المقالات
السياسة
طز يا عمر البشير...في الهوت دوغ
طز يا عمر البشير...في الهوت دوغ
09-20-2013 03:36 PM


في منتصف تسعينيات القرن الماضي زار مجرم الحرب عمر البشير وحدة عسكرية، كنت اعمل بها وتناول وجبة الافطار فيها، فلاحظت احد الاخوة الضباط وهو يسلم علي البشير بالاحضان؛ وبحرارة شديدة برغم صغر رتبته في وقتها وظل قريب من البشير حتي انتهت الزيارة.
ما اعرفه عن هذا الضابط انه من المشهود له بالوطنية، وكرهه للمنافقين تجار الدين سدنة الاسلام السياسي، بعد انتهاء الزيارة سألته عن سر هذا السلام والعلاقة بالبشير..قال لي: والله دي عشرة ما ليها اي حاجة تانية نحن كان جردل مريستنا واحد..
هذا الرجل مجرم الحرب الذي يتبجح بان الشعب السوداني لا يعرف قبل مجيئه الهوت دوج، ومعروف في وسط دفعته بعمر( الكضاب) هذه شهادة من احد الضباط دفعته ورفاقه في الكلية الحربية.
لا يشرفنا..ان نعرف الهوت دوج علي ايدي من قتلوا الاطفال واغتصبوا النساء وحرقوا القرى والمدن.
لا يشرفنا..ان نأكل الهوت دوج من ايدي متسخة نجسة تحمل مصحفاً شريفاً وطاهراً من اجل التضليل والكذب.
لا يشرفنا..ان نرى مجداً كاذباً ومتاعاً علي ايدي تكذب وتدعي الطهر والصلاح وهم ارباب الفجر والفسوق والضلال.
لا يشرفنا..ان نعرف الهوت دوج وتذهب وحدتنا وقيمنا الاجتماعية من اجل بقاء تجار الدين في السلطة.
كنا لا نعرف الهوت دوج ..وايضاً كنا لا نعرف القبلية والجهوية ولا نعرف التجارة باسم الدين ..كنا لا نعرف النفاق من اجل العيش..كنا لا نعرف اغتصاب النساء..كنا لا نعرف قتل الاطفال.
يشرفنا ان لا نعرف الهوت دوج.. ولا يشرفنا ان تكون انت رئيسنا وكهنتك تجار الدين الفاسدين قادتنا.
يشرفنا ان نجلس عرب ونوبا وحلب علي صحن الويكة والويكاب بطعم الكول ..علي نغمات الحب والوفاء في وطن يسع الجميع وخالي من تجار الدين الفاسدين.

خليل محمد سليمان


[email protected]


تعليقات 4 | إهداء 0 | زيارات 2942

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#771554 [monem]
0.00/5 (0 صوت)

09-21-2013 03:00 PM
عليكم الله القشير ده فرقوا من الملكة إنطوانيت شنو!!! غايتو يا أيها الشعب السوداني الفضل العوير ده جأبه ليكم مقشرة بعد ده الباقي عليكم


#770975 [ابوزول]
0.00/5 (0 صوت)

09-20-2013 10:21 PM
بالمناسبة الترجمة الحرفية للهوت دوج ( كلب ساخن) اي لحم كلب ساخن .....لو كان في مقدورنا ماديا أكل الهوت دوق كان طلعوا لينا ناس الكاروري وكرهونا فيه وقالوا هذا حرام حتي لو ذبح علي الشريعة الاسلامية


#770957 [تمر الفكى]
0.00/5 (0 صوت)

09-20-2013 09:53 PM
ماذا نقرأ من زاوية التحليل النفسى الاجتماعى لرئسيس جمهورية يفتخر او يستفز شعبه بانه لم يعرف الهوت دوق الا فى عهده؟

الهوت دوقض من الوجبات السريعة من اللحوم المصنعة الضارة بالصحة.

كل يوم ترمى درابة يا عمر الكضاب
هاك الهوت دوق دا


#770889 [ود ابو زهانة]
5.00/5 (1 صوت)

09-20-2013 08:00 PM
نحن سودانيون نعيش فى الغرب مع الخواجات ولا نأكل الهوت دوق لاننا نعرف مضاره . وحتى الخواجات لا يأكلونه الا اضطرارا .. ما عارف الخالعهم وعاجبهم فى المصيبة دى شنو ؟ فشخرة قدام بسطاء السودانيين الما بيعرفوهو؟ طبعا الجماعة كلامهم كله كبار كبار عندما يخاطبوا الداخل وبهذا يقصدون حداع بسطاء المواطنين


ردود على ود ابو زهانة
[هدهد] 09-21-2013 07:29 AM
صدقت ان هذا الفاجر يستعمل مثل هذه الكلمات وسط البسطاء من السودانيين ولا يدرى المتعوه ان وجبة الهوت دوغ هذه من اسوأ الوجبات عند الخواجات . الناس فى عهدك يتعاركوا من اجل لقمة العصيدة والتقلية تتكلم لينا عن الهوت دوغ ايها الخاسىء ؟؟


خليل محمد سليمان
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة