المقالات
السياسة
واقفين ليك ألوف
واقفين ليك ألوف
09-11-2013 02:54 PM


واقفين ليك ألوف



رافعين الكفوف


تحت الشمس والحرْ


واقفِنلِك ألوف


في عَنَت ْ البِمِش مِنْجَرْ


متراصّين صفوف


في الجيب النّشِفْ طرْطَرْ


وفي زفرة مِسَاسِق


في حق المُلاح مِنْزَرْ



في أنّة طريح ...


في فراشه ما بِقْدَر


علي جرّة كراع


و كيس العدَم مِنْصَرْ


واقفِنلِك سنين ...


في حيرة الطافِش عُمُرْ


لا لاح صباح لا بَرْ


وعشم الرجوع


كوم رماد ...


في كل حيز مِنْشَرْ



واقفينلِّك جموع


في ضُل الضَّنَى القرْقَرْ


وفي الضيم المُراح


السوّى المدائن كَرْ


وفي الدقن السِّفاح


الداسّي عِرْق الشّرْ



واقفِنلِك نعائن


في الأُفُق الغَرَز مِن دَرْ


للغضَب الرحل


لا بان ولا كرْكَر


لي الكِيكْ ابْ ضُرَاع


يسلخ جفير الغَرْ



راجينّك شمس


تكْسَح ضلام الضَرْ


راجينّك شُعاع


يملأ البحر والبَر


راجينّك يَراع


زي حرْفُه ما اتسطّر


راجينّك سيوف


تقطع حبايْل الجّر


وتثبت يا بلد


في الهاوية ما تِنْجَر


وتقْدِل يا ولد


فوق جيَفْ العِتَم مِنْسَرْ


وتعْصِفي يا مُدُنْ


مِتلِك مِتِلْ صَرْصَرْ


وتصبح يا حُزُن


لي شاطيء الفرح معْبَر



sayed_alhaj@yahoo.com


تعليقات 1 | إهداء 0 | زيارات 595

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#763884 [ابوسحر]
0.00/5 (0 صوت)

09-11-2013 03:02 PM
الله يجيبه بالسلامة


سيد محمود الحاج
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة