013 02:10 PM
والله يا عمنا إنت كاتب وهمي بصورة تتعدى الخيال..!!! وتستاهل الردم الرادمينه ليك المعلقين الحسي والجيت تشكي منهم في كتابتك السابقة ديل..!!!

يعني تكتب مقال ضارب، يقوموا الناس يردوا ليك .. تقوم تعمل مقال تاني أضرب منه وأطول من يوم السبت (زمنكم) عبارة عن ردود للناس الردوا ليك .. بعداك الناس يردوا ليك هنا .. وهكذا..!! لمن زيت الراكوبة دي يتعصر كلو يعدم الحبة..!!

بتضحك في جهل الشباب علي سجم رمادك؟ يعني الشباب الحسي لو غلطوا فغلطهم مبرر للظروف المارين بيها والنظام التعليي الضارب وغيره، لكن إنت ده القريت زمن القراية قراية وبقروش الحكومة - وكنت بتجي الأول زي كل الأبهات كانوا بيجوا الأوائل، مبررك شنو لي جهلك ده؟ بتضحك على ضعف المقدرات اللغوية للشباب، وإنت عنوان (طراشك) الكاتبه ده: (ياجماعة الشباب بتوع اليومين دي شاربية"حاجه") .. حاجة بيكتبوها كده يا مصحح الغلطاوي؟ بيكتبوها بالتاء المربوطة يا عمك مش بالهاء. وللعلم فحرف الهاء بعيييييد عن حرف التاء المربوطة عشان ما تجي تعمل فيها غلطة طباعة!

أما بخصوص جهلك بالتاريخ، والوهمة العروبية الراكبة راسك دي فلا يوجد وصف أبلغ من كونها (تجليط تاريخي) لا أكثر! غرب سودان منو العربي ده يا عمك؟ العرب ديل ناس قاعدين بين البحر الأحمر والخليج العربي .. أي زول موجود بي جاي للبحر الأحمر أصلو ما يتسلبط في العروبة. هي أساساً شِن طعمها العروبة الساكينها لامن رجلينكم حِفت دي؟

ومصطلح "جلابة" ده حسي عبارة عن مصطلح سياسي إقتصادي ومتعارف عليه بالنسبة للناس المتعلمين، وبالنسبة للبسطاء فهو سيد الركشة البيودوا ليه "التوريدة"! وعليه وصفك للجلابة الفوق ده لا لامي عنب المثقفين ولا تمر الناس البسطاء.. وفوق هذا وذاك، فاكيها في رقبتك وعامل فيها أبو العريف وبتستهزأ بأي زول رد عليك قبل كده!

خلاصته، غايتو (الشاب) العلمك تستعمل الإنترنت والطباعة في الكمبيوتر ده الله يسامحه، ما كسب فينا خير .. وهو زاااتو تلقاهو سافي قندراني تراب من الندم..!!


ردود على الجمكسين قاتل الصراصير
United States [المهندس سلمان إسماعيل بخيت على] 08-27-2013 04:46 PM
كده يا بتاع الجمكسين وياقاتل الصراصير خش على الأسئلة دى وورينا إجابة السؤالين الرابع والخامس بس
السؤال الرابع : الخطوات اللازمة لعمل إعلان تجارى ناجح لأى منتج ؟
السؤال الخامس : هل الأكل بصفة منتظمة مع اسرتك ضرورة . علل ؟

نحن حين درسنا الكمبيوتر على الكوبول ودرسنا THE CHOLESKY METHOD الكمبيوتر المتعارف عليه حاليا لم يكن قد دخل السودان وكان هنالك كمبيوتر واحد فى السودان مملوك للهيئة القومية للكهرباء عندما ظهرت الحواسيب 385 و486 إشتريت حاسوب وكان تمنه 5 مليون ومافيش مايعرف الأن بـ MS OFFICE كنا ندخل بالدوس ونكتب WIN ثم ENTER وأنا بفتخر أن من درسنى مادة الحاسوب هو دكتور آدم بابكر وهو عالم ومن أبناء الغرب الأفذاذ ويخيل لى أنه مايزال فى كلية الهندسة جامعة الخرطوم كلية المساحة وطورت نفسى وتعلمت الـGIS والأن خبير إستشارى فى نظم المعلومات الجغرافية وخبير فى رسم الخطط الإستراتيجية طويلة المدى ، فلا تحقرن أحد قد يكون أعلم منك وتقول ليهو الشاب العلمك فأنا علمت أجيال من الشباب ومازلت والحمد لله
خلى الفصاحة وعشان تثبت انك مش جاهل خش على السؤال الثالث دا
السؤال الأول : ماهى أنماط الذاكرة وماهو الفرق بين الإنسان والحيوان من الناحية السايكولوجية ؟
عشان نعرف الفرق بينك وبين الحيوان شنو من وجهة نظرك أنت والفصاحة بدون فهم بتزل صاحبها


#753472 [حاج محمد]
0.00/5 (0 صوت)

08-27-2013 01:47 PM
المهندس سلمان مقالاتك لاتخلوامن تمجيد النفس عرفنا انك ابن اشجع رباطابي (عنتر القبيلة مثلا !) واب انجح الأبناء منهم من يجضر للماجستير في هولانده منحة من اليونيسكو مش ذي طالبو اللجووكنت الاول ‏..‏!اخي ما بتخاف العين ‏،‏ وده ‏ كله ‏ يهم القأري بشنو ‏.‏ وبعدين اللأسئلة الوضعتها ما هي الا ادعاء الثقافة أكثر من اللازم كما قال اخد المعلقين قليل من التواضع لانه شيمة العلماء ‏.‏ وبرنامجك لأنقاذ السودان انا قايله مزحة شايفك مصر عليه ‏.‏ واقولك كل من يردد مزاعم الاعلام المصري هو ساذج والسلام ‏.


ردود على حاج محمد
United States [المهندس سلمان إسماعيل بخيت على] 08-27-2013 04:47 PM
يا حاج محمد خش على الأسئلة وخلى الفصاحة عشان منك نستفيد


#753413 [ضحكتني لامن كشحت الشاي]
0.00/5 (0 صوت)

08-27-2013 12:49 PM
وشباب الايام دى لايعرف أن كل أهل دارفور وكردفان من أصول عربية ومازالت متمسكة بتلك التقاليد وأن علاقتها بالسودان لم تتجاوز 3 الى 5 ألف سنة ، وأن سكان حوض النيل برافديه الأبيض والأزرق قبائل نوبية سكنت هذه المنطقة منذ مايزيد عن 35 ألف سنة لساقية يسكنها أجدادى وآبائى منذ مايزيد عن 35 ألف سنة ياخي انت الشارب حاجة وكمان تستهتر بالشباب والله الزيكم ديل والحكومات المرت والناس الكرهونا ناس الزمن الجميل ويا حليل زمان ياخي انتو كلكم قريتو علي حساب اجدادنا والشباب الانت تتكلم عنهم ديل والله لو انتو عايشين نفس المعاناة الهم عايشنو داكان مافي حاجة اسمها السودان الانقاذ كرهتنا وانتو ما عندكم شماعة الا الشباب ديل مرات ياخي ديل ما شباب ومرات ديل ما عندهم فائدة وكرهتونا ب نحن زمن كنا في عمركم والله قريت لمئات البشر والصحفيين ما لقيت لي ناس في العالم بقللو من شان شبابهم الا السودانيين ياخي ارحمونا انت بعدين ماتقوم وتقعد في الشباب ما كلهم كدا والله البعض منهم افهم منك ومن الجماعة البحكمو البلد دي اقسم بالله لو الشباب ديل حكموا والله يحكموا ليك البلد احسن من ديل ياخي بلد حاكموا البشير وانت جاي تقول لي شباب طيب لو ابيتو لو رضيتو مستقبل البلد دي في يد الشباب ديل يورثوا من الاجيال الفاتت كل المشكلات ياخي مشكلتنا في السودان كل جيل بخلي القضية معلقة في رقبة الجيل الجاي ياخي انتو اتعلمتوا احسن تعليم طيب مالكم سكتو لامن القراية باظت والجامعات وقعت من سنة 89 والزمن داك الشباب ديل كلهم شفع ووحدين ما مولودين ماكان تنادوا بحقوق الجيل الجاي ياخي كرهتونا باستفزازاتكم دي انتم وناس الانقاذ الحرامية ديل


#753356 [احمد البقاري]
5.00/5 (1 صوت)

08-27-2013 11:58 AM
الأخ الكريم/ سليمان إسماعيل بخيت علي، بعد التحية والسلام عليكم ورحمة الله وبركاته وبعد،،،

عندما وصفنا" مؤسسة الجلابة التاريخية" بالمنحطة وأحزابها الطفيلية (الأمة، الاتحادي، الشيوعي والمؤتمر الوثني) بالمعطونة في الأنحطاط ومؤسسيها (علي الميرغني، يوسف الهندي، عبد المنعم أبو العلاء وعبد الرحمن المهدي) وقادتها السابقين والحالين (حسن بشير نصر، عبد الله بيك خلال، محمد أحمد المحجوب، جعفر النميري، محمد حسن سوار الدهب، الصادق المهدي، محمد عثمان الميرغني، محمد إبراهيم نقد، عمر الشير، نافع علي نافع وعلي عثمان طه) بالأكثر أنحطاط في تاريخ الأنسانية، كنا نعني تماما ذلك الوصف. وصفي لهذه المؤسسة بالأنحطاط وهو وصف للفكرة وللشخوص المؤسسبن والذين واصلوا في سياستهم وعقليتهم المجرمةوطريقة تفكيرهم الإقصائية، هو وصف لفعل جبان وخسيس أورث بلادنا وأمتنا الفرقة والشتات والعنصرية والقبيلية والجهوية، وأقعدت ببلادنا وأمتنا عن ركب التنمية والأذدهار والتقدم كسائر شعوب الأرض الأخرى التي نالت أستقلالها في وقت متزامن مع أستقلالنا، ومنها الهند على سبيل المثال لا الحصر.

يتجلى أنحطاط مؤسسة الجلابة التاريخية الحقيرة والوضيعة في نتاج صنيعها خلال نصف قرن من حكمها وسيطرتها على بلادنا مقارنة مع دولة مثل الهند كانت مستعمرة من نفس أنجلترا التي أستعمرت بلادنا، بل أن غردون باشا كان حاكما مشتركاً بين الهند وبلادنا، التي نالت أستقلالها في وقت متزامن مع الهند. عطفاً على التشابه بين السودان والهند من حيث رقعة المساحة، المناخ، مستوى الأمطار وجريان الأنهار والموارد الطبيعية، بالإضافة للتنوع الأثني والعرقي والثقافي والديني.

ستدرك أنحطاط مؤسسة الجلابة التاريخية التي حكمت بلادنالأكثر من نصف قرن، عندما تنظر لوضع الحالي للسودان مقارنة مع حال الهند بعد نصف قرن من أستقلال كلا من البلدين. فبينما دشنت دولةالهند في هذا الشهر (أغسطس) أول حاملة طائرات من صنعها وبتمويل يفوق الخمسة مليارات دولار وبالتالي أصبحت عمليا خامسة دولة في العالم في صناعة السفن (حاملات الطائرات)، في نفس هذا الشهر (أغسطس) قام المسئولين الجلابة بتدشين مراكز أبحاث الطوب (اللبن والحراري والمضغوط) المقاوم للذوبان بواسطة الغمر بمياه الأمطار ... فقط عليك أن تنظر للهوة السحيقة بين الهند وبلادنا السودان لتقيس بنفسك مدى الأنحطاط حسب درجات رختر.

لذلك عزيزي تجديني مصراً على وصف هذه المؤسسة الحقيرة والوضيعة ومؤسسيها وقادتها باقذع النعوت وأوصاف التحقير والتتفيه، جراء ما أقترفته من قتل وسحل وسفك دماء الأبرياء من ابناء الوطن السوداني بدءاً من مذبحة عنبر جودة في 20 فبراير 1956 م وعلى بعد 50 يوماً من تاريخ خروج المستعمر ، مرور بأكثر من 2.5 مليون من ابناء جنوبنا الحبيب وانتهاءاً بدارفور وجبال النوبة والنيل الأزرق وكجبار الذين ما زالت أرواحهم تزهق ودماء الطاهرة تهدر بآلة هذه المؤسسة المجرمة حتى لحظة كتابة سطورنا هذه، وتدمير مدننا وحرق قرنا وتدمير مزارعنا بالآلة العسكرية لهذه المؤسسة الحقيرة والوضيعة. ولذلك عزيزي تجدينا أكثر أصرار من أي وقتا مضى بضرورة تفكيك هذه المؤسسة وإعادة هيكلة مؤسسات الأمنية وسلطتها القضائية المنحازة وآلتها الإعلامية الدعائية الصفراء.

احمد البقاري


ردود على احمد البقاري
United States [Abdu] 08-29-2013 07:42 AM
المنحط تفكيرك وعنصريتك وشعورك بالدونية ربما تريد العودة بنا مرة أخرى لدولة البقارة الاكثر انحطاطا فى تاريخ شعوب الدنيا والتى اذاقت السودان الامريين من قتل ونهب بل وصلوا فى انحطاطهم الى لحس عجين النسوان وجعل الاطفال مرمى يقذفونه عاليا ويبقرون بطنه برماحهم, خرج الاتراك من السودان وبه 8 مليون نسمة وعادالانقليز والسودان به أقل من مليون نسمة ومن شدة ظلمهم قال الحاردلو وهو من مشايخ البطانة كان المهدى داك ولدا قدل فوق عزة ** حد ود البصير دخلنا فى .... وزة وقال ناسا قباح من البقارة جونا * أولاد ناس عزاز زى الكلاب سوونا* يا يابا النقز يا الانقليز ألفونا والثقافة الشعبية ذاخرة بمثل هذا. وانت بكتاباتك المنحطة انما تؤجج هذه النيران التى كادت تخبو ثم من أعطاك الحق فى أن تتحث باسم السودان ومن المعلوم ان البقارة أتو للسودان منذ مائتى سنة فقط وأسئل فى ذلك سلفا كير ينبيك
وان عدتم عدنا

[المهندس سلمان إسماعيل بخيت على] 08-27-2013 02:56 PM
يا أستاذ أحمد أنا وأنت متفقين بنسبة 100% ولكن نختلف فى الإسلوب
لو قريت حلمى بروية ستجدنى أحيل كل مآسى هذا البلد للحاكم وأبرىء المحكوم
الخطأ الكبير الذى إقترفته أنت نعتك للحكام بالجلابة
إنت داير ودالمهدى أم ود الميرغنى أم ود الهندى يجلبوا سكر وشاى
ديل بيأخوا لا يعطوا ولا علاقة لهم بالجلابة
منطقة غرب السودان منطقة غنية بخيراتها كانت ومازالت
الولاية الشمالية شريحة أرض ضيقة مع مجرى النيل بها كثافة سكانية عالية مما أدى لضيق شديد وفقر ولك ان تتخيل ان والدى انجب 17 من ولد لبنت 16 منهم هجروا المنطقة وتوزعنا فى مدن السودان الأخرى والبعض بدول الخليج - لذا كان بعض سكان الولاية الشمالية واقصد بها نهر النيل والشمالية الحالية يهاجرون ويعملون بالتجارة والتصق بهم لقب الجلابة ووردوا فى شعر الحكامات وكان نظار قبائل الغرب يكرمونهم ويؤمنون حركة سيرهم وبعض اهلنا الجلابة تصاهروا مع قبائل الغرب فعمنا القاضى احمد عبد الله عمل قاضيا بدارفور وتزوج احد بنات الزغاوة وأنجب منها البروفسير عبد الرحمن احمد عبد الله وزير الخدمة والإصلاح الإدارى فى حكومة نميرى والرباطابى والزغاوى من أذكى قبائل السودان عشان كده جينات رباطابى مع زغاوية انجبت عالم فى قامة البروفسير عبد الرحمن
بالمناسبة عبد الله بك خليل حفيد السلطان على دينار ومصر بإعلامها هى من شوه صورة هؤلاء القادة لمواقف لا تتماشى مع رغبة مصر

فى واحد إسمه محسي كتب معلقا وقال لى :
انتا حتغير التاريخ علي مزاجك. الجلابة عملوا في تجارة الرقيق من قديم الزمن, واتفاقية البقط هي اكبر دليل . دي اول مرة اقرا ليك و شكلك كدة انك بتكتب لمصلحة الكيزان..
عاوز أقدم مرافعة أمامكم أبرىء فيها كل أهل أفريقيا من تجارة الرقيق
عودوا بالذاكرة لفيلم الكاتب الأمريكى ألكس هالى الجذور ROOTS لو تذكرون لحظة القبض على كنتاكنتى الأبيض كان يحمل السلاح والكرباج والسود يحملون سلاسل وأغلال ويطاردون سود - هؤلاء السودان شاركوا فى حملة جمع الرقيق ولكن هم يقعون ايضا تحت تصنيف الرقيق ومافعله أناس سودانيون فى المشاركة فى تجارة الرقيق لم يكن من موقع السيد والعبد ولكنه العبد الذى يأتمر بأمر الأبيض المستعمر وبقدرة قادر تحول الكره من السودانى للسودانى مع وتقدير من بعض السودانيين للبيض حتى ان البعض ينتظر وصولهم لتخليصه من بنى جلدته
محسي هبشنى فى نقطة حساسة وهى إتفاقية البقط
ولمحسي اقول أن تاجر الرقيق كان أجنبى وهم حكام مصر ونحن حين كنا ننادى بالإستقلال التام عنمصر لم تكن هذه الممارسات غائبة عن ذهننا والرقيق كانوا من أهلك الدناقلة والمحس ولم يكونوا من غرب السودان وهؤلاء العبيد بمرور السنوات كونوا شعب النوبة المصرية ومن جاءوا من مناطق حلفا والسكوت والمحس والدناقلة بعد الحرية عملوا بواببن وكانوا على مقربة من جامعة القاهرة والأزهر وشاهدوا عظمة العلم والتعليم - عملوا بوابين لشجاعتهم فلايمكن أن تأتى ببواب ليحرسك ويكون جبان - وعلموا أبنائهم ومع أول حكومة وطنية سودانية بعد الإستقلال كان مايزيد عن 8 وزراء من هذه الجزء الحبيب من شمال السودان وجنوب مصر
معاهدة البقط هي معاهدة بين مملكة المقرة وحكام مصر المسلمين، استمرت نحو سبعمائة سنة، لذا تعتبر من أطول المعاهدات في التاريخ.
عقدت المعاهدة عام 651 يعنى إنتهت 1300 ميلادية
في تلك السنة، قاد عبد الله بن أبي السرح جيشًا بإتجاه الجنوب ضد الممالك المسيحية في النوبة. بعد معركة دنقلا، أدرك ابن أبي السرح صعوبة الاستيلاء على هذه المنطقة. لذا عقد المعاهدة التي تم التفاوض عليها بين أبي سرح وملك المقرة "كالديرات".
كانت المعاهدة اتفاقا شفهيا وذات بنود واضحة وهي:
ألا يهاجم العرب النوبة وأن النوبيين لن يهاجموا مصر.
لمواطني البلدين حرية التجارة والسفر بين البلدين، ويحق لهم المرور بأمان من دولة لأخرى.
منع الهجرة والاستيطان لمواطني الدولتين في أراضي الدولة الأخرى.
تسلم كل دولة العبيد المارقين من الدولة الأخرى إليها.
النوبيين كانت مسؤولة عن الحفاظ على مسجد للزوار المسلمين والمقيمين.
المصريون ليسوا ملتزمين بحماية النوبيين من الهجمات من قبل أطراف ثالثة.
تقدم المقرة 360 عبدًا سنويًا إلى مصر. على أن يكون هؤلاء العبيد صحيحي الأبدان ليسوا من العجائز أو الأطفال، ويكونوا خليطًا من الذكور والإناث. يضاف عليهم 40 عبدًا توزع على وجهاء مصر.
تناول ابن عبد الحكم أحد المؤرخين الأوائل المعاهدة، وأورد نصين مختلفتين للمعاهدة. الأول يُلزم النوبة بإرسال العبيد، مما يرمز إلى التبعية لمصر، والثاني يضيف التزامًا من المصريين أيضًا بإرسال البضائع من القمح والعدس للمقرة، وهذا من شأنه أن يضع البلدين على قدم المساواة.
هذه المعاهدة لم يسبق له مثيل في تاريخ الفتوحات العربية، وهي تشبه تحالفات الإمبراطورية البيزنطية أحيانًا مع جيرانها. كما أنها أوقفت نشر الإسلام في هذه المنطقة لمدة 700 عام، مما تسبب في بعض الجدل بين علماء الدين الإسلامي حول ما إذا كانت تنتهك واجب الجهاد.
في عام 830، غرقت مصر في فتنة خلاف الأمين والمأمون، فامتنع الملك زكريا الثالث ملك المقرة عن دفع ما ألزمته به المعاهدة. وعندما خمدت الثورة، أرسل والي مصر إلى المقرة رسولاً مطالبًا استئناف المعاهدة، ودفع المتأخرات، وبسبب عدم قدرة زكريا على دفع ذلك مرة واحدة، أرسل ابنه ووريثه جيورجيوس في رحلة طويلة إلى بغداد عام 835، للتفاوض مباشرة مع الخليفة. حققت هذه الرحلة نجاحًا كبيرًا، وألغيت المتأخرات وتم تعديل المعاهدة بحيث لا تلتزم المقرة سوى بالدفع كل ثلاث سنوات.
كانت تلك المعاهدة من أوثق العلاقات خلال الحكم الفاطمي لمصر، حيث كان حلفاء الفاطميين الشيعة قلائل في العالم العربي، لذا أصبحت النوبة حليفًا هامًا لهم. كما شكّل العبيد المرسلين من النوبة العمود الفقري للجيش الفاطمي، ثم ساءت العلاقات أثناء حكم الأيوبيين، وانتهت تقريبًا في فترة حكم المماليك.
أخيرًا، انتهت المعاهدة في منتصف القرن الرابع عشر، مع الانهيار التام لمملكة المقرة.

يعنى نحن كسودانيين لم نكن تجار رقيق بل كنا نسترق من قبل مستعمر أجنبى
وأنا هنا لا أبرىء المصريين والعرب من تجارة الرقيق ولو رجعتم لمقالى فقد أثبت لكم أننا هذا النفر الذى يعيش على ضفتي نهر النيل من جنوبى الخرطوم الى جنوبي مصر لا علاقة لنا بالعرب ولكن لنا علاقة قوية بالإسلام ودائما أقول عنهم عرب مسلمون ونحن مسلمون عرب ، لأنهم كانوا عربا يتكلمون العربية وجاء الإسلام بلغتهم ودخلوه ، أما نحن نوبه ( عجم ) دخلنا الإسلام عجم وأصبح لساننا عربيا فصيحا بحسن إسلامنا
عاوز أتابع مرافعتى وأتطرق لمر هام : أنا من منطقة الرباطاب وكثيرا ما أسمع ابى وعشيرتى يتحدثون عن أنهم عرب مش كده وبس فقد حصلت على شجرة نسب مزورة صدقتها ونشرتها على مدونتى الخاصة والتى تحمل إسم رباطاب وسط فقلت

أنا سلمان إبن إسماعيل بخيت على أحمد أبو اضان الرباطابى العربى النوبى المسلم السنى المالكى ، جدى بخيت سمي ببخيت على إسم أحد عبيد أبيه على ود أبضان ، ليبارك الله فيه ويمد فى عمره لأن إخوته كانوا يموتون فى سن الرضاعة فيسمى المولود الحر بإسم أحد عبيد والده فى عصر العبودية الذى إنتهى بخروج المستعمر البريطانى ، ليس هذا فقط بل كان بعد أن يسمى بإسم عبده بحلق له كل شعره وتترك خصلة من الشعر فى منتصف الرأس لاتحلق طيلة حياته وتترك متدلية على كتفه مع تقديم قربان ذبيح فى إحدى مزارات الشيوخ توزع على الفقراء وهو عمل متوارث من ايام الجاهلية ويتنافى مع الشرع وقد إنتهت هذه الخرافات كما إنتهت العبودية والحمد لله للأبد ووالدى إسماعيل أمه حليمه بت ود أحمد الرجباوى ويلتقى نسب أمه حليمه مع أبيه بخيت فى جدهم ضياب بن سلطان بن أحمد بن عوض الله بن المك ضياب بن بدير بن صلاح وفى صلاح يلتقى كل الرباطاب الصالحاب ، فصلاح بن رباط بن حامد بن بشاره بن غانم بن حميدان بن صبح وصبح هو رباط الكبير ويكني بأبى مرخه وهنا يلتقى الرباطاب مع بقية القبائل العربية السودانية من ميرفاب وجعليين ، فابى مرخه بن مسمار بن سرار بن كروم بن ابى الديس بن قضاعة بن إدريس بن قيس بن يمن الخزرجى بن عدنان بن قصاص بن كرب بن هاطل بن ذى القلاع الحميرى نسبه لأمه لأنها من حمير ، بن سعد الأنصارى بن على بن الفضل بن عبد الله بن عباس بن عبد المطلب عم الحبيب المصطفى صلى الله عليه وسلم والى هنا تنتهى الأنساب

قدمت نسخة من نسبي هذا لإبنى الدكتور مدثر ليعرف نسبه ويحتفظ بها لأبناء ابناء أبنائه بإذن الله فقال لى يا أبى لقد قرأت أن الفضل بن عبد الله بن العباس لم تكن له ذرية وكان عقيما ، ومات بالطاعون ، ولم أصدق كلام إبنى حتى ظهر الدكتور عبد الله على إبراهيم الباحث فى التاريخ فى تحقيق كتاب نسب الجعليين البالغ لسيدنا عبد الله بن العباس لعبد الله الخبير، بالخرطوم 1981 وأثبت أن الجعليين والميرفاب والرباطاب ليس لهم أى نسب بالعرب أو بنى العباس أو بنى أمية وهذه القبائل إمتداد للنوبة القديمة


#753082 [ابو الخير]
0.00/5 (0 صوت)

08-27-2013 06:16 AM
مقالتك طويلة لدرجة ما قدرت اكملها
وبعدين مصالح شنو في السودان بلد الكتاحة والغبار والوسخ والملاريا وعيننا طلعت من اسطوانة الخيرات والموارد
اين هذه الموارد التي ذبحنا بها البشير وقبله النميري والصادق المهدي والميرغني
دي بلد نحس وما نافعة

شوفو لينا طريقة قسموها بس بدون ظلم كله واحد يشيل اللي بيطلع ليهو ان شاء الله شبر
خلونا نخلص من الكيزان وكذبهم
شوفو المصريين لم يستطيعو تحملهم لساعة وكذلك تونس وليبيا الغنية اصبحت بسببهم مأساة حقيقية
وشوفو سوريا ماذا يجري فيها الآن بسببهم
بالله فضوها سيرة


#753061 [ودالباشا]
5.00/5 (2 صوت)

08-27-2013 03:55 AM
ياالحادب الواحد نفسو انقطع بس طريقة اسلوبه تخليك تكمل المقال طويل ومتشعب المواضيع يعنى عشان الواحد يرد الا يكون شارب حاجة


#753059 [محمد المهتدي]
5.00/5 (2 صوت)

08-27-2013 03:40 AM
والله مادام الراكوبه جابتك عودنا فيها عود مره .... شنو القصه الطوييييييييله البايخه وماتخلو من تعريف عن نفسك وادعاء الثقافه اكثر من الازم .... الشريك لسه مافيها كهرباء اتكلم في الموضوع دا


#753051 [محسي]
5.00/5 (1 صوت)

08-27-2013 02:08 AM
انتا حتغير التاريخ علي مزاجك. الجلابة عملوا في تجارة الرقيق من قديم الزمن, واتفاقية البقط هي اكبر دليل.
دي اول مرة اقرا ليك و شكلك كدة انك بتكتب لمصلحة الكيزان..


#753030 [لتسالن]
0.00/5 (0 صوت)

08-27-2013 01:04 AM
عجيب أمر السيد (حلمان)، الذي جعل كل اهل الغرب من العربان، فعلي اهله المستعربين إن لم يفت الأوان، ان يستنجدوا (فكيا) من الغرب يحفظ القرآن، ليتدارك حال ابنهم سلمان، اذ ما يبدر منه لم يعد مجرد هذيان، أو لغو من لعبت به بنت الحان، و إن لم يترجح انه مس من الجان، فهو حال به يجب الا يستهان.


#753002 [حادب]
5.00/5 (1 صوت)

08-26-2013 11:32 PM
انا تاني لو داير اقرا ليك بقول : اللهم تدينا طولة العمر لغاية ما نكمّل المقال ده .. مغالطنّك؟


#752998 [المكوجي]
5.00/5 (1 صوت)

08-26-2013 11:27 PM
اجابة على سؤالك : لا ادري من اين جاءت عبارة وداهو امات طه فهاك الاجابة بس اوعك تقول لي شارب شاي بلبن ولّ بحرجل. هو في لبن ذاتو؟

كان طه طفلاً صغيراً، وُلد في إحدى المستشفيات، وسط مواليد كُثر في ذلك اليوم، وطه يختلف عن أقرانه بأنه كان أجمل طفل وُلد في هذه القرية، وكل الأطفال من حوله كانوا عاديين، وفي هذا المستشفى أى طفل يولد يوضع في غرفة بها جميع الأطفال الذين ولدوا في ذات اليوم، وكل منهم يُعطى رقماً محدداً موضحاً في الدفتر أنه ابن فلانة، كل الأطفال تم إعطائهم أرقامهم، إلاّ أن طه سقط سهواً.. لم يعط رقمه الخاص به!!.. وعند مرور الأطباء نهاية اليوم وجدوا طفلاً بلا رقم!! واحتاروا فيه، ابن من هذا؟!!.. ولتمييزه عن البقية أطلقوا عليه اسم (طه) مؤقتاً ريثما تحل المشكلة.
(2)
بدأوا رحلة البحث عن والدته، وبالمنطق بما أنه تبقى طفل واحد، لذا فالمرأة التي لم تسجل في الدفتر هي أمه، ولكن ما حدث هو أن كل امرأة في ذلك العنبر رأت طه أدعت أنه ابنها، وأنكرت تماماً أن المسجل في الدفتر يتبع لها، وأصرّت كل واحدة أن طه هذا ابن بطنها!! وهكذا صار لـ طه أمهات كُثُر!! واحتد النقاش بين (أمات طه) في العنبر، وتعالت الأصوات: - ده ولدي أنا .. لا لا ما ولدك !!..
وتطور الأمر فنهضن جميعهن من السراير ونسوا آلام الوضع، واشتبكن (النفساوات) في (شكلة ليها ضل)، وتطايرت (السفنجات والشباشب)، و(هاك يا لبع وزعميط شعر بين النسوان)، يتخلله بعض الخربيش بالاظافر والعض بالأسنان، تم استدعاء شرطة النجدة لتفض الاشتباك، ونُقل جميع (أمات طه) إلى قسم الشرطة، وأدخلن إلى الحراسة حتى ينظر في أمرهن، كل أهل الحلة عرفوا مشكلة (أمات طه)، وصاروا يتساءلون إذا كن كل هؤلاء النسوة هن (أمات طه)، فمن أنجب بقية الأطفال؟!!..
(3)
تصاعد الأمر، حتى عقدت لهن جلسة في المحكمة ليسمع القاضي أقوالهن، والذي حدث هو أن كل واحدة تمسكت بأن طه هو ابنها!.. وبما أنه في ذلك الزمان لم يظهر فحص فصائل الدم ولا البصمة الوراثية، لذا كان الأمر مشكلة حقيقية!.
في إحدى الجلسات في المحكمة نهضت واحدة من (أمات طه) وأبدت اقتراحاً للقاضي وقالت:
- (يا مولانا القاضي .. المشكلة دي أدينا ليها يوم واحد بس بنحلها برانا).
وبعد مشاورة الأخريات تم إجازة الطلب وأطلق سراح (أمات طه).
(4)
التي ألقت الاقتراح اجتمعت بهم وطرحت فكرة لتحل بها المشكلة نهائياً فقالت:
- (أنا عندي حل بريحنا كلنا).
أشاروا إليها بطرحه.
قالت:
- ( بما إنو كلنا مصلبطين في طه ده، وأي واحدة بتقول حقها رايكم شنو نشتري سفنجة من الدكان، ونقوم نمشى البحر الليلة العصر، ونجدع السفنجة بعيييد جوة البحر، ونعمل سباق أول واحدة بتلحق السفنجة يبقى طه حقها!!! أها رايكن شنو؟؟).
تلفتن أمات طه نحو بعضهن، وكل واحدة أدارت الفكرة في رأسها ووافقن على هذا الاقتراح، وعندما حان الميعاد شدوا الرحال إلى النيل ومعهن سفنجة مقاس حداشر، أمسكت واحدة من أمات طه بالسفنجة، وقذفتها بعيداً داخل النيل، ودخلن جميعهن الماء عوماً وراء السفنجة، كُن يقتربن والسفنجة تبتعد .. وتبتعد .. وهن يجاهدن للوصول، وفي هذه اللحظة سمع أهل الحلة بالحكاية وتدفقوا نحو النيل لردع هؤلاء المجنونات، وفي داخل النيل فجأة ظهر تمساح كبير .. إنفرد بكل واحدة على حده ... وأكلها!! نعم أكلها عديييل، وعندما حضر أهل الحلة وجدوا أن جميع (أمات طه) السبعة صرن في بطن التمساح.. ومن ديك أصبحن أمات طه مضرباً للأمثال


م. سلمان إسماعيل بخيت على
م. سلمان إسماعيل بخيت على

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة