ياحرام
08-27-2013 10:19 PM

ياحرام والله ديل ناس مساكين
كانوا تحت الأرض لمائة عام

بنقروا ظهروا كيف ومن وين؟
تسلطوا حكمونا ربع قرن تمام

لخبطوا جاطوا علينا دنيا ودين
كذب غش وخداع قالوا ده الإسلام

فصلوا وشردوا داسوا كرامة العاملين
مهزلة مسخرة ومضحكة سموها صالح عام

أججوا حرب جنوبية بإسم الدين
أضاعوا شباب فطائس بدون إلهام

ومزقوا شعب وأرض عزيزة بقت شعبين
متناطحين متنافرين وحدود ممتلئة بالألغام

ده حكم المتنطعين متفلقصين بالدين
حطموا الأقلام زوروا الأحكام ده والله حرام

وفي دارفور أبادوا الناس تقول ساردين
ولم تهتز لهم شعرة ولم يتبعوا أي نظام

أشاعوا الفوضى مرة القاهرة مرة في جدة مرة الصين
أضاعوا الوحدة وضعضعوا الإسلام

هدفهم هو التقسيم وتوزيع الغنيمة إتنين
باعوا أراضي والبترول والذهب أكوام

وفي مصر القريبة حاولوا الأمرين
فتم الطرد من شعب واعي
أول عام

سيلحق بهم في باقي الدول كوزين
كيزان تونس وفي السودان دخلوا في الأغمام

فهكذا كل معاركهم خاسرة في الحالتين
في السلطة أضاعوا دنيا ودين وخارجها أعوام


وهكذا تم طردهم وتعثرحكمهم عثرتين
وسيعيش الإخوان في التيه
ألف عام


وبعد الف عام ستعكس الآيات مرتين
سيظهر الحمقى بنفس الداء للأنام

بعد تدهور بلادالشرق والغرب كضرتين
وسيحكمون مصر ربع سنة
وفي السودان عام

أضاعوا الدنيا و الإسلام ،
يا حرام.. ياحرام ..ياحرام



عباس خضر
[email protected]


تعليقات 0 | إهداء 0 | زيارات 968

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عباس خضر
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة