المقالات
السياسة
يا ريت يحرمونا منها
يا ريت يحرمونا منها
10-03-2013 06:42 AM


في حاجات كدا يا ريت يحرمونا من شوفتها لانها تخلي الواحد يطلع من هدومو لما يتذكرها خليك من يجيبوها ليه في التلفزيون ويتخيل لي ناس التلفزيون ذاتهم لما يجيبوها يمدوا لســانهم لينا من وراء الكاميرا ولسان حالهم يقول موتوا بغيظكم
ومنها بل أكثرها أذى لنفسية المواطن :
- أولها وسيدها قاطبة ظهور سعادة (الفريغ) عبد الرحيم محمد حسين وزير الدفاع (بالنظر) أيا كانت المناسبة التي يظهر فيها
- يليه في رفع الضغط تصريحات الصادق المهدي التي تشبه بندول ساعة المسجد مع النظام صباحا وضد النظام مساءا ومنتصف النهار يتأرجح بين التجمع والما تجمع
- ثم ابتســامات الترابي التي كلما أراه يبتسم أشعر بأنه يتشفى فينا وكأنه يقول وراكم وراكم ، هل يا ترى لو كلنا طلعنا من البلد وخلينا السودان دا للترابي قعد فيهو برااااااهُ هل سيرتاح ؟
- تصريحات ربيع عبد العاطي عن أي حاجه وفي أي حاجه (بالمناسبة هو الرجل دا درس شنو ووين؟) وما هو فهم ناس الإنقاذ من وجود هكذا شخصيه؟
- أســعار العملات الأجنبية مقابل الجنيه السوداني في نشرة التلفزيون ودي بالمناسبة فشلت فيها سياسة اكذب اكذب اكذب حتى يصدقك الناس
- وزير الإعــلام بتاعنا الزول دا يجسد عندي معنى كلمة باهت
- كرار التهامي وهذا التهامي على قدر ما اراه أحس انه يبلع ريقه شهوة في مال المغتربين بل عندي إحساس إنه يحسد أطفال المغتربين لانه ما قادر يرضع معهم
- رئاسة بروفيسور غندور للإتحاد العام لنقابات العمال ودي على قدر ما حاولت أفهم جات كيف ماقدرت ربما لقصور في الفهم أصابني مما سبقها من نقاط أو لربما هنالك صعوبة في القصة أصلا ، فهل ياترى هذا الغندور كان عامل ثم طور نفسه ودرس حتى بلغ درجة البروفيسور أم هو أصلا عامل وبروفيسور هذا هو اسمه وأباه هو ابراهيم غندور بمعنى آخر يكون اسمه البروفيسور بن ابراهيم آل غندور
- د. مامون حميده في برنامجه بتاع يوم الجمعه لما يتكلم بلغة الناس المساكين والله قدر ما حاولت أشيل من رأسي حكاية إنه ثعلب دي ما قدرت
- حديث والي الخرطوم عن دعم الأسر الفقيره والله دي لو جابو جابر بن حيان والخوارزمي ما يقدروا يعملوا حل لكيف تعيش الأسرة لمدة شهر بالمية وخمسين ألف دي
- وزير الماليه السيد علي محمود وهذا لا نملك إلا أن نهديه أغنية فات الكبار والقدرو كان شافوهو ناس جاكوب ليو (وزير الخزانة الأمريكي) كانوا يعقروا ، بالمناسبة دي أخبار تحويلات المغتربين بالعمله الصعبه شنو؟ والا المكنة دي ما فاتت فيهم
- الحضـــري ، وما أدراك ما الحضري ، الفائدة الوحيده التي جنتها البلاد من الحضري هي أنه خير مثال لتجسيد مدى الفشل والتخبط الذي أصابنا والضعف والمسكنة والذله التي ضربت علينا
- البنات الســودانيات الحايمات في دبي ولابسات ملابس أشبه بملابس راقصات مهرجان السامبا البرازيلي وجلوسهن في المقاهي وتدخين الشيشه مع بعض الشباب السودانيين ، أإلى هذه الدرجــة إنتهت النخوة والشهامة والمروءة الســودانيه؟؟؟
- ذلك السوري الأصلع ذو الوجه المليء بالبثور والحفر وهو يقدم كريمات لمنع تساقط الشعر وإزالة حب الشباب وتنعيم البشرة والمفروض على المشاهدين زيه وزي رفع الدعم
- القنواة التلفزيونيه الثلاث بها عشرات الدعايات عن الاتصالات والتلفونات والمفروشات الراقيه والغاليه جداً جداً ما عارف ال بيشتريها منو
نتيجه طبيعيه لما ورد أعلاه إجابة أحد الطلاب في امتحان اللغه العربيه عن السؤال بماذا صور الشاعر نفســه في الأبيات الســابقه
فكانت إجابته : صور نفســه بتلفون جلاكسي إس فور
مجـــرد ســــؤال :
عشـــبة بن علي اليمني دي ما ممكن تعالج الوضع الإقتصادي للسودان؟

د. علي أبووضـــــاح





تعليقات 1 | إهداء 0 | زيارات 904

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#788495 [التويجري]
0.00/5 (0 صوت)

10-03-2013 10:16 AM
واجمل حاجة قنواتنا لما تحمل استطلاع علي الشارع والناس يقولو الامن مستقر والاسعار هادية ومافي أي مشكلة .ماعارف نلوم الشعب المسكين ولا نلوم الغدارين بالسكين


د. علي أبووضاح
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة