المقالات
السياسة
شارعكم شالو السيل
شارعكم شالو السيل
09-17-2013 10:02 PM

شارعكم شالو السيل

آه من ديل
قادننا شارع شارع
أهو شالو السيل
حصنا جوبا
وحررنا الميل
أهو فاتو عديل
هي لله هي لله
وإنهد الحيل
كلو عليك
يا جمل الشيل
نهبوك يا شعب
وخلوكا كتيل
إمتي حتصحي
تزيح الليل
-------
قبالكم ياما
نحنا عُزاز
شعبنا نخوة
وكنا ملاذ
ومن إنقاذكم
كايسين إنقاذ
لا نافعكم نافع
لا بترولكم شافع
لا عوض الجاز
وأهو زدتوا الأسعار
ولعتوا الغاز
-------
هي لله يافاجر
مادي اللحيه
وعامل ذاكر
وطول الليل
للنهب تذاكر
ناسي الدين
البيهو تتاجر
وياما الشعب
يهب من باكر
وبس حيقودو وقودو
الجوع الكافر

حسين شنقراي
[email protected]


تعليقات 1 | إهداء 0 | زيارات 752

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#768519 [ahmmed]
0.00/5 (0 صوت)

09-17-2013 11:45 PM
انهد الشارع
وشالو السيل
ما اصلو الشارع مبني غلط
وميل ميل
وكم شفنا الويل
يوم جات المطرة
وكسر بيتنا السيل
السيل الجانا عشان سيدتو دروبو
كان من الزمن الاول ماشي عديل
سويتو الشارع اعوج مايل ميل
اه كم ضقنا الوجعة
وشفنا الويل
وبكينا شليل
لكن ياكهنة
حنشد الخيل
ونشد الحيل
نوصلو صباحنا
رغم القهر
وضلام الليل


حسين شنقراي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة