المقالات
السياسة
هتفنا مرقنا لوطن الجدود سنعيد
هتفنا مرقنا لوطن الجدود سنعيد
09-27-2013 05:09 PM



اليوم معين الإنقاذ غاص غائرا وجف في الجٌب ونضب

تاهت عقول جاطت تقلب في اللوائح و الكتب

فشلت زراعتهم فجلبوا لنا بيتزا همبيرغروهٌت كلب

ضاعت مواقع دورهم فقدوا البيوت ورق العتب

ورغم حراستهم الشديدة هربوا والكل فيهم مكتئب

صاروا حيارى كمخبولين متمتمين من العجب

متعجبين من الجياع يثورون في الشوارع بلا سبب

ولقد وفروا لهم كل مايلزم من بيتزا وهت قط وهٌت كلب

ويتعجبون كيف لجيشهم ينحاز وهومعهم ربع قرن في الحرب

قطعوا الإتصالات منعوا التواصل والملامة والعتب

والشرطة أيضاً عادت من جديد في خدمة الشعب يا للعجب

وجهاز الأمن ينظرمٌرغياً يزبد يشخر يزمجربالغضب

والنار ولعت الشوارع بلاستيك كفرات اللساتك والحطب

لا كيماوي عندهم نريد تسليمه بل أرفع أنواع الرتب

وتسليم أخطر من حكموا البلاد وسارواعلى هذا الدرب

قتلوا الرجال فصلوا الكفاءات ومع النساء قلوا الأدب

من رأسهم لاقعرهم فجروا وفسقوا وتركوا المغتصب

فصلوا وشردواعاملين وجرائم يشمئز لها السوي وتثير في النفس الغضب

نهبوا كل بترول البلاد وما تبقى في الخزائن من ذهب

تبت يداكم يا منافقين فيكم أبو جهل وفيكم أخطرأبولهب

فالشعب نزل للشوارع خرج ولن يمكث طويلا محتجب

وصار ينشد نشيد الحرية مرقنا ..مرقنا لا رجعة تب

وهتف بكل قوته الرصاص لن يفنينا وتد خرسانة صب

مرقنا.. مرقنا ضد القهر وضد الكهنة
مرقنا..مرقنا ضد الجن الكلكي
هلكنا
وقبل ما ناكل بيتزا وهوت دوق قلنا قرفنا
خرجنا طلعنا ملصنا هدوم الذل ومرقنا
مرقنا لنخلع نتخلص نرمي بعيد عار بلدنا
ونهتف ثائرين
لن نتراجع لن نلين

لن يحكمنا من حطم هد بيوت
من أهدر دمنا بدد لينا جهود

من سب الشعب صفات ونعوت
من أسفرعن وجه لئيم مكبوت

يهود..يهود الكيزان السود
لن يحكمنا الزادوا القوت

أقطعوا عيشي ..أقطعوا نتي
يا ثورتنا : زيدي..زيدي

بحري أم در..هبي..هبي..
لن يثنينا القطعوا مسيري

يا خرطوم ثوري ..ثوري ..
لن يحكمنا لصوص كافوري

مرقنا عديل نقول الحق بالتهليل
أرحل ...ارحل ... وجدنا بديل



مرقنا..مرقنا ضد الناس الأكلوا عرقنا

مرقنا..مرقنا ولن يخيفنا النهبوا بلدنا
نحن مرقنا عشان إسقاط الحرقوا بلدنا
نحن مرقنا عشان تأديب الطردوا ولادنا


بالطول بالعرض لن ندخل تحت الأرض
مرقنا ..مرقنا ..لنحمي العرض

نحن مرقنا خلاص
ما قلنا قرفنا

مرقنا .. مرقنا..
ضد تجار الدين
الأكلوا عرقنا،
الهتكوا عرضنا،
النهبوا أرضنا،
ما نحن مرقنا
مرقنا.. مرقنا

ضد الناس
الشوهوا دينا،
سرقوا شرعنا،
وخمشوا عملنا
وقطعوا رزقنا
وبهدلوا حالنا
ولهفوا ذهبنا
مرقنا ..مرقنا

نحن مرقنا

ضد الناس
الخربوا بيوتنا،
ونهبوا حقوقنا،
وطلعوا زيتنا،
نحن مرقنا
مرقنا..مرقنا

نغني نشيد
ما نحن حديد
ونحن مرقنا
نغني الدنيا نشيد
حديد في حديد
ما نحن مرقنا..

لالرفع الدعم نريد
بل
لوطن الجدود سنعِيد
وزي ما كان زمان
ويزيد

بعزم جديد
وعزم حديد
وعزم أكيد

وبالتحديد للتجديد
نغني نردد
يوم العيد
ما الثورة دي عيد
ثورة شعب للتجديد

يا أماه ..
الشعب سعيد
فالدنيا دي عيد
يا أٌختاه..
بالثورة أكيد

[email protected]


تعليقات 0 | إهداء 0 | زيارات 1002

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عباس خضر
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة