المقالات
السياسة
قلت ليهم الكلب الحار ده شنو؟
قلت ليهم الكلب الحار ده شنو؟
09-24-2013 10:10 PM

قتليهم الكلب الحار ده شنو؟
يا عمك الرئيس والله حكايتك بقت حكاية ولا حكاية ياخي قلتها باننا شعب لم يعرف الهوت دوق قبل انقاذكم لينا واتحديتنا عديل كده جاي هسي تفتش الماضي! وتحاول تجد ليك مخرج ولا مخرج لك ولعصبتك الا تتركوا هذا الشعب في حال سبيله يخطط لحياة كريمة فكفاه هوانا وعذابا وشقاء.
يعني عامل فيها رايح! قلت ليهم الكلب الحار ده شنو لحم كلاب يعني؟! والله انت طيب طيبة ياخي قال من اسمها ده الواحد ما بستقيثها ولا بقربها عاوزنا نوريك الكلب الحار ده شنو؟
الكلب الحار هو ان تظلم شعبا طيلة ربع قرن من الزمان وتجعله يستجير من الوطن بالهجرة
الكلب الحار بان تستأثر عصبة قليلة بكل ثروات البلاد وتتقاسمها فيما بينها وشقي الحال فينا لا يجد ما يستر به عورته ويسد به رمقه وزمان كانت في انشودة تقال للاطفال العيان بديه حقنة والجيعان بديه لقمة وهذه اللقمة ليست لقمة كلب حار باي حال من الاحوال!
الكلب الحار يا سيادة المشير بأن تجعل الشعب جموعا من الباحثين عن سبل كسب العيش صباح مساء ويعودون اخر الليل ينشدون ان يرزقوا بنومة بضع ساعات يفيقون منها وسط كوابيس وهواجس اليوم الجديد.
الكلب الحار بان تتحولوا في نظر شعبكم لسارقي قوته وكده وعرقه وتسلبون اعز ما يملك حريته وأمله في العيش الكريم.
الكلب الحار هي الاستخفاف والإزدراء من قبلكم وامتنانكم علي الشعب بأنكم من فتحتم له ابواب السماء وكنوز الارض التي تفجرت ذهباً ذهب مع الريح.
المشكلة التاريخية التي يعاني منها شعب السودان جهل قيادته التي تتولي امره ويكفي خطاب نميري الذي لام فيه الشعب وطالبه بالمستحيل لأنه لن يجد افضل منه وذهب في رحلة اللا عودة وانتم الآن تكررون نفس المشهد وبنفس الطريقة البلهاء لا فكر لكم لا منهجية ولا كتاباً تقرأون منه تاريخ السودان وجغرافية السودان وتتعلمون منه كيف تكونوا خداما وليس حكاما.
انها مؤشرات لبداية النهاية المحتومة لعهد بغيض وهكذا علمنا التاريخ بان في حياة الامم فترات ازدهار وانحطاط ولعل فترتكم قد جسمت كل الانحطاط في كل شيء.

شاهد

.


عمر الفاروق عبد الله
[email protected]


تعليقات 2 | إهداء 0 | زيارات 2725

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#775608 [السيــــــــــــــــــــــــــــــول]
0.00/5 (0 صوت)

09-25-2013 12:09 AM
الرسول ياجه زينب الراجل ده نصيح ؟؟
الراجل ده انا قلت ليك عوير وسجمان ياحاجه نفيسه .


#775543 [بعشوم]
5.00/5 (1 صوت)

09-24-2013 11:19 PM
عامل فيها الود برئ !!


عمر الفاروق عبد الله
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة