(وثبة شعب)
10-03-2013 05:50 PM



كان سبتمبر الليلة لذكرى القرشي فينا يعيد
سجل تانى يا تاريخ ميلاد فجر طل جديد
***
وفينا الليلة سبتمبر قصة ثورة شعبية
شباب خايض لهيب النار وما خان شعبو في قضية
كل اشواقو واحلامو شعبو يعيش في حرية
***
دي قصة شعب اتقدم وكان في الفجر ليه عشم
حلفنا يمين حلفنا قسم
ما بنرجع شبر واحد لو يصل الركب دي الدم
***
جموعنا الهادرة تتقدم تزف للخلد الف شهيد
لا خايفين من الرصاص ولا هامينا نحنا وعيد
جدودنا الفاتوا ختو الساس وقالوا الموت عشانك عيد
نموت بالجملة يا وطنى عشان الباقى يحي سعيد
***
فى درب سنهورى نمشى عديل ابدا عنو ما بنحيد
نقوموا جماعة يا اخونا نخت الايد دى فوق الايد


لابد لينا من وثبة نحطم فيها نحنا القيد
عشان الشال حقوق الناس لعرشو فى ثانية نحنا نبيد
***
سلام يا شعب راقى نبيل سلام ياشعب وصفوا فريد
فيك غنيت وليك دوبيت وفيك سطرت احلى نشيد
محل فخرى ومحل عزى وانت بيك يا شعبى اشيد
تهتف بحياة وطنك ونصرك حتمى شايفو اكيد
لو كان في الثريا هناك منالو عليك قريب ما بعيد
تلقى الدايرو فى مرادك والعاداك اشوفو طريد

مهداة الى صديق العمر : عمران بالمهجر والي جماهير الشعب السوداني الحبيب وللذين قدموا ارواحهم فداءا لهذا الوطن فخضبت دماءهم ترابه فكانت مهرا للحرية والديمقراطية .
ولكم شكري وتقديري واحترامي
محمد جادالله ود ام علج البقاري

[email protected]


تعليقات 0 | إهداء 0 | زيارات 976

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد جاد الله
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة