المقالات
السياسة
رفع الدعم - يحرق قلبكم ودمكم ويفجر فيكم مستودع يهريكم هري المفرمة
رفع الدعم - يحرق قلبكم ودمكم ويفجر فيكم مستودع يهريكم هري المفرمة
09-08-2013 10:26 PM

رفع الدعم عن المحروقات
يحرق قلبكم ودمكم ويفجر فيكم مستودع يهريكم هري المفرمة

حكومة شغالة زي الحصان الاخرق المربوطة في اطراف عينو مظلة توجهه دون ان يعلم ما حوله ... ويقولوا شنو ... البنزين ما بيستعملوه الا الاغنياء .. ما انتوا يا الاغنياء راكبين عربات لاند كروزر وهمر بتمشي بالديزل ... !! بنزين يولع فيكم نارا تقول لي جهنم انتي شنو... كيف ما بيأثر ورونا يا ناس ما كل زيادة حتكون وراها زيادة تحرق قلب المساكين ... الله يحرق فيكم واحد واحد بي سيخ مولع يدخل راسكم ويمرق من تحت ويشيلوكم فوق (باربيكيو) ياكلكم دود ما بيشبع يخلى عضامكم ترابا ميت لابتنفع ولا بتضر.
مش حرام تعملوا مخازن تدسوا الاغاثة وتبيعوها .. انشا الله يبيعوا نفوسكم زي ما بعتوا حق المساكين وتغرقكم جداول من جلنار صخر ناري زي ما حفرتوا جداول لابتودي لكن بتجيب ... يجيبوكم يا الله يوم الحشر غرقانين في موية تشوي الوجوه طعمها حنظل وريحتها (الطة) تهري مصارينكم تسهلوا دم.. نهبتوا بلاد الخير وديتوها لي ماليزيا وحي النخيل... انشا الله يا ربي يا ناصر المظلومين.. منجنيقا حديث يرفعكم فوق ويرميكم في نهر السين .. وتجيكم ريحا تقول لي صرصر انتي شنو! تلوح بيكم كانكم اعجاز النخيل وحق الناس الفي الرحاب وجزر ماليزيا وبنوك اوربا تطرشوه دم ودود والعزرة تكون مارقة مصارينها معاها.
اربعة عيشات بجنيه ما بتكفي شافع عاوزين ترفعوا الدعم عنها يدعكوكم بي بلدوزر يطرحكم زي الزلط في الشارع تمسحكم زي قرقريبة في الدوكة.
اخص عليكم وبالسوداني يخسي .... ولوكم عليهم انقلبتوا عليهم سلموكم رقابهم ..كسرتوها .. الله يكسر فيكم دورة راجل راجل... وتعقم نساكم لي يوم الدين.. ياظلمة يا قتلة يا سفاحين ... تسفحوا مسامير تخش في الحلق تقد نافوخ وتشرط العين.
ما بتشوفوا الا صالحكم الشخصي ولا بتعرفوا الا شيطانكم الاصلي تبنوا المساجد !..لمصلحة وتقدموا مال الزكاة لمن لكم منه مصلحة والعطشان مرمي في الشارع والجعان ما قادر يصل الشارع .. وشبعانكم حايم في الشارع يخطف ويفعل كل محرم ..في كل وقت ...حتى في رمضان وشهر محرم.. وسواكم مريض يئن من الالم.
بعتوا الطلبوا منكم حماية... ولفيتوهم زي الوقاية ..انشا الله وقاية في راسكم تهز اوصالكم مولعة ليزر يطق نافخوكم... لعنتوا امريكا ... وبستوا كراعها... انشاء الله تبوسواحمم تشوي القدوم تمنعكم نوم..
كتلتوا الحامل والجاهل وقصفتوا البوادي والمناهل انشاء الله يقصفكم طير ابابيل يخليكم عصفا ماكول يقرف منو ابو الحصين.. دغمستوا وجغمستوا .... يدغمسوكم ويجغمسوكم في بطن فيل ميت ليه يومين.
ما شيين وين يا ولاد ال.... من يوم يقيفوا تلتميت الف قدام الحق ... عايزين حق منكم ياظالمين
ماشيين وين يوم يقيفوا تمانية وعشرين يقولوا دفنونا دفن الجيفة ... يا اولادال.... يفه !!!
ماشيين وين لما الجبال في النوبة تهتز عايزة حق اولادها وانتم تعلمون ان ما فعلتموه بابنائها يتفطرن منه الجبال..
ماشيين وين من بورتسودان وابريائها الذين قتلوا بدم بارد وتشهد عليكم حيشان القش قشة..قشة وربطة ربطة والعناقريب التي سال فيها دم الضحايا والثرى التي قابلت الدم نقطة بنقطة.
والمناصير اللي قتلوا حتمشوا منهم وين ولن يحميكم عندها السد ولا حراسه حتى لو كنتم في قصور مشيدة
و..و.. وكثير نقول منهم المظاليم الذين لاترد عند الحق سبحانه وتعالى دعوتهم التي هي لاتساوي قطرة مما نعتناكم به وهو نعت حقيقي .
والحق ابلج والباطل لجلج
هاشم ابورنات
[email protected]
القاهرة8سبتمبر2013


تعليقات 9 | إهداء 0 | زيارات 1473

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#762346 [بت ملوك النيل]
0.00/5 (0 صوت)

09-09-2013 12:53 PM
يا زول اعمل حساب لصحتك


بطريقتك دى ب تأتم اولادك

ربنا يصبرك


#762286 [بعشوم]
0.00/5 (0 صوت)

09-09-2013 11:48 AM
ديل والله إلا كدا .. حمار دبلاوي لا بسمع ولا بشوف .. النبذ بس والدعاء عليهم الى ان يخسف بهم الله الارض .. حيوانات دمها بارد وثقيل ..


#762261 [الفجري داك]
0.00/5 (0 صوت)

09-09-2013 11:21 AM
كلامك ياأبورنات أمنيات وأسال الله أن يرد كيدهم في نحرهم ،والله ديل أوصلوا البشرية الى أسفل السافلين
مما جعل كل الناس حاقدة عليهم والسبب أفعالهم ،وماهم فيه من نعيم وتحت حماية كلاب شرسة ضاله ،تنهم
فى الجياع لن يكفي رمغها القليل تطمع كما إعتاد مروضها أن تستجيب له عند الحاجة .فحسابهم عسير والدعا ء لهم ليس كثير وإنما قليل ،وأفضى ما في نفسك عسى الله أن يستجيب ،فقد رأينا وسمعنا وقرأنا،ولعمرنا ،وحدنا الله ولم ولن نراء أمثال هؤلا ،النفاق والكذب والفساد وأحدد الأغتصاب ،فكيف يعلق الأخرين بأنك أفضيت والفظت الشين ،فالشين سيمائهم منذ فجر ظهور الأنقاذ، وسيرينا الله فيهم عجائب قدرته وحسبي الله ونعم الوكيل .


#762237 [ابوالهول]
0.00/5 (0 صوت)

09-09-2013 10:51 AM
اقتباس :
"....................من جانبها أكدت القيادية بجبهة الشرق آمنة ضرار موافقة الأحزاب على رفع الدعم لكنها اشترطت التدرج فيه ، مؤكدة أن الأحزاب ركزت على ضرورة مراعاة مصلحة الوطن والمواطن."
.....!!!!
السوس بينخر ....
حصلوا ...دي كلها طلعت منخورة ومسوسة!!!
حالةاستنواق بائن للجميييييييع
...لا استثني منكم احدا ...
حتى انا الجبان والمحتمي خلف الكي بورد..!!!!
هذه ليست متاريس
المتاريس التي شيدها الشعب
سوف تبقى شامخات في بلادي
!!!!!!!!!!!!!!!!!!!!!!!!!
تفووووووووووو علينا كووووولنا اذا تركناهم يهضموننا بعد الاكل


#762096 [أبو عجورة]
0.00/5 (0 صوت)

09-09-2013 08:43 AM
أعوذ بالله


#762026 [siddiq abdelaziz]
0.00/5 (0 صوت)

09-09-2013 02:45 AM
دا شنو يا قمندان الكلام دا ما بشبهك انا متابع مقالاتك ولكن دا شطحت فيه ارجع لاسلوبك السلس الجميل يا جميل


#761985 [عبدالله بابكر محمد]
0.00/5 (0 صوت)

09-09-2013 12:30 AM
والله كلامك فيهم صاح - لكن ما عندك لفظ لفظك شين


#761971 [العـــــــــــــــــــــــــــــــــــــــــزابى]
0.00/5 (0 صوت)

09-08-2013 11:53 PM
كيفتنى وبردت حشاى الله ابرد حشاك . كلامك كلام زول مغبون شديد
مفبون زينا كده .. ونسال الله ان يستجيب قبل نهايه الخريف ولو
بى صاقعه تهرد كروشهم ومؤخراتهم الكبيره ..


#761949 [Nubawi]
0.00/5 (0 صوت)

09-08-2013 11:27 PM
if Iam in the government after reading this angry article I would have resigned immediately who knows may be God would listen .


هاشم ابورنات
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة