المقالات
السياسة
حلم الخطوبة في الغربة
حلم الخطوبة في الغربة
09-13-2013 08:31 PM

اغمضت عينيا علي حلم اسلي به نفسي..ومن تعب العمل الهندسي الشاق نمت من غير ترتيب!
ساعتها اتخذت الافراح في نومي شكل جديدًا منحازاً الي الوسامة
هناك كان الفرح المنتظر التقينا انا وهي.. وامتدت بيننا مساحات الحب
وتشكلت .. ازدانت المعانى و التصاوير الجميلة بالفرح الجميل
فسافرت على اجنحة الشوق والحب الكبير (للجميلة والمستحيلة)
لأهديها كل الفرحة وجمال طفلين من الود في ساحة عرس الخطوبه..
وانا ابوح بالحروف المعتقة واقتبس من ضوء عينيها واقول لها
حبيبي فكر وقدر
إيه الجبتو ليك هدية
ساعتها اشتاق للكلمه الصادقه منها وهي تهمس بإستحياء
ازاهر يا مرتضي؟
وانا بضحكه صافية مجاوبا
لا..
وتطل من عينيها اجابة في شكل سوال مشرع العبور للحب الصادق
جواهر؟
ساعتها يتسلل مني كل جميل مجاوبا مرسلها في كل الواجهات الجميله للحبيبه الوطن
لا لا ..
أغلى وحاة عينيا
هدية فيها حرفي وحرفك
وذكرى حبنا مكتوبة
مكانها إيدينك الحلوه
تزيد لبنانك المخضوبة
تخليكي تفرحي وتقولي
شوفوني أنا مخطوبة
ساعتها رقصْت الجميلة على عود الصندل..وهمست بخجل انا بحبك كمان يا مرتضي؟!
وهي ترقص رقصتها الأثيرة ..وانا وهي نستغرق في البهجة حتى ثملت في قمتها وابتلت بفرحنا .ونتلو صلوات الحب الكبير و النجوى في ليلة الفرح الكبير حتي ننهض في الفجر .. بمعزوفة كلامها الجميل الخرافي ..ساعتها توضينا بعصارة رحيق الحكي حتي ناغم اللحن .. وإكتمل العرس مدقا نقشاً لحميمية التلاقي حتى امتزجت الكلمة الرقيقه بمساحة الفرح
خلاص يا حبيبي ماعدت أطيق
بعدك وانت قريب
من قلبي ورحي أخترتك لأيامي
شريك شريك وحبيب
قبل العمر يسرقنا
ما نلقى في شبابنا نصيب
حبايبي وأهلي شاورت
هنوني بي هواك يا حبيب
قالوا والله والله
تستاهل حبي وانشغالي عليك
قالو والله والله
تستاهل فني الوهبتو إليك
وجوك معاي يهنوك
يشوفو البهجة في عينيك
وكيف بين لهفة الأشواق
حلاة الدبلة في إيديك
تخليكي تفرحي وتقولي
شوفوني أنا مخطوبة
ساعتها
اهديتها كل شي ........ وطافت السعادة في كل المشي ...........
الكلمات الجميلة والخاطر المترع بناعسات الكلام
صوتنا يعلو فى سماء الفرح المبهج .. مجلجل صادحا : الف مبروك لينا
وفجاءة كدا صحيت
لقيت نفسي محاصر بالجدران الاربعة في الغربة الموجعه!
يا له من حلم طال انتظاره!
علما بان هي لسة طفلة في رحم الغيب.
مستنيها تطلع من صوت طفله وسط اللمة منسية
تجيني وسط طبول بدق وساحات لفرح نور.. ويجيني معاها زمن امتع نفسي بالدهشة!

مرتضى عبدالله الفحل
[email protected]


تعليقات 2 | إهداء 0 | زيارات 2104

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#765462 [الفراش الحائر]
0.00/5 (0 صوت)

09-13-2013 11:17 PM
اصحى قوم العدس جهز


#765400 [السيــــــــــــــــــــــــــــــول]
0.00/5 (0 صوت)

09-13-2013 09:05 PM
ده كلام شنو ياهندسه ؟ كيف تقول لسه فى علم الغيب
ونحن عشنا فى السرد الجميل ده . نتمنى ليك البنيه الهنيه الرضيه
وحذراك من تربيه الانقاذ


مرتضى عبدالله الفحل
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة