بالواضح
10-03-2013 06:49 AM


لم يخطر بذهن العبدلله قط أن يواجه مقاله (ضحى الغد) بمثل هذه العاصفة من الإنتقادات والتعليقات (بعضها واضح إنو جداد أليكتروني) ، لنري ما جاء في المقال :
- وصلت الأمور الحياتية والمعائش بالمواطنين إلى (حتة صعبة) وأصبح سواد الشعب السوداني في حالة معاناة .
- خرج الشعب إلى الشارع محتجاً بعد أن صارت الحياة لا تحتمل
- تمت إجازة الزيادات الأخيرة مما جعل الحياة أكثر إستحالة
- المواطنون براء من تهمة التخريب بل كان متعمداً بواسطة مندسين أجل تشويه صورة الإحتجاجات لتبرير التعامل القمعي معها
- على الرغم من سلمية الإحتجاجات بعد التنبه لمن يقومون بدسهم إلا أنها قوبلت بإستخدام مفرط للقوة وإستخدام للرصاص الحي الذي أدي لقتل وجرح الكثيرين من أبناء هذا الوطن .
- على الرغم من التوجيه الدائم للنظام من أجل الإصلاح وبسط الحريات ومحاربة الفساد إلا أنه لا يأبه لذلك وكمثال لذلك توجيهات أعلى السلطات التي لم تنفذ بشأن بعض قضايا الفساد
- لا يمكن للمواطن تحميله ما هو فوق طاقته جراء هذه القرارات القاسية وهو يري من ينهبون مدخراته يسرحون ويمرحون دون محاسبة أو عقاب؟
- الأمور قد وصلت إلى مرحلة يستحيل معها المضي بذات النهج السابق وإلا لن تتوقف هذه الإحتجاجات
- ويجب إعمال صوت العقل بدلاً عن (الكنكشة) وذلك بتبني تحولاً ديمقراطياً سلمياً سريعاً يجنب هذه الأمة الكثير من النوائب والشرور والفتن والمحن وذلك قبل أن تقع (الفأس في الرأس)
- المجد والخلود للشهداء الشرفاء الذين ضحوا بأرواحهم من أجل إنسان هذا الوطن العظيم
هذه كانت النقاط التي أثارها المقال الذي تم وصف كاتبه (بالزبالة) في موقع ما ....
الجميع يعلم أن العبدلله لم يكن يوما يحيد عن قول الحق بل كان وسوف يظل مجاهراً به دون خوف أو وجل وليس هنا في موقف يزكي فيه نفسه فما يريد تزكية من أحد وما لهذا قد عملنا لكن لقد هاله كيف أن الكثيرين قد تغاضوا عما جاء في مقال يحمل هموم هذا الشعب بل وصوفوه بالهذيل وتم نعت كاتبه بأقذع الألفاظ على الرغم من أنه وعبر سنوات يحمل هموم وآمال وطموحات هذا الشعب .

إن إنحيازنا التام للمواطن السوداني ضد الظلم والإنتهاكات والفساد الذي مارسه هذا النظام ليس مجال تشكيك وموقفنا الواضح طيلة هذه السنوات لا يمكن تجاوزه أو الإستهانة به ولطالما قلنا ما عجز الآخرين عن قوله


وأخيراً :

هل أحتاج لتوضيح موقف؟ هكذا سألت نفسي .. أبعد كل ما قلت وكتبت زهاء العشرين عاماً فاضحاً للممارسات الخاطئة ومتصدياً لكل أنواع الظلم التي يمارسها النظام ؟.. أبعد ذلك أحتاج لتوضيح !! ولكن دعونا نوضح موقفنا بالوووواضح :
- بالواضح : نحن مع إسقاط هذا النظام الفاسد
- بالواضح : نحن نستنكر ما يمارسه النظام من قتل وعنف وإعتقال للمتظاهرين
- بالواضح : نحن نسنكر الإعتقالات التي طالت النشطاء والمواطنين
- بالواضح : نحن ندعو لضرورة سرعة إطلاق سراح النشطاء المعتقلين ووقف أعمال العنف والانتهاكات ...
- بالواضح : نحن نؤمن على حق المتظاهرين من أبناء هذا الشعب في التعبير عن أرائهم والمطالبة بحقوقهم بحرية تامة .

المجد والخلود لشهداء بلادي والخزي والعار للقتلة الجبناء

كسرة :
بعد ده ما يجي (جداد أليكتروني) يقول يا جماعة الزول ده موقفو رمادي وللا مش عارف أيه.. يمشو يشوفو ليهم شغلة تاني !


كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو)+و+و+و؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو)+و+و+و؟


[email protected]


تعليقات 80 | إهداء 0 | زيارات 15631

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




صفحة 1 من 212>
التعليقات
#790033 [وجع]
0.00/5 (0 صوت)

10-04-2013 05:22 PM
كلامك واضح ....والما واضح كلام البشير لي ناسو أصبج ما واضح

ذكرتني ايام زمان قالوا في شافع امو رسلتو الدكان قالت ليهو جيب لينا حرية بارده.... الشافع مشى لي صاحب الدكان وقال ليهو أدينا حرية باررررررررررررده ... بتاع الدكان ضحك وقال ليهو: يا ولدي مافي حرية بارده الحرية بيموتو فيها موت ....


#789895 [bolbol544]
0.00/5 (0 صوت)

10-04-2013 02:50 PM
ولايهمك يااستاذ انت اسمى وانبل من هذا


#789874 [واحد]
0.00/5 (0 صوت)

10-04-2013 02:15 PM
والله ياستاذ موقف شجاع واضح وضوح الشمس


#789826 [بريمـــــــــــــو]
0.00/5 (0 صوت)

10-04-2013 12:50 PM
ليك التحيه ماتعكسو .. واضح ومعلوم ..
المعرفه تساوي قيمتها ذهباً.


#789501 [كمال العجمى]
0.00/5 (0 صوت)

10-04-2013 01:52 AM
شريف و دائما مواقفك مشرفة لا تشتغل بالجاد الاكترونى


#789350 [بالواضح]
0.00/5 (0 صوت)

10-03-2013 10:50 PM
تحياتي وخالص احترامي
الاستاذ جبرا
كنت اتابع مقالاتك لفتره ليست بالقصيره وفيها اشهد انك من خيره واصدق كتاب الصحفه السودانيه
وكل مواقفك لم تكن رماديه كما يزعمون بل في ظل رقابه امنيه مشدده علي النشر الصحفي استطعت انت ومعك اخرون ان تعبرو عن معانات شعبنا الصابر
ولذلك ان تقل شيئا في هذه الثوره لكفاك ماضيك شرفا
ادام الله صحتك وحفظك من كل سوء
ونصر الله شعبنا علي جبروت الدمار المسمي مجازا ( الانقاذ )


#789277 [قنقر]
0.00/5 (0 صوت)

10-03-2013 09:07 PM
يحق لك ترديد قول الشاعر :
إذا أتتك مذمتى من ناقص
فهى الشهادة لى بالكمال


#789219 [Fato]
5.00/5 (1 صوت)

10-03-2013 08:03 PM
الأخ / الفاتح جبرة لا تثريب عليك فالمثل السودانى يقول(الكلب ينبح والجمل ماشى).تأكد أخى جبرة أن الشعب السودانى به حصافة قل أن تجدها فى الشعوب الأخرى ولماح ويفهم كل شىء ونحن قراءك ومتابعين لكل كتاباتك فلم يدخل فينا الشك فى يوم من الأيام بأنك رمادى الكتابة بل بالعكس نعرف ماترمى اليه بكل شجاعة وتأكد بأننا نميز بين الصحفى الوطنى والصحفى المرتزق ولا نقدح فى وطنيتك أبدا وحاشا لله,لكن أنت تعرف أخى الفاتح بأن هناك من لايعجبه العجب ولا الصيام فى رجب وهؤلاء من الرجرجة والمتسلقين وماسحى جوخ الحاكم والجداد البكاكى ليل ونهارومعروفون لنا ويكفى أنك مننا نحن الشعب الغلبان والمقهور24عام وهى أعوام البؤس والشقاء التى حكمنا فيها صعاليق القوم والنازيون الجدد فلعنة الله عليهم وأحب أن أقل لك بأن الحرية والأنعتاق فجرها قد أطل ولامكان لأولئك بيننا وحسابهم نراه قريبا وهم يرونه بعيدا.لا تهتم بأمر سفهاء القوم وواصل نضالك معنا ونحن الغالبون بأذن الله وأتركهم فى غيهم يعمهون.


#789190 [أحمد التوم عبد الله]
1.00/5 (1 صوت)

10-03-2013 07:38 PM
هذا النوع من الكوميديا السوداء التي يمارسها الأستاذ جبرة تساعد علي إطالة عمر النظام الفاسد المفسد ......
يقول أخوان الشيطان هناك معارضة وتكتب ما تشاء في الصحف ويشيرون لعمود جبرة ....


ردود على أحمد التوم عبد الله
United States [ما بدور الشوايعه] 10-20-2013 09:40 AM
إتقى الله يا أحمد التوم على الأقل صوته مسموع من سنوات عدة ونحن عارفين إنه بنفخ في قربة مقدودة لكن على الأقل حدد موقفه ، إنت ولا غيرك يملك الحق في تخوينه .

[Ahmed] 10-03-2013 11:29 PM
ما قلت الا الصـدق يا (أحمد التوم عبد الله) ولا تستبعد ان يكون جبرا يقبض اجرا مقابل قيامه بهذا الدور..


#789174 [تجاني مصطفي]
0.00/5 (0 صوت)

10-03-2013 07:18 PM
ولايهمك ياجبرا من هولاء ياجبرا مواقفك والله واضحة سيبك من هولاء الجداد الالكتروني كما وصفتهم بحق من يري رماديا في موقفك اكيد عندو عمي الوان .. لاتابه لهولاء ولنفرغ لعدونا الاكبر الانت عارفو وانا عارفو


#789118 [ابوالتيمان]
0.00/5 (0 صوت)

10-03-2013 06:31 PM
الله اكبر كدة الوضوح ولا بلاش نحنا عاوزين نسمع كلام يحرك السكون ويشحن العزائم ويخلي الشارع يغلي فوق راس الدمروا البلد.
كدة انت الستاذ.الفاتح جبرة الذي نعرفة الي الامام ولاجف قلمك من الابداع وبث الحماس في اهلنا الذين انتظروا هذة اللحظات الحاسمة للخلاص..............ولا نامت اعين المتملقين باسم الدين.
وعاشت اسماء شهداء سبتمبر نبراسا يزين وينير دروب الحرية والنضال.


#789115 [NAWRAS]
0.00/5 (0 صوت)

10-03-2013 06:24 PM
جبرة ونستبرأ ... من هولاء......

قال تعالي :( قَالُواْ يَا لُوطُ إِنَّا رُسُلُ رَبِّكَ لَن يَصِلُواْ إِلَيْكَ فَأَسْرِ بِأَهْلِكَ بِقِطْعٍ مِّنَ اللَّيْلِ وَلاَ يَلْتَفِتْ مِنكُمْ أَحَدٌ إِلاَّ امْرَأَتَكَ إِنَّهُ مُصِيبُهَا مَا أَصَابَهُمْ إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ )..

لا تلتفت إلى الوراء فيصيبك ما أصابهم...

صبراً جبرا...
فإن الصبح قريب...


#789114 [ابوبهجه]
0.00/5 (0 صوت)

10-03-2013 06:23 PM
جزاك الله الف خير
بالواضح المافاضح
لا تهتم لما يقول السفهاء


#789090 [عبد الواحد الميت من الاستغراب ولا معين!!]
0.00/5 (0 صوت)

10-03-2013 05:50 PM
والله يا جبرا نحن ما كنا عارفين إنو نفسك قصير للدرجه دى !!وهل تعلم بأنك المجاهد الوحيد المصر على مخاطبة رئيس عصابة الانقاذ بكلمة (السيد/رئيس الجمهوريه وتسأل عن ما تم فى شأن تنفيذ توجيهاته؟!!) وهل مشكلة البلد والفساد المحيط بيه مقصور فى خط هيثرو ؟ من فضلك يا الفاتح جبرا إذا ماكنت عايز (الجداد الالكترونى يهبشو كرامتك الاتبعترت!!) خليك مع الزمن على رأى الراحل رمضان حسن وشيل طوبه ولا كريزه وأبحث معنا عن كافة المفسدين الخلو البلد (خلxخل)والظاهر عليك دخلت مخزن من زمن خط هيثرو وما طلعت منو وما مواكب جديد الفساد!!وكأنك ما متابع معانا مسلسل الاستاذ/عبد الرحمن الامين وكشفه لفساد مصحوب بالمستندات يهون دونه مليون خط هيثرو!!وهى جنس (جلبطه ولخبطه)وبعد ده بيقولوا لينا خليكم مؤدبين وعاينو ساكت ...ولا... كلمه!! وطبعا ترانا ساكتين ساكت وعشان أحفادنا ما يعايرونا ويصمونا بالجبن فكرنا وقدرنا وقلنا لابد من حيطه قصيره(نفش فيها غبينتا)ولازم تستحملونا إذا كان ده قدركم وأحمدوا الله بأننا لم نصفكم يوما بقلة الآدب لاسمح الله حتى يأذن الله وينزل رحمته علينا وعليكم!!.


ردود على عبد الواحد الميت من الاستغراب ولا معين!!
[الفاتح الجاركوك] 10-04-2013 04:31 PM
فعلا يا جبرة يجب تغيير كسرة خط هثرو لان الفساد طال كل شىء وبعلم من تدعوه بالسيد والرئيس ولا هم سيد ولا رئيس


#789087 [مهموم بالوطن]
0.00/5 (0 صوت)

10-03-2013 05:44 PM
يا استاذ جبرة لك التحية و الاحترام , فالكل يقرأ مقالك لما فية من قوة الكلمة و صدق التعبير وقوة المنطق و حملك لهموم هذا الشعب المكلوم المهموم فلا تشغل بالك بقصيرى النظر و ضعيفى المنطق .


#789028 [تينا]
4.75/5 (3 صوت)

10-03-2013 04:37 PM
أتفق معك تماما أخوى الفاضل ((( وضح ... أبن ... أفصح ))) ولكن أريد أن أوضح فى الجزء الذى يخص تأخير أستاذنا ((( جبرا ))) من الكتابة فى الموضوع الدائر الآن
من خلال متابعتى لمقالاته لاحظت أنه لا يكتب عن الحدث فى لحظته كبقية الكتاب وهذه الخاصية تفرد بها دونهم وكنت استغرب فى تأخيره دوما ولكن عرفت السبب من خلال واحدة من مقالاته وذكر فيها أنه دائما يتريث حتى تتضح له الصورة النهائية ثم يكتب عن رأيه فقد يكون هذا هو السبب أخى الكريم وليس شيىء اخر والله أعلم . أقول لأستاذنا ((( جبرا ))) ولا يهمك وقراءك يعرفونك جيدا وامسحها لينا فى وشنا ونرجوك الا تزعل لأننا نعرف منك أنك مصاب ببعض الأمراض التى لاتحتمل الزعل فتمرض وتحيرنا ونحن نحتاجك وخلى بالك من صحتك وربنا يوفقك ويسدد خطاك ودمت بخير وعافية . تحياتى لكما


#788994 [أنور النور عبدالرحمن]
0.00/5 (0 صوت)

10-03-2013 04:11 PM
أخونا الفاتح جبرا , جبرالله كسرنا حميعا فيما أصابنا في وطنناوالرحمة والخلود لشهداء ثورة سبتمبروالتحية لكم وموقفكم المبارك في هذه الملحمة التاريخية العظيمة ودوركم البارز وأقلامكم الشجاعة الناطقة بالحق والتحية لكل الابطال مثلك .. لقد صبرنا ردحا من الزمان مع معاول الانقاذ وهي (تحكم فينا بالدايرو) من دمار وتشريد وإقصاء وفصل ونهب وترهيب وابعاد وسجون وشجون وآخرها رصاص تطلقه الانقاذ في صدور الجوعى والمرضى المسحوقين - لماذا ؟؟؟ يقتل الجائع ويقتل المريض طالما لم يقتله المرض ولم يقتله الجوع ... قتلته بالرصاص لتريحه للأبد من الجوع والمرض طالما استثمر وزير المالية الفاشل تصدير الاطباء لدول الخليج حتى يدر بالاموال لخزينته الفارغة واقتصاده المنهار - لقد كتب نظام الانقاذ البائد لنفسه شهادة الوفاة فهو الآن جاثم كالمرض الخبيث في صدر الوطن ولا بد من استئصاله هل يسمع البشير أم به صمم ...فقد حان وقت الظعن..فإن كنت فارس أما آن للفارس أن يترجل... ويترحل ... نحن السودانيون كرامتنا لا تدعنابأن يتم محاكمتك خارج السودان ... ساعدنا وسلم السلطة بسلام وأمن ولك محاكمة عادلة في بلدك إن كنت وطني ولك الخيار والثورة الآن على نار هادئة ... لن تنطفيء ( الشعب السوداني صانع ومعلم وأستاذ الثورات .. لم يتعلمها من الربيع العربي ولكنه معلم الشعوب يصنع من فقره وجوعه ومرضه وصبره وصلاته وتسبيحه قوة يخسف بها الله الطغاة والله مع الصابرين - هل يستجيب البشير أم لا زال يربد التشبث بالسلطة.


#788977 [سودانى منفرج الأسارير]
4.50/5 (3 صوت)

10-03-2013 03:57 PM
انت من اليوم اصبح لدينا اسمك "الواضح" جبرا .. ما قصّرت ما يقصرن ايامك.. وضّحت وبينت واتبينت .. بس اكتر مما يجب.. وما كنت محتاج للتوضيح دا كووووللو.. أها عشان ما ننسى لازم نعرف الحقيقه .. ال حقيقه!! اللى هىّ انّو وعن كونو و"نعمنّو" وكما هو معلوم "الشي ان فات حدّو انقلب الى ضدّو" ..أها دا الحين انت بقيت واضح اكتر من وضوح الشمش فى رابعه "العدويه" .. ودا الخلانا عنك نقول قبل ما يرجى عمرنا الحول ان موقفك من شدة وضوحو زادت "ضبابيتو" واصبح محتاج الى مزيد من التوضيح.. بس مشكلتك ستظل اكبر من القائمه الزاويه ام 180 درجه انك كلما حاولت توضيح موقفك اكثر الى ان توافق على تغييرو من الواضح الى الوضاح برضو ضبابيتك تظل تزداد وتنداح اضطرادا الى ان يخرج سم الخياط من الجمل اللى حيفوت مع اللى عايزين اسقاط النظام من ابواب "الحبيب الرمز" ... او كما قال!!! واهو كوووللو كلام فى كلام وما حدش واخد منها حاجه ..


#788960 [الغريق في وطنو]
0.00/5 (0 صوت)

10-03-2013 03:41 PM
أكيد الجداد الالكتورني راكب من محطة هيثرو


#788954 [دعصام الدين بشير]
5.00/5 (2 صوت)

10-03-2013 03:34 PM
والله ما عارف اوضح منك الا يكتبوا علي جبهته كسرة وكسرات مضايقة الجداد الانو دايرين يسوا السبعة وزمة وما في زول يسال .بالله عليك الكسرات دي سويها في بداية المقال لانو البهمهم الامر ما بيصلو لنهاية مقالاتك احسن تكتبها ليهم عديل بعد العنوان ولك التحية يا استاذ ما يهمك خفافيش الدجي .


#788902 [kariba]
5.00/5 (1 صوت)

10-03-2013 02:59 PM
شوف ياجبرا حنقلب النظام دا وحنخليك رئيس للبلد الهاملة دي
اصلو نحن الايام الجاية دايرين لينا رئيس


#788899 [أسد النيل الصافي]
5.00/5 (1 صوت)

10-03-2013 02:52 PM
والله ما واضح
صدقني ما واضح

cloudy
dull
foggy
fuzzy
indefinite
indistinct
nebulous
unclear
vague

الجماعة ديل ما فاهمييييييييين
ديل جداد


#788871 [تان]
4.50/5 (2 صوت)

10-03-2013 02:27 PM
تحيه لك أستاذنا الدكتور الفاتح وأنت من المدافعين بشده عن الأنسان والأنسانيه وأهلنا قالو العارف عزو مستريح وسيبك من الجداد والقمل والجعارين الألكترونيه ويكفينا سخريتك اليوميه علي الباطل


#788865 [aaaaaaaabu Abdo]
5.00/5 (1 صوت)

10-03-2013 02:24 PM
tasslaqm ya astaz you are truth man in time being seid of the thruth unque action


#788862 [عمر حسن احمد]
5.00/5 (1 صوت)

10-03-2013 02:20 PM
تأكدت الآن تمامآ بان جداد ابليس و ذوي الفهم المحدود قد نال مراده بشل تفكيرك و اخراجك عن طورك .. لدرجة ان تشك في نفسك.. و هذه نظرية امنية معروفة باستفزاز الخصم للوصول لما تريد ..

الكل يعرف من هو جبرا .. دمت شامخآ يا نصير الغلابي و مانح البسمة في زمن عز فيه الضحك و لو علي سؤ حالناالمبكي .. دعهم في غيهم يرمونك بالحجارة و سفيه القول.. و كن كعود الصندل يحترق ليسعد الآخرين ..

متعك الله بالصحة و العافية و دمت ذخرآ للوطن .


#788861 [الغريب عن وطنو]
4.00/5 (1 صوت)

10-03-2013 02:18 PM
استاذنا الجليل الفاتح ...
طبعن انت سيد العارفين انو كل زول بيفهم على حسب همو والناس اللي ما فهمت مغزى المقال الفات ده تحديداً دايرين ليهم فهامة المانية ... احبابك ومعجبيك فهمو قصدك وما كان في داعي ابداً للوضوح ده فاللبيب بالإشارة يفهم وقليل دائم خير من كثير منقطع .. هسي ح يجو الجماعة ويوقفوك من الكتابة وتبقى علينا ميتة وخراب ديار ..
لك العتبى حتى ترضى استاذ الفاتح فالكلاب تعوي والقافلة تسير ..


#788851 [محمد على]
5.00/5 (1 صوت)

10-03-2013 02:11 PM
اخى الفاتح نحن نعرفك جيدا انت معدن نفيس ونظيف من فساد الاخان هولاى مصرهم معروف الجحيم لانهم فاسدين (اخوك محمد على


#788838 [radona]
5.00/5 (1 صوت)

10-03-2013 02:02 PM
بالواضح يااستاد جبرة
والله كل ماكتبت حقيقة ترى بالعين المجردة : الفساد اعترف به راس النظام الرئيس البشير ثم عاد وانكره وطلب ان يتقدم ببينة كل من يعرف شيئا عن الفساد وهو ما مستعد تقديم الناس كبش فداء باسم الفساد .. يعني موضوع الفساد شرب موية بمافيه خط هيثرو والحج العمرة الاوقاف التقاوي المبيدات الفاسدة سودان لاين شركة الاقطان وزارة الرعاية الاجتماعية وجوكية البنوك ومن يقف خلفهم والدين يجنبون الايرادات ويطردون المراجع العام من مراجعة حساباتهم والدين يحصلون خارج اورنيك15 او بنمودج منه .. والشكوى لله
كما بالواضح
ان ثورة الاحتجاجات على زيادة الاسعار(رفع الدعم بالحكومي) قد انتهت فعلا بعد انزال الجنجويد لشوارع العاصمة لممارسة اعنف انواع القمع .. كما ان الشعب قد خرج للشارع ولكنه لم يجد تلك الاحزاب لتنظيم الثورة واعتقد ان الزيارات التي قامت بها الحكومة على رؤساء هده الاحزاب قد رتبت كل الامور بالاتفاق التام على السيناريو والدي صرحت الحكومة بانه لا يعدو كونه احراق لستك لستكين وهدا كل ما يستطيعه الشعب المقهور
بالواضح كمان
الان قد انتصرت الحكومة على الشعب واقعدته تماما لم يتبق الا ان نخاطب ضمير الحكومة ونستجديها بان يتم تخفيض الزيادات في الاسعار لان الشعب الفقير لن يستطيع الحصول على طعامه ودوائه تحت شدة الغلاء الحالي فضلا عن موجة الغلاء القادمة التي ستحول 97% من الشعب السوداني الى حد الكفاف ولربما التسول
بالواضح كمان
نرجو من مسئولي الحكومة النزول من فارهاتهم البيضاء والسوداء دات الكندشة الرطبة والتي تسير في الشارع بسرعة وتحيطها سيارات امامها وخلفها فتحجب عنهم رؤية وجوه الشعب الجائع المريض فقط ندعوهم فقط ليوم واحد ان يسيروا بين الناس ليروا ما بالناس
وبالواضح كده
النظام هدا لن يتغير من الداخل ابدا كما يبدو يبدو ان الله قد اشتد غضبه جدا وقد ياتي التغيير من حيث لا تختسبون ويمكرون ويمكر الله والله خير الماكرين


#788824 [علي]
0.00/5 (0 صوت)

10-03-2013 01:56 PM
لكن يا عم جبرا بالرغم من محاربتك ونضالك الطويل ضـد هذا النظام الغاشم الفاسد ما حصـل سـمعنا يوم واحد ولو بالغلط انهم اوقفوك من الكتابة او منعوا لك مقال واحد من النشر فلماذا ياترى؟؟؟ أليس في هذا ما يدعوا الى العجب العجاب؟!!!!!


ردود على علي
[حسن سليمان] 10-03-2013 05:03 PM
اه تاااااااااااااااااااااني جداد الكتروني وهتيفة النظام السابقين المركبين ماكينة ثوريين ... العجب كوز مثلك وبتاع هي لله هي لله ولا للسلطة ولا للجاه عايز يوزع للناس صكوك غفران .. والله ايام يا زمان

[أبوالكجص] 10-03-2013 03:50 PM
أنا أجتهد في الرد على إستفسارك. الفاتح جبرا لاتستطيع السلطة إيقافه عن الكتابة لأنه بدأ مواقفه نحو العبس والفساد الذي مارسته السلطة بوضوح وبأسلوب ذكي يوازن بين السخرية والموضوعية وهو مصنف من السلطة بأنه مستقل ولاينتمي إلى حزب سياسي ومعروف أن السلطة لها عدائية مفرطة نحو الصحفيين والإعلاميين الذين يصنفون باليسارية أو العلمانيين كما يطلقون عليهم كما أن السلطة لم تتمكن من شرائه لأن الذين تم شراءهم من الصحفيين، وبعد أن قبضوا الثمن وصاروا يلعبون بأذيالهم (مره تطبيل ومرة نقد للحكومة) هم من يوقفون عن الكتابة تأديباً لعدم إلتزامهم بشروط الشراء أو (الكروة "من يكري") هذا بالإضافة إلى أنه يتمتع بشعبية كبيرة وسط الكل شباباً وشيوخا والحكومة دي بتعمل حساب لمن لهم شعبية (مش هي نفس الحكومة التي استجابت لضغط محبي الفنان الراحل محمود عبدالعزيز عليه رحمة الله لنقله للعلاج بالخارج وعندما توفي وحاولت منع الشباب من استقبال الجثمان كاد الشباب أن يفتكوا بها؟)


#788815 [اللورد]
0.00/5 (0 صوت)

10-03-2013 01:44 PM
كفييت وو فيت ...... عوفيت يا جبرة


#788793 [azhari]
0.00/5 (0 صوت)

10-03-2013 01:26 PM
يا استاذ.... سيبك من أى تعليق غير سوى.. لانو صادر من انسان غير سوى... حاشاك من الرمادية وحاشاك من انك تمسك العصاية من النص وانت اصلا ما محتاج توضيح عشان نحن عارفنك .. عارفنك.. لا من الليلة لا من امبارح.. سلمت يداك وسلم فكرك وعقلك... ودة يا استاذ (جداد اليكترونى فاسد)


لك العتبى حتى ترضى باسمى واسم كل الشرفاء البتابعوا مقالاتك وبنفعلوا بيها...


#788786 [Nancy]
0.00/5 (0 صوت)

10-03-2013 01:18 PM
نحن عارفين وواثقين أنت أوضح والفاسد واضح لم يداري فساده وما تزيل به مقالاتك عن خط هيثرولسنوات شاهد إثبات كلنا ننتظر ذاك اليوم .. أنت لن تساوم ولو منحوك الذهب! والله أنت ورفاقك تضخون الأمل في قلوبنا وتضيئون عتمة الأفق .. نسأل الله بكل حرف سطرته في حرب الفساد يكون لك كجبل أحد في ميزان حسناتك ..اللهم أنشر الرعب في قلوبهم وأقلق نومهم وزغ أبصارهم.. اللهم إقتلعهم إقتلاعاًوأجعلهم عبرة لمن يخشى.. اللهم بعزتك وجبروتك أرنافيهم يوماً قريباً انهم لا يعجزونك ..


#788740 [كروري]
5.00/5 (1 صوت)

10-03-2013 12:47 PM
يكفيك و طنية يا أستاذ خط هيثرو الذي ظللت تكتب عنه كحق من حقوق الشعب السوداني الضائعة حتى قلنا ليته سكت.

من منبرك العامر هذا أدعو الناس الكبار أن يحذو حذو الشباب الصغار الذين قدموا حياتهم في سبيل الوطن و ما أجمل الموت في سبيل الوطن.


#788729 [عزالدين حسن محجوب]
0.00/5 (0 صوت)

10-03-2013 12:39 PM
أخي الكريم / الفاتح جبرا ... تحية طيبة ،،،
ما كان ينبغي لك أن تضيّع زمنك وجهدك في الرد على هؤلاء .. بل كان الأجدى أن تقرأ لهم قول الله تعالى :
أعوذ بالله من الشيطان الرجيم
{وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا}
صدق الله العظيم


#788713 [dik]
0.00/5 (0 صوت)

10-03-2013 12:24 PM
لماذا لم تعلق قلمك تضامنا و اسواة بشرفاء المهنة الذين توقفوا عن الكتابه منهم من اوقف عنها عنوة بامر النظام و منهم من اضرب عنها حتي تكفل له و لغيره الحريات

بيييييع في الكلام بييييييع كلو حقو مدفوووووووع


ردود على dik
United States [Fato] 10-03-2013 08:18 PM
الجداد قام يكاكى.والله ياسفهاء القوم ده ما بحلكم أبدا مننا فالأخ جبرة لا نزايد على وطنيته وما هو الشخص المشترى مثلكم ويومكم قرب وبطلوا الجرسة فأبناء وأخوان جبرة مادين فى طريق الثورة وسنقتلعكم من جذوركم ونرميكم فى مكبات الزبالات لأنها مكانكم الطبيعى.

[الكتاحة] 10-03-2013 03:38 PM
ياديك التوقف عن الكتابة دا الهدف البسعى ليهو جماعتك الطيبين ,الأجدى تكتب وتكتب وتضيق عليهم الخناق الوقت داك يفقدوا المنطق ويعملوا فيك جهلهم أيقاف الى أجل غير مسمى وتكون وصلت رسالة أبلغ من المقاطعة.


#788695 [وضح... أبن... أفصح]
5.00/5 (1 صوت)

10-03-2013 12:16 PM
طيب... فيما يخص موقف أخونا جبرة... فجبرة إنسان (عاقل) بصورة زيادة شوية... فبنحني وقت هبوب العاصفة بسرعة عاتية... وبتخير الأوقات (الأكثر مناسبة) لعرض آراءه... وكمان الأراء المعروضة دي بتتكيف ألفاظها وحروفها على حسب الموقف... ما عايز أقول عليهو هو إنسان فيهو شي من (الانتهازية)... لكن كمان صراحة في مقالو السابق كان أفضل ليهو إنو يواصل سكوتو... لأنو في الأساس اتأخر شديد وبصورة ما هي مقبولة في إبداء رايو... وفوق لي دا جاء رايو بشكل فيهو ضبابية تصدم... الكلام ده بنقولو ما دعوة للتعبير المصادم ولا التعبير الداعي للفتن... لكن تحميل كل مقام مقالو البيستاهلو وفي وقتو بيكون هو الشيء المناسب والمقبول.
ففي جانب تاني احتمال يكون سبب في تأخر أخونا الفاتح في الكتابة بعد بداية الأحداث... فبتمنى إنو السبب ده يكون هو فعلاً السبب الأخرو والخلاهو يكتب بالتعابير الكتبها... ومن وجهة نظري إنو السبب هو إنو جزء كبير من الداعين لتغيير الحكومة بيتبنوا شعارات قبيحة وصادمة... منها ما هو معارض لوجودية فئات كبيرة من الشعب السوداني... يعني وبصريح العبارة دعوة لإزاحة العرق العربي من قبل العرق الأفريقي... فده هو السبب البيخلي العرب ما يتفاعلو بصورة حاسمة وكبيرة مع الأحداث... خوفاً على هوية الدولة اللي (وللأسف) لبستها الحكومة وجعلتها جزء منها... يعني تشيلوني وتسقطوني بتسقط معاي الهوية السودانية والدولة بمعناها الواسع... فيا أنا أو الطوفان... فالوضع معقد... لا نحن راضين بوجودهم واستمرارهم... ولا كمان بنقبل بي اقتتال أهلي متخيلين أحداثو في أذهانا بصورة رهيبة... وبتكون نتايجو لا راحة للعرب ولا للأفارقة.
فيا أخوانا... ثورة في وضع زي ده وبصورتها دي بتكون نتائجها خطيرة ومدمرة... لأنو ح تتفقد أهم مقوم من مقومات النسيج الاجتماعي... وهو الثقة بين القبائل... وبنتج من فقدان الثقة دي هوايل ومجازر... فالناس حقو تبعد من الشعارات الكنا بنكتب ونعلق عليها قبل فترة طويلة إنو نتائجها ما في صالح أي طرف... وكان أصحابها والمتعاطفين (بجهل) معاها بيقيفوا في وشنا مواقف عنصرية وجارحة وسادرين في غيهم... لدرجة إنو الناس العاقلة انزوت وبعدت وتركت المجال لأصحاب العقول الضعيفة... فالآن جات الحاجة للتكاتف مع بعض من أجل السودان وإنقاذو من الإنقاذ... فكيف ح يكون في تعاون وتكاتف في انعدام الثقة... خاصة إنو لسع في كتير من الكتاب والمعلقين بيرددوا في نفس النغمات العنصرية القديمة؟.


#788670 [متوكل]
5.00/5 (2 صوت)

10-03-2013 12:03 PM
والله يا استاذ اوضح من كده مافى .مع العلم بانك لا تحتاج لهذا التوضيح...وانت ارجل راجل ولا يهمك اى مواطن تعبان ومسحوق واثق منك ...سير ولا يهمك


#788626 [المظلوم السوداني]
5.00/5 (2 صوت)

10-03-2013 11:31 AM
يا ريت كل الكتاب يكونوا واضحين كده ...


#788618 [الغضنفر]
3.00/5 (4 صوت)

10-03-2013 11:29 AM
معقولة يا استاذ جبرا ناس باعوا ضمايرم و كرامتم من أجل المال و الجاه يخلوك تنفعل كدا؟؟
لا.. لا...
أرجو أن لا تلتفت إلى ما يكتبه هؤلاء السفلة. إن انتقدك شخصٌ واحد في المليون ، فثق بأنّ 999.999 شخص من متابعي قلمك الجرئ المسكون بهموم الوطن و المواطن يضعونك في حدقات أعينهم.

زي ما قال أحد المعلقين المحترمين أعلاه ، امسحها في وجوهنا


#788617 [سامية سعيد]
5.00/5 (3 صوت)

10-03-2013 11:28 AM
أستاذنا. الجليل. جبرا. أمسحوا. لينا. في. وشنا. وتسلم. انت. من. الرمادية. والخطوط. الالتوايية. ،،،. لكن. يا أستاذ. الفهم. أقسام. وكل. العلل. بتداوي. إلا. علل. الارواح. فهؤلاء. أرواحهم. معطوبة. لا يرجي. برءها.


#788608 [nasr]
5.00/5 (1 صوت)

10-03-2013 11:19 AM
أنا أحد الذين أقلقهم غيابك خلال الفترة الماضية وفى وقت كنافيه فى أشدالحاجةلظهور مقال لك وأعترف بأنى أتهمتك بأنك بالفعل كنت مستشارا للتنفيس .......كماذكرت ذلك فى أحد مقالاتك متهكماوأرسلت لك خطابا فى الايميل بذلك ولكنى أعترف لك مرة أخرى يا أخى الفاتح اذا كنت أنا أرى فى داخلى شحنات من الوطنية فأنت وأجزم بذلك أكثر منى حبا للوطن وأكثر منى شجاعةويكفى ما كتبته اليوم ..........لك اعزازى وتقديرى


#788599 [ابو مازن]
5.00/5 (1 صوت)

10-03-2013 11:12 AM
الاستاذ جبرا لك التحية . ظللت لمدة طويلة متابع لكتاباتك ومرات كثيرة كنت ادخل الموقع لاقراء مقالك واخرج مباشر . كنت اكلم نفسى ممكن ان يتغير النظام وينصلح الحال ونبنى دولة حقيقية ونطور انسان السودان ولا دا حلم .. لكن اخيرا اصبخ الحلم وااااااااااضح جداّ
لك التحية والتقدير
انت سراج الكلمة

اخوك واحد من الغبش


#788594 [على كرار]
5.00/5 (1 صوت)

10-03-2013 11:09 AM
أخى جبرا يا رائع
تسلم يا اخى من نقنقة(صوت الدجاج بالفصحى)صيصان ديك العدة العوير,الواحد فيهم تلقاه آخر شياكة بدلة و كرافتة و تحت البنطلون سروال أبو تكة، دوس على ألأبنص للآخر و خلى الجرابيع وراك،ونحن نستاهل الخليناهم قاعدين 24 سنة،لكن خلاص كتمت و مافى رجوع إلا بعد كنسهم و مشروع ألإفك بتاعهم إلى الكوشة.


#788592 [كسوفو]
5.00/5 (1 صوت)

10-03-2013 11:08 AM
والله موقفك واضح يا ابن الاكرمين


#788583 [الكتاحة]
5.00/5 (1 صوت)

10-03-2013 11:03 AM
أشهد على وطنيتك وشجاعتك ويأمل زبانية السلطة في أسكات أصوات الحق والتشكيك في أنتمائهم لجماهير الشعب ولكن هيهات فليست كل الضمائر ميتة ومن كان سعره الشعب لايشترى,لك التحية والوفاء.


#788552 [كاره الكيزان محب السودان]
5.00/5 (1 صوت)

10-03-2013 10:47 AM
نحني لك الهامات حبا وتقديرا أستاذنا الفاتح جبره.

الذي يدعون موقفك بالرمادي لم تكن إداعاءا تهم بل كانت أمانيهم لأن ما كنت تكتبه لا يحتمل الشك والغموض فأنت مثلي ومثل كل سوداني مسلم غيور على دينه ووطنه تكره أزلام النظام وعصابة الجبهة الاجرامية البغيضة التي لعبت بالدين ومزقت الوطن.

لم يكن يوما من الأيام موقفك رمادي من لصوص المؤتمر البطني وعصابة الجبهة الاجرامية، فقد كانت كتاباتك تفضح فسادهم وسرقتهم لأموال الشعب السوداني البطل الذي خرج ليقول للسارق قف! فإن النسر ينطفد بعد أن أثخنته جراح القدر والخيانة وآلة أمنكم البغيضة.


لك التحية يا أستاذ/ جبره، وأنا أقترح أن تكون كتاباتك منذ اليوم تحريضا صريحا للشعب لمواصلة الثورة المجيدة.


#788545 [رحّال]
5.00/5 (1 صوت)

10-03-2013 10:42 AM
هون عليك أبا يوسف ... متابعيك يعرفون موقفك ويلتقونك كل صباح هنا أو في جريدة الخرطوم أو في كل المنابر التي تتلهف على توصيل كتاباتك لقرائها .... فكن كما أنت وهذا محل إعزازنا


#788542 [الجمبلق]
5.00/5 (1 صوت)

10-03-2013 10:41 AM
يا استاذ هؤلاء الذين اساءوا اليك انما هم امنجية امنجية مواقع الكترونية ولذلك لاتهتم بهم ولك منا كل التقدير انت ايقونة فى سماء السودان دائما مناصر لقضايا الشعب فلا يهمك ما يقوله هؤلاء المهطرقين .دمت ذخرا للسودان .ظروف بتعدى وما تهتم للايام . رحم الله شاعرنا عوض جبريل


#788540 [المؤمل خير]
5.00/5 (1 صوت)

10-03-2013 10:40 AM
البشكك في وطنيتك وشجاعتك الصحفية فعلا جدادالكتروني والمفروض ماترفع ضغطك عشان هرطقات فاضية...ربنا يكثر من أمثالك ويوفقك.


#788526 [الحاوي النقرابي]
4.00/5 (2 صوت)

10-03-2013 10:33 AM
حبيبنا جبرا لك العتبى حتى ترضى نفيدكم نحن الشعب الفضل نعرف جيدا صليحنا من العدو وحاشاك مما نسب اليك زورا وبهتانا نحن قراءك نحس بنبض كتاباتك التي دائما ما تعبر عن وجدان وتطلعات السواد الأعظم من الشعب ، بارك الله فيكم وجزالكم الله عنا كل خير ودمتم 0


#788524 [الراجل]
1.00/5 (2 صوت)

10-03-2013 10:33 AM
امثالك يقتاد على دماء الابرياء ببطولة مزيفه وامثالك وامثال جراهم لايخدعون ولايغبشون الوعي تبت يد المخربين والتحية للشعب السوداني


#788514 [algazaly]
5.00/5 (1 صوت)

10-03-2013 10:28 AM
كترخيرك للتوضيح الشعب اصبح لا يحب اللون الرمادي


#788510 [اياد احمد]
5.00/5 (1 صوت)

10-03-2013 10:25 AM
يسلم قلمك يا أستاذ وكلو حسب نيتو


#788494 [ابو الهول]
5.00/5 (1 صوت)

10-03-2013 10:14 AM
عزيزنا ود جبرا ...
ياخي نصيحة من عمك ..اكتب ...اكتب وما يهمك الجداد ..خليهو يكاكي يكاكي لمن يبيض
اكتب ياخي ومايهمك ...وارجو ان لا ترد عليهم لانهم دايرين يشغلوك وبس


#788485 [التويجري]
5.00/5 (1 صوت)

10-03-2013 10:08 AM
ينصر دينك .مافي واحد يقدر يشكك في نزاهتك دي سياسة الفاشلين التنقيص من قدر اصحاب المبادي انطق بالحق وانتظر الاجر من الله لا من فرد.قلمك يفرحنا ويدخل الأمل في قلوب البسطاء ربنا ينصرك علي الظلمة وبايعي الضمائر والمواطن والدين


#788481 [البعير]
3.50/5 (2 صوت)

10-03-2013 10:05 AM
الله واكبر انك رجل شجاع


#788479 [khalidal m Ali]
5.00/5 (1 صوت)

10-03-2013 10:05 AM
بالواضح استاذ جبرا دى وقت شحذك وباقى الاعلامين لتوحيد الشعب فى الخروج بجماعات وكتل لاسقاط السفاح فى يوم الجمعه 4 اكتوبر لوضع نهاية فلم الرعب الكرتونى وانت من وين حتطلع وما احب هتاف اليك صدح به الشباب خلال مظاهرات الاسبوع الفات ؟


#788477 [محتار والله]
5.00/5 (1 صوت)

10-03-2013 10:03 AM
لك التحيةاستاذ انت قامة سامقة في فضاء الكلمة السوداني وعرفناك تحمل كل الصفات الكريمة والنبيلة. وعلي قولك امكن الناس العلقو ديل يكونو المندسين زاتم.


#788473 [gomma gamma]
1.00/5 (2 صوت)

10-03-2013 10:01 AM
يا زول انت مطليش ومودر او راح ليك الدرب انا قلت لك قبل ذلك فى عدة تعليقات ان خط هيثرو شااااالتو السيول و الامطار و لجنة التحقيق عند ما بدات عملها قررت ان تبدا من لندن عشان يلمو ليهم شوية دولارات و الشكلة الان هم انقطعوا فى لندن لان الدرب راح ليهم معليش اقصد الخط وعملو نايمين طالما النثريات ماشة انشاء اللة تكون فهمت ولى عاوز ليك فهامة


#788467 [عنيد]
1.00/5 (1 صوت)

10-03-2013 09:59 AM
كلامك حلو يا استاز 00 لاكن علاجك وصل مناخر شويه ممكن يعالج وممكن لا كنا خاتين فيك العشم


صفحة 1 من 212>
الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة