المقالات
السياسة
عمل شعري: شعباً هبّ هبْ
عمل شعري: شعباً هبّ هبْ
09-28-2013 12:46 AM

التحية لثورة الشعب السوداني والتحية لكل من نهض لإسترداد كرامته من إيدي التتر وسفاحي نظام البشير والسدنة .
أرجو أن تكون هذة الكلمات في الخط .
تحياتي .


شعباً هبّ هبْ
صحي من نومتو وبْ
نهض من جوا جٌبْ
وقف صفاً ختا يطلع من مطبْ
ما شافع فز تبْ
أصلاً نحن شعبْ
من قمنا بنحبْ
إله واحد هو ربْ
نعرفوا لا كضبْ
نسألوا في الكربْ
نفهم كيف نقاربْ
خلافات الأقاربْ
لا نعرف نضاربْ
في الفتن أم عقاربْ
برضو مع المغاربْ
نفرح بي نغمْ نرقص ننطربْ
لا نعرف نسبْ
نمرح لا رتبْ
لا يجمعنا حزبْ
لا ننشد حربْ
وقت الضيق نترك كل لعبْ
حبنا للأرض تبقي هي المصبْ
وقت الجد نقيف حاجز أو مصد ْ
نِِِدافع نُدافع نتماسك عضدْ
نتشابي الشروق لو كان في لحدْ
فرداً من جميع ، جميعاً نبقي فردْ
نروي الأمة شوق نسقي الأرض شهدْ
نغازل في القمر نفرش سطحو مهدْ
للجايين في غدْ أجمل لينا عهدْ
البت والولدْ
نيالا هي البداية عزمِ بغير حدْ
واقفين للنهاية حتي نلاقي غدْ
كوستي ويا الجنينة مدني مع الأبيض
بيكم نوفي وعدْ
يا أرض الحديد راجين منكِ ردْ
لو كان حتي وردْ
أو أنسام وودْ
الخرتوم تقوم ْ
لا تعرف تنومْ
أفردي لي جناحك ضمي عليك جناك
أهدري بى هتافك عبي معاك جموعكْ
عطري من رزازك عمالك ربوعكْ
هلالنا في يوم يهلْ
نسيم فرحك يطلْ
سحاب الحُب يظِلْ
من كان في المحلْ
ليل الهم و راحْ
نتكى في صباحْ
نسد كل البراحْ
لا غم لا دمومْ
أفراحنا بتحومْ
تفز نار السمومْ
تعود الأرض بِكرْ
نتحاور بفِكرْ
نداوس ذِكِرْ
غيم الود بيغسل ظلامات الحروبْ
وساخات القلوبْ
يمسح بي محنة دميعات الغروبْ

جلال شابي (ود أمينة )نيالا 21 09 2013م

[email protected]


تعليقات 0 | إهداء 0 | زيارات 578

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




جلال شابي
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة