شعر دارجي
09-29-2013 02:05 PM




لو كنت والد لجنا ماكان بتحرق للحشا
لو مرة جربت الغلا وعيشتك صعيبة مبهدلا
تصحا الصباح همك كبير كيفن طريقة تدبرا
حق الفطور كيفن تصل وحلة ملاح مكلفتة للغدا
بيتك ايجار وراجيك كمان تدفع رسوم المدرسة
في كل يوم وجعا" كتير ضقناهو ذل واعيانا الشقا
كاسا مرير واصناف كتيرة من العذاب ضيم وضنا
حيلا" خلاص هداهو التعب والهم تقيل يالله لي تسخرا
والحالة صعبة موكل امري ليك وعارفك انت بتسترا
أدعي واقيم يالله عالم كل شي عليك ختينا الرجا
راجي الفرج ربي الكريم من عندك انت تهونا
حلمان ببكرة يجو العيال شايلين شهادة مقدرا
يشتغلو في احسن وظيفة ويعدلو الحال القسا
نفرح كتير وفي مرة بس نضوق طعمو الهنا
بطلقة بس ودرت روحو وفرحنا اتحول بكا
ضيعت احلامنا القبيل اسال الله يبلاك ببلا
وحقي ياخدو منك قبال تموت الموية حرمان تشربا
كان كنت والد لجنا ماكان بتحرق للحشا


[email protected]


تعليقات 1 | إهداء 0 | زيارات 14495

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#783121 [احمد محمد]
2.00/5 (1 صوت)

09-29-2013 03:48 PM
لله درك يا نهى أدمعتى مآقينا.
ما قادر أقول إي كلمه فقط تسلمى .
ديل العُقر ديل ربنا يرينا فيهم يوم يارب.


نهى عثمان
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة